|
مششكلتي مع زووجــي انـي احب ...................؟
بسم الله الرحمن الرحيم
السلام عليكم ورحمة الله وبركاته مشكلتي مع زوجي اني احب اعاااانده وكل ما يقول لا او يردني ازيد شووق له بصراحه هو يتضايق من تصرفاتي ولاكن انا وقتها ما يكون عقلي براسي وخاف انه مع الايام يكرهني لاني احبه موت وما اقدر اصبر عنه وهو يحبني بس ماعنده غير مشغول تعبان وراي دووم وصلت لحاااالة الجنووون ماعاد اقدر اصيطر على نفسي مثلآ مرات اشوفه كاشخ وطالع عزومه اتولع فيه واجبره يقعد معاي وانا اكون معه عنيفه مدري ليه يعني كل شي غصب عنه مدري وش ذي الحاله مرات اخاف اني مريضه او فيه مرض ومرات احسه يحقد عليه من حركات هذي مــــــــدري انا وش اسووي ياليييييييت تساااعدوني اخاف زوجي يكرهني الله يخليكم ساعدوني بالي مشغوول انتظر ردودكم حياتي في خطر وعندي بنتين وتعبانه نفسيآآآآ |
طنش تعش تنتعش
يقولون المعصوبه مافيها حليب لطفي اجواء بيتك وزوجك يجلس من دون طلب منك حاولي خلق اجواء محببه لزوجك وبحثي عن مواطن الايجاب وعزيزها قدر الامكان وخلي عندك ثقه بنفسك وفي زوجك ولا تكثري الاسئله التحقيقيه ترى الازواج ينفرون من هذا التصرف ويكرهون البيت والسبب التحقيق المستمر ( من وين وفين ومتى ومن ومنهو مين ) |
عزيزتي
ماذكرتي من تعاملك مع زوجك هو بداية النهايه فأستيقضي قبل فوات الاوان .. صحيح ان الحب عطاء وتضحيه وصبر ولكن لكل شي حد ونهايه اما سلبيه او ايجابيه وانتي من يصنع ويقرر ذلك .. استغلي حب زوجك لك بمبادلته نفس الشعور والحفاظ عليه ومسانتدته كوني روحه الاخرى ونصفه الاخر ..كوني عوناله لكي تنمي ذلك الحب في ظل عائله صغيره سعيده .. لاتكوني عبء عليه ...لاتستغلي عشقه وحبه بممارسة ابشع صور التعامل الزوجي عالجي نفسك بنفسك وأسأليها لماكل هذا العناء والطيش ؟؟؟ فنحن نملك النصيحه ولكن لانملك الجواب انتي فقط من يملكه !! تحاوري بهدوء مع زوجك واشعريه على اقل تقدير بأنك تشعرين بالذنب تجاهه واطلبي منه المساعدة لتجاوز تلك المشكله يدا بيد لاتدعي العناد والجهل ...وعذرا لاستخدامي لهذا المصطلح ... لاتدعيه يعميك عن النظر لايجابيات حياتك التي طالما حلمن بها الكثير وان لم تستطيعي الخروج من عنق تلك الزجاجه فلا بأس من استشارة اهل الرأي والخبره تمنياتي لك بحياة هانئه سعيده |
8 8 8 8 شوفي هالرد وطبقيه (q81) |
ياااااناس مافهمتووني
انا مقدر على بعده وهو دووم محرمني منه هو مرتاح معاي وكل شي شايلته على راسي واهتم فيه وفي بناتي وهم كل حياتي بس انا احسه تغير انا اشتاق له والله اني رومانسيه وحب الهدؤؤ وكلام الحلو بس هو يا ينام يا يقول انا بعد احبك ويروح ليه يخليني؟ انا احتاجه بكل الطرق حاولت سااااااااااااعدووني حسو فيه |
مافي شي الا وطبقته
|
والحمدلله يارب انا جميله واهتم في نفسي
ماني بشينه ولا فيني عيب عشان يبعد عني ساااااااااااعدوني تكفون والله بجن |
أختي الكريمه بارك الله فيك
نصيحتي لكِ .. أن تواجهينه باللي بخاطرك وأيضاً تتقبلي نقده على تصرفاتك وتطيبين خاطره وتوعدينه بأنك تتركين أي شي يضايقه ، ولكن أنتبهي من نقطه وهي : أنك تقعدين لك شهر او أثنين ملبيه له رغباته وترجعي تخلفي وعدك ، فا الرجل حسب ما أرى من اللي ذكرتيه هو متضايق من عنادك له وتصرفاتك بشكل عام وإذا وعدتيه ورجعتي لتصرفاتك اللي يكرهها ، فيالتأكيد بيفقد الثقه فيك وفي مصداقيه كلامك وبكذا .. تبدأ نهايه العلاقه الزوجيه. ما أقول إلا .. الله يصلح ما بينكم ويجعلكم في هناءوسعادة اللهم آمين |
اقتباس:
قلبي انا فاهمتك حييل وفاهمه وش تشعرين فيه .. تدرين وش هو ؟؟؟؟ انتي تبين تتملكينه ياقلبي !!! تبينه لك لحالك ما احد يشاركك فيه !! تغارين عليه لو من علاقاته الطبيعيه مع الاخرين وهذا موفي صالحك لانك راح تخنقينه ومع الوقت تخنقين الحب اللي بينكم وتكتمين انفاسه لاتعاملينه كطير جميل وتضعينه في قفص ذهبي وتهتمين فيه وتراعينه وتغدقين عليه مشاعر الحب والرومانسيه !!! راخ يمل من هالسجن وينتظر اقرب فرصه يجد فيها الباب مفتوح ويطيييييييييير لان الطير مايحب خناقه وهذا رجل تعرفين معنى رجل ياقلبي يحتاج مساحه من الحريه لكي يتنفس ويغير جو ويرجع لك مشحون نشاط وعاطفه ويقدر لك هالشي .. الرجل مايحب المرأه اللي تطرد وراه وترغب بتملكه وحصاره وتضييق الخناق عليه .. يحب المرأه اللي تتمتع بثقه بنفسها وتعطيها مساحه ضروريه للتنفس وممارسة حياته الطبيعيه اللي خلق لها ومن اجلها وليس لك وحدك فقط .. والوقت اللي تكونون مع مبعض ضاعفي جرعات الحب والرومانسيه بذكاء موبتحقيق وتحكم راح تشعرين بطعهما المختلف ترى كل شي يزيد عن حده ينقلب سلبأ على صاحبه حتى الرومانسيه .. سيطري على نفسك ياقلبي قبل فوات الاوان وخليك واقعيه وفكري بمنطق وحكمه طالعي ايجابيات زوجك وطالعي غيرك ويمكن سبب خروجه من البيت هروب منك ومن هالرومانسيه اللي تبين تخنقينه بها . والله اني لك ناصحه حاولي تتحكمين بتصرفاتك وتفكرين بعقلك مو بقلبك وتتركينه على راحته ولاتحسسينه انك متضايقه ولاشي واذا كان موجود مارسي رومانسيتك عليه وحبك بالحدود المعقوله واذا جا يطلع قولي له في حفظ الله ورعايته وانشغلي بنفسك وبيتك وبناتك ابحثي عن مصاااادر اخرى للسعاده وراح تشوفين النتيجه اللي تسرك بأذن الله |
كنت برد عليتس لكن أميره قالت كل اللي في خاطري أقوله لكن راح أزيد عليه شويه.......أنت لاتربطين سعادتك بزوجك وكأنه المسئول عن سعادتك لاتحسسيه بالذنب لأنه ماقدر يسعدك راح يهرب من هالشعور بالنفور منك ومن رومانستك وحساسيتك.....حبيبتي خلليكي أميرة نفسك واقتنعي تماما إنك قادره على إسعادها وليس لأحد أخر أن يفهم ماتريدين أفضل من فهمك لها.....أنت مشكلتك حاجاتك النفسيه كلها رميتيها في عاتق زوجك وهذا خطأ لازم تشيلي منها كميه لابأس بها والزوج ماهوب عصا سحريه يقدر يوفر لك كل حاجاتك النفسيه هو كمان له احتياجات يهتم فيها ومو محتاج لكل هالرعايه له اهل وله أصدقاء لكن أنت مالك إلا هو ورميتي عليه كل شي
تقبلي مروري بس لاتنسين اهتمي بنفسك واعرفي كيف تسدين حاجاتك النفسيه راح يعشق كل شي فيك............................................... ...................... |
| الساعة الآن 08:48 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir