السلام عليكم ورحمة الله وبركاته
كيفكم اخواتي ان شاءالله طيبات
اذكر الدكتور طارق الحبيب يقول "
نسبه كبيره من النزاعات اليوميه بين الزوجين تكون بسبب المصروف والمال: فلو اعطى الزوج زوجته مصروف شهري, كان تفادوا جزء كبييير من المشاكل"
وطبعا بحكم اننا شباب وحبوبين وكريمين, ما نبغى نظلم زوجاتنا بمصروف اقل من احتـيـاجـاتـهـم
سؤالي للفتيات ..
نبغى نسمع اجابتكم بكل صراحه ومن غير مبالغه
لو فرضنا ان راتب زوجك ما بين ٨٠٠٠ ريال الي ١١٠٠٠ ريال
كم تطلبين مصروف شهري
اصبري لا تستعجلين الرد
لو افترضنا ان زوجك راح يتكفل بكل مصاريف العائله وهي (الاكل والشرب
+ مقاضي البيت
+ مصاريف الاطفال
+ فواتير الكهرباء والماء والجوالات والنت.. حتى جوالك
+ طلعات عشاء بمطعم اسبوعيه او شهريه بحسب طبيعة زوجك
+ بنزين السيارة
+ هدية الاعياد
+ سفرة سنوية
+ باقي مصاريف البيت من حاجات وغيره )
خلص الراتب
يعني الزوج متكفل بكل شيء بالبيت الا شيء واحد واللي هو ملابسك و مصروفات وناستك
وانتي جالسه اكله شاربه نايمه: ما عليك اي متطلبات ماديه للبيت
السؤال
كم راح تطلبين مصروف من زوجك يكفي لبسـك وحاجاتك الاضافيه؟
وهل تفضلين ان زوجك يعطيك المصروف بيــدك . والا يسوي حواله شهريه دائمه على حسابك .. بحيث ما تطلبينه كل شهر يعطيك
بس تكفون خلو اجاباتك مفصله عشان نقتنع
واذا فيه شباب يقرؤون الموضوع ,, ياليت تعلمونا كم مصروف زوجتك
بانتظار مشاركاتكم