صباجكم خير حبيت اشارككم وسبق مشاركتي فيها 2009 في هذا المنتدى الغالي اخوكم ااااهاااات
الصدود إن طال يتعب قلوب العاشقيـن
وأنت ماتدري. صدودك يسبب لي بـلا
والله انا يابيض الخد نرجي من سنيـن
وانت تتغلـى علينـا ويـزداد الغـلا
عشقنا تـراه عشـق العبـاد الاوليـن
ماهو بعشق المراهق ولا عشق مثـلا
عشقنا قصه وعبره وترحـال وحنيـن
ومالنا عن بعضنا ياهوى الروح بـدلا
وانت لك زهوه على الغيد زادت حبتين
حق لك يازين تمشـي بزهـوً وخيـلا
تعرف انك في عذاب البشر ساطي مكين
والذي مايرحـم النـاس والله يسئـلا
انت حبك في ثنايا الحشاء ساسه متين
حيث تقديرك على رأس مغليك اعتـلا
تدري ان الماس والدر والجوهر ثميـن
وانك اغلى منه يازيـن فـرد وجمـلا
ياوزين الروح مالك وسط قلبي وزيـن
لو سلا قلبي عن البيض عنك ما سـلا
كملك ربي وطلتـك تمـلا كـل عيـن
اكتمل فيك الدلـع واللطافـه والحـلا
انت جاوب من ترجاك باحدى كلمتيـن
امـا قلـي ياهـلا فيـك والا قـول لا[/center]
منقول