من حساب فضفضة
 

انا متزوجة من ١٣ سنه وزواج تقليدي واحنا رسميين مع بعض يعني هو صامت وغامض ودايما يقول هذا طبعي من كنت صغير واحيانا يتصل احد أصحابه يتجاهلة مايرد يقول يسولف كثير ويصدع براسي انا اخذت هذا المبدا انه هو ينغث من الكلام الزايد واسكت ماسولف اكتشفت قبل فترة انه ضايف بنات كثير بالسناب يفضفض لهم ويحكي لهم كل شيء حتى عيوبي والمشاكل اللي تصير معنا يعني بالعربي الفصيح ماخلا ولا بقا شيء ماقاله فيني وبأمي وابوي واللي بقلبه وخاطره وش يحب ويكره 50٪ من شخصيته اكتشفتها بالمحادثات ويحب يتفلسف يسوي نفسه فاهم ويبدي رأيه بكل شي وحده منزله صوره ولدها بالسناب انه مايسمع كلامها ورد عليها مقطع صوت رد منطقي لكن انا لما انقد على عيالي يسكت حتى لو يشوف تصرفي غلط هو طبعآ حتى مع أمه وإخوانه واصحابه هادي وصامت يبغى الناس تفهمه من دون مايتكلم واي شخص بالوجود يشوف منه حركه او تصرف مايعجبه يكره وينقد عليه للأبد ودايما هو مو فاهم نفسه ومزاجه متقلب انا عجزت افهم شخصيته تعبت دايم يجامل ويداري وهو من جواته مكسور ويبغى يحكي للغريب يفهمه عشان يمدحه ويعزز له وأنا اتشفق من جواتي اسمع كلمه منه عن ماضيه او عن اللي بخاطره وقلبه مايحكي يحسسني مافهمه ولا استجيب ولا يحب المقربين منه يعرفون انه الا انه شخص مثالي وكامل توقعت وجاء بالي انا مو مناسبة له ويبغى زواج عن حب اي وحده تفهمه يحبها و لو فيها عيوب الدنيا مايشوفها تعبت ادور مستشارات نفسية كلهم بفلوس وانا ما املك ولا ريال وحبيت افضفض يمكن احصل احد عند خبرة او نصيحه او يعرف بتحليل الشخصيات لعل وعسى اعرف اتعامل معه


___________


الي عنده حساب بتويتر اكيد بيطلع له حساب فضفضة المليئ بها القصص
رابط التغريدة
https://twitter.com/FdFdHME/status/1...gZoCxG73w&s=19

اراءكم على هذي

رد: من حساب فضفضة
 

ولا اسوأ من أللي يتجسس من خلفك. وينتهك خصوصيتك. ويرى اسوأ مافيك
ثم يقول هذا انت!

هو لو تجسس ونبش خلفها سيجد انها كتبت هذا البوست تشتكي منه وتسبه وتفضحه.



نرجع للمشكله بعض النظر عن انها الغلطانه بلاشك.
هي قالت انه مثالي ويكره النقد وصامت وفاقد للثقه. وهذا يبين سبب انه ياخذ راحته اكثر بالعالم الافتراضي. تخف القيود لديه. وليس كما يخيل لها كما ذكرت بالدراما أللي كاتبتها.

رد: من حساب فضفضة
 

المغزلجيه لهم حياة شيطانيه خاصه فيهم ... والمصيبه اذا المغزلجي تزوج على مسلمه عفيفه وطاهره وكل صفه زينه فيها لن ولم تملأ عينه .

المغزلجي يترك زوجته القمر النظيفه الطاهره ويعاشر الشرموطه الوسخه ويسولف معها ويجد متعته معها وهو في قمة سعادته الشيطانيه .

هالنوعيات هم وسخين وقذرين ولهم مستنقع خاص فيهم ولا يجد سعادته الا مع شراميط مثله .

الطيور ع اشكالها تقع .

رد: من حساب فضفضة
 

انا اتفق مع الي قال انها هي الغلطانه بالتجسس عليه ومعرفه كل ماهو خافي. وهاذي رده فعله بالسكوت
امامها واحتقاره لها وعدم طيقه للكلام معها

وعشان كذا يدور الحب ليظهر مافي جعبته وقلبه من الكلام .

رد: من حساب فضفضة
 

اعتقد انه في عقده وفي خلل منذ الصغر

احيانا الانسان يتاثر من اشياء ظروف عاشها او شافها من الصغر

ويقاوم نفسه ويحط نفسه انا اسكت عاقل وفاهم وجبروت وهو من داخله

مجروح مهموم ضعيف تربيته فيها قسوه من الاهل
مادري اعتقد مايبي يبين ضعفه لزوجته وبيته عشان هيبته في بيته

انا اقول مدام ان باقي عليها وعلي بيته تسكت عنه ولا كانها تدري
وتحاول تتقرب منه اكثر واكثر وتوددله وتصبر ومهما كان راح يلين بطيب
والكلام الحلو يعني كذا
مافي احد احد كامل بالدنيا وكلن له عيوب
وهذا زوجها وابوي عيالها تصبر
هي نزوه وتتعدي

رد: من حساب فضفضة
 

كبرت يا فيصول ...وصارت ردودك معقولة وتجيب النقاش 😄


بس تعال
بالوضع الطبيعي لاثنين متزوجين ...مالازم يكون بينهم خصوصيتي وخصوصيتك
جعلنا لكم ازواجا لتسكنوا اليها ...مو تسكنوا عند الجيران! وجعلنا بينكم مودة ورحمة ..مو المودة والرحمة للاغراب ولزوجتك او زوجك لا ! الاقربون اولى بالمعروف
وانه مايكون في اسرار بينهم وما يضطر او تضطر يفتشون باشياء بعض او يترصدون لبعض

طبعا هذا الوضع المثالي الي لازم يكون
لكن للاسف الواقع مختلف


وانا اعذر الزوج هنا في حالة واحدة
اذا كان لبوحه لزوجته ضرر عليه وعلى علاقته معها ...هو يتحاشى يبين لها ما يسوءه ..ممكن ما يثق بردود افعالها ...او يخشى تستخدم شي عنه ضده ساعة الخلافات وما اليه
ترى مو كل النسوان تنفع سند هههه

يا الله ..ماعلينا
ماحد عايش متهني

رد: من حساب فضفضة
 

انت ليش معصب؟!
شخصنت الموضوع 🤨

رد: من حساب فضفضة
 

على اساس الي راح لعندها ليحبها ماراح تتجسس عليه ان شكت فيه؟ 🤨

انا ضد التجسس بين الازواج من كلا الطرفين لشيء اساسي
هو انه يفقد الثقة بينهما
هو ان كان عنده شي يخفيه ومخبيه ..عرفتي كامراة او ما عرفتي شي سيء بالنسبة لك
المشكلة ان عرف انك تتجسسي عليه وهو بريء

احيانا الثقة حتى في غير موضعها تجيب الخير لصاحبها
عسى من حاله يقول عيب ...واحد يثق بك ليش لاخذله؟
او تكسبين راحة عقلك ...الجهل نعمة

الله يصلح الاحوال

رد: من حساب فضفضة
 

اشوف مو ضروري يكون الانسان به عقد او خلل نفسي

ترانا كلللنا نحاول الحفاظ على كبرياءنا امام من حولنا ..فكيف بالرجال ...خاصة نوعية خاصة من النرجسيين هههه

هذا مهما حاولت تتقرب من دواخله يعمل فيها غامض مثالي الشديد القوي والمتباعد بحيث يقتل الميانة معه في مهدها
كذا ..في نوعية هذا جوها ..حتى مع اقربالمقربين...رسميين جدا
واظن الي بالقصة كذا ...لحتى يحافظ على صورة نمطية له تفرض نوع من الاحترام والتوقير
على باله انه هاشي لا ينال الا بهذه الطريقة!


انا جاوبت عليها في التغريدة
قلت تدخل حتى هي لسنابه كواحدة من البنات خخخخ

رد: من حساب فضفضة