العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
|
#1
|
|||
|
|||
وقفات نفسية مع مراهقين .. فيصل وقصة التحدي .. حقيقة ارويها لكم
في يوم من الايام حضرت حفلة زواح لأخت صديق لي وبعد ان انفض المعازيم جلست انا وصديقي ووالده نتكلم في احد اركان القاعة فكان صديقي محمد يتذكر مع والده ايام مضت مع ابنتهم المتزوجة ويقولون ما اسرع هذه الدنيا كبرت فلانة وتزوجت واخذ الكلام يجر بعضه بعض حتى تحول الكلام عن ابنهم فيصل اخو محمد الصغير الذي لم يبلغ 15 سنة تقريبا واتذكر من الحوارالذي دار بينهم هذا الكلام محمد يقول : يبه الله يطول عمرك فيصل ما ينفع معه الا الشدة قال ابوه : يا ولدي وش تبي اسوي عجزنا عنه واخاف نزيد عليه يزود قال محمد : طلعته الى نصاص الليالى هاذي ما هيب زينه وهو بالعمر هذا وبكرا يمكن تصحى الصباح وما تلاقيه تره بزر ما يترك على كيفه قال ابوه : امك عجزت عنه واختك ما تعرف تتعامل معه انت حتى الضرب ضربته وما تعدل هنا انا قاطعتهم ؟؟؟؟ قلت : محمد تقصدون فيصل اخوك ماغيره قال محمد : ايه هذا البزر مهبل فينا قلت : محمد انت فعلا : ضربته قال أيه ضربته وما خليت شىء قلت : محمد والنتيجة قال : ولا شي يعاند وبزود قالت : سؤال : ليه هو يتصرف كذا ما سالتوا انفسكم ليه يتصرف بالطريقة ومن متى قال محمد ما ندري بس له يمكن اكثر من سنه وحالتنا معه حالة قلت : والله انا اذا شفته هادىء واحس انه مؤدب وما شاء لله عليه بس يامحمد تضربه .. هاذي ما توقعتها منك قال محمد : هو له سنه منطوي على نفسه لكن اذا تهاوشنا معاه جني وشرة بس على اهله واحيانا نقول لاتطله لاتتاخر وما يسمع قلت : معليش محمد انت شكلك جفس شوي خلني اسال ابوك قلت يا ابو محمد انت تجلس معاه وتتكلم وتشوف وشو فيه وش طلباته قال ابو محمد : وش اجلس معاه البزران ما تخلص من طلباتهم ولو عطيتهم حتى كل اللي يبون ولا ما يبين فيهم قلت : يا ابو محمد المسألة ما هي عطايا مادية انتم تقولون انه من سنة وهو مبهذلكم ومتغير عليكم ومنطوي وصاير عصبي ونسيتم انه في فترة مخاض وولادة من جديد ، واقصد انه في مرحلة بلوغ وهنا الولد او البنت لازم تكون له معاملة خاصة حتى تستقر اموره هذة مرحلة انتقالية بين الطفولة والرجولة واي ولد بهذا الفترة يشعر ان هويته ضايعة بهذه الفترة يعني لا يقدر يصنف نفسه مع الاطفال ولا يحب هالشي ولا هو شايف الكبار مستعدين لاستقابله ومعتبرنه رجل وانتم اكدتم هذا الشي من خلال كلامكم قبل شوي ترددون قبل شوي بزر بزر وبين هذا وذاك يصبح ضايع نفسيا وتزداد عصبيته لان ما هو يقدر يعبر عن شعوره ولا في احد يفهمه هذا غير التغيرات التي تحدث في جسمة اثناء فترة البلوغ اذا لم فيه احد من اهله وبالذات ابوه يعطية خلفية عنها وبالتفصيل ليستعد نفسيا على استقبالها بالتأكيد رايح يعاني منها لانه لايعرف عنها شىء وجديدة عليه لا تقول عيال هالوقت يفهمون كل شىء هم صح يسمعون ويفهمون لكن لا يفهمون تفاصيلها وابعادها وحقائقها كل هذه الامور تسبب اضطراب نفسي شديد بداخله وتنعكس على تصرفاته اللي تشوفنها هي بالحقيقة هروب من هذا العالم المزعج بداخلة وتصرفاته انتم تتحملون العبء الاكبر فيها ياجماعة تفهمو هذا الامر عنده واقتربو منه وعلموه بدون حياء كل شىء بدل ما يروح لاحد غيركم او يلجا لاصدقائة ويشوشون عليه في الكلام وهم بالحقيقة يحتاجون من يعلمهم ويوعيهم قاال ابو محمد : انت صادق بس ما تعودنا هالامور شف ذا الدلخ يعني ولده محمد طالع ما حد قاله شىء اصلا حنا يا ولدي تربينا كذا ونشوف ان عيالنا يطلعون زينا قلت : يا ابو محمد الدنيا تغيرت والاخطار اللي تحيط فيهم اكثر من وقتكم والكلام في هذه الامور يطول قلت يا محمد : انت اخوه الكبير وهذا دورك قال محمد : معك حق بس حنا ما لنا صبر وخلق على مدراته على طول والمدارات ساعات تكون سلبية ونقص وبعدين فيصل والله ما ينفع معه شي داريناه بس ما نفع قلت : يا محمد الله يطول بعمرك تدري ليه ما يسمع لك ويمكن احيانا حتى يحقد عليكم لانك يا محمد استقبلت مرحلته هذه بالهاوش والمحاسبة والضرب والتهديد ولوعيد لو كنت احتويته بطيب وتفهم وناقش كان ما يرى ولا يسمع غيرك وبتصير انت القدوة له خاصة اانك اخو الكبير قال : مدري وش اقولك يمكن نكون اخطانا بس ترى التعامل مع الموقف مو زي الكلام فية الحين تطبيق كلامك هذا لا تعتقد انه هين وسهل وانا اشوف ان طريق الحزم اسرع في تقويمه لان بصراحة ما عندنا طول بال اللي تقول قلت : هذا الكلام اذا المشكلة الاكبر فينا احنا مو فيهم هم عجينه طرية تقدر شكلها زي ما تبي لكن حنا ما نعرف نضع الكميات اما نكثر الموية ولا نزيد الدقيق . يا محمد اللي بالسن هذا لازم نعطيهم اهتمام لازم نحتويهم لازم نعطيهم من وقتنا هذا حقهم علينا خاصة اللي ترى في سلوكم اعوجاج او انطؤائيين ، مع الاسف احنا ما نقصر معاهم ماديا لكن بخيلين بالجانب النفسي والمعنوي ويمكن الكثير منا ما يملك اصلا هذا الجانب او يعرف التعامل فيه فضلا ان يكون جزل العطاء فيه قال ابو محمد : يا ولدي يقصدني انا والله كلامك زين وانا بمون عليك وانت مثل ولدي محمد .. اذا تقدر تكلمه وتسولف معه يمكن يسمع منك والله اتعبنا وتعب امه وخوانه قال محمد : هذا يبه ما ينشاف ( يقصدني انا ) تبيه يجي يكلم ولدك قلت : انت تمون يا محمد وابشر بس هو يعرف ان صديق محمد وصورة محمد ما يحتاج عنه سوداء الله يهديه وقلتلهم وانا امزح اخاف انه يقول هذا اللي قالب راس اخوي محمد علي قال محمد : لالا تتعذر خالص الولد طلبها منك وشكل ابوي اعجبه كلامك قلت : لا ابشر يا ابو محمد قال محمد : شف انا والوالد بنخليه تحدي بيننا وبينك اذا قدرت تأثر فيه ابشر باللي يرضيك وش رايك يبه قال ابو محمد : ابد تم بس يتنسع هالولد قلت : اول شي ابغى ابدا فيكم .. انتم اساس المشكلة لا تواخذني يا ابو محمد لازم انتم في البيت تغيرون من طريقتكم في معاملته في البداية اتركوه على ما هو عليه من تصرفات ابغاه يستغرب منكم هذا الشيء يعني ابغاه يشوف انكم تعاملونه كويس وبنفس الوقت ما تتحكمون في تصرفاته ولا تهاوشونه هاذي اول خطوة يجب ان نعملها الخطوة الثانية ابغى اجيكم في البيت وابغاك يا محمد تتركني معه لوحدنا يعني تحجج بأنه جاءك اتصال سريع وتقولي فيصل بيكون عندك لاحد ما ارجع اتفقنا على هذا الاساس قلت : محمد لخص لي وش ملاحظاتكم عليه قال : اول شىء انطوائي ما يجلس معنا كثير عصبي وحساس أي شى يعصب منه يطلع من ربعه واجد ويزعل لو قلنا لاتطلع والا ممنوع بعد اشك انه يدخن او يجلس ما شباب يدخنون واذا تأكدت يا ويله مني قلت : خل هالموضوع علي .. كمل قال : اكثر ما يعصب على خوه الصغير وحاط كل حرته فيه قلت : كال هاذي اللي قلت عنها طبيعية وكل واحد في سن فيصل معرض انه يمر فيها والاهل اما ان يساعدوه على انه يعديها بسلام واما يخلونها وتصير غير طبيعية وتغير مسار حياته بالكامل لاسمح الله لان هذه المرحلة العمرية هي نقطة تحول في حياته وحياة كل واحد بعمره المهم اننا نتكلم معاهم وننزل الى مستواهم وبلاسلوب اللي هم يفهمونه ونجاريهم حتى لو كنا مومقتنعين حتى نستطيع نخليهم ينفذون اللي احنا نبي وبعد تقريبا 3 ايام رحت عندهم للبيت وفعلا نفذنا الخطة طالع محمد من البيت وجاء فيصل بالمجلس وبدات اول خطوات التحدي مع هذا الرجل الصغير قلت : هلا فيصل كيفك وش اخبارك قال : بهدوء الحمدلله قلت : شفت اخوك وش سوى فيني طلع وتركني يقول تعال وخرتها زي ما انت شايف بس كويس انك فيه والا تراه بيخليني بلحالى والا يصرفني ويقول امسك الباب الولد ساكت مع ابسامات حفيفه قلت فيصل بصراحة انا بشكي اخوك محمد عليك يمكن تلاقي لي حل معه تراه يسوي فينى احيانا اشياء تطفش الى درجة الزعل اخوك احس انه عصبي واحيانا ما يفهم علي وصعب اتفاهم معاه بس بالصراحة علشان ما اظلمة هو طيب وما يقصد لكن طبعه كذا ومشكلتي ان احب اخوك وهو صديقي ولازم اتحمله واتحمل اطباعه والا كيف اكون صديقه انت وش رايك فيصل .. فرصة خلنا نحش شوي في اخوك ونطلع اللي في قلوبنا وش رايك في كلامي فيصل قال فيصل ........ يتبع ان شا ءلله اخووكم / كلمات دافئة
|
#2
|
||||
|
||||
شكرا على القصه
والله يجزاك خير منتظرة التكمله..
|
#3
|
|||||||||||||||||||||||||
|
|||||||||||||||||||||||||
شكرا يا طالبة
انا بعيد كتابة القصة كاملة ورايح انزلها مرة وحد ة علشان الاعضاء ما ينتظرون او يزعلون مني .. ومعاهم حق
|
#4
|
|||
|
|||
بإنتظار البقيه
|
#5
|
|||||||||||||||||||||||||
|
|||||||||||||||||||||||||
ان شاء الله كما وعدتكم .. اشكر مرورك
|
#6
|
|||
|
|||
السلام عليكم ورحمة الله وبركاته
موضوع في غاية الأهميه عالم المراهقين عالم واسع وشائك هذه المرحله الصعبه في حياة كل إنسان والتي تحتاج إلى معامله خاصه... سلمت يأ اخي على أطروحاتك المميزه والهامه بإنتظار إكمال القصه.. أختكم/مرام
|
#7
|
|||
|
|||
وفيكم الخير والبركة ..
اشكر مرورك مرام .. وان شاء الله اكون عند حسن الظن
|
#8
|
||||
|
||||
أخوي كلمات
على راحتك بس لاتتاخر.. ولاتنسى قصه البنت اللي في المطعم.. الله يجزاك خير
|
#9
|
|||||||||||||||||||||||||
|
|||||||||||||||||||||||||
اولا : انا اعتذر منك .. لاني لا اجيب على أسألتك احيانا
ولكن صدقيني هي غير متعمدة .. بالنسبة لقصة الفتاة السعودية التى تعيش في فرنسا وتعمل في المطاعم لا اخفي عليك تردد كثيرا في طرحها لاني تذكرت ان الكثير من المجتمع السعودي عرف قصتها او على الاقل سمع عنها لانه نادر ما تجد فتاة سعودية بهذه الظروف السيئة وقد سمعت بعد ذلك ان السفارة قد تدخلت في وضعها بعد ان اصبحت اقامتها غير شرعية وخشيت ان اتعرض لتفاصيل حياتها هنا فيكون فيها نوع من الاشهار اوالفضح خاصة اني قابلتها شخصيا وتحدثت معها
|
#10
|
|||||||||||||||||||||||||
|
|||||||||||||||||||||||||
معذور يااخوي بس أنا ماسمعت عن هالقصه بس لو ماتبغى تطرحها براحتك الله يجزاك خير
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |