الموضوع
:
مششكلتي مع زووجــي انـي احب ...................؟
عرض مشاركة واحدة
#
9
02-08-10, 12:58 PM
أميرة الأيام
من نجوم المنتدى
اقتباس:
المشاركة الأصلية كتبت بواسطة ام مايـا55
ياااااناس مافهمتووني
انا مقدر على بعده وهو دووم محرمني منه
هو مرتاح معاي وكل شي شايلته على راسي
واهتم فيه وفي بناتي وهم كل حياتي بس
انا احسه تغير انا اشتاق له والله اني رومانسيه
وحب الهدؤؤ وكلام الحلو بس هو يا ينام يا يقول انا بعد احبك
ويروح ليه يخليني؟ انا احتاجه بكل الطرق حاولت
سااااااااااااعدووني حسو فيه
قلبي انا فاهمتك حييل
وفاهمه وش تشعرين فيه ..
تدرين وش هو ؟؟؟؟
انتي تبين تتملكينه ياقلبي !!!
تبينه لك لحالك ما احد يشاركك فيه !!
تغارين عليه لو من علاقاته الطبيعيه مع الاخرين
وهذا موفي صالحك لانك راح تخنقينه ومع الوقت تخنقين الحب اللي بينكم وتكتمين انفاسه
لاتعاملينه كطير جميل وتضعينه في قفص ذهبي وتهتمين فيه وتراعينه وتغدقين عليه مشاعر الحب والرومانسيه !!!
راخ يمل من هالسجن وينتظر اقرب فرصه يجد فيها الباب مفتوح ويطيييييييييير
لان الطير مايحب خناقه
وهذا رجل تعرفين معنى رجل ياقلبي يحتاج مساحه من الحريه لكي يتنفس ويغير جو ويرجع لك مشحون نشاط وعاطفه ويقدر لك هالشي ..
الرجل مايحب المرأه اللي تطرد وراه وترغب بتملكه وحصاره وتضييق الخناق عليه ..
يحب المرأه اللي تتمتع بثقه بنفسها وتعطيها مساحه ضروريه للتنفس وممارسة حياته الطبيعيه اللي خلق لها ومن اجلها وليس لك وحدك فقط ..
والوقت اللي تكونون مع مبعض ضاعفي جرعات الحب والرومانسيه بذكاء موبتحقيق وتحكم راح تشعرين بطعهما المختلف
ترى كل شي يزيد عن حده ينقلب سلبأ على صاحبه حتى الرومانسيه ..
سيطري على نفسك ياقلبي قبل فوات الاوان وخليك واقعيه وفكري بمنطق وحكمه
طالعي ايجابيات زوجك وطالعي غيرك
ويمكن سبب خروجه من البيت هروب منك ومن هالرومانسيه اللي تبين تخنقينه بها .
والله اني لك ناصحه حاولي تتحكمين بتصرفاتك وتفكرين بعقلك مو بقلبك وتتركينه على راحته ولاتحسسينه انك متضايقه ولاشي واذا كان موجود مارسي رومانسيتك عليه وحبك بالحدود المعقوله واذا جا يطلع قولي له في حفظ الله ورعايته وانشغلي بنفسك وبيتك وبناتك
ابحثي عن مصاااادر اخرى للسعاده
وراح تشوفين النتيجه اللي تسرك بأذن الله
مشاركة هذا الرد في
Google
Facebook
Twitter
Digg
أنت معجب بهذا.
التوقيع
أميرة الأيام
مشاهدة ملفه الشخصي
البحث عن المشاركات التي كتبها أميرة الأيام