07-01-12, 01:47 AM
|
|
بسم الله الرحمن الرحيم
السلام عليكم ورحمه الله وبركاته....
صابني البهاق من 13 سنه تقريبا .... أستخدمت اشعه الناروباند حوالي 3 سنين بس المشكله ان اللى فيني
بالاطراف وبقع كثيره بالجسم ودكتورتي ماكلفت على نفسه تقول لي انه مافي امل يرؤح اللى بالاطراف اهم
ماعليه تكسب **حسبي الله ونعم الوكيل** المهم استخدمته وطولت لين جيتها بيوم وقلت وش صار علي الى
متى قالت والله ياطويله العمر انتي لازم تبييض ومدري ايش انتي ماينفع معك الناروباند قلت سلامات ليش قالت
لانه اللى بالاطراف مايروح بالاشعه
والله لو شفتوا وجهي بهذاك الوقت مايتفسر طلعت من عنده وسحبت عليه
قعدت حوالي شهرين بدون علاج لين جاء اخوي وقال لي عن وصفه الدكتور باسل موجوده هنا بالمنتدى المهم
تحمست وقلت بستخدمه صراحه كرهت نفسي لاني اضطر اطلع بالشمس ونص ملابسي مو علي...استخدمته
حوالي ثلاث شهور والبهاق بدل مايروح رجع قلت يابنت بلا علاج بلا هم ريحي راسك.. وسحبت عالعلاج....
قعدت حوالي سبع شهور تقريبا بدون علاج لين طرى علي التبييض....قلت يابنت شوفي نصيبك معه بديت اقرا عنه
وأعجبني الوضع سويت حاله استنفار بالبيت وجمعت فلووس واخذت موعد وقلت لاهلي يلا للرياض....
لي الحين تقريبا 6 شهور استخدمه استخدمت تركيز 20 بالميه ست اسابيع...وبعده حولني الدكتور ل 30
بالميه ...وانا من اللقافه قلت لش مااستخدم 40 بالميه اسرع دقيت عالدكتور واعطوني السكرتيره قلت له عن
الوضع قالت بقول للدكتور .قالت له قال اوك تستخدم 40 بالميه رزيت الله يصلحن وجهي واخذت 40 وانا
مااستخدمت ال30 بالميه الا شهرين واستخدمه شهر تقريبا..
المهم جاء موعدي عند الدكتور ورحت يوم قلت له اني استخدم 40 بالميه قال ليش >>>الظاهر مايدري من اللى انا يوم يقول استخدمي 40 بالميه...او ان السكرتيره من عقله تقول لي....المهم سلكت له ومشى الوضع
ماحسيت ان جلدي استجاب لل40 بالميه ماتغير فيه شي ..عاد قال لي انه 40 بالميه مانستخدمه الا للاماكن المستعصيه قلت ان شاء الله
ورجعت لل30 بالميه لجسمي وال20 بالميه للوجهه...
والله المستعاااان
الله يسهل أموورنا ويرزقنا خيره الامر يااارب
ويعجل يااارب لبياضنا ويتوحد اللون ...
اللهم انا نسالك من كرمك فارزقنا ياكريم
**وصلى الله على سيدنا محمد وعلى اله وصحبه وسلم**
|