07-07-09, 10:54 AM
|
|
مرت الأيام وشهور محد جاب لي طاري الكل مسكر على الموضوع
أنا كنت أشجع نفسي وأقول مستحيل يعني من سابع المستحيلات آخذه
جانا خبر أن أهل"أحمد"أنتقلوا للخارج بسبب شغل أبوه ضلينا أنا وياه
متصلين مع بعض عبر الأيميل وكان دايم يطمني أنه راح يجي ويتزوجني
"مطلق صار يسير علينا دايم ويجيب لي هدايا (غصب إلا يحببني فيه)صحيح يحبني ويموت فيني
..بس القلب مايبيه والعين ماتطيق شوفته صحيت من تفكيري العميق على صوت أمي وصورتي أنا و"مطلق"بيدي..فتحت الباب لأمي قالت لي:ياالله حبيبتي أستعدي الحين بتجي النقاشه وتنقشك..دخلت علي أختي"هدى"وشافت الحزن بعيوني ضمتني وطالعت فيها وقلت: هدى كأن عندك بشرى ساره لي..كني سمعت أنهم أفرجوا عني سمعت أن"مطلق"أعتق رقبتي لوجه الله
أمي و"هدى"قعدو يطالعون لبعض يحسبون أني أنجنيت
مسحت أختي"هدى"على راسي وقالت:ماتدرين يمكن تكوني اسعد انسانه شوفي شلون أنا سعيده مع ولد عمي الحين مع أني كنت مابيه طالعت فيها وقلت:مصدقه أني بآخذه نجوم السماء أقرب له
أختي قعدت تطالع فيني بدهشه جتنا النقاشه..ورسمت رسمه حلوه على يديني..رفعت يديني فوق وجلست اطالع فيهم تذكرت أول ماتنقشت في الثانويه كان عندنا حفل تخرجنا في المدرسه وأنا كنت مشاركه فيه..ذاك اليوم كنت مستانسه مره بس للأسف.!رجعت للبيت وسمعت أتعس خبر بحياتي..جيت البيت إلا عندنا عمي وعياله..دخلت إلا أمي عندها مرة عمي وأختي
قلبي عورني..دخلت غرفتي طوالي وقفلت على نفسي كأني كنت أهرب من شي ؟؟
صحيت المغرب على صوت باب غرفتي يدق..فتحت وعيوني نوم إلا أمي وأختي وهي إللي تخمني أمي وتبارك لي .. قلت بستغراب:وشو يمه
أمي:مبروك قبل شوي ملكنا لك على ولد عمك "مطلق"
ماصحيت من صدمتي إلا وأنا في المستشفى
ماتتصورون وش كثر أنقلبت حياتي فوق تحت..الدمعه ماجفت من عيوني مااطلع ولاأروح لحد..تخيلو أنتم بموقفي انسان ماأداني طاريه أروح وأتزوجه تمر الأيام وأحس موتي قرب..مرت فكره في بالي قلت مالي إلا أدق عليه وأفهمه أني ماأبيه
أخذت الرقم من جوال أخوي ودقيت عليه في يوم من الأيام
وجاني ذاك الصوت الجهوري مطلق:الوووووووو
أمل:السلام عليكم أخوي
مطلق:هلا من معي
أمل: أنا أمل بنت عمك
مطلق بدهشه:
يؤيؤيؤيؤ زوجتي
مامداني ملكت عليك تبين تكلميني لهدرجه ماعندك صبر وأنا أقاطعه:أسمع يا"مطلق"ماني مطولتها معك أنت ولد عمي على عيني ورأسي..بس وربي ماأفكر فيك كزوج أنت مثل أخوي..ياخيي مابيك ماحبك أموت ولا آخذك
كنت أنتظر رد قاسي منه بس الولد ساكت وبعد سكوت طويل رد علي :اسمعي يا"أمل"أنتي ماتحبيني يمكن بس أنا أموت بترابك والله يا"امل"أنك عيوني..أدري أنك مستحيه من الزواج
بس والله يا"أمل"للحين ماعرفتني!! أنا خاش لك مفاجآت في زواجنا؟؟
أمل:تستهبل أنت وخشتك ؟؟وجهك أكبر مفاجئه ؟؟
قال مفاجآت قال؟؟ياخي خل عندك كرامه وأتركني
رد علي وصوته غير:أمل اسألك بالله ليش ماتبيني!! لأني ماني حلو صح مابغيت أصدمه؟؟
قلت:غير شكلك ياخي أنت فاشل في كل شي..حنا مانناسب بعض وإذا خذيتني بنطلق طوالي
سكر السماعه بوجهي الملعون ماخلاني أكمل....بعدها بأيام ماصار يجينا"مطلق"؟؟
حتى أخوي استغرب عن سبب أنقطاعه وحتى أهل الحاره ماصار أحد يشوفه
أنا هنا استأنست قلت أكيد أن خطتي نجحت وكرهني وبيتركني
المهم جاء ذاك اليوم إللي الاقي فيه رساله بجوالي من رقم "مطلق"كاتب فيها
أوعدك يا"أمل"أني راح أتغير وراح اسوي المستحيل عشان أرفع رأسك..وراح تشوفيني بعينك
حبيبك المخلص:مطلق ((حبتك القراده هذا ما يأس مني وش ناوي يسوي))؟؟
مضت سنه كامله و"مطلق"لاحس ولاخبر حتى جاء اليوم إللي قالو فيه أن"مطلق"؟؟
أخذ من العشره الاوائل على المملكه..الكل تفاجىء وانصدم..بعدها بشهور جانا خبر أنه تم قبوله بكلية الطيران..أنا هنا فطست ضحك ماأتخيل شكله حسبتها مزحه
بس طلع الكلام جد بعد شهر جتني مكالمه على جوالي منه جاني صوته حزين حيل
مطلق:اسمعي "أمل" أنا مابي منك أي كلمه حبيت أقولك بكرى بسافر للخارج بكمل دراستي وراح أرجع وأنا طيار أنشاء الله كل هذا قسم بالله لعيونك يا"أمل"لعيونك لأنك صدمتيني حيل يوم قلتي أني فاشل"أمل"مستحيل أعيش بدونك تكفين أنتظري رجعتي
جيت بقاطعه بقوله لو وش ماسويت مابيك لو رجعت ملك ما أبيك
قالي :مابي منك أي رد ..أحبك..سكر السماعه بوجهي
سافر أبوالشباب للخارج وأهله يبكون على فراقه وأنا أبكي على رداة حظي
..وأنا أنتظر هالغول متى يرجع هو وطيارته مضت سنين وسنين وأنا أكبر وهمي يكبر
طول هالفترة وأنا أتخيل شكله وهو راجع قلت يمكن يتغير وجهه هناك...مضت أربع سنوات وقربت رجعته للبلد.. وأنا شديت حيلي بالدراسه عشان أنسى همي
جاء ذاك اليوم إللي وصلت فيه طيارته للبلد عند عمي عشى بمناسبة تخرجه طيار والكل ينتظر"مطلق" .. أنا هنا كلي آمال أني أشوف واحد ثاني قلت يمكن أشوف قدامي"براد بيت"ولا توم كروز"؟ بشوف كيف صار هالطيار وأنا إللي اطل من الدريشه بشوف خشته يمكن تساوت هناك
التوقيع
|
قال رسول الله -صلى الله عليه وسلم
من قال أستغفر الله العظيم الذي لا إله إلا هو الحي القيوم وأتوب إليه ، غفر الله لهُ وإن كان فر من الزحف "
...........
مــــن لايـفـكــر بـزعــلــي مــاهـــو مـفــكــر فـــــي رضـــــاي
ومــن شــح قلـبـه بـالـغـلا .. وشـعــاد لـــو كـفــه نـــدي
............
لاصد عنك من توده وجافاك ...خله وجازه بالجفا مثل صده....
خلك عزيز النفس والعز مبداك وكلن عطه تفصيل
ثوبه بقده خص الرفيق اللى اذا جيت
حياك وان غبت عنه ياصلك بالمودة
|
|