31-12-12, 05:20 AM
|
|
مع أول المربـــاع و القــاع ممطور
احبتي اليكم هذه الابيات المتواضعه ,,
قلت /=
وبل المخايل يسقي عروق الاشجار = سبحان من كوُّن غيومه من بحور
يسوقه ,اللِّــي , يعلم السرّ وجهار = هلّ وتهاما و آنتشى القلب بسرور
الارض رابت ’ مع شخــاتير الامطار = واخضرِّ لون الرّوض بالورد وزهـــور
للسيل فرحه تجلي الهــمّ وآمــرار = يسلا بها قلب ن من العــام مقهـــور
وجدي على خــوُّة كريمين واخيــار = ربعٍ ن ’ على درب المراجل لهم طور
نقوة نشاما .. للمطـــاريش معبــار = عـــلى دروب الخيـــر والطيب مخبور
ياما حلى بيــن الفيـــافي والاقفار = بامراحنـــا ما ينثنــي بيننـا الشــــور
في مطمنن مرماث والنبت مخضار = مــع أوّل المربـــاع و القــاع ممطور
مع الفجر قمنا على صوت الاذكار = والنــَّــار والجـمري قبــل فجّـة النور
والياشْرقت’شلناالمعاميل واقشار = والجيب والكنود على الــربع بالدور
هذا بـدع قــــافه ترانيـــم و اشـعار = وهذاك ردَّ الصـــوت و اللَّـحنِ مآثور
هذي حـــلاة العمر لا تقـول محتار = اطلع ترى منتب على الضيق مجبور
والخـاتمه صلُّوا على الهـادي البــآر = نبينا اللـِّي شعّ من و جــهـــه النّور
=بقلمه المتواضع جدَّآ بن زيد,,)
التوقيع
|
|
|