[الذهبي]

القصيدة للشاعر المبدع عبد العزيز الجمعي
والشيله بصوت ابراهيم الصيخان

استماع

تحميل



هذي عنيزة ولا أدري ويش أسميهـا
================الشمس والا القمر والا السماء العالي

هذي صبا نجد عـلّّ السيـل واديهـا
================يعلها السيل وقت السيـل همـا لـي

هذي عنيزة وهذا مجـد مـا ضيهـا
================يشهد لها ما ضي الايـام والتـا لـي

يفز قلبـي الـى مـن حـل طاريهـا
================شربت حبه مع الما الطيـب الحالـي

هذي عنيزة وهـذا عشـق راعيهـا
================معشوقة اللي يحـب الطيـب الغالـي

قالوا لي إذ كر لنا وش ولعـك فيهـا
================يا للي تقول إنها دايم علـى بـا لـي

قالوا وهم خا بريـن أجمـل معانيهـا
================إقبالهم صفحة التاريـخ وإقبـا لـي

وشلون أوصفـك يـادار لنـا فيهـا
================ذ كرى المعزة مع العم ومع الخالـي

وشلون أوصف ربيعه طيـب أهاليهـا
================وإلا صفا الروض وإلا الطعس والجالي

وإلا صفا الجـو وإلا صفـو روابيهـا
================وإلا النخل والثمر من كـل الاشكالـي

ما تنوصف والمعا نـي مـا توفيهـا
================وشلون أبرسم خيا ل إسنين وآما لـي

الله واكبـر الـى نـادى مناديـهـا
================يجلي هموم لها بالقلـب زلـزا لـي

العلـم بـد ر تجلـىّ فـي لياليـهـا
================والحلم للمشكلات السـود حـلالـي

للعلـم والحلـم رب البيـت هاديهـا
================الحضر والبدو ما للجهل مدخـا لـي

تسمع هلا مرحبـا لا جيـت تناديهـا
================وتشوف جزل الحطب وإبريق وإدلالي

ترى حلاة الحيـاة وكـل أمـا نيهـا
================مع الله أكبر تسـدك راحـة البالـي

ويبقى الكرم بالحجاج وبيض أياديهـا
================ويبقى شعار الكـرم دلـة وفنجالـي

والنا س كل ولـي العـرش مغنيهـا
================الرزق عند الكريـم الـرازق الوالـي

هذي عنيـزة محـافظهـا وأهاليهـا
================الراس واحد عليـه شمـاغ وعقالـي

هذي عنيـزة ولـي العـرش واليهـا
================المهرة اللي لها ابن سعود خيا لـي

واختامهـا فـي صلـوات نصليهـا
================على محمد عدد مـا يـذن التالـي


اتمنى تكون اعجبتكم

مع ودي

مشاركة هذا الرد في Google Facebook Twitter Digg

أنت معجب بهذا.