19-07-09, 06:55 PM
|
|
|
تكفووووووووووووووووووون وربي أبدعيلكم أفرجوها علي
السلام عليكم ورحمه الله وبركاته
الله يخليكم انكم تقرون مشكلتي حرف حرف وكلمه كلمه لأني اغرق ومحتاجه نصايحكم
بدايه
انا متزوجه من ثمان شهور وعمري 24 ومتزوجه بعد قصه حب دامت 5 سنوات ولما تخرجت
تزوجت جلس ينتظرني ثلاث سنين لحد ماتخرجت وتزوجنا
بدايه زواجنا ماكذب عليكم انا ضايقته شوي بشهر العسل بعتابي عليه بحفله الزفاف انهم وعودونا يسون أشياء وماسوها يعني من ترتبيات زواج وغيره
بعدين رجعنا كان كويس معي شهرين بعد الشهرين بدا يتغير من ناحيه اسلوبه صاير فيه برود مو
طبيعي بتعامله معي مع اني مو مقصره بشئ من ناحيه لبس وطبخ ووأهتمام فيه معيشته ملك
مره من المرات كان مشغول بالرسايل وقلت بشوف وش السالفه نزل من السياره وخلي جواله
وليتني ماقريتها لقيتها رسايل من اخته تقول ان فلانه تسال عنه وتقولها بوسيه ليه وأنها مشتاقتلك
وشفت الرسايل المرسله يقولها عطيها رقمي الثاني
انا انصدمت وجاء وتهاوشت انا وياه بعدها رحت لبيت اهلي وانا اللي راضيته وقلتله خلاص رضيت
وهو قالي ان اخته دايم تلصقه بنات وهو مايبي سويت فيها غبيه وصدقته
بعدها بديت احس ان فعلا بحياته احد ومادري وش سالفته ؟
المهم جاء فتره وهو ضايق صدره ومدري وش فيه المهم مسكته وقلتله وش فيك ودك تقول شي
قله وانا بكون متفهمه اللي بينا اكبر من انك تتضايق وانا ماعرف وش فيك انا سبحان الله مدري وش خلاني اقوله انت متزوج مسيار وعندك ولد
قال لا وجلست احيال فيه اخر شي قال ايه انا متزوج وعندي ولد يوم قاله وانا ابكي وأروح لبيت أهلي وانا هناك جلسنا نتراسل ومن المهم قال انا اكذب عليك وفيه شي ثاني اكبر ما بغيت اقول له
وقلتله ايش قال انا بسدد دين لأبوي 3000 شهريا وما بغيت أقولك {مع أني عمري مانقشته بالفلوس} ماصدقته بس قلت يالله مشي الدنيا رجعت له
وبعد فتره صارمشغول بالمسجات بقووووووووووووووووه وكنت اساله وكان يقول ماعندي احد بحياتي ولو عندي وش ابي فيك وكذا مره نتهاوش وينكر
ومره شفت بسيارته جوال جديد وشئ يخص الرجال للعمليات الجنسيه عشان مايكون فيه حمل
وواجهته فيها وأنكر وقال الجهاز اعجبني وشريته وسويت غبيه وصدقت
المهم والنقطه الحاسمه
مره قالي بطلع مع اصحابي للبر وزعلت لانه دايم يطلع ما يجلس بالبيت وسوا زعلان وتركني بالبيت
لحالي ثلاث ايام تقريبا وانا ادق عليه ولا يرد وجالسه ابكي وحالتي حاله المهم جاء وماجاء عشان
سواد عيوني لا عان امه تعبانه عشان يوديها للرياض شفت برقبته مص وسكت ورحت مع هو وامه
وانا هناك قلتله وش هاذا قال واحد من اخوياي يمزح معي ويقولها وهو زعلان وقال انا وياك مانصلح
لبعض
قلتله بس انا احبك ومالي غيرك المهم راضيته وقلتله تعوذ من ابليس رجعنا وفتحت جواله وانا اشوف رساله
هاذا نصها حبيبي وش فيك متغير علي انت حتي صاير ماتهتم بنفسك حتي وانت معي بالك مشغول
واجهته بالرساله واعترف قال هاذي بس كذا وانتي السبب ببدايه الزواج خليتني اروح لهم وهو
يكذب انا كلمت البنت وقالت انه يعرفني من 7 سنوات وهو يحبني وانا احبه ويوم كان متهاوش معك
كان معي تراه البنت هاذي تحبه بقوووووووووووووه وهو عارف لانها تلاحقه وتدور عليه بطريقه مو طبيعيه والله لا يبلانا كبيره وعندها بنت بمتوسط
ازعلت ورحت لبيت اهلي وتحت ضغط من خواتي قالو لي تروحين ياغبيه اكسبيه الشكوي لله
المهم ارسلته رساله قلت انا بسامحك واببد معك صفحه جد يده وجلس يومين يتغلي وانا اشحده شحاده انه يرجع ياخذني بالحسره جاء
وبعدها اخذ اجازه وجلسنا حوالي اسبوع بالبيت مانتحرك وجواله غيره وجوالي بعد عشان البنت مااترجع تدق
وصار مره طيببببب معي بس وبعدين رجعنا شوي مشاكل بس تنحل الحمد لله
بس صار يغغيب كثير عن البيت بس انا احاول اني انسي
ابوه اخذ منه السياره وصار مامعه سياره واهلي عطوه سياره واهلي وأهلي مره طيبين معه
أمس قالي بطلع للبر من الفجر والا الحي ماجاء وانا متأكده انه رايح خصوصا ان راتبه نزل
ملاحظه
انا من عائله كبير ه وثريه وفيه فروق ماااديه كبيره بينا بس عمري ما حسسته بالشي هاذا
وانا افوق عنه شهاده علميه
يعني مو ناقصني شي ساعات اهلي يعطوني مصروفي
وابوي احيانا يتقضي لبيتنا
انا يانا س تعبت لاني مو قادره اتركه وارتاااااااااااح وجلوسي مع اتعبني حياتي معه كل مفاجائات تعبت
تكفووووووووووووووووووووووووووووووووووووون أبي حل اروح الحين لبيت أهلي
واخليه
ولا وش أسوي
|