|
** ملف خاص بالبيف باستري .... شاركوني فيه ***
بسم الله الرحمن الرحيم
السلام عليكم ورحمة الله وبركاته حيا الله الحبيبات (q72),, والغاليات (q72)،، بنات قصيمي نت .. مع لكن اليوم اقتراح حلو .. وش رأيكن نسوي ملف خاص بالبيف باستري .. كل وحدة عندها طريقة للبيف باستري تشاركنا فيها هنا ..:) وبكذا بيصير عندنا ملف حلو عن البيف باستري .. وبيستفيد منه الجميع .. وخصوصاً أن رمضان مقبل علينا .. الله يبلغناه .. والكل طبعاً يحب الحلى مع الفطور برمضان .. ببدأ بكم طريقة عندي ومضمونة بإذن الله لأني مجربتها ... استعنت بالله ... مثلثات البيف باستري ( حلى ) .. المقادير .. عجينة البيف باستري ( مربعات ) . قشطة طازجة . جبن كيري . شيرة جاهزة . الطريقة .. نخلط كمية من جبن الكيري مع القشطة الطازجة ونحشي بها المربعات .. ونثني كل مربع على شكل مثلث .. ندهن وجه المثلثات بالبيض + فانيليا .. ونخبزها بالفرن .. ملاحظة .. المثلثات هذي تحتاج لنار هاديه ومدة خبزها نصف ساعة تقريباً علشان يتضاعف حجمها .. وتشتوي كل طبقة فيها .. وإذا كملت المثلثات ربع ساعة بالفرن نولع الشعلة الفوقية بس نقصر عليها بالحيل ..وبعد نترك الشعلة السفلية مولعة بس مقصرين عليها ... وبهالطريقة بيتضاعف حجم بشكل حلو .. بعد ماتستوي نتركها تبرد شوي ونصفها في صحن حلو ونرش عليها الشيرة ونجملها بالفستق المجروش .. وعليكم بالف عافية .. * * قوالب البيف باستري ... المقادير .. عجينة بيف باستري ( مربعات ) الحجم الصغير وإذا ماحلصتيه تقسمين المربع لأربعة أقسام .. حشوة مالحة ( يادجاج أو خضار ) حسب ماتحبين .. أو .. حشوة حلوة ( كيري + قشطة طازجة ) أو ( فستق مجروش + ماء زهر + سكر ناعم ) أو ( جبن كيري + عجينة بسبوسة ) .. حسب ماتحبين .. شيرة .. اكيد بتسألوني عن جبن الكيري + عجينة البسوسة :) .. جايتكن ياغاليات بالطريقة ... نجيب صواني القوالب الصغيرة ونحط بداخل كل قالب مربع من البيف باستري .. وبعدها نحشي العجينة بالحشوة المرغوبة .. ومن ناحية حشوة الكيري والسميد .. نحط بداخل كل مربع قطعة كيري وبعدها نصب عليها شوي من عجينة البسبوسة ونخبزها بالفرن .. وبعد ماتستوي نتركها تبرد طبعاً ثم نصفها في صحن تقديم حلو ونرش عليها شيرة .. وبس وعليكم بالعاااااااافية * * مربعات البيف باستري بالدجاج ( مالح ) المقادير .. عجينة بيف باستري ( مربعات ) .. الحشوة( دجاج مفروم ومحموس في بصل وشوي زيت وملح ومبهر + مكعبات خضار مسلوقة+ بقدونس مفري ) .. الطريقة .. نجيب كل مربع ونحط بوسطه حشوة الدجاج ونسكرة بتجميع الزوايا لفوق ( مثل فطائر السبانخ ) بس هذي يطلع شكلها مربع .. طبعاً نحطها بصينية وندهن وجها بالبيض ونخبزها بالفرن ... على نار هادية بالحيل ولمدة نصف ساعة .. وبعد ماتستوي نصفها بصحن التقديم ويالله تفضلوا .. وبالعافية مقدماً .. * * بيف باستري على شكل الحلاوة .. المقادير .. عجينة البيف باستري .. جبن كيري أو أي جبن تفضلونه .. شيرة .. الطريقة .. نقطع المربعات الكبيرة إلى 4 مربعات صغيرة .. ونحشي كل مربع بالجبنة ونلويها على شكل حلاوة ( وكل وحدة وشطارتها ) .. نخبرزها بالفرن بعد ماندهن وجها بالبيض .. وبعد ماتسوتي وتبرد نرش عليها شيرة .. وعوافي عليكم .... * * البيف باستري بالنقانق .. ( مالح ) المقادير .. عجينة بيف باستري مربعات .. نقانق دجاج مسلوقة .. الطريقة .. نجيب كل مربع ونحط بوسطه حبة نقانق ونلف العجينة عليها ونقطع الزوائد .. نقطع العجينة المحشية بالنقانق إلى 4 قطع .. نصفها بالصينية وندهن وجها بالبيض ونخبزها بالفرن .. وطبعاً بعد ماتسوتي .. نصفها بصحن التقديم ونزينه بالبقدونس ونقول ... عليكم بالف صحة وعافية .. * * وش بعد عندي .... ايه تذكرت .. عندي طريقة حلوة بالحيل .. البيف باستري بالنقت والجبن .. المقادير.. عجينة بيف باستري مربعات .. نقت مقلي .. جبن شرائح .. الطريقة .. نقسم المربع الواحد لقسمين بحيث يصير عندنا مثلثن .. نحط بكل مثلث نقت وفوقها قطعة جبن شرائح ونلفها على شكل الكروسان .. وياليت يكون طالع من الأطراف النقت والجبن .. علشان يكون شكلها حلو .. ثم نصفها بصينية وندهنها بالبيض .. وبعدها نخبزها بالفرن .. ثم نصفها بصحن التقديم ونتفنن بتزيينها ونقدمها للأحباب .. ترى شكلها جناااااااان وطعمها رووووووعة ..لا تفوتكم وعليكم مو بالعافية إلا بألف عافية .. وش بعد عندي ..(qq40) بصراحة هذا الي في بالي الحين .. وإذا تذكرت الباقي بكتبه لكن بإذن الله .. واتمنى أن الفكرة تعجبكن وتشاركني فيها .. استودعكن الله الذي لا تضع ودائعه .. (q72)محبتكن(q72) .. بنت نجد |
مشكووره على الموضوع الزين و الحلو و مشكوووره برضو على الوصفات الرووعه اللي كتبتيها
و ان شاء الله بجربها بس اذا ما زبطت معي ترا بزعجك لحد ما تزبط (asf) و ان شاء الله برجع لكم |
يابعد الدنيا يابنت نجد فكرة موضوعك خطيره حلي البف باستري بالشكولاتة والبندق المقادير: عجينة بف باستري جاهزة...حوالي (375جرام) 8 ملاعق كبيرة من شكولاتة البندق السائلة (تباع في كاسات) 2/1 كوب بندق محمص ونصف مطحون 5 ملاعق صغيرة سكر الطريقة: 1ـ افردي العجينة على سطح مرشوش قليلا بالدقيق بحيث تكون مستطيل (40 سم * 20 سم) أو شبرين في شبر. 2ـ اضيفي الشكولاتة على العجينة بالكامل وبالتساوي باستخدام الموس العريض ...ثم رشي عليها البندق بالكامل.. http://heba02.jeeran.com/bondoq1.gif 3ـ لفي جانب من العجينة مثل السوسرول الى ان تصلي الى المنتصف....ثم لفي الجانب الاخر بنفس الطريقة الى ان يلتقيا في الوسط...والصقيهما مع بعض بقليل من الماء. http://heba02.jeeran.com/bondoq2.gif اقطعي العجينة بالموس الى شرائح عرضها 1سم ..وضعيها بالصينية الخاصة بالفرن مع الضغط عليها قليلا بظهر الموس. http://heba02.jeeran.com/bondoq3.gif واخيرا رشيها بالسكر...وادخليها الفرن لمدة 10 ـ 15 دقيقة او حتى تحمر قليلا.. اتركيها لتبرد قبل التقديم...والف صحة وعافية... http://heba02.jeeran.com/bondoq4.gif منقول :p |
يعطيك العافيه اختى بنت نجد وكل الطرق اللي ذكرتيها حلوه انا اقترح اضافه قرفه وبعد ماتستوي تحط عليها شيره او حليب نستله بتصير زي السينبون وبالعافيه للجميع |
يعطيك العافية شيفتنا الغالية(ash)(ash)
|
يعطيك العافيه اختي
وان شاء الله بجربها برمضان |
الميل في http://heba02.jeeran.com/mailfe.jpg المقادير: عجينة بف باستري المربعات -1كأس حليب بودرة- 1كأس ماء- بيضة- 1ملعقة نشأ-1ملعقة دقيق- 1/4 كأس سكر-رشة فانيليا-سكر بودرة للزينة الطريقة: نأخذ العجينة ونقسم كل مربع الى قسمين وتصف في الصينية ثم توضع في الفرن حتى تنفش وتحمر، وفي هذة الاثناء نضع جميع المقادير الباقية في الخلاط ماعدا السكر البودرة وتخلط جيدا ثم توضع على النار وتحرك حتى تثقل . نأخذ قطعة من العجينة المستوية ونقسمها الى قسمين بحيث يصبح كل مربع مقسوم الى 4 اقسام ثم تجمع هذه الاقسام بخليط الكستر في وسطهاعلى شكل طبقات وعند الانتهاء يرش عليها السكر ثم نأتي بسيخ ونحميه على النار ثم نضعه على السكر لعمل خطوط للزينة وبالهناء والعافية لذيذة جدا جدا منقول اذا حصلت شي ثاني بجيبه ان شاء الله لكن بجربه قبل اذا ضبط نزلته لكم |
تشكرات كثيرات شيف نجديه على الوصفات :)
|
اقتباس:
بس ياعمري وين وصفاتك الي تسوينها بالبيف باستري ... ترى بنتظرها منك :) وبإذن الله تجربينها وتزبط وإذا مازبطت أنا تحت أمرك ياغالية .. ومشكورة ياعمري على هالتواجد الحلو .. حفظكِ الله محبتكِ بنت نجد |
بسم الله الرحمن الرحيم
السلام عليكم ورحمة الله وبركاته هلا والله وغلا بحبيبتي .. هبه ياملا العافية والله ... وصفاتك روووعة وبجربها بإذن الله والدعوة الطيبة من نصيبك .. والف شكر ياقلبي على مشاركتك معي بملفي :) ويازينك ويازين نقلك .. وانتظر جديدك بالملف ياغالية .. حفظكِ الله محبتكِ بنت نجد |
| الساعة الآن 01:57 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir