اليوم الأول عيدين
صباح ومساء
ثاني يوم عيد كبير ( على قولة آسية عرس )
نظامي بالأعياد ( أحيانا )
إعادة التدوير
اللي ألبسه لعيد الفطر الصباح ممكن ألبسه لعيد الأضحى الليل ، والعكس
خاصة إذا فخم وما ينلبس إلا لمناسبات ( مع العلم أعيادنا اليوم الأول جدا بسيطة خاصة عيد الليل ، مع الأسف )
مو دايم أسوي كذا
إذا دولابي مليان ( الحمد لله ) أسويها وأرتاح من البحث
لأني بالشراء أبلش عندي مقاييس معينة للشراء
نادر ألقى الفخم و المناسب بنفس الوقت
غالبا طريقتي مجرد ما ألقى المناسب مباشرة آخذه وأخليه للمناسبات والاجتماعات الكبيرة
بس أحيانا ما تصدف أروح للسوق بوقت كافي
والطلب أون لاين انسي أطلب لمناسبة كبيرة بوقت ضيق
ولا أحب الطلب كثير بالأغلب أروح بدري أشتريه من السوق
نظامي أشوفه على عيني وأمسك خامته بيدي
بالنسبة للأحذية والشنط والاكسسوارات والمجوهرات والمناكير
المناسب من اللي عندي
اكسسوارات شعر نادر أفكر فيها ( ما أحب شيء فوق راسي
)
العطور على حسب الموجود عندي بالغالب
هالسنة بما إني طلبت من لافيرن بيكون هو عطر العيد
ليلة العيد أو قبل بيوم يومين
لازم أروح المشغل أرتب شعري وأسوي بدكير وحمام زيت
واذا لي رغبة بالتغيير والصبغة أصبغ شعري بالبيت قبل كم يوم
وصلى الله وبارك