07-07-09, 10:53 AM
|
|
شلون أهرب من الواقع المرير!! وش أسوي معقوله أسلم نفسي له وأنا بكامل عقلي(نجوم السماء أقرب له..هين يا مطلق أنا أوريك) قمت من فراشي وفتحت درج صغير جنب سريري وطلعت البوم صور لي لماكنت صغيره.وفيه صوره لي أنا و"مطلق"يوم كنا صغار مع بعض (بس لو أعرف منهو اللي مصورنا مع بعض الله لايعافيه) ورجعت بذكرياتي لورى لما كان عمري خمس سنوات
أيام الخطوبه(ههههههه على خمس سنين) وكنت دايم أتهاوش معاه (سبحان الله من يومي صغيره ما ادانيه) بس هو كان يحبني ومايضربني وكان دايم يشتريلي حلويات(يبي يكسب رضاي)؟؟
كانوا بيت عمي قدامنا وبجنبهم بيت"أحمد" .. أحمد حبي الأول .. أحمد الطفل المدلل بالحاره
كان عمره6سنوات..دايم يتهاوش معه"مطلق"وصراعات مستمره بينهم طبعن بسببي
أنا بس العب مع"أحمد"ونتهاوش مع"مطلق" .. مطلق كان يغار من"أحمد"ومره شافني طولت لعب معه..سحبني بشعري بقوه وقال لي:أدخلي ولاأعلم أبوك
أمل:أنقلع مالك دخل
مطلق:أنا زوجك لازم تسمعين كلامي
تفشلت قدام"أحمد"..ورحت للبيت مسرعه لأمي وقلت لها عن كلام مطلق
ضحكت أمي وقالت:أيه يابنتي أنتي زوجته ومن تكبرون بنـزوجكم
استغربت أنا وقلت:يمه بس أنا ما ادانيه شكله يضحك
أمي:ماعليك بكرة يكبر ويزين وتساوى خشته
من وقتها وأناكل يوم تطلع فيه الشمس أركض لبيت عمي وأشوف"مطلق"هي تساوت خشته ولا بس مافيه فايده كبر وكبرت خشته معاه..نسيت الموضوع ولا أحد جاب لي طاري
كبرت ودخلت المتوسطه وكنا سن المراهقه..(المراهقه) وأتذكر يوم من الأيام..كنا أنا وبنات الفصل متجمعات وكان موضوعنا عن مواصفات زوج المستقبل!! كل وحده قالت إللي عندها ويوم جاء دوري قلت أبيه زي"توم كروز" .. هنا ضحكو البنات وكان معنا بنات عمي بنفس الصف وقالو:لايكون قصدك"مطلق" توم وجلسوا يضحكون..أستغربت أنا وش دخل مطلق؟؟
قالت وحده منهم:ليش ماتدرين أن ولد عمنا "مطلق"حاجزك له ومن تكبرون يزوجونكم
معقوله يكون صدق!!معقوله أصير مثل مصير أختي"هدى"إللي زوجوها أهلي لولد عمي بالغصب
طلعت من المدرسه والف سؤال في راسي..رحت للبيت بسرعه مشي لأنه قريب من المدرسه
يوم قربت من البيت..إلاالمح " أحمد"عند باب بيتهم جالس..ياالله من زمان ماشفت هالوجه
إللي يفتح النفس..قرب مني والبسمه في وجهه
أحمد:سلام أموله وينك من زمان ماشفناك!ولاعشان كبرتي وتلبسين عبايه شفتي نفسك علينا؟؟
أمل:لاوالله يا أحمد بس اخوي يهاوشني يقول أنتي كبرتي عيب تلعبين معهم
فجاءه ودون سابق أنذار !! ماطالعت إلا الغبره جايه من بعيد إلاأبو الشباب"مطلق"جاي مسرع وهو إللي يلبق نعوله عندنا..(طبعن هو مايعرف يسولف ولايتكلم إلا إذا فسخ نعوله يقول آخذ راحتي بالكلام أكثر<<< هذي معلومه بسيطه لا أكثر عن الفتى الأسطوري ؟؟
المهم وهو اللي يسحب"أحمد"من عند رقبته ويقوله :وش عندك مع بنت عمي
وأنا إللي أدفه وأقوله:عيب يا"مطلق" أحمد ماسوى شي
مطلق:أقول هذي بعد كم سنه راح تصير زوجتي رح شف لك وحده ثانيه
أنا هنا عصبت وأنا إللي أعطيه كف على وجهه..دخلت مسرعه للبيت لأن كنت خايفه يجيني
رحت لأمي وسألتها:يمه وش سالفة "مطلق"وقلت لها وش صار بالمدرسه ووش قال مطلق
قلت لها:لايكون مخبين عني شي وانا ماني داريه..هنا أمي فهمتني السالفه وسالفة حجزي ل"مطلق
أنا صرخت:يمه لا ..مستحيل مطلق!! لا يمه أكيد تمزحين..أكيد مسويه معي صادوه
قعدت أبكي بكاء هستيري ضمتني أمي وهي إللي تبكي معي
أمي:ياحبيبتي هذا الكلام من زمان..ماتدرين لو أبوك يغير رايه فيه..وبعدين توك صغيره أنسي
أمل:وشو صغيره؟؟تبون تكبروني وتزينوني وتسمنوني وتهدوني له
قولي يمه من الحين إذا الكلام جد خليني أتلاحق عمري مابي أصير مثل مصير أختي"هدى
التوقيع
|
قال رسول الله -صلى الله عليه وسلم
من قال أستغفر الله العظيم الذي لا إله إلا هو الحي القيوم وأتوب إليه ، غفر الله لهُ وإن كان فر من الزحف "
...........
مــــن لايـفـكــر بـزعــلــي مــاهـــو مـفــكــر فـــــي رضـــــاي
ومــن شــح قلـبـه بـالـغـلا .. وشـعــاد لـــو كـفــه نـــدي
............
لاصد عنك من توده وجافاك ...خله وجازه بالجفا مثل صده....
خلك عزيز النفس والعز مبداك وكلن عطه تفصيل
ثوبه بقده خص الرفيق اللى اذا جيت
حياك وان غبت عنه ياصلك بالمودة
|
|