17-07-12, 07:16 PM
|
|
اكلات عراقيه لو نومه البالكون
كل يوم زوجتي دوكول اريد فد يوم انت تطبخ تسويها مفاجاءه تسوي فضل فد يوم ارتاح اني من الطبخ والنفخ....كتلها رايح يجي هذا اليوم واني اطبخ بس المشكله اخاف تتعلمين علئ طبخي هههه المهم راح يوم اجي يوم وماادري شلون بالغلط دخلت علئ هذا الموقع وشفت نداوي كاتبه كباب تاوه واني مصدكت كلت اي اجئ اليوم الي مواعد بيه زوجتي علئ طبخه وخر فلان وخري علان عوفوني لوحدي واخذ المعلومات من نداوي كوسايا مبروشه وبطاطا 2 وبرشناها ولحم مثروم وبصل وسبع و8 وملح وكل الي كاتبته سويتها وبالحرف وكلشي تمام وساعه قافل باب المطبخ عليه ومااخلي ولا واحد يدخل بس يشمون الريحه ويصيحون لك افتح مو متنه واني ابد الا خلصت كلشي وجبت الماعون الي بيه الكباب تاو! وزلاطه وترتيبات وكتلهم يله سموا واكلوا وانطوني رايكم وجانت النتائج كما يلي
1اول لكمتين والمره غصت كتلها لالالا هاي تسوين هيجي علئ مود دكولين طبخج اطيب.
2 شويه واشو اني بديتت اتخيل شغلات غريبه
3 الولد كلها كالولي بابا بس الكولا طيبه
4 المره كالتلي الماعون هذا انت تكمله كله ولوحدك وثاني مره اذا كتلي نداوي الا تنام بالبالكونه حلفت وكلتها هذا موقع بيه اكلات عراقيه تعالي نجرب سمك اللاكس ااااااااااااااخ نداوي لو تعرفين شسوت الا خلتني انام بالبالكونه ....رحمه لوالديج شيلي ايدج من الموضوع واحنه المنونين ولاتصدكين المجاملات
اخووووووووووووووان تقبلون هيجي يصير باخوكم
|