|
مابي احد يتوسط بالموضوع لا خطابه ولا غيره00 واللي يبي يتواصل معي يرسل على الخاص
انا شاب عمري 28 سنه واتمنى الاقي بنت الحلال طبعا انا تخرجت من الثانويه واخذت شهادة حاسب ولغه انجليزية واشتغلت بشركة لمدة سنتين وتركتها بعد كذا واشتغلت بمستشفى معروف بالرياض لمدة ستة سنوات ومن ثم تركتة علشان اتعالج في مستشفى بالدمام - طبعا بتقولون وش فيك انا جاتني حالة عدم اتزان بالمشي قبل يمكن خمس سنوات مادري وش اسبابها واقول الحمد لله على كل حال - طبعا معي سياره واسافر واروح واجي وادبر نفسي بنفسي برا البيت وجو البيت والفضل لله سبحانه . والحين جاري البحث عن عمل وانا مو مستعجل على العمل الحين الا لما الاقي بنت الحلال واعرف مكان عملها لاني ابيها معلمه طبعا مو مثل تفكير بعض الناس مو علشان راتبها او استغلها او الخرابيط هذي لا والله الا علشان لو سبحان الله تركت الوظيفه مثل وضعي الحين تكون لي عون على هالدنيا بس طبعا ارجع لمحور كلامي لما اعرف هي مدرسة باي منطقه راح ادور عمل قريب من منطقتها واليكم بعض المعلومات عني : انا عتيبي - قبيلي طبعا ( مايبيلها كلام ) العمر : 28 سنة الطول : 172 سم الوزن : 82 كيلو لاادخن الحمدلله اخاف الله واصلي طبعا مميزاتي اني مرح واحب الفله والضحك والوناسه حبوب حنون واموت في شي اسمه الرومنسيه ( يالبيه يالرومنسيه ) المواصفات المطلوبه في بنت االحلال : ( اهم شي الاخلاق والجمال وجمال الروح ) والعمر من 25 الى 28 يعني مثل عمري يعني تكون كامله والكامل وجه الله سبحانه ملاحظة : حطو تحت مدرسة خطين يعني بس مدرسه مو اي موظفة واتمنى من اللي يقدر يساعدني بها الشي سواءا كان رجل او امراه لايتاخر علي ويراسلني على الخاص والله يكتب اللي فيه خير انشاء الله |
من صدقك والا تمزح؟؟!!
|
الله يوفقك يارب
ويرزقك ويسخر لكــــــــــ |
الا والله صادق واظن كلامي مافيه عيب
والله يوفقك يامرة بباي واشكركم على المرور ويمكن البعض يقول وين اهله مايخطبون له - اقولكم الحمد لله اهلي موجودين وماني مقطوع من شجره - بس شاورت اهلي اني ادور زوجه لي بطريقي قالو اعقلها وتوكل على الله واذا لقيت البنت اللي تصلح لك بلغنا نخطبها من اهلها |
الاخ العزيز انا ابي اعالجك عن الاتزان هذه حاله معروفه لدي وللكثير من الاطبا
اما بخصوص الزواج الله يرزقك بس ياليت لقيت لك وسيله غير هالوسيله والله فضحتونا شباب الخليج الاصل والفصل والثراء عندكم وبنات العالم تحلم ان تتزوج خليجي وتحرجون على انفسكم مثل الخرفان ياحسافه على الشباب لعن ابو غيركم شيبان قاعد تاخذ 2و3و4 من المملكه ومن خارج المملكه ونتم بحلانين بالزواج ولكن انا ابي اعالجك عن الاتزان بس جاوبني على هالاسئله هل عندك التهاب بالاذن او بالانف وهل تحس بصداع في موخرة راسك وكم ضغطك وابشر ان شالله ولاريد منك الا دعواتك الصالحه مودتي لك |
انت باي ديرة وبعدين لازم مدرسه يعني ماينفع وحده جالسه با لبيت ومخلصه دراسه ولا عشان القريشات
|
السلام عليكم ورحمة الله وبركاته
في هذي حالتك لازم تتزوج مدرسـه لانك مريض الله يشفيك ويرزقـك الزوجه الصالحه والذريه الصالحه |
ونييس اولا : جزاك الله خير على انك بتعالجني وانا حمدلله مااحس بالاعراض اللي قلتها
ثانلىيا : انا قلتلك كلامي مافيه عيب لاني ماسويت مثل غيري اللي يرسل بالخاص على الخطابات وهو مستحي انا رجال وكلامي مافيه عيب ولاينقص من قدري بعدين انت تقول تحرجون على انفسكم وانتم وانتم الخ ... / كانك نسيت كلامك في موضوع الخطابه اللي تخاف الله لما قلت انا ابي بنت اكون لها الزوج والاخ والاب ولا منت خليجي مثلنا ( لاتنهى عن شئ وتاتي بمثله ) على العموم شكرا لك ورحم الله امرئ عرف قدر نفسه ------------------------------------------------------------- غزال قلتلك ليش ابي مدرسه والفلوس ماهمت الا ضعاف النفوس كلها فلوس تروح وتجي ماهمت احد ولله الحمد وياليت تقرين الموضوع مره ثانيه علشان تعرفين ليه ابي مدرسه على فكره : مرات استخدم الكرسي المتحرك للدعم في الوصول للمكان اللي ابيه بسرعه وشاكر لكم على المرور |
همسة الجنوب جزاك الله خير على دعواتك ومرورك
|
اقتباس:
عموماً والله يانواف أنك تستاهل كل خير بس كل البنات الي أعرفهم ماتزوجوا متعلمات ولكن غير موظفات :secret25: |
| الساعة الآن 10:00 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir