27-09-10, 06:29 AM
|
|
في غرفة شيماء
جالسة تلعب مع مؤيد
حامد : ممكن ادخل ؟؟؟
ابتسمت له شيماء : اكيد حياك
جلس حامد وباس رأس مؤيد : هاه شيماء وش صار ع الشغل
شيماء ببتسأمة: رفضته
اختفت أبتسامه حامد : ليش
شيماء : لاني صليت استخارة وما ارتحت
حامد : الله يكتب اللي فيه خيرة
شيماء : حمودي ممكن طلب
حامد : عيونه امري
شيماء : ما يامر عليك عدو
حل السكوت لثواني ثم تكلمت شيماء : اعرف جارة بيت عمي عمرها 28 سنه ادب واخلاق وجمال ايش رايك تتزوجها
مر وقت واهو ساكت وقال : ايش اسم ابوها
شيماء : راشد ال.....
حامد عقد حواجبه : مو هذا اللي بنته منتشرة صورها
شيماء :.................
حامد :شيماء ردي ليكون هي اللي تبيني اتزوجها ؟؟؟؟؟؟؟؟
شيماء : ....................
حامد بضيق : لهدرجه مؤيد مضايقك تبيني اتزوج أي وحدة
شيماء امتلت عيونها دموع : لا والله اهي مظلومة
حامد : حتى ولو انا ما أرضى اتزوج وحدة كل الناس شوفوها
شيماء بحزن : لو صار لي اللي صارلها ترضى علي ذا الكلام
حامد بسرعه : اقص لسان اللي يتكلم عنك
شيماء : حتى اخوانها مايرضون عليها صدقني حامد البنت محترمه ومتدينة مرررة واللي صار انه في بنات بويات معجبات فيها وكلمنها بس اهي رفضت و نصحتهن بس هن سون معها حركه مو زينه فراحت بلغت العميدة فالعميدة فصلتهن واهن يبي ينتقمن منها فصورنها ونشرن صورها
والبنت امي تحبها كثيرر هاه ايش قلت ؟؟؟؟؟؟
حامد : ....................
شيماء : يأبو مؤيد فكر بالموضوع واستخير وردلي اووك
في كوفي شوب
أحمد : وهذي كل القصه
ابراهيم : طيب انت ماتقول انها تقول اذا شافت وجهك او سمعت صوتك تستفرغ يمكن صدق عندها عين
احمد : ياعيني حبيبي اهي اللي تقول انا ماشفت صار لها هالشيء كل اللي شفته اني اذا دخلت المكان اللي اهي فيه طلعت وياسبحان الله العين تروح اذا بغت فلوس هي كل مدة تدق علي تبي فلوس وين العين بالله
ابراهيم : والله مع شينها قويه عينها
أحمد بنرفزة : شفت شلون
ابراهيم : اممممممم أحمد عادي اسأل سؤال ؟؟؟؟؟؟
أحمد : اسأل
ابراهيم : امممممممم اهو سؤال شخصي عادي اسأل
احمد : ابراهيم بتكلم والا امشي
ابراهيم : لا خلص بأتكلم اممممممممممم انت لمستها
احمد : لا
ابراهيم سكت :.............
احمد بخوف : ابراهيم وش تفكر فيه
ابراهيم : يمكن امممم يمكن كل هالمسرحيه عشان الناس اذا تزوجت بعدين انها مطلقه
أحمد بخوف من اللي بباله: ابراهيم وش تقصد مافهمت ؟؟؟؟؟؟؟؟؟
ابراهيم : يمكن كل ذا عشانه مو بنت ؟؟؟؟
أحمد بصدمه :هاه
ابراهيم : استغفر الله ان بعض الظن اثم
أحمد بعصبيه : ابراهيم علمني ايش اسوي
ابراهيم : اهدأ اول شيء
احمد هدأ من نفسه شوي : هذا انا هديت اخلص
ابراهيم : حاول ترجعها وبعدين اعلمك وش تسوي
احمد: طيب بحاول
احمد يبي يغير الموضوع : انت رحت للدكتور
ابراهيم : ايوه اخذوا تحاليل وبكرة اشعه وبعدها يخبروني ايش فيني
أحمد: ان شاء الله خيرر اقول ليش ماندق على طلال يجي
ابراهيم : ياليت عشان تحلى القعدة
في غرفة هيثم جالس يخلص اوراق شغله ودخلت عليه عهود : هاي ياحلو
هيثم ببرود : وعليكم السلام ياحلوة
عهود :اوه المزاج مو رايق اليوم
هيثم : عهود اخلصي عندي شغل
عهود : طيب البشارة
هيثم : العنود حامل درينا
عهود : ما شاء الله مسرع ام علي نشرت الاخبار
هيثم بشويه عصبيه : استحي ع وجهك احد يقول عن امه كذا
عهود بزعل : خلااااص انا اسفة الحق مو عليك الحق علي اللي يوم دريت قلت بروح اخبرك
طلعت عهود من غرفته زعلانه واهو كمل شغله
في بيت علي متجمعين ع العشاء وياكلون بصمت
علي : على فكرة بسافر الاسبوع الجاي عندي دورة
هدى منزله راسها وتأكل واهي تحس اللقمه واقفه بحلقها لانه بياخذ سارة معه
تكلمت سارة : اممممم طيب حبيبي بتاخذني معك او هدى
هدى رفعت راسي وناظرتها يعني اهي ماتدري عن الموضوع والا بس بتغيضني
قال علي واهو يناظرني : لا انتي ولا هدى
سارة : بس حبيبي
علي : سارة انا وش قلت
هدى (بصراحه مدري وش اسوي احس اني ودي اطير من الفرحه ناظرتها وانا مبتسمة بشماته من شكلها واهي تاكل واهي معصبه قطع علي افكاري صوت علي واهو يقول : العنود اختي حامل
هدى زادت فرحتي لان العنود مررة طيوبه معاي عكس امل :ما شاء الله الله يقومها بالسلامة
سارة : ماشاء الله يتربى بعزها وعز ابوها يارب
انا وعلي : امين يارب العالمين
انتهى
انتظروني بالفصل الثاني من الجزء الثاني
|