الله يبارك لنا ولكم فيها بالاعمال الصالحه
اللهم آمين يا رب العالمين
أنا لان طبيعتي هاديه فمالي مواقف تُذكر
اشياء بسيطة عادية حتى الذاكرة ما تخزنها
ولي قبول عند المعلمات عشان كذا المواقف عندي صفر
يمكن فيه مواقف مع الطالبات اكثر شي
المهم
من ناحية التأثير تأثرت من معلمتين وحده في الابتدائي
نصائحها وارشاداتها للحين اتذكرها كأنها قدامي
هي اللي رسخت حب الوطن فيني غرست الولاء والانتماء
الله يذكرها بالخير وين ما كانت اسمها دلال
المعلمة الثانية في الثانوي
هذي الله يذكرها بالخير معلمة رياضيات جامعة بين الرياضيات والدين
ماتبدا الحصة الا لما تعطينا دروس دينية
وانا بصراحه كنت ماحب الرياضيات ابد بس معاها والله تغيرت مره وحبيته وتفوقت فيه بعد
الغريب هنا
مره كان فيه هاشتاق في تويتر عن افضل معلم مر عليك
انا كتبت اسمها
والله جاتني خاص قالت انت اي وحده من طالباتي
واخذت معلوماتي ووصلنا الا انها قالت سلمي لي على فلانه وعلانه
شوفي الصدف سبحان الله
بجد الدنيا صغيره
انا مباشره رحت لاخواتي في الواتس قلت من تتوقعون جاتني خاص اليوم في تويتر
قالوا مين :
قلت المعلمة طرفة استغربوا شلون وصلتني عن طريق هاشتاق
وبس والله