|
سؤال ..............قاتل للبعض
السلام عليكم ورحمة الله وبركاته فيه مراااااااااااات اشعر اني في عالم والناس في عالم ثاني بس اتوقع انشاء الله فيه كثير مثل عالمي طبعآ عالمي في نظرهم متخلف بس يازينه من تخلف جايتكم في الموضوع سؤال صريح وبدون احراج في الاجابه كشف الوجه وماادراك مايعلو الوجه في مجتمعكم بين العائله دارج او مالوف لكم لأني اجد وللأسف القانون الجديد لعوائل كثيره وللأسف هنا نجديه الاصل ولايجي احد ويقولي وش هالعنصريه ابقول له نعم حنا في نجد اكثر ناس متمسكين بهيك امور ولاحد يزعل المهم او زبده الحكي عيال العم والخال ماعنهم غطاء وحتى الحمو الموت ماعنه غطاء غير طبعآ زوجه الخال والعم ضموهم ...هذا منتشر عندنا في نجد بشكل جنوني والي زادي جنوني اكثر ياجماعه الخير ..ا الشايب يقول لهم ماابي عيالنا وبناتنا يتغطون عن بعض لا ومن زين الوجه مدري الله يصلحه يحذرهم والي ...وزاد الطين بله اليوم زوجه ابنهم والده وابشركم جابت ولد وسموه على الجد طبعآ مافيه شك الحين الي تولد تحجز كوافيره من بعد الولاده لاستقبال الضيوف لان اكثر العوائل صارت تضع الاستقبال في المستشفى وترتاح الى هنا كويس الي مافيه كويس قلبنا هنود بسبتهم دخول الحمو عليها وشعرها مكشوف ومستشور ويجيب العافيه والمكياج الخفيف يالله من فضله والقميص الي مدري وش يبي في المستشفى نبيها تتغط نبيها تشوف له شوفه الا الطامه الكبرى الموضوع اكثر من عادي عندهم غير المزح من الروعه طلعت حتى ماقلت مع السلامه سؤالي الان للعضو من فيكم وبكل صراحه اصبحت هذه المهزله موجوده في مجتمعه وماهو دوره في أنكارها ...وهل اثر ذلك عليه سؤالي هنا للعضو أذا كنتِ ممن اصبحت هذه الظاهره منتشره في عائلتها هل ترضين بفعلها ..وماهو دورك في انكارها لنتكاتف جميعآ حول هذه الظاهره القاتله وننكرها فضفضه قاتله لي (qq79) |
استغففففرالله..(a28)
لاالحمدالله مو عنــدنــا..بالعكس من الاشيــاء المميزه عندنا..انه البنات حتى وهم صغار مايروحون عند الرجــال..والعكس... الله يعين هالوائل على ذنوبهم..~ |
تقولين بنجد يعني عنكم بالقصيم..أجل ليه القصمان يقولون
أنتم يالشمامره دينكم والله انه..:126: وأخرتها هذي علومهم.. |
غريبه والله عني أنآ عندي أخوه من الرضآعه ومآأكشف عليهم(q20) مآأعرف إلآ أخوآني من أم أمي وأبوي (q84) قبل الزوآج لو صدفت وطآح وجهي بوجه أحد أقآربي وشآفني أحد من أخوآني يآنهآر مش فآيت هذآك اليوم أجلس أفكر وش أحط لي عذر عشآن مآيجيني دش خصآم(qq15) والله حتى القفآزآت والشرآريب ممكن أغلب حريم اليوم مآيلبسونهآ بس عندنآ نلبسهآ . وخصوصاً وآحد من أخوآني مطوع يآويلنآ لو يشوف وحده طآلعه بدون أحتشآم كآمل (q84) يعني هآلأمور مآرآح تكون عندنآ ولآبعد فيهآ حمو ومآحمو عزالله رحنآ سلطه هع (q30) |
مابقدر افيدك (q41) |
معقووووولة.....
اعوذ بالله ..هذا حرااااام قبل مايكون عيب وشق جيب . تصدقين حياتئ لو انك قايلة تكشف الوجه فقط مع تغطية باقي الجسم .كان قلنا كلن على مذهبه ..لكن تبرج وسفووووووور ... .....وليه الحمو ماهو رجل مثله باي الرجال عنده عيوون ..واحساااااس ... |
دياثة مغلفة ...؟!!!
الحمد لله الذي عافانا مما ابتلاهم به ... *************************************** اما عن محيطي العائلي ولله الحمد فهذا أمر ملغي بتاتا أما عن أن هذا منتشر في أهالي نجد بكثرة على حسب قولك فاعذريني فيما لو لم أشاطرك رأيك بل بالعكس نجد وأهالي نجد وقاطني نجد هم أبعد من هذا ....بل نلحظ كثيرا من الجاليات المسلمة من غير أهل بلاد الحرمين يتطبعون ويقتدون بطباعهم هذه ((والتي هي مستمدة من الهدي النبوي الشريف...)) لا ننكر أن هناك تساهل من بعض الأسر في ترك الحبل على غاربة ولكن لا أظن أن الأمر قد وصل لحد الظاهرة وبخاصة في نجد شكرا لك |
اقتباس:
ايه يقولون الشمري بدال ماهو عقاله مايل..دينه اللي مايل..(qq15) اتفق ونص معهم..رغم اني منهم..(qq15) |
يعطيك العافية .. على غيرتك على محارم الله
ولله الحمدلله أبدا مو منتشر بيننا أبدا حتى زوج الأخت مايتجرأ يكلم زوجة أخوه أو حتى يشوفها ولله الحمدلله ولا نرضى فيه على انفسنا ولا نرضى حتى أزواجنا يشوفون غير زوجاتهم .. بارك الله في خلقك ياكريمة |
والله مشكلة كبيرة
لا والله ماهي عندنا ها الظاهرة أبد أبد ... وش تحسون به .. ما اعتقد انها عند اهل نجد بالعكس معروف عنهم التشدد و الدين والستر بصراحة اول مرة اسمع ان فيه ناس قصمان والا من نجد يسوون كذا يمكن اهل الجنوب الكشف عندهم للحمو عادي وأهل جدة لكن هنا لا و ألف لا ومعذورة انها قاتلتك ها الظاهرة بصراحة لوني مكانك بيجيني سكتة وبعدين وين العلم وين الحجاب اللي أمرنا به رب العالمين ... هناك عادات متأصلة عند بعض العوائل تسبب دمار و مشاكل و تنهار بسببها بيوت والله لو كانت عندنا هالعادة ما رح اسكت رح أنكر و أكافح بكل قوتي لأن هذا مو أي منكر الله يستر علينا و على المسلمين وربنا يعينك يا حياتي .......... اجل انتي دايما كذا :khmas258: |
| الساعة الآن 06:28 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir