|
عمي يعتدي علي من صغري وانا اصير المجرمه..
بسم الله الرحمن الرحيم السلام عليكم ورحمة الله وبركاته .. ايش اخباركم !! اتمنى انكم تكونون بخيريارب ... وكل عام ونتم بألف صحه و سلامه .. انا عضوة جديده لكن من المتابعات لمنتدى قصيمي نت من زمان وكنت حابه هذا المنتدى وودي انضم له من زمان .. وانا عارفه فيكم الأم والأب والأخ والأخت وكلكم متفهمين وهذا الشي الي شجعني اكثر بأن اكون معاكم وغير كذا افتح لكم قلبي وقول لكم الي في خاطري ... انا صدق ماقدرت افتح قلبي لااهلي ولا قدرت اتكلم معاهم لكن اعتبركم انتوا اهلي وحاسه انكم راح تتفهموني وبنفس الوقت ماراح تبخلون علي بدعواتكم ... ذلحين راح اقولكم قصتي او با الاصح مشكلتي ... بداية طفولتي كانت طلاق امي و كان عمري شهر وطبعن هي الي طلبت وتركتني عند الوالد الله يخليه وانا تبهذلت يعني مرات اكون في بيت جدي ومرات عند وحده من عماتي متزوجه و الوالد بحكم عمله ماكان يقدر يكرس كل وقته لي الى ان تزوج وطبعن زوجته ما قصرت معاي ابد مهتمه فيني ولله الحمد وانا وهي قلب واحد يعني انا بنتها وهي امي مافي بينا خلاف والحمد الله الين صار عمري 6 سنين ومن هنا بدت المعاناه بنسبه لي معا الاسف كنت اروح اسلم على جدي و جدتي كل نهاية اسبوع و الوالد يتركني عندهم كذا ساعه اجلس معا بزارين عماتي بس معا الاسف انا كرهت اروحه هذي وصرت اوقات اذا جاء نهاية الاسبوع اسوي نفسي مريضه مو لاني مريضه صدق لا والله كنت احاول اتهرب بتقولون من ايش ؟؟ من عمي !! ايه عمي الي قتل لي طفولتي ودمر لي حياتي و ضيع لي مستقبلي كله بفعاله الشينه فيني .. كان يعتدي علي ولا يرحم دموعي وصغر سني ويجبرني على اشياء تقرف الكبير قبل الصغير .. زرع فيني الخوف ...خلاني افقد الثقه با الكل الى درجة اني كنت اخاف من ابوي و جدي المريض الله يرحمه ..كنت اعتقد ان ابوي و جدي و كل ذكر راح يسوي لي نفس السواه الي يسويها عمي فيني ..وغير كذا سكوتي على افعاله كان خوف كان يقول لي اني اذا تكلمت مافي احد راح يصدق وان الكل راح يكونون ضدي ولا راح يصدقوني لاني صغيره ومن كذا انا سكت لان عقلي على قدي وكنت احسب انو الكل اذا تكلمت راح يكونون ضدي يعني كنت اشوف نفسي انا المجرمه وهو المسكين ومن كذا بلعت المر وسكت ودايم كل ماطرا على باله يعتدي علي والله احيان يجي بيتنا مو لانه مشتاق لنا لا والله بس من شان يعتدي علي ما كان في احد يلاحظ ولا كان في احد يشك لانه عمي .. استمر يعتدي علي الين صار عمري 11سنه ومن بعد كذا انا الي حطيت لكل شي حد بتقولون وشلون ؟؟؟ صرت في صف 6ابتدائي وبهذي المرحله طبعن انتوا عارفين يعطونا دروس تدبير وتحتوي على البلوغ والاتصال الجنسي ..........الخ ومن بين الدروس انو البنت اول ماتبلغ تكون قادره انها تحمل انا حطيت الشي هذا براسي رغم اني مابلغت ذاك الوقت وفكرت انوا اذا جاء يعتدي علي الخنزير عمي اقوله معاي دوره وبكذا يبعد عني وفعلا جاء يعتدي علي بس انا قلت له انا فيني دوره وبكذا وقف عند حده وصار ماعاد يقربني ابد من بعد ذاك اليوم وصراحه تمنيت لو كنت ادرس هذي الماده من بدري وتمنيت لو اني كنت افهم هذي ال مواضيع من بدري بس الحمد الله على كل حال هذا انا كبرت وبما اني مو عارفه اذا انا فاقده غشاء البكاره او لا كل ماجاني احد يخطب اتعلث بدراسه الين صرت بثنوي انخطبت لولد عمي الكبير بس انا شرطت اكمل الثنويه بعدين نتزوج وكنت اتمنى الايام ماتروح ولا تمر الا وانا ميته بس تخرجت وجاء وقت الملكه وصدمت العايله برفضي واني مو مقتنعه بولد عمي الكل زعل وبدوا يطلعون الكلام علي واني دلع والوالد و الوالده ماعرفوا يربوني وعلموني على المياعه ودلعوني زود والخ...............من الحكي وانا الصراحه ماالومهم بس بنفس الوقت ماابغى احرج الوالد وايش ممكن اقول لويدرون اني مو عذراء شنو اقول بعد كل هذي السنين اقولهم عمي هو الي سوا فيني كذا صعبه الموضوع صعب على الوالد وعلى الكل ... كل شي يهون عندي بس دمعة ابوي ماتهون مو عارفة ردت فعل ابوي يوم يدري ولا ابغا اتخيلها ابد اموت ونحرم طول عمري من الزواج بس ابوي مابغاه يتكدر من شاني ولا ابغاه يوطي راسه ابد .. عمري ذلحين 21ومعا السنه الجديده راح ادخل22 وطبعن مااكذب عليكم اغلب صديقاتي تزوجوا وانا لا الى متى ؟؟الى الابد احن اكون زوجه طيب شنو ناقصني ؟؟ انتو عارفين احن اكون ام طيب ليش مايصير؟؟ انتو عارفين مااقدر اصير شي ابد غير اجلس عند امي و ابوي وخلاص هذي حياتي ... وجلس اتحمل كلام الناس ...ولو انهم مالهم حق يتكلمون لانهم مو عارفين ايش السالفه ... بس مجبوره اسكت وكتم بس على شان ابوي و امي الغالين ولا ما هموني الناس لو الود ودي الكل يدري با الفعله الرديه الي سواها عمي الحقير الواطي بس كل شي يهون من شان خاطر ابوي و امي كل شي يهون ... انا قلت لكم لاني ادري و متأكده انكم ناس متفهمين وكيد راح تحسون فيني بس كل الي ابيه منكم دعوه تكفون ادعوا لي ان الله يصبرني و يشرح لي صدري لاني دايم اذا تذكرت اجلس ابكي و للاسف ماالقى احد يواسيني بكلمه وهذا اصعب شي مو بس بنسبه لي لا اصعب شي يوم الانسان يمر بمصيبه لكن الاصعب يوم يكتم ولا يلقى من يواسيه ولا يقدر يشكي لاحد يفهمه .. تكفون ادعوا لي الله يرضى عليكم .. انــتــبـــهـــــــــــــوا انتبهوا على بزارينكم وعودوهم على المصارحه وطلاقه من شان اي شي يضايقهم يتكلمون ولا يطيحون بنفس المصيبه الي انا طحت فيها .. الله يحفظكم ويحفظ لكم اهلكم و كل من يعز عليكم .. ويستر علي وعليكم دنيا و اخره .. اما عمي الله لا يوفقه و لا يبيح منه والله يفضحه اذا مو بدنيا با الاخره دام الله فوق كل شي يهون علي يبي يجي يوم الكل راح ياخذ جزاه الله يأخذ حقي منه ... لاتنسون تدعون لي ... محبتكم .. دمــــــــــــــــــــــــوع القهــــــــــــــــــــر ندى الخالدي ***************************************** ********************* ************* ******** **** ** |
الله يكون بعونك اختي ندى بعد العسر ان شاء اليسر
|
الله ينصرك على من ظلمك أكيد في حل للموضوع الجئي لأحد الشيوخ الثقات وأكيد باذن الله يلاقي حل لمشكلتك
|
الله يعينك ما في غير تصارحي امك بالموضوع ما احد راح يفهمك غيرها وانشاء الله تلاقي الحل كتير بنات اتعرضو للاغتصاب وهما صغار و لقو نصيبهم وتزوجو وخلفو كمان مثلا انتي ممكن يقولو اهلك انك اتعرضتي للاغتصاب من السائق عشان ما يسير عندكم فضيحه و بعدين تلاقي واحد يخاف الله ويتفهم على وضعك ولا اي حل المهم الله يساعدك و يسعدك اللهم اميين..
|
الله يحفظكم يارب ويستر عليكم
بس انا مستحيل اني اتكلم ..بس تكفون ادعوا لي .. |
بسم الله الرحمن الرحيم
السلام عليكم ورحمة الله وبركاته أختي الكريمه.. أحسست معاناتك وقوة الألم بداخلك وقلبي معك وعمك هذا رجل مريض نفسي ويجب عليك تتجنبي حتى تسلمي عليه ولاتخافين أختي الغاليه سوف يلاقي جزاه بالدنيا قبل الآخره والله سبحانه يمهل ولايهمل... غاليتي.. أولاً يجب عليك مراجعة دكتوره نسائيه قبل كل شي حتى تطمني ويرتاح بالك وإذا لاسمح الله تأكدتي بأنفضاض بكارتك ضروري تخبري والدتك بكل شيئ... لأن الأم هي القلب الحنون وهي تعرف كيف تتصرف وتفائلي بالخير وأبتسمي للحياة فأنتي ليس لكِ ذنب بكل ماحصل لكِ ... وأكثري من الأستغفار والدعاء لنفسك بصلاتك بالستر بالدنيا والآخره... وأي شي أعتبريني أختك وصديقتك أختك هدهد |
هلا أختي ندى الخالدي..
وهلا ومرحبا بس في قصيمي نت ونورتي المنتدى.. اختي أحمد الله على كل حال.. بس نصيحه لس وافقي على ولد عمس ومافيها شي وبيجي اليوم اللي بيعرفون فيه وينكشف المستور..واذا ولد عمس عرف بالسالفه أكيد بيستر عليس انتي عرضه وشرفه على الاقل كم شهر وتتتطلقين منه وتلاقين نصيبس مع أحد غيرة مايعرف بالموضوع ولابسالفتس.. يااختي فكري بعقلس وترى أمس وابوس ماهم دايمين لس طول العمر..تزوجي توس باول العمر وموب لازم السالفه لاقلتيها لولد عمس بتطلع للكل اذا كان رجال يحفظ السر ولو عافس بعد العرس يطلق على الاقل مابيفظحس والدنيا فيها خير تلاقين اللي ياخذس ومايعرف بمشكلتس وتحققين حلمس وتصيرين زوجه وأم.. الله يوفقس دنيا واخرة وربي يفرج كربتس والله يحقق امنياتس وتتزوجين برجل صالح يحطس بعيونه.. |
اختي هدهد ..اخي طالب الرحمه
الله يجزاكم خير على احساسكم فيني .. والله كلامكم يريحني وخفف من معاناتي .. اما بنسبه لولد عمي ماتوقع راح يرجع مره ثانيه لانو عمي وعمتي الكبار زعلانين وفشله اني ارجع عن رفضي وقول ابيه ... بس الله كريم والله ييسر ... الله يحفظكم يارب ويستر عليكم .. لاتنسوني من دعواتكم ... |
الله يوفقك لكل خير اختي ندى ويستر عليك دنيا واخره
وعمك هذا اكيد مريض نفسي شلون يعتدي على شرف بنت اخوه اللي عرضها من عرضه حسبي الله ونعم الوكيل اول شي يالغاليه لازم تتاكدين ان غشاء البكاره موجود وهذا يخليك ضروري تروحين لطبيبة نساء تحججي باي حجه بس لازم تتاكدين واذا كانت موجوده ان شاء الله فالف حمد وشكر واذا لا لازم امك تدري بالسالفه اكثري الاستغفار وعليك بسهام الليل وحسبي الله على كل ظالم : |
لا حول ولا قوة الابالله
|
| الساعة الآن 03:44 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir