|
كذا الجدات والا فلا...........يالبى قلبها
السلام عليكم ورحمة الله وبركاته في ايام خطبتي طبعآ بعد الملكه كنا نسولف مع بعض وكأننا نسرق خوف وتوتر عسى مايسمعنا احد(qq1)وتصيرمصيبه كله احترام فقط لرغبات اهلنا والاكيد ماكن مقتنعين في رأيهم الحين ياسلام على هيك امهات وجدات بعد الحاصل يالربع بعد ماتملكت الحين بنت اختي طبعآ على المكشوف يجيها ويسولف معاها الامر عادي جدآ الشي الي مو عادي الحين يوم قالت الوالده الله يخليها لنا لأمها الي هي اختي خليها تتفاهم معه على كل شي طارت عيونا مثل كذا (z) سويت نفسي مافهمت قلت لها وشلون يمه عيب... قالت :لا ابد مافيه شي هذاك اول الحين يسون الي يبون ويرتبون امورهم ياحسره على ايامي (h) سؤالي ماتلاحظون كيف تغير تفكير امهاتنا وطبعآ امي الحين جده بس متطوره (qq22) يعني ممكن يجي منهم شغلات بس الخوف انهم ينفلتون علينا بامور ثانيه وشلون عاد نقولهم لا عيب(a14) شاركونا فيه احد تتطورت عنده مثل هيك حركات(qq22)(qq22) |
نعم انا جلست معاه .. وشربني من العصير بتاعه .. بلا في شكلو (qq152) وكانت الماما هيا من تقوم بإقناعي فلما جاء قبل الدخله بأسبوع الصراحة مليت وقلتلو .. يالله غور (qq11) وماشفتو الا يوم زفافي وبارك الله |
مايحتاج تساؤل راح زمن العجايز والتفكير القروي تبدل ( غصباً ) على خشمه وتماشى مع زمن التقدم الحضاري الذي لابد منه ..انتظري سنوات قريبة وستجدي ان الخطيب يجالس خطيبته قبل الملكه سنين ومن مقهى لمقهى حتى يفهمون بعض اكثر ..وهذا المفروض ان يكون
المهم أنه مأخذ منكـ مقلب بس .. |
اقتباس:
هههههههههه شكله محووووووم كبدك يالاله ....كويس الى الحين وهو معاك احتسبي الاجر اذا كان لك عليه |
اقتباس:
ههههههههههههه |
والله يا حياتي في الرياض
كل شي الحين صار غير .. والمشكله لما تستنكرين او تمنعين بعض الحاجات تزعل البنت وتقول صديقتي فلانه كذا و خويتي علانه وما ادري ايش فلذلك المفروض اي أم عندها بنات و تخاف عليهم انها تكون حازمة معهم لأن التساهل في الأمور هذي غلط خاصة في هذا الزمن أول شي تكلمه وتتفاهم معه عى كل شي ثم تطلع معه ثم يحصل ما لا يحمد عقباه وقد سمعنا مشاكل كثيرة حصلت من جراء تساهل بعض الأسر في التعامل مع الخاطب والمفروض اذا كانو متملكين انو يكون بينهم تعارف بسيط ومكالمات ليتعرفا على بعضهما اكثر اما الخروج مع بعض والخلوة قبل الزواج :z060: والجده هذي مو متطورة الا منسمة ( وانتي يا لاله ..ما لك خاتمة .. الحين يشربك العصير و تلهطين عصيره بعدين تقولين بلا في شكلو لا ومليتي منه قبل الدخلة اجل ألحين ايش أخاف نقرا اسمك انتي واياه في صفحة الحوادث لو اني مكانه ما انام الا تحت وسادتي الساكتون .. خخخخخخخخ:SmileyBunny: |
اقتباس:
ياخوف قلبي يطلع العكس بس |
اقتباس:
:SmileyBunny: حرااااااام عليك مو لهالدرجة ساكتون .. اعوذ بالله ياشيخة .. هيا سكين صغيرة باس وموسين (a14) |
اما عن موضوعك انا لاأأيد ان تتكلم البنت مع خطيبها لأني اعرف بيت كان الوضع فري
وملوا من بعض ثم قالت طلقني (مالهن خاتمه) .. وتهاوشت هي وياه وتطالقوا .. .. اانا ان شاء الله خطيبي اشوف شكلها بس اما مكالمات ماكلمها إلا لما ادخل عليها وأبدأ افجر بركان الشوق امام عينيها .. |
اقتباس:
(a26) |
اقتباس:
وين عايش ؟؟؟ المفروض بعد الملكه يصير بس تفاهم ومكالمات على خفيف لأن هذا الوقت ينخاف على البنت اكثر من اول وبعدين مين الي ماخذ مقلب كنك ودك تنكت (q85)النكت في الشارع الثاني |
اقتباس:
|
اقتباس:
الله يقطع شيطانك ...الجده هذي امي يالله بسرعه اعتذري (a14) علشان اعلق على كلامك:whwhwh: |
اييييييييه ياحياتي قلبت علينا الموااجع ...(qq89)
صراحة ماكنت اتوقع امي الله يحفظها تتغير قناعتها ....الا اذا شفت اختي الصغيرة كل شئ تاخذه وتلبسه ..... في وقتي انا كان من المحرمااات ..مع انه منشر وموجود ..والحين كل شوئ اقول الله يرحم ايامنا ياماما ههههه تقول انتم غير والحين غير..>>> حسستني اني دينااصورة (q104) اقول لها لا لا..هذه بنتك وانا بنت الشغالة السريلانكية (g) وجدتي الله يحفظها اذا شافت علي لبس معين صرت خارجة من الملة وتتبرى مني..وتشهر فيني عند خلق الله (a14) الحين حفيداتها ..الثانيات ..تقول يازين اللبس عليتسن (qq11)>> حقدت |
اقتباس:
لا عاد فرررري طبعآ غلط بس لابد يكون فيه نوع من الالفه بينهم لاضرر ولا ضرار |
اقتباس:
طيب بدال هالسنين زي ماتقول الي يقضيها من مقهى لمقهى ليه مايتزوجها ويرتاح ليه العذاب بهالمقاهي ..يعني كل يوم يجي لمقهى والساعه بـ 3 ريال ..فرضن جلس 4 ساعات باليوم واضرب 9 بـ سنه ..كم يطلع الناتج !!(قلبتها رياضيات) بهالفلوس الي ينفقها بالمقهى امداه تزوج وخلف عيال وارتاح.. انا أخالفك الرأي لأنه غير صااائب |
اقتباس:
أي ألفه بالله عليك ..اقولك والله يمل منها وتمل منه ..خلاص تعرف تفكيره ويعرف تفكيرها ثم قد يكون لاتناسب تفكيره او لايناسب تفكيرها وتبدأ مرحله من إظطرابات ماقبل الزواج .. |
يوم ملكت ماقدرت أشوف زوجتي ولا اقدر اكلمها عن طريق التلفون تشديدات رهيبة من العائلتين ولكن يشددون على مين الحرمه مالها إلا حرمه مثلها قمت استعنت باحدى اخواتي على ترتيب لقاء مع زوجتي في بيتها ولكن فرحه ماتمت الحريم لا تعطيهم سر ولا تقولهم حاجه مادريت إلا امي عند رأسي تقول لي ياقليل الحياء وش تبغى ببنت الناس مايمديك تصبر لا تفضحنا بين العربان وعاد شوفي كيف كانت حالتي بعدين جلست متقوقع ومنهار في غرفتي الين جاء الزواج ونسينا هذه الأيام العصيبة ذحين بفكر في الزوجه الثانية علشان اعيش رومانسية الملكة شكرا حياتي في الرياض |
اقتباس:
(qq114) كلش عاد الا أمهاتنا الغاليات الله يخليها لكم يارب خلاص مو منسمة.. الا فلة ..:g8546: |
اقتباس:
ههههههههههه ياحبيلهم ياشمووووووخ امي تقول اشوى البنطلون استر عليكم وحده تقولي انا امي يوم جبنا ستالايت قومت الدنيا علينا وزعلت ولاتكلم اخوي ولاتجلس في المكان الي فيه تلفزيون وبعدها بفتره قالت لأخوي ياليتك تحطه في غرفتي يمدحونهويوم حطيناه ماصارت تطلع امي من الغرفه(a14) |
اقتباس:
حلوة .. اييييييييييييييييه ... طالعة من قلب :SmileyBunny::SmileyBunny::SmileyBunny: |
اقتباس:
اصلآ من قالك ان رأيه صائب تخيل شكل بناتنا |
اقتباس:
ممكن وجهه نظرك تكون صحيحه نوعآ ما ولكن اهل مكه اعرف بشعابها |
انتي تقولى اهل مكه وانا اقول اسئل مجرب ولاتسئل طبيب
اعرف لك بنت وشاب خطبوا بعض وكانوا يكلمون بعض ولكن صارت بينهم مشاكل وسوء تفاهم ثم تطالقوا .. انا معاك بالنظره الشرعيه انها لازم ولكن الاتصالات انا ضدها لما قد تخلفه من نتائج لايحمد عقباهاا |
(a14)
اقتباس:
:SmileyBunny: يازينه من عذر اجل تبي تعيش رومانسيه الملكه عسى الوالده بس عايشه عساها تدبغك بعد(a14) |
اقتباس:
الحين انتي كذا (q81)كلامك صحيح المفروض يكون فيه نوع من الحرص على البنات وعدم التهاوووون في كل ماهو جديد علينا وبعدين والله انتِ االي فللللله يالولا الامل مدري ليش اتعب وانا اكتب معرفك (a14) |
السالفه ضحكتني:SmileyBunny:
مادري ليه احس الدنيا انقلبت؟؟ |
اقتباس:
بس كل الي اعرفهم يحمد عقباه ...يمكن ماعرفو الحريه زين الي تعرفهم |
اقتباس:
الله لايلومها كنا فينا وبيانا فينا |
اقتباس:
آآفا عليك ياملكه... وينك في الدنيا ...منذو زمن مبطي منقلبه بس قولي الله يستر |
الف مبروك الخطبة والملكة لبنت الاخت ياحياتي :)
تبين الجــد والله الوضع الان يخوف لان الي حاصل بهالجيل بيتطور بالجيل القادم أكثر وأكثر !! يعني الان مكالمة وشوفة بعد الملكة .... الجيل القادم بيغير الافكار القديمة الي احنا نعيشها الان ! وبيكون مكالمة ولقى بالخطبة قبل الملكة :) العقل والتفكير السليم يجعل الامر نظرة شرعية فقط وان لزم الام اقل القليل من المكالمة والسوالف تحاشيء من الامور السلبية .... فيه الان مشاكل لقاء وبعدها سوء فهم وطلاق !! |
اقتباس:
لا اعوذ بالله ..الله لا يقلبها قولي فيه ناس انقلب تفكيرهم على بالهم تطور وحضاره وما دروا انه تراجع للخلف(zm) |
اقتباس:
الله يبارك فيك عقبالك كل شي يزيد عن حده ينقلب ضده ..وخير الامور الوسط بس في ناس مازالت متمسكه حتى الشوفه مافيه |
اقتباس:
اكيد انقلبت عقولهم بعد بس لابد من وجود ضوابط |
اقتباس:
اكيد قادعة معروفة ولازم ننتبه لهـــا عايلتنا الى الان شوفه مافيه ماكسر هالقاعدة الا كم شاب من الجيل القادم :) وتغير الفكر لكن الي علينا أننا ننبه ان الامر نظرة شرعية فقط .. |
اقتباس:
مابعــد صرت عادل إمام والله يعين المبتلي ويصبرهـ بس ..الشارع الثاني خابره تقاطع مايصير فيه تنكيت |
اقتباس:
|
ايه ياحياتي شفتي كلش تغير
اول عيب وليه ... والحين كلش علنا (q104) التلفون اول صرقات والحين بلاك بيري .. وعشيات برى يالله كلن يعيش يومه ويعيشها بحلوها ومرها |
هليل بصراحه قلت اللي بخاطري اقوله ههههههه
|
زمــن أول تحـول
لو رجعتـــى لعشر سنيـن وراء تلاقين كل شيء عيب عيب عيب والحيـــــــــن مافى شيء اسمـه عيب انمحت هالكلمـة ماعاد سمعـت احد يقولهـا ههههههه . . انتبهـى ياحياتى لاتطير عيونكـ انتى لسـه ماشفتى شيء صادقـة أمك لآزم تتفاهم معاهـ ع كل شيء صغيرة وكبيرة |
| الساعة الآن 06:45 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir