|
غلطانه صح
سبحانك اللهم وبحمدك ، أشهد أن لا إله إلا أنت أستغفرك وأتوب إليك ابي اقوال قصتي لكم وابي منك ردود انا متزوجه لي عشر سنوات اول سنه حلوة بس الثانيه بدات مشاكل مع زوجي لانه يخوني وانا علمته اني عارفه وتهاوشت معها وقال خلاص ما ارح اكررة بس وين رجع وانا تعبت منها وليش يخوني وانا كل شي سويت لها موبس مرة اكثرمن مرةويحب يسافر لحاله بعد ويروح يقعد اسبوعين وانا بالبيت اهم شي انتبه على العيال وتعبت نفسين وجسدين وانا عندي الايميل وجاتني اضافه من شخص وقبلته وصار كل يوم نتحادث مع بعض مدة اسبوعين بس المشكله تلقت فيها احس يفهمني وحس فيني الشيطان شاطر بس ابي اوضح لكم والله العظيم اول مرة اسوي كذا مدري من المشاكل الي عندي بالنهايه غلطانه صح
|
مرحبا اختي هموسه الله يفرج كربتك ويسعدك .. بالنسبة لخيانة رجلك هذي ترجع لــــك حاولي تخوفينه بالله وانك ماترضين الشي هذا وكيف حالك لو كان العكس وش حالك !! وكلام زي كذا وماشاء الله عليك اتوقع ماتعلمين بشي اسمه اجذبي زوجك بكل مايحب سواء من الرزة او اللبس او توفير الجو المناسب له بالبيت ^^ لكن اختي احذري الشيطان يخليك تقولي بصلح زيه لأن كل واحد يحاسبه ربي لحاله ... والشيطان حريص في المواقف هذي وبالنسبة انك تضيفي شخص بايميلك ماتعرفيه صدقيني اختي غلط غلط بتندمي عليه بعدين بس طيعي شور اخوك وانتبهي لعيالك وحافظي على رجلك لعل الله يهديه ... وليتنا نسمع منك مايسرنا ويسعدنا عنك بتصير لي عودة كتبتها على عجالة .. |
أختي لا تقبلين بأي حال من الأحوال
غياب زوجك كل هالفتره عن بيته وعياله وخاصة أن له سوابق كيف تقدرين تعيشين معه وتتقبلينه وهو لا يزال يخونك انتبهي لا ينقل لك مرض على أقل تقدير هدديه بتكبير المشكله وتوصيلها للأهل هدديه بالانفصال المهم لا ترضين بالمهونه ومن يهن يسهل الهوان عليه وما بجرح ميت ايلام |
اسمح لي ابدي اعجابي بقلمك وتميزك واسلوبك الراقي وتالقك صراحه كلامك يكفي لي والله ياخوي عارفه اني غلطانه ويعطيك العافيه ماقصرت وربي يفتح لك ابواب السعادة في الدنيا والاخرة
|
كل هذا وانا ساكته والله ماتكلمت لاي شخص عن المشاكل حتى اهلي ما احب اقول لهم لاني عندي اطفال وانا اموت فيهم ما قدر اعيش بدونهم وهو دايم يقوال ماحد جبرك تعشين معي وانا اقوال الله يهديك لي انا انسانه صبورة بس الظروف تجبرني
|
الله يعينك اختي والله لايحدك لغير ربك اذا هذا رده وانتي حاولتي فيه وعجزتي عليك بالدعاء الدعاء اوقات السحر والسجود لأن حالته كذا صعبة تقعدي معه والله يكتب لك الخيرة ... |
صباح النور
|
ابي منكم الحلول يسلموا على الا هتمام وين الحلول
|
الحل الاول
اختي حاولي تواجهينه مواجة ومصارحة اني مستحيل اعيش معك بالحالة هذي !!! وبنات الناس لايهدمون بيتك .. اذا نفع فيه والا حاولي تقعدي عند اهلك اسبوع او اكثر بيني فيه زعلك ماتدري ممكن يعدل من حاله وسمعينا منك كل خير .. لي عودة |
ماعمري راحت احس ما راح يغير عادي عندها بس ابي اجرب واشوف وش نهايه مشكوووووور والله يعطيك الف عافيه
|
لا صار غصنه مايل أنتي غصنك لا يميل
" الخيانــه " خيانه مهما تعددت الأشكال والإلوان زوجـــك خائــن ماختلفنا على خيانتـه ، لكن أنتي أجـوديه وسنعه وأخـت رجال دامك صبرتي على خيانة زوجك كل هالعمر ، وفوق هذا أنتي صنتي نفسك وحفظتي بيتك ، أعلم يا أختي أنك فاقده حنان ولديك فراغ عاطفي ولدى هذا الشخص وجدتي مافقدتيه من زوجك للأسف ، ولكن أحذري فالخيانه ليست خيانة زوج ولا خيانة ضمير فحسب بل هي خيانة رب العالمين أولا ً وأخيرا ً فواصلي وفائك وصون عهودك لله رب العالمين ، ولا تتساوين مع زوجك الخائن في فعلته فأنتي أرقى وأثمن من شأن زوجك وأحتسابك وصبرك مأجورة ً عليه أجرا ً عظيم َ ومضه .‘. . ونعم فيك زوجه سنعه حفظتي نفسك وربيتي عيالك ورفعتي شأنك وحفظتي عهودك ياجعلك الجنه . |
الله يعينك يا أختي بالفعل وضعك صعب الله يهديه لنفسه لا يدخل اليأس في قلبك حاولي معاه مع الدعاء في اخر الليل عسى الله يهديه ويبصره بخطاه الجسيم وعليك تذكيره أيصا أن هذه الخيانه سوف ترجع عليه وكما تدين تدان وعليك بداية بالحلول السلميه ولا تسكتي كثيرا على هذا الخطأ فالسكوت على الخطا هو الخطأ بعينه خاصه في أمر كهذا
|
,
همسة كيفك قلبي إن شاء الله طيبة < قطة الميانة بس بصراحة تفاعلت مع موضوعك اول شيء روحي صكي هذاك بلوك ودليت يامال العافية ماعندهم شغل بس يجمعون في المتزوجات ويلحسون مخوخهن ماقصروا الأخوان في ارشادك وتنبيهك بصيانة بيتك واسترتك لكن ماهكذا تورد الأبل زوجي يخوني أروح أنا أخربها واخونه بعد ! واللي معك مسن هذا والله مادرى عنك كلام اللي تسمعينه ذا طبطبه لين يكشر عن انيابه اخرتها موعد وهنا تصير الطامة .. |
اقتباس:
______ صدقتي رهينة طبطبة وبعدها يكشر عن انيابه ... وهذي طريقتهم الله يحفظنا وكل مسلم الله ييسر امرها وامر كل مسلم .. |
هذا وانتي ام عيال الله يهديك توبي والله قهر ام عيال ؟؟؟؟؟؟؟؟؟
|
ابقولك رائي بمشكلتك ولو اني عارفه اني مالي خبره بالحياة والمشاكل والازواج(q78),, زوجك خالصين منه انسان مبتلاء الله يهديه لكن انتي انسانه عاقله وصبرتي عليه وقمتي ببيتك وكل هذا عند ربي لايخفى لاتضيعين اجرك وجهادك بحياتك الي مــر وعلقم الصبر عليها فلا تخربين صبرك بالحياه يعني ربي يشوفك مطلع عليك ولايرضى وانا متأكده ان تاآنيب الضمير ذابحك قلتي وش رايكم صح غلطانه وعنوانك كذالك كررتيهاا حاسه بالخطاء ووهذا شي ممتاز فاآآقلعي عن ذنبك واحتسبيهاا عند الله بصراحه ماعندي حل لمشكلتك إلا الدعااء لكن تاآكدي ان الي تسوينه مو حل وراح يجر عليك مشاكل لاحصر لهآ,, كثيرر اول ايام زواجها تقول اكتشفت زوجي يغازل وتجيك وحده مجتهده تمشي الفين تقول لها اصبري يمكن يتوب على يدااك شوفن (q78) قصدكن اموت وانصهر على يداه الله يهدي زوجك ويررزقنا على نياتننااا(q78),والله الحياة شكلهآآآ صعبه ومفجآآءة>>>قلبته فضفضه(q78) الله يعوضك خيررر,,, |
اهم شي انتي لاتسوين الي سواه
ترى اي مشكله او فضيحه لاقدر الله مابيتحملها زوجك انتي واهلك فقط والي تحسينه فاهمك على المسن كله كذب لحد مايوصل لغرضه احتسبي عند الله والله يعوضك خير ويصلحلك زوجك باذن الله الله يسخره لك ولعيالك ويبعد عنك عيال الحراااااااام |
بسم الله الرحمن الرحيم اختي اوصيك بالصبر لان الصبر مفتا ح الفرج والحياة فيها ايام حلوة وايام تبي بس صبر منك والله يهديكي وانتبيه على زوجك وعيالك والانسان يتعلم من الاخطاء
|
عزيزتي الغاليه نحن الامهات لازم نضحي وليس من اجل الرجال لكن من اجل اولدنا فلم يجعل الله الجنه تحت اقدام الرجال بل جعلها تحت اقدام الامهات وهذا يكفي
|
| الساعة الآن 05:36 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir