07-07-09, 10:52 AM
|
|
آمل ومطلق
أنا "أمل"عمري 24سنه عندي أخ واحد وأختين وحده أكبرمني متزوجه"هدى" والثانيه بالمتوسطه أصغر مني .. بداية حياتي كان عندي مشكله لاوالله كان بالنسبه لي كابوس خطير يطاردني اسمه"مطلق"هذا المخلوق الذي ناشب لي في حياتي مشكلتي ماظن لها حل مشكلتي مع ولد عمي"مطلق"حاجزيني له من يوم حنا صغار أبوي الله يسامحه عطى عمي كلمه من يوم عمري خمس سنوات وقال:أمل ل"مطلق" اللهم لا أسألك رد القضاء ولكن اسألك الطف فيه
وطبعن"الحجز" وعاده عند بعض القبايل أن البنت يحجزونها لولد عمها لين تكبر وتتزوجه وطبعن أنا الضحيه حيروني لها الغول"مطلق" لاياربي كل شي إلا"مطلق"ياليتكم بس تعرفونه والله حفله..وجهه كنه افلام كرتون..سبحان من كون هالأنسان على بعضه والله من يشوفه الواحد يموت ضحك مدري كن مكتوب على وجهه نكته!! أول ماتشوفه تطري عليك البوكيمونات!! كله على بعضه مسرحيه كوميديه تبي تدور فيه شي حلوفيه ماتلقى مستحيل قلبتها يمين ويسار بس مافيه فايده مسكره بوجهي بكل الطرق ..يمكن القلم إللي يحطه بجيبه الأمامي حلو..صحيح يقولون(الرجال مخابر مو مناظر)بس أنا أقول(الرجال مخابر مو من اصحاب المقابر) اللهم لاشماته غير شكله الأسطوري .. عندك اسلوبه وطريقة كلامه مايدري وين ربي حاطه..مايفهم حيل "مفهي" مايدري وش السالفه !! مكتوب علامة تعجب فوق راسه لونها أحمر وتأشرغير كذا فاشل بدراسته وسقيط ياخذ السنه بسنتين وانسان مايعرف يتكشخ الكشخه يمين وهو شمال!!
المهم طولت سب بهالمسلم .المهم مايناسبني حييل أنا وياه تجاه متعاكس ماكنت أتخيل نهاية دنيتي على وجه"مطلق"ماكنت أتوقع اليوم إللي يجي فيه أهلي ويقلون لي خلاص زواجك بكرة"بمطلق
ماكنت أتوقع أنا وياه راح نكون في بيت واحد!! لا وغرفه وحده لا وسرير واحد..والخافي أعظم لا ياربي خذ روحي ولاروحه لامستحيل..أنا أجمل البنات أتزوج"مطلق" أشين الخلق
أنا في كامل اناقتي وفي ثوبي الأبيض وفي أسعد لحضات حياتي وجالسه في كوشتي
والتفت جنبي مين "مطلق" لا ويبتسم بعد أبتسامه عريضه مع اسنانه اللي كنهم صفة شطرنج
ويقرب مني ويمسك يدي وأصرخ ..لا ..لا ..لا
وفجاءه تصحيني أمي من النوم:أمل بسم الله عليك وش فيك؟؟
صحيت من النوم وأنا أبكي وتلفت يمين ويسار..وأحمد ربي أنه حلم
الحمد لله أنه مو يوم زواجي قمت من الفراش وجلست أبوس في الأرض وأبوس فراشي
أمي:بسم الله عليك بنتي وش فيك
طرت طيران على أمي وضميتها وقلت:تكفين يمه تكفين مافي مجال تغيرون رأيكم
مستحيل آخذ "مطلق"تكفين أقنعي أبوي
أمي:أسكتي لايسمعك أبوك..والله لايذبحك..وش فيه"مطلق"على الأقل محد ضحك عليه
أمل:محد ضحك عليه إلا أنا كل ماشفته مت من الضحك
أمي:يابنيتي بكرة زواجك على ولد عمك..لاتضايقين روحك أستانسي وساعدي نفسك
أمل:بكرة مستحيل!! يمه مو كنكم أجلتوه الأسبوع الجاي
أمي:خبله أنتي .. أنتي تدرين أن يوم زواجك بكرة
أمل: آه آه آه يمه أتمنى آخذ قدري من الحياة أطول وقت ممكن قبل أقابل خشة"مطلق" ؟؟
من كثر ماآكل حبوب منومه عشان ما أفكر بديت أنسى جلست أمي تقرأ قرآن علي والدموع على خدها لأن مابيدها حيله الكلمه كلمة أبوي وابوي مستحيل يتراجع..جلست لحالي أنا والهموم .. بكرة زواجي معقوله!! أحس الموت قرب مني..بكرة زواجي وأنا أتعس أنسانه بالدنيا
التوقيع
|
قال رسول الله -صلى الله عليه وسلم
من قال أستغفر الله العظيم الذي لا إله إلا هو الحي القيوم وأتوب إليه ، غفر الله لهُ وإن كان فر من الزحف "
...........
مــــن لايـفـكــر بـزعــلــي مــاهـــو مـفــكــر فـــــي رضـــــاي
ومــن شــح قلـبـه بـالـغـلا .. وشـعــاد لـــو كـفــه نـــدي
............
لاصد عنك من توده وجافاك ...خله وجازه بالجفا مثل صده....
خلك عزيز النفس والعز مبداك وكلن عطه تفصيل
ثوبه بقده خص الرفيق اللى اذا جيت
حياك وان غبت عنه ياصلك بالمودة
|
|