13-01-13, 03:50 PM
|
|
مدير عام المنتدى - أخــــت الــــكـــــل
|
|
|
|
جربت في الدنيا تجاريب شايب
وعرفت خلاني وميزت الأصحاب
وعرفت طبع الناس مخطي وصايب
ماني بخبلٍ تخدعه ضحكة الناب
وجنبت اانا العالم وبعض القرايب
البعض منهم قربهم عقرب وداب
لو كان تعطيهم عيونك وهايب
ماينفعونك جيدهم عند الأجناب
ناسٍ يعادونك بليا سبايب
حط الحواجز دونهم واغلق الباب
بعض البشر قلبه من الحقد عايب
لافيه طب وقلبه أسود من غراب
عنده نجاحك من كبار المصايب
وأذا سمع مدحك من الغير ينصاب
لولا الحيا سالت دموعه سكايب
مسكين من نار الحسد ماكل تراااب
اللي يذمك كل ماصرت غايب
وان جيت قدم لك تراحيب واعجاب
كبه ترى مثله مع الناس خايب
عادات ابو وجهين يكذب ويغتاب
لو تغرقه بالطيب ماهو بطايب
لاتنخدع في مثل شرواه لو طاب
تبقى الحقيقه يا زمان العجايب
الروس روس ولو يغارون الأذناب
الله الله الله
كلمات رائعه
تسلم يمينك
التوقيع
|
لاتتخيل كل الناس ملائكة ,, فتنهار أحلامك ,, ولاتجعل ثقتك بهم عمياء,,لأنك ستبكي يوماً على سذاجتك ولتكن فيك طبيعة الماء ,, الذي يحطم الصخرة ,, بينما ينساب قطرةً قطره ..
|
|