سفرتنا
 

ولا اجمل من لحظات اجتمآع الاهل ع سفره واحده.
بل حقيقه هي لحظات ماتنشرى بملايين الدنيآ.

لكن أني لاحظت. مآيوجد عندنا اي استنفار برمضآن. فيما يخص الاكل. مثله مثل بقيه الايام.

سفرتنا الايام أللي راحت عباره عن.:

سمبوسه + تويست بر بالدجاج اعتقد.
واحيآنا بطاطس مشوي. .فقط.

الوالد دايم يقول الخف زين😁.

مااستغرب نهائي سفرتنا الا شفت العالم. اما بسناب او افطرت عند احد.

مقالي وفطاير وزيت وحالي و وو. . عد واغلط. اشعر اني لست بحاجه الى كللللل هذا الاكل! .الحمدلله

في بيتنا جميعنا مانعرف شي اسمه قولون او سمنه او كل مشاكل أللي يشتكون الناس منها.

انتم مثلنا او عندكم حاله استنفار؟. 😁

رد: سفرتنا
 

الحمدلله اننا عرفنا اخيرا ان شهر رمضان شهر عباده مو شهر طبخ وبلع ع الفطور .

فطورنا متواضع تمر وقهوه وماء فقط ... وبعد الصلاة كل شخص حبتين سمبوسه حسب رغبته يالحم او دجاج او جبن وشوربه وبس .

نروح للمسجد وحنا خفافيه ونصلي وحنا مبسوطين ... والله يافيه ناس كروشهم متر مرتزه قدام وهو يصلي كأنه بالشهر الثامن ع وشك ولاده اذا بغى يقوم او يسجد او يركع وماغير تسمع تغاره حوم الله كبودهم .

هو شهر عباده وايام معدودات اللي يستغلها صح افلح .. واللي ماغير مسلسلات وسهر وبلع عز الله خاب وخسر .

رد: سفرتنا
 

في تغيير اكيد

كل شي يتغير بها الشهر ..فكيف ما يتغير اكلنا ونوعه ؟


نجهز له قبل باسبوع على الاقل ونحضر تشكيلات معسلات واكلات رمضانية شعبية
والموالح كل يوم بيومه

رد: سفرتنا
 

احسن لك. 👍👍
اي البعض خلاص صارت عاده عنده ان برمضان لازم اصناف كثير.
ويدخل اكل ورى اكل ورى اكل مره وحده. وهذا والله مب زين ع الصحه بالمره

رد: سفرتنا
 

فيه تغييرات بالاكل جميله وخفيفه. تعودنا عليها وتوارثناها. ولها اجواءها برمضان
مثل السمبوسه الفيمتوا. الشوربه

لكن اصناف كثير. وزيوت وحلى ومقلي واشكال وانواع. واروح اي سوبرماركت بعد العصر طوابير. وزحمه.
غلط

رد: سفرتنا
 

قريت العنوان مادريتا .🙃🙃

بالنسبه لي اذا ماشفت السفره مليانه
ماتعرف لحمها من شحمها من فطايرها على حلاها
انعام اللهم لك الحمد وابرقي وارعدي .☠

رد: سفرتنا
 

ماعليك منها طول رمضان اكلهم

رفيسه وكسكسي وطاجين والحريره 🤢

رد: سفرتنا
 

ما عليك منه
طوووول السنة كبسة كبسة كبسة 😬

رد: سفرتنا
 

رمضان عبادة وأكل وأجتماع وود ومحبه
أنا كل رمضان وزني لازم ينزل لكن السفرة
الرمضانية خاصة فقط برمضان ليش نقطعها
وشبقى من رمضان وأجوائه الجميلة غير صلاة التراويح
والاطباق الرمضانية ، بالماضي رمضان نتلذذ بكل دقيقة فيه
والله النوم نعتبره خسارة من كثر الاجتماعات والناس بالشوارع
واللعب والعبادات


سمبوسة وتوست هذا أعتبره فطور التوقيف

رد: سفرتنا
 

انا يا فيصل ابلع الفطور بلع الا اللقيمات لانها تمتن