الموضوع
:
شوفوا كيف صرت مثل الأطرش في الزفه
عرض مشاركة واحدة
#
3
23-07-10, 12:39 PM
شـﮕـسبيِر ( Ň ) زمـآني
عضو ممتاز
هههههههههههاي
عوووافي ياسكري
ربي يسعدك ما لك الا الاجر يارجال اذاكبر الورع لمخوه واخذ حق الكيكه منوه
انا ابي اقوولك موقف محرج حصل معي
مرتن من المرارية وانا جالس بالبيت بالرياض الا وابووي يدق علي الساعه 12 بالليل قلت وش يبي
ذا اكيد داق بالغلط المهم رديت عليه قالي ترووح للمطار قبل الساعه ثنتين بالليل قلت وشو قال يلاا اترك كل شين بيدك ورح لظابط جوازات بالمطار بتحصلوه قل انا ولد فلان وهو يسنعك خله يوقع لك ورقة استلام طيبيه جايه من سوريا عشان اذا جت باتسر ماتتأخر اجرائات دخولها ع طوول تطلع ما تطول بتشتغل عندنا لان الوالد تجارته بالقطاعات الصحيه وتسذا المهم وارووح للمطار وكنت لابس بدله ونسيت المحفظه من السرعه المفرطه بالبيت والفلوووس كلها والسيارة مابها شي والبطاقات وكل شي جاي بجوالي بس المهم ولا مير ادخل والبق الموتر بالمواقف تحت وانزل واوقع الورقه وهمن جيت ابي اطلع والا الهندي قال 5 ريال حق المواقف ومن اول ابي اعطيه 10 ريال خمسه هديه لوه
الا واقلب جيوبي وادوووووور واقلب السيارة فووق تحت الا مافيه ولا هلله
قلت ياصديق انا نسيت محفظتي بالبيت والحين مافيه فلوس قاال مااااااااااااااااااااافي
لازم فلووس ويقعد ينافخ علي قلت اخس يابو هنود هذا وانا من اول ابي اعطيك 10 ريال وارجع البق الموتر بالمواقف واكلم اخوي الا وقاااام يظحك علي قال معك صراافاتك احولك عليها قلت ما معي شي قاااال يلاا باااي دبر نفسك ياااااطوطوطوطو
ولا مير يقفل بوجهي الساعه الحين 1 ونص تقريبا ووقت دواامات المهم وافقد الامل كل ما قلت لتكسي انا ما معي فلووس بس نوصل البيت اعطيك دبل قال لا سوري المهم ويجيني ذاك الولد سعودي ويقف عندي قال مشوورا يالاخوو <<يبي يوصلن بس يبي فلووس
قلت اسمع يالطيب فلوووس والله لا اطيب خاطرك لكن انا سالفتي كذا واجرد لوه القصه قااال والله ما تطلع الا ع سيارتك ويعطيني خمس ريال
وانا وجهي احمر ما تقول الا طماطه قلت طيب الحقني للبيت قال لا ماني رايح الحقك عشان خمسه قلت شف انا ماراح اخذها الا اذا عطين وعد انك تقابلني قال وعد اقابلك بوكرا واخذ رقموه
الا من باتسر وارن عليه هلاا فينك تجينين عند الصيدليه الفلانيه واوصف لووه ويجي ويقابل اخوي الكبير بالصيدليه ولا مير يعطيه خمس ميه بدل الخمسه بس والله انوه يستاهل
بعدها ما عاد اطلع الا والسياره ومليانه بطاقات وفلوس
واليوم الي عقبوه قال اخوي روح جب الطبيبه قلت والله تسمع بها روووح انت انا مشغوول
وبس
مشاركة هذا الرد في
Google
Facebook
Twitter
Digg
أنت معجب بهذا.
التوقيع
شـﮕـسبيِر ( Ň ) زمـآني
مشاهدة ملفه الشخصي
إرسال رسالة خاصة إلى شـﮕـسبيِر ( Ň ) زمـآني
البحث عن المشاركات التي كتبها شـﮕـسبيِر ( Ň ) زمـآني