|
استشاره
السلام عليكم
كيفكم احتاج مشورتكم مسؤلتي بالعمل نادتني اليوم وقالت اني ابرشك تمسكين المكان الفلاني لاني اشوفك الانسب والاجدر بهالمكان وعطتني من الكلام اللي كبر راسي :hgfyhg14k طبعا المكان هذا يحتاج شخصيه قياديه لان اللي بتمسكه بتكون مسؤله عن قسم كامل المكان هذا مسؤليه واجتماعات ومناقشات ويحتاج دقه وتركيز و...الخ من الاخر مسؤليه ووجع راس بس كمسمى وسمعه جدا ممتاز لكن انا حابه مكاني اللي انا فيه ادخل على كيفي واطلع على كيفي وشغلي متفاهمه عليه انا وزميلاتي وماني مسؤله عن احد واذا صارلي ظرف استاذنت وطلعت والامور سهالات انا شخصيتي ماهي قياديه جدا يعني وسط وخايفه افشل وشايله هم اني اخيب ظنها فيني وشايله هم المسؤليه مابي اكون بالوجه (qq89) وبنفس الوقت اقول هذي فرصه والمفروض استغلها بس والله مابي اتحمل مسؤليه شي (qq79) مدري شسوي شرايكم انا قلتلها مالي رغبه واني حابه مكاني بس قالت شاوري نفسك ورديلي :( شرايكم |
رد: استشاره
شاورت امي
تقول خليك بمكانك افضل وكذالك بعض اخواني كان هذا رأيهم زوجي وبعض اخواني يقولون بالعكس توكلي على الله وهذي فرصه |
رد: استشاره
ياهلا ترف مراقبتنا بقسم السوالف اهلا وسهلا
الحقيقه محير ولكن انتي شوفي نفسك اذا فيك طاقه تحملين المسؤوليه وتحملين الموظفات وتحملين المشاكل اختاريها واذا كنتي ماتبين المسؤوليه ومرتاحه بقسمك واخذ راحتك وش لك بوجع الراس |
رد: استشاره
والله مرتاحه جدا بقسمي
ومالي خلق مسؤليه ووجع راس رغم اني قدها بس مالي خلق ابي نفسي نفس غيري ادخل واطلع ماعلي الا من شغلي لكن انا شايله هم اني اتحسف بعدين واقول ليش ماوافقت |
رد: استشاره
حي الله ام ريان
من واقع تجربه في العمل الوظيفي ومن خلال تجربتي الوظيفيه ومن خلال ردودك بالمنتدى انتي انسانه ذكيه وتعاملك على ما يبدو لي مع الناس مثالي جداً وحساسه ايضاً جداً وانتي اهل للثقه لكن بالمقابل الشخصيه القياديه موهبه من الله ومع كامل احترامي وتقديري لشخصك وليس تقليلاً من مكانتك وقيمتك فانا لا لا ارى انك شخصيه قياديه فلو قبلتي هذا المنصب ستندمين على تفريطك بعملك الاول خصوصاً وانك كما ذكرتي مرتاحه ولبس لديك ضغوط واخذه راحتك بالعمل ومرناحه فيه حسب كلامك رايي الشخصي تتقدمين بالشكر لمديرتكم بالعمل على ثقتها بشخصك وتذكري لها ان لديك ظروف خاصه لاتساعدك بالقيام بهذه المهمه. ودمتم بخير انتهى كلامي خلاص |
رد: استشاره
وعليكم السلام ورحمة الله وبركاته
أسعد الله صباحكم بكل خير مرحبا يا شيخة ترف 1- أرغب بمعرفة طبيعة عمل ماهي كذلك الوظيفة التي أنتي مرشحة لترقية إليها ماهي وذلك لمعرفة التجانس بين الوظيفتين والفرق بينها 2- أن كنتي معلمة ومرشحه لإن تكوني ( مديرة ) من الآن أقولك أبقي على التدريس أفضل حيث أنه بتروح عنك مزايا الأجازات فأجازات المديرة قصيرة مقارنة بالمعلمة 3- التغيير والتطور مطلووووووووووووووووووووب لاتقولين ما ( أقدر ) إلا تقدرين في بدايتك أول يوم وظيفي جيتي فيه ماكنتي تعرفين شيء والآن متمكنه وتعرفين عملك بالتمام كذلك الترقية للوظيفة الأعلى تعرفين طبيعتها وتعرفين تديرينها لاتقولين منتي قيادية لا تحطمين ذاتك ومهاراتك قبل أن تظهريها وتستخدميها أنا عن نفسي مع التطور دائماً وأبدا ً التغيير للأعلى بلا توقف مهما كان التجربة والخطأ تعلمنا الكثير شخصيتك ماهي ضعيفة نعرفك ونعرف مستوى شخصيتك كذلك الشخصية تنمو وتتغيير وتكتسب مهارة وتطورة الضعيف بالشخصية يصبح قوي والغير قيادي يصبح قيادي عادي جدا ً هذه كلها سمات ومهارات تنمو وتتطور مع التمارين والتعلم فلا تضعي هذه الامور عائق أمامك أن كنتي فعلا ً لك رغبة في الترقية وإن كنتي لاترغبين فأعتذري عن الترشيح حيث إن نجاح كل عمل الرغبة الجادة بداخلنا نحو تحقيق طموح وهدف معين 4- مديرتك ما رشحتك إلا إنها رأت فيك كفاءة وأقتدار على الوظيفة 5-بكل تأكييد للترقية محفزات ومزايا ستأتيك الأنسان يتحفز بالمال ويتحفز بالتشجيع المعنوي ويتحفز بالتقدير لجهودة وعمله وربما كل ماتقدم توفر لك فماذا تنتظرين ؟ 6- سمعتي الآن مشورة أكثر من (10) أشخاص مقربين منك وأكثر بعداً عنك وبالأخير ( الخيار لك وحدك إتخذي القرار المناسب لك ) وسلامتن تسلمك وإلى المعالي دائما ً إن شاء الله |
رد: استشاره
الفرص لاتتكرر
|
رد: استشاره
اقتباس:
اي والله جدا مرتاحه بمكاني :( انا مالي خلق اتحمل مسؤليه زايده وتفكير و ..الخ بس ليش تعتذر لما قلت اني ماني شخصيه قياديه ؟ انت ماقللت من قدري او استنقصتني كوني ماني قياديه لايعني اني ناقصه او فيني خلل وكون الشخص يمتلك شخصيه قياديه لايعني انه كامل او مميز هي شخصيات وكل شخصيه فيها مزايا وسلبيات تختلف وتتفاوت عن غيريها عن نفسي انا شخصيتي اقرب مالها الشخصيه الاصلاحيه والمسالمه لكن قابله لان تكون قياديه لو ركزت على هالجانب من شخصيتب ولو كان عندي رغبه لتحمل المسؤليه لكن انا مالي رغبه بالاثنين (qq89) |
رد: استشاره
اقتباس:
اهلا بالغريب الحكيم انا وظيفتي اداريه مالها علاقه بالسلك التعليمي نهائيا والله ياغريب مو اني ما اقدر بس بيكون فيها تحمل للمسؤليه وبيكون التركيز علي عكس وضعي الان عادي جدا مثلي مثل غيري انا شخصيتي ليست قياديه بحت لكنها قابله لذالك مع التركيز على تعزيز جانب القياده فيها بمعى لو انحطيت بمكان اقدر اضبطه واديره لكن بضغط على نفسي لان هذي ماهي طبيعتي انا ماني ضعيفه شخصيه .. على العكس امتلك مميزات وقدرات جدا ممتازه لكن مع ذالك ارجع واقول مابي اجيب وجع الراس لنفسي وصحيح كلامك هي ما نادتني الا وهي شايفه امكانياتي بعينها .. حتى اني قلت لها انك ممكن تلقين احد اكفأ مني بهالمكان وقالت انا ما اشوف اكفأ ولا انسب منك وقالت انا مستعده ادعمك واوقف معاك واوفرلك فرصة التدريب لمكانك الجديد وانتي على رأس عملك الحالي بالنسبه للراتب ماراح يفرق ... اللي يفرق فقط المسمى الوظيفي بيكون افضل انا ياغريب مالي رغبه ابدا حابه مكاني ووضعي الحالي .. بس خايفه اتندم لاني ادري انه فرصه و... الخ انت قلي كيف اتخذ هالقرار وما اتندم عليه بعدين ؟ (qq89) |
رد: استشاره
مافيك حيله ياترف:(
دام هذه رغبتك خلك على حالك ولكن بعد بتندمين الروتين سيء والتغيير مطلوب والوظائف الادارية أذا ماتتطورين فيها ماراح تتطورين حتى التقاعد تدرين أن كلامك حطمني رغم أن الترقيه لك اقتباس:
|
| الساعة الآن 04:16 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir