منتديات قصيمي نت - سجل حضورك بأي شي

ذكرت الله سبحانه رحيم ويرحم اللي مـــات
خلق آدم ومن طين نفخ والــــروح محييها

هجرت الناس ولحالي أخـآوي ليلي بحسرات
أراجع ذكريات الأمس مضى لي وقــت آخاويها

أبكسر لك من ضلوعي قلم وأرسم لك اللوعات
وعلى جرحي ابكتب لك عن الدنيا وامانيها

رجيت الشمس في لحظة غروب وطالت الساعات
وانا كني دقايقها واســافر فـي ثوانيــــها

مشاعر في بحر هايــج يتيمه من طرف أموات
وبحور العشق مهجوره من يحـدد شـواطيـها

مشيت وخطوتي ترسم شعور وصورة الهقوات
مدينة صمت والشارع محــطة دم وابنــيها

مع الايام والصوره رسمـت بريشـة المأسآت
من ألوان العذاب أرسم إســم دنيا ومآسيها

سألت دروبها عني سؤال وفي الاجابه مات !!
سؤالي لو سأل ميت جـوابه مـات مـاشيها

أنا وحظي بنينا قصور رمال وصرحها ما فات
رياح وشالت أبوابه وخـانت حـلم بانيــها

أنا إعرابي فعل ماضي لإسم غربه ألم وآهات
وأنا الحاضرواببني له مواجع كنت مخفيها

شربت من السكوت إحراج أجامل بأكثر الاوقات
ولقيت الناس طماعه وجزاة الطيب خافيها

سكوتي هو تسبب لي تحملت أنا الغلطات
أراجع واعتبر نفسي أنا الغلطان تاليها

أنا مسافر مع أيامي وارافق رحلة الساعات
وأبي صالة مطار اليأس أبجلس في كراسيها

أنا تجرحني الكلمه أفكر بأبسط الكلمات
وأسولف واشرح لنفسي واعاني قصتي فيها

دقيقه من عمر ساعه الى يوم عمر واوقات
من ايامي كشفت اني وقفت وقمت أقهويها

خلاص بسكن مدينـة صمت وأكمل هالعمر بسكآت
نهاية قصتي وادري مصير المــوت يمحــيهآ