08-09-09, 01:09 PM
|
|
|
فيه زميل لي بالعمل له 16سنه متزوج وميت موت
على الثانيه ومشغلنا بالزواااااج ويخطب ويدور
المهم زوجته مو مقصره معااااه بأي شي ابد فهمتو
شايلته بعيونه اكله وفراشه وعياله حتى القهوه والحلى يومي بالشغل والله ونعم المره وبدون شغاله بعد
وحنا رافضين فكرة زواجه عليها واهله رافضين يتزوج عليها كل الناس معاها وضده بموضوع الزواج .
لدرجة انه اذا فاتحه بالزوج من ثانيه توقعو وش رده تقووول
(اذا الله كاتب لك زواج تتزوج واذا الله ماكتبلك ماراح تتزوج )
والنت بغرفة النوم ولا تناظره
ابد تقول مضيعه للوقت وهو بموقع موده قاعد
يخطب ودار على القصيم كله مالقى شكله داعيه
ان الله يهديه عن الزواج .
نهاية السالفه قلتله رح تزوج علشان
تعرف قدر ام عيالك انت تظن ان الحريم كلهن
مثله وراح تجرحه ولما ترجع ماراح تكون مثل أول والله انك بنعمه احمد ربك واركد يقولي
ودي اغير ودي اشوف ودي اتجدد نبي نبي
بالمناسبه تراه ملتزم وحاله غريبه جداً
جداً با........... ؟
اسف طولت لكن السالفه والله حقيقيه وانا مقهوووور منه
|