|
وربي اللي يدخل .. لا ادعي له بهاليوم الفضيل
ما ادري كيف ابتدي .. انا بقولكم بقصتي ومشكلتي
وانشاء الله بعد الله القى الحل عندكم انا شاب عمري 22 سنه .. كتب الله علي ودخلت الجامعه .. ومشت اموري باول سنه جبت معدل وتخصصت صيدله اكلينكيه خفقت باول مستوى والان الحمد لله ماشيه اموري انا بالمستوى الخامس .. مع بعض الاخفقات البسيطه مو هنا الموضوع او المشكله المشكله تبدا من هناا انا تغيرت حالتي من بعد ما دخلت الصيدله .. يعني تقربيا صار لي سنتين دايم متضايق وعندي صداع خفيف فحصت اغلب الاشياء طلعت سليمه وربي كرهت حياتي .. كل ما ابي اسوي او اطلع او اسافر . اقوم ما اقدر وتجيني ضيقه . مع اني لارحت للمكان يكون طبيعي مو بس بالسفر باغلب الاشياء حتى الاشياء البسيطه .. تجيني ضيقه منها وصداع .. لو ابي اروح لاي مكان وبصراحه ماني حاس بالحياه يعني قبل ما كنت كذا ..كنت اذا بغيت اطلع او اسوي اي شي او اسافر اكون مبسوط وما تجيني هالامور .. حتى الحين الزواج ما له طعم عندي اقول كيف اتزوج وانا بهالحاله هذي مع ان اموري مع الناس تمام واطلع لكل مكان بس المشكله تكمن بهالاشياء اللي تجيني .. انا وربي كتبت هالموضوع اكثر من مره بس وربي ما لقيت الجواب الكافي .. لا تقولون خلها ع ربك او اصبر .. ونعم بالله .. والف من ذكره .. واما سالفه الصبر وربي الصبر من زود صبري ملني يعني وش هالاعراض والاشياء هذي هل لمرض معين ولا مرض نفسي ( اكتئاب او وسواس او قلق او ايش .. لانب بصراحه ماني عارف وش فيني ) يعني اللي مر بهالحاله او صارت معاه او سمع عنها لا يبخل علي لو بمعلومه وهل حالتي تستدعي اني اروح لطبيب نفسي .. بس انا خايف من الاثار الجانبيه لما اروح للدكتور ويعطيني ادويه نفسيه لها اثار جانبيه .. بما اني صيدلي انا داري بالاثار بس انا سمعت ان فيه ماده بالدماغ مادة السيروتنين serotonin .. يعني هل نقصها يسبب هالاشياء .. وبصراحه انا حاب اني اكشف عليها واشوف بس ما ادري كيف الطريقه لاني قريت عنها وانا نقصها يسبب لك ضيقه وكابه وحزن ... انا يمكن ما قدرت بشكل كبير اني اوصل لكم حالتي .. بس يعلم الله ( حالتي صعبهـ ) اخوكم |
اولا الله يشفيك ويريح باااااااااااالك
اخوي اتوقع انك محسود لان من اعراض العين والحسد الضيقه وان تكره الحياه ماتحس بطعمها انصحك ترقي نفسك عند شيخ وانصحك بعد لاتفكر تتزوج لحد ماربي يشفيك عشان تكون فرحتك كااامله والله يشفيك ويوفقك ويرزقك |
حصن نفسك ومافيك الا كل خير
|
وعليكم السلام
اخي انت ما فيك الا العاغفيه ممكن محسود على وضيفتك وفيك عين وهي تسبب اكتاب رح لشيخ يقراء عليك واتزم باذكار الصباح والمساء ولتزم بصلاتك وبتعد عن الاغاني هي الي تسبب اكتاب اذا كان تسمع اغاني والله ويفقك ويشفيك |
الله يشفيك في هاليوم الفضيل
|
الله يشفيك من كل شر عليك بقرايت القران سورة البقره والحشر
وحصن نفسك ولاتنسى اذكار الصباح والمساء والرقيه دايما اقراها كل مابغيت تطلع... مشافي باذن الله خيووووووووووووو... تحياتي لك .. فاقده حبيبها |
حاول أن تكون أقرب اللى الله وأبتعد عن الأغاني واكثر من سماع القرآن وأذهب الى المقرئليقري عليك .... اللهم أشفي أخونا وأبعد عنه الضييق |
عادي ياخوي سبحان الله انا زيك عمري 22 ودخلت الجامعة واخفقت في المستوى الاول ومشيت عادي والان انا في المستوى الخامس
انا من يوم ماتخصصت وانا في حالة احس حياتي فاضية ومملة احس مالي داعي وجودي في الحياة واحس كل شي مالة طعم بس انا اتغلبت على هذي الاشياء مو مرة يعني أكذب عليك لو قلت تغلبت عليها مرة بس بطلت اسمع اغاني صرت مافكر بحالتي اليأسة احس الدنيا حلوة وارمي كل شي خلفي وكونت اصدقاء اشغلو حياتي.. من ناحية الصداع انا الحمدالله ماكان عندي هذا الشي بس شف ياخوي يمكن اكلك ضعيف اويمكن نظرك ضعيف ... الله يشفيك اتمنى اني افدك |
يا أبني مافيك إلا العافيه واللي تحتاج له فقط الورد اليومي وبإستمرار
لآن اللي يظهر لي من كلامك أنها وسواس ماهو ضروري تكون شر لكنها وساوس شيطانيه -والعياذ بالله -أكثر من ذكر الله والاستغفار وقرأة الفرأن فبه تطمأن القلوب جرب أن تقرأ القرأن يوميا (لمدة شهر مثلا) وبعدها إذا لم يجدي ابحث عن علاج أخر 000الله يلبسك الصحه والعافيه |
في العمر هذا كلن يعاني من الضيق لانه عمر النضوج
ما فيه احد الا وقد مرت عليه المشكله وانا منهم بسبب الغفله والعياذ بالله في ايام المراهقه التزم بالاذكار والصلاه وقراءهالقران والصبر ايام وتعدي باذن الله تعالى |
| الساعة الآن 09:40 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir