منتديات قصيمي نت - قصيدة بريده - ابداع بصوت صالح النغيمشي وعبدالله السكيتي

كلن هتف باسمك بريده بريده - ابداع بصوت صالح النغيمشي وعبدالله السكيتي

بريده

اداء : صالح النغيمشي
كورال : عبدالله السكيتي

استماع

تحميل

نبضات قلبي والمشاعر والافكـار
==========كلٌ هتف باسمك بريده... بريده
حتى القصايد في مزاياكِ تحتار
==========البيت أجيبه واشطبه ثم أعيده
في حسنها حتى القمر يكتب اشعار
==========فريدة ما مثلها من فريده
والشمس لا راحت على الغرب تنهار
==========تبكي على شان الحبيبه بعيده
حبيتها وفت الشتاء وقت الامطار
==========حبيتها وقت السموم الشديده
حبيتها رغم العجاج الذي ثار
==========حبيتها رغم الظروف العنيده
في بعدها قلبي على واهج النار
==========كني سجين ينتظر فك قيده
والا كما ذيب وضع بين الاسوار
==========عقب الحياة اللي بها ما يريده
عينه تخايل للقمر عقب الاسحار
==========يبكي ولكن دمعته ما تفيده
انا اشهد اني في هوى الزين بحار
==========وانا اشهد انك يا بريده قصيده
تستاهلين اهديك من جزل الاشعار
==========واهديك من جزل المعاني فريده
عزاه ياللي ما سكن فيك يا دار
==========عزاه ما ذاق الحياة السعيده
ونبضات قلبي كلها لك والافكار
==========كل هتف لك فأفرحي يا بريده
يالله ديم الخير يا نافع امطار
==========على ديار المسلمين العديده