|
بغيت ابوس الدكتور 😂
قبل سنتين تقريباً رحت محل المحامص ووديت كيس قهوة هرري 10 كيلو
ابغاه يحمسها .. < مو لازم يعرفون انها هرري … لا تفصل هههه وقلت له ارسلك ولدي ياخذها بكره . راح له حمودي … ما رضي يعطيه القهوة ما صدق ان حمودي ولدي ولا صدق اني ابوه شك اليماني انه غلطان بكيس القهوة وخاف انه يعطيه كيس قهوة لزبون ثاني والله ما صدق لين حمودي شغل الكام في السناب وخلاني اكلمه لايف هههه ما ابالغ لو اقولكم انا لي سنتين عايش على الموقف ذا روحي تقتات على الموقف ذا حتى الان والموقف الثاني خوي حمودي لقيته عند باب بيتنا ينتظر محمد يطلع له قلت له تفضل يا حبيبي تقهوى قال لا والله مستعجل . محمد ولدي بعد اسبوع قالي يا ابوي تتذكر خويي اول ما عرف انك ابوي قال بإستغراب ( كيف كذا ) تلقائياً جلست اضرب رجوله اقوله يا حيوان ليه ما قلت لي من اسبوع ههههههه تاركني اسبوع يا حقير 😂😂😂 والموقف القنبلة قبل ساعه وديت امي للمستشقى وكتب لها الدكتور علاجات وقالها الحين اخلي ( الولد يجيب لك العلاج من الصيدلية) تعرفون كلمة ( الولد ) هذي خلتني امر السوبر واشتري سنكرز وتويكس ومارس . وضبطت القهوة وولعت البخور العودة … عطتني مشاعر جميلة اقسم بالله شغلت اغنية وردة على الشاشة . ( اول مره اشوف الدنيا . دنيا كبيرة ومش سايعاني ) والله بغيت ابوس الدكتور هههه اكم هو شعور ساحر وكم وهو شعور جميل ومافيه داعي اسأل انثى عن تأثير هذي المواقف عليها لان هذا شيء مشهور عن المرأة ولكن بسأل الرجل هل تفرح اذا احد اعتقد انك اصغر بكثير من سنك الحقيقي؟ وبصراحة وبدون مكابرة ؟ والانثى ماهو مدى التأثير لمثل هذي المواقف وهل تروحين بسرعة تقولين لزوجك عن الموقف ؟ |
رد: بغيت ابوس الدكتور 😂
شكلك تدور ع مسيار هههههههه > امزح . :ro258es:
ماشاء الله عليك شكلك ولد نعمه او ولد عجوز مدلل ... مادبغك الشموس والقوايل والهموم والمشاكل والغرابيل . الزواج المبكر نعمه ع الشخص يصيرون عياله مثل اصدقاءه . منور ياباشا ومبارك عليكم شهر الخير والرحمه شهر رمضان المبارك . |
رد: بغيت ابوس الدكتور 😂
سلامة الوالده الله يجمع لها بين الاجر والعافيه..
من جد عندك حمودي وتعتمد عليه يطلع ويخدمك احسب ماعندك الا بنتين 😆😆 لا انت ابهرتنا حنا بعد مو بس يماني المحمصه 😂😂😂 الهرري والله مخك مب قهوتك خخخخخخ لا لاتسال الانثى عن هالشعور لانكم دايم تكذبونها اذا قالت بعد كل حفله انخطبت انصدمو الناس من بناتي مابين عليك🙈🫤 الانثى بس الي مسكينه وتغتر بنفسه اما الرجل فعلا صادق ههههههه بعلمك اني اخاف على عيالي يروحون مع ابوهم كلهم لايقولون ذولا لفلانه 🤒🤒 والاهين ابوهم اصغر منهم 🤣🤣🤣🤣 الله يقطعكم حديتونا على النفاق 🤨 |
رد: بغيت ابوس الدكتور 😂
اقتباس:
المسيار مافيه سعادة ولا فيه لذة المرأة عشان تحبها لازم تهتم بكل تفاصيلها ايش تاكل .. ايش تحب .. تعبانة توديها مستشفى تنامون مع بعض وتصحون مع بعض تصير لها اب وتصير لك ام احب المعاني الابوية بين الزوجين . وتعجبني كلمة يقولونها بعض القبائل الزوجات يسمون الزوج ( ابونا ) 🥱 احب المعنى ذا اما المسيار يركز على شيء واحد معين بس إهانة للإنسانية بصراحة . بس المضطرة الله يعينها ويرزقها احس من الحرام . وماني ولد نعمة والله هههه إذا كنت تقصد الثراء حنا اعلى من المتوسط بشوية. بس هي راحة البال والرياضة الرياضة بحياتي شيء اساسي بشكل يومي وطبعاً تحسن المظهر العام . ومبارك عليك الشهر يا سكر |
رد: بغيت ابوس الدكتور 😂
اقتباس:
يا هلا بنقمة النقوم هههه امين .. جزاك لله خير اي والله حمودي يروح ويخدمنا كل شيء حول البيت واكيد انك رشيقة ماشاءالله عشان كذا يبان انك اصغر من عمرك هي السمنة الزفت الي تخلي شكل الانسان كبير بالعمر ومدري ليه احس الي بعمر الاربعين الحين ما يبان عليهم العمر زمان وحنا صغار يوم نشوف رجل اربعيني نحسه في السبعين الحين مدري وش صار في الاعدادات هههه |
رد: بغيت ابوس الدكتور 😂
the moon أللي راد عليك مب انا ☝️ 😁
|
رد: بغيت ابوس الدكتور 😂
ماشاء الله الله يعطيك الصحة والعافية والشباب
أن شاء الله ، ربما أنك متزوج مبكر وفارق بينك وبين ولدك قليل والله يشفي الوالدة ويحفظكم |
رد: بغيت ابوس الدكتور 😂
اقتباس:
تبارك الله 🤔 شفتوا ان كلمه او عبارة بسيطة ممكن تعدل مزاجك وتصنع يومك ؟! موضوعك يشرح الصدر ياتركي … اعتقد ان كل البشر يسعدهم ان يبدون اقل عمراً من اعمارهم الحقيقية اتذكر لقاء مع نجم بوليود شاروخان تكلم عن جدة زوجته وفي معرض حديثه قال عندما توفيت اكتشفنا ان عمرها 101 مع انها كانت تدعي بأن عمرها 98 🤷🏻♂ |
رد: بغيت ابوس الدكتور 😂
أووووه ما شاء الله يا تركي أجل شكلك صغير (q77)
^ ^ كذا تبينا نقول 🤣 أنا أتفهم إن المرأة تفرح إذا قالوا لها شكلك صغير وكأنك أخت لبناتك لكن أول مرة أدري إن الرجال يفرحون بعد😊 المشكلة إذا قلنا لهم مثل هالسوالف قاموا يحطمونا ويكسرون مجاديفنا غربلهم الله😒 أعرف لك واحد شكله شايب وأكبر من عمره وإذا قلنا له ليه ما تهتم وليه عايش دور الشايب من بدري قال لا أنا كل من شافني عطاني أصغر من عمري وشوفوني بعد عادي آكل كت كات وتويكس وسنكرس 🙃 معايير الشباب عنده مضروبه الله يذكره بالخير 😆 |
رد: بغيت ابوس الدكتور 😂
ماشالله وش السر؟. اكل صحي والا نفسيتك زينه؟.
انا لااحد يكبرن ولا يصغرن. الا مره دخلت محل شيشه مع واحد علمآ اني مادخن ولا اشيش لكن دخلت معه. قال أللي يبيع انت توك صغير لازم اتاكد من عمرك قبل. قلت ي بن الحلال لاتتاكد خويي أللي بيشري �� والله ولآانبسطت ولا زعلت. ولااهتميت. اكتفيت بضحكه عاليه وسط المحل �� |
رد: بغيت ابوس الدكتور 😂
ماشالله وش السر؟. اكل صحي والا نفسيتك زينه؟.
انا لااحد يكبرن ولا يصغرن. الا مره دخلت محل شيشه مع واحد علمآ اني مادخن ولا اشيش لكن دخلت معه. قال أللي يبيع انت توك صغير لازم اتاكد من عمرك قبل. قلت ي بن الحلال لاتتاكد خويي أللي بيشري 😁 والله ولآانبسطت ولا زعلت. ولااهتميت. اكتفيت بضحكه عاليه وسط المحل 😁 |
رد: بغيت ابوس الدكتور 😂
اقتباس:
بدينا بالهياط🤪 الان محلات الشيشه لو يدخل ابو سنه بمشايته عليهم ويمد ميه يقول عطون باعو له 😂😂 |
رد: بغيت ابوس الدكتور 😂
اقتباس:
مآعندي خلفيه عن هالمحلات ويمكن اول مره ادخلها. انتي ابخص 😜😁 امزح محشوومه نجمتنا. اذا هي ممنوع او اجتهآد من عنده مدري. يعتقد اني 18 او 17 لكن ويني وين هالعمر. اكبر اكبر عاد الحقيقه لو احد يعطين اكبر من عمري بعشر سنوات ماهتم😁. ماتفرق طعشات والا بالعشرين ولا ب ثلاثين. كلنا شباب يعني لو افكر اهتم لهلموضوع احس اني فاضي. |
رد: بغيت ابوس الدكتور 😂
مايفرح الا اللي عارف انه كبير ههههههههه
عند الرجال الوراثه وخفة الدم وسعة الصدر والبعض ( الغير مشعر) تظهر الشخص اقل من سنه تقال لي كثير لكن استحاله اقول لزوجي لانه يتضايق من هالشي انسان غريب بدل مايفرح يتضايق ويبدا يستقعدلي بالخروج احيانا تقال في وجودة من اقارب له او لي اشوفه يتوتر ويحاول يضيع الكلام والاحظ بعدها يحاول مايخليني اخرج او يمنعني علني عنهم مع انه يقال له انت ماتغيرت زي منت على حسب كلامه واصدقه لانه فعلا ماتغير واللي يقله انت ماتكبر واخويا دايم يقولها له واشوفه يفرح لكن ليش انا يتضايق إذا انقالت لي مدري !! من فترة جاله السكر ولعب فيه لعب وبدا يظهر الفرق بينا بشكل كبير وزادت غيرته وحقده عليا هههههههههه |
رد: بغيت ابوس الدكتور 😂
اقتباس:
|
رد: بغيت ابوس الدكتور 😂
اقتباس:
تزوجت وعمري 20 بالضبط تخيل عمري 20 وزوجتي 17 مبزرة هههه شوف ذا يا غريب https://x.com/fajr659z/status/1766730857287442621?s=46 عمره 70 ههههه |
رد: بغيت ابوس الدكتور 😂
اقتباس:
اي والله كلمة تشرح الصدر وتسعد الروح وبالذات إذا كانت حقيقية ماهي مجاملة يا اخي إحساس انك كبير او بدأت تكبر تقتل فيك حب الانجاز والقهر ناس في الاربعين وفي الخمسين وماعندهم اي امراض واذا جلست معاه بس يكرر ( خلاص كبرنا ) احياناً احساسنا عن انفسنا ينعكس على الي حولنا ويتأثرون فيها كل المحيطين فينا تخيل كل ما جلست مع واحد يكرر على مسامعك عبارات مليئة باليأس والإحباط ولا هو الي انقلع عن حياتنا .. ولا هو الي خلانا نعيش ونزرع الفسيلة الي بين ايدينا يا عمي الحياة جميلة ومليئة بالمفاجآت المدهشة وعطاء الله لا يتوقف ابداً |
رد: بغيت ابوس الدكتور 😂
اقتباس:
خلاص بسميك ملح وقفطة (gfp) |
رد: بغيت ابوس الدكتور 😂
اقتباس:
انا اقولك ليه ما انبسطت ولا اهتميت لانك صغير بالسن اتوقع منتصف العشرين او بداية الثلاثين تبدأ تأثر فيك الكلمات الايجابية إذا تعديت الاربعين وانتظر وشوف هههه وبخصوص ايش السر ! انا اكتسبت عادة الرياضة من 20 سنة وكانت صعبة علي في البداية الصعوبة تكمن في الاستمرار لان المداومة عليها فيها ملل الحين لو ما اسوي رياضة يومياً يجيني اكتئاب مستحيل مستحيل اتركها يومياً والحمدلله ما اعاني من اي امراض اطلاقاً لا سكر ولا ضغط وانسان مبتسم على طول حتى في المقابر اذا ندفن احد تلقاني ابتسم هههه انا نقطة ضعفي الحلى اموت بالحلى بس صرت اكله يومين اوثلاثة في الاسبوع ونص الاسبوع ما اكله والشيء الثاني وجهي مافيه شيب ابداً ابداً كذا فطرة الشيب بشعري بس وهذا علاجه الصبغة هههه اما وجهي خلقه كذا ما يطلع والسر كله بالرياضة وطول الجسم |
رد: بغيت ابوس الدكتور 😂
اقتباس:
خيسوس ماهو طبيعي ابو 18 مايسوي مثله |
رد: بغيت ابوس الدكتور 😂
ياخليلك مبين انك طاير من الفرحه
واحس قلبك فراشات غالبية جيل الثمانينيات مابان فيهم الكبر والله ياتصير لي مواقف انحرج منها اذكر رحت لاستراحه امهات وبناتهن بعضهن ماتدري من الام من البنت لا والطامه جالسه أتأمر على وحده احسبها من البنات وهي ماقالت شيء مبتسمه وتقول ابشري احسبها من البنات وانا شيلي وحطي يالشاطره(a27) واخرتها طلعت أم اعتذرت لها وضحكت وقالت كلام حلو زيها ❤️❤️ شكلها متعوده على هالمواقف ومعروف جيلنا بالخط الجميل عيالي خطهم زي خطوطنا بالإبتدائي استغرب اذا شفته ماكأنهم واحد بالجامعه وواحد بالثانوي عاد اشكالهم مدري مابعد بان بيكونون مثل جيل الثمانين صغار بالشكل والا مثل حظهم بالخط |
رد: بغيت ابوس الدكتور 😂
اقتباس:
غريبة زوجك يتضايق .. شكله ماهو مقتنع بكلام الناس :SmileyBunny: بخصوص السكر . وحقده عليك طيب ليه توصلون الموضوع بينكم على انه تحدي او انا افضل منك او انت افضل مني مدري ليه احسك تشمتين فيه هههه انت ذكية يا شجون ، تقدرين بذكاءك تحتوينه وتحنين فيه وتوصلين له احساس انه لازال جميل ولازال جذاب بنظري وان السكر ما اثر فيه .. بعض الناس اول ما يجيهم السكر ينصدمون ويبان على اشكالهم هلع وتوتر . وبالذات الرجال يخافون يأثر عليهم في بعض الجوانب يعيش تحت ضغط نفسي رهيب واكثر شيء يسبب له ضغط نظرة زوجته وهنا يجي دورك |
رد: بغيت ابوس الدكتور 😂
اقتباس:
يا هلا وسهلا ب اسية كيف حالك وكيف عيالك عساهم طيبين والله اني البارح اتذكر اعضاء المنتدى وتذكرتك وفرحت انك بخير .. اي والله اني طاير من الفرحة هههه احسه شيء طبيعي وكأنه رد لمشاعر الاحباط الي بدواخلنا تجينا هواجيس إنا كبرنا وفجأة يجيك واحد يقولك كلام يرد على احباطك الداخلي ويقولك احساسك غير صحيح انا على فكرة ترى ما اطالع لكلام الاصدقاء والمعارف الي يقولون ماشاءالله صغران كلهم كذابين هههه المجتمعات اغلبها منافقة .. يبغى يدخل السرور لنفسك بالكذب انا اعتمد المواقف الي تجي بالصدفة زي سالفة اليماني الي في المحمصة وزيك انت يوم كرفت الحرمة وفي الاخير طلعت ام هههه |
رد: بغيت ابوس الدكتور 😂
اقتباس:
فدوه لقلبك ابومحمد. |
رد: بغيت ابوس الدكتور 😂
اقتباس:
|
رد: بغيت ابوس الدكتور 😂
الفرح " صناعة " تركي وتحليق في افاق الفرح دمت بخير ::: مشهد بانورامي لغابه جميله واسد الغابه يتوسط -بأناقة- سطر طويل من وزراء حكومته والجميع مبتسم .. (a14) |
رد: بغيت ابوس الدكتور 😂
لما اشوف معرف تركي .. اتذكر اشياء مرتبطه لدي به ( عالقة بالذاكرة ) \ ( تجول في حديقة اخر الليل ... تقديسه للمرأة .. مشروع شيول جنب المدينة .. وفكرة بيت بالنمسا ) " اذا لم يكن اسم على اسم " تحياتي لك ايها الزميل الانترنتي العتيق |
رد: بغيت ابوس الدكتور 😂
... مآشآءالله الله يديم عليك الصحه والروقآن ومشآعرك الجميله تجآه نفسك .. أنآ زمآن << زمآن أوي كنت أفرح مررررررررررره دخلت الثلآثين أفرح شوي مو مره دخلت الأربعين ولآعآد يأثر فيني شيء لآمدح ولآ ذم والصرآحه حآسه بـ حريه الآن أكثر مآعآدت مشآعر المدح والذم تتحكم فيني . |
رد: بغيت ابوس الدكتور 😂
اقتباس:
بدافع الغيره مره يغار وانا اعرف دافع غيرته مع انها مو منطقيه بس احاول مااثيرها الموضوع مو تحدي ولا شماته بس كذا نقاوح بعض مو حقد كره لا احسه كذا استسلم ههههههه محد قايم فيه غيري هو مايهتم لنفسه قد منا مهتمه له ماشفت صدمه ولا خوف ماشاء الله عليه حتى الدواء مايهتم ياخذه ولا يلتزم باللي يقوله الدكتور اغصبه غصب |
| الساعة الآن 03:33 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir