الموضوع
:
بَعَضًا من مراهقة الطعشات 👫
عرض مشاركة واحدة
#
43
05-01-19, 07:31 PM
عساس الحيا
][لرتبة رآئد ترفيهي][
رد: بَعَضًا من مراهقة الطعشات 👫
اقتباس:
المشاركة الأصلية كتبت بواسطة الطرف الحنون
من سواليف الماضي الجميل:
1- اذا وصلنا لديرتنا (جايين من الرياض لديرتنا) بعد العصر ودخلنا على بيت جدي (طبعاً كل عماني وعماتي وعيالهم وبناتهم وخلقن كثييير في هالبيت) اذا دخلنا نشم ريح الزفر (بحكم انهم يطبخون ذبيحه كل يوم) واذا دخلنا الصاله نلقى البنات والعيال متبطحين بجميع الوضعيات يناظرون توم اند جيري وباباي وزيتونه ونقار الخشب ثم بعدها مسلسل كرتوني عربي يا سالي (كئييييبه هالسالي) والا كابتن ماجد والا سنشيرو ... الخ وبعدها تعم الفرحه بدخولنا المفاجيء ومعنا حلاو ونوزع ونصير اصدقاااء (اصدقاء حلاو)
2- اذا جت سيارة رش المبيد (نسميها الفليت اللي يبخ ديزل ابيض) نلحقه وهو يبخ وعقبها نصير شهبانن لهبان ... معد نعرف ارواحنا ... ونبتل نلحقه الين اخر الشارع ونتعلق احياناً في موتره الين يوصل للبقاله ونحول عندها ونشتري عسكريم ابو علك (اللي علبته مخروطيه وفي اخرها علك) والا عسكريم صابونه كان هالعسكريم فكره جديده هاك الحين ... مافيه عود ... فقط قطعه مربعه يكسوها الشقلاطه وتحتها الفانيليا علشان كذا يسمونه عسكريم صابونه
3- كنا مجموعة شباب اعمارنا مابين ال11 الى 15 وقائدنا عمي .... نروح للحوش وفيه سيارات درادع ... والهدف هو تشغيل واحد من هالدرادع والتفحيط به وكان ددسن غماره موديل 80 ... لكن الاشكاليه اذا جا بيشغله بيطلع صوت التشغيل وهذا يعني اننا مكشوفين ... وكانت الخطه اننا نصدر صوت صراخ وزعاق علشان نخفي صوت تشغيل السياره أثناء التشغيل
... واذا شغلناها رحنا بها للخلى ... يبعد عن البيت 2 كيلو وهناك يبدا الاكشن ..... تفحيط وتخميس ... وصار اللي ماجا على البال ... وانقلبت السياره على جنبها الايمن
... والجيش ماقصر ... قام وعدل الموتر ...
وكملنا الاكشن والامور زينه ... وبعدها رجعنا الامانه الى مكانها ويا دار مادخلك شر
وشكراً عالموضوع
الطرف الحنوون جميل اسمك ما اجمل العطف والحنان
هههههههههههه الطرف الحنون ذكرتني بريحة الزفر وفوح القدر
ياخي حتى ذبائح قبل غيرر وطعمها غيررر
نفس وضعنا تطبح على البلاستيشن او لعب حواري ههههههههه
سااالي ساالي سااالي
هههههههه والله انكم مثلنا طررد للفليت احسن ترفيه مجاني
على طارري الصراخ عشان تغطون على سرقة السيارة ياالطرف الحنون
تذكرت حركه منتشره في اوساط جيلنا
اللي اذا دخل الحمام بدا يصارخ ويغني يغطي على بعض الاصوات
ذكرياتك روعه يالطرف الحنون واحسك من جيلنا
الا عمرك شغلت افلام هندية
مشاركة هذا الرد في
Google
Facebook
Twitter
Digg
أنت معجب بهذا.
التوقيع
اسألني
https://ask.fm/Assas671
رحمك الله ياخفوق
عساس الحيا
مشاهدة ملفه الشخصي
إرسال رسالة خاصة إلى عساس الحيا
زيارة موقع عساس الحيا المفضل
البحث عن المشاركات التي كتبها عساس الحيا