ودي احطك في عيوني وأشيلك
صباحكم ود ورضى من الباري وش جابكم عندي وش جابني لك سبحان من قسم خطانا والارزاق ودي احطك في عيوني واشيلك مثلي على مثلك إلاغاب يشتاق يشتم عطرك كلما جاء مقيلك انشهد ان البعد للروح حراق عندك بقي لي شي وانته بقي لك شي على غيرك من الناس مالااق يملئ من زهور الحدايق شليلك وتثني لها من نشوة عروقك الساق لاتنشد الي ماأرتوى من قليلك غيرك بعينه ما تحلى ولاذاق القلب ياراعي البصيره دليلك علّه من اظغاث المنامات مافاق أما تدلّه في المحبه عليلك ماشاف مثله في المخاليق عشاق ولاعسى خير وتحرى عميلك الليل لو طول تقفاه مشراق للصبح خيل ولا يعرفوا دخليك النجم قايدها وباقيهم اللحاق اما ينشف من سناها غسيلك ولا اصيل مع الشفق ياخذ سباق |
صح بووووووحك
|
وصح كلك يا لول
وشكر لمرورك وتعطيرك حروفي |
العزيز والغالي ابو فايز
كل عام وانت بخير ومازلت تمتطي صهوة الابداع والتميز حرف آخاذ سلس جذاب عنوانه الجزاله صح كلك بلا حدود ودمت بصحة وعافية |
الله يعز مقدارك ولايحرمني منك يالغامض
وكل عام وانت بالف خير اخوي العزيز جناين عطرها ثناء تليق بقدرك في صدري وصح الله بدنك حتى ترضى لك وافر تحياتي وتقديري |
طول عمرك مبدع يا ابو فايز صح السانك وعلا شانك لا عدمنا هالابداع والتميز |
يشتم عطرك كلما جاء مقيلك
انشهد ان البعد للروح حراق صح لسانك مبدع دائماً |
ياهلا ومرحبا يالنجديه وصح بدنك وحي الحروف الي تجيبك يطول بقاك اختي الكريمه ولاننحرم من مرورك المعطر لك تحياتي وتقديري وامتناني |
روعه شكراً لك |
وشكرا لمرورك ياموجه
لك تحياتي وتقديري |
الساعة الآن 04:20 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir