العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
|||
|
|||
شوفوا كيف صرت مثل الأطرش في الزفه
مساء الأفراح والليالي الملاح ومساء الحفلات
والطبول والدجيه .... وتبريكاات خاصه للناس اللي نجحوا في اختبااارات الاعااده طبعا هي اختبارات الدور الثاني .... وهم مساكين طايح وجيهم ولا شفنااهم ولا احد بارك لهم وهاذي اول تهنئه خاصه مني لهم البااارح الاول قالوا اهلي ياسكري لاتروح مكان بعد صلاه العشاء قلت لهم خير قالوا بنروح نسلم على وحده من زميلاتهم ولدت وابشركم جايبه لها توم ولدين قلت لهم لهم خلاص ابشروا ماني رااايح مكان .. المهم بعد الصلاه وديتهم وطبعا قلبي يرجف صرت مأداني المناسبات اللي تولد فيها حرمه لان الفاس كله بيوقع علي الراس اكيد عرفتم ... وبعدها سمعت كلام سكري وقف وقف عند محل الكيك هاااذا .. وشذنبي يانااس كل وحده بتولد اروح اجيب كيكه على حساابي عاااد هااذ غير تكاليف الهديه والمواليد اثنين توم جايب لهم هديتين وهااذا طبعا كله على حساب سكري وانتم عارفين الحين في موسم حصااد حق الموسم اللي رااح يعني كل بيت فيه بطن مليااان والله يعينا على الهدايا .... وصرت اتعقد من يوم اسمع الاهل يتكلمون في التلفون ويقلون مبروك عااد انا اطلع محفظتي اعد الدراااهم اللي فيها واقول راااحت فلوسك ياصاابر انا اطاالب المسئولين هنا في بلدنا انهم يعطون كل واحد نسبه من المواليد ونصير مثل مصر يعني كل عائله لها عدد محدد واللي يزيد عن العدد هااذا يعطى مخالفه وانا بساعدهم في هااذا المجال بكل مأوتيت من قوه عشان نوقف الشي هااذا وعلى الاقل الاجياال اللي موجوده تاخذ راحتها وتحصل وضايف وبعدها لاحقين خير عليهم كل هاااذا عشان ياسكري شريت لك كيكه ببخمسين ريال تشطح علينا وتسوي بلبله في الشارع السعودي المهم خلونا نكمل نسيت قصتي وصرت اتكلم عن معااناتي مع الكيك والهدايا المهم وصلنا بيتهم ونزلت اهلي عندهم وقلت كم بتجلسون قالوا يمكن ساعه او اكثر شوي عاااد انا قلت ويش رايك ياسكري توقف عند مدخل بيتهم الين يخصلون وصعبه اروح وااجي في هالزحمه قلت لأهل خلاص ترااا بجلس استنااكم في السياره الين تخلصون وانا جالس في السياره لقيت رجال يطق على الدريشه السلام عليكم وعليكم السلام قال ياخي مايصلح تجلس في السياره في هالحر تفضل عندنا الين يخلصون اهلك ... عاااد انا قلت اكيد اهله قالوا له رح اعزم الرجال تراه جالس في السياره المهم نزلني بالقوه ودخلنا بيتهم وجلسنا نسولف وشوي سمعت اصوات مسجل ودجيه ورقص وطبول وهيصه واصوااات الحريم عااد تعرفونها يزغردون وصوتهم واصل المجلس تقول كأنهم في المجلسعاد اخوكم انحرج يوم يسمع اصوات حريمهم وانا اغير السالفه وقلت مبروك التووم قااال هااه شكله ماسمعني قلت مبروك التووم .. قااال الله يبارك فيك وكانه يقولها وهو متردد المهم شوي وجانا الكيك وجاو الصغااار بالهدايا وعطوني هديه فيها كيس وينثرون الورود والحركات والشمعات انا استغربت قلت يمكن هاذا طبعهم اذا جاء لهم مولود يسوون حفلات وهيصاات المهم انا انبسطت مع الحركاات هااذي ونسيت نفسي شوي لاهلي يتصلون ويقلون وينك السياره مافيها احد وين رحت قلت انا عزمني زوج زميلتك والحين انا توني اكل الكيك والحلاو استغربت الظاهر حتى ماحطوا لها من الكيك شكلها انقهرت قالت غريبه انا ماحطو لي كيف ولا حلاو حتى كيكتي اللي جبت لهم ماحطو منها قلت اصبري شوي المهم ادخلت هي وقالت تو زوجي ماخلص من القهوه قالو اي زوجك قااالت عندكم في المجلس قالوا مافيه احد في المجلس وابونا طااالع مشوار له نص ساعه ولا هوب موجود ..... عااد اتصلت زوجتي وقاالت يامهبول انت من اطلع بسرعه ترااا اللي دخلت عليهم نااس غير اللي دخلت عليهم عااد هي اكيد سمعت صوت المسجل والحركااات قاالت هااذا شعنده ويمكن هاااذا اللي قهرها بعد عااد اتكلم بالتلفون وانا اطاااالع في الرجال وهو مبسوط ولا هو قادر يسمعني من صوت الطبول المهم قلت الحين شلون اتصرف قلت خلني انحااش ومن غير مايدرون لان الرجال فهم غلط ويفكر انا من ضمن الناس اللي جابو حريمهم عندهم للحفله واكيد مسوين حفله نجاااح لعيااالهم وعازمين ناس كثير وهم طبعا في نفس العماره قلت لهم خلاص اهلي عند الباب ابغى افرك منهم قال مستحيل تمشي وبعدين ليش اهلك بيروحون بدري العشاء في الطريق ورااح داخل بيتهم وقال لأهله يستفسر ليش اهلي طلعوا والرجال باقي ماتعشى قالو اهله مافيه احد طلع من الحريم عااد انا عرفت اني نشبت ووقعت وخلاص ولازم اعلمهم بالسالفه ... قلت للرجال وانا الكيكه في فمي امضغها اسمع تراا الظاهر انك فهمت غلط وتفكر ان حرمتي معزومه عند اهلك وانا اهلي عند جيرانكم رايحه تبارك لها بالمولود .... قلت عااد ابي اغير السالفه تصدق انه جايه تووم .... جلس يضحك الرجاال وقال انا حتى يوم رحت لاهلي قالوا مافيه حرمه طلعت كلهم مستنين العشاء واستغربت .. المهم قاال ولا يهمك وهااذي الفرصه السعيده ياااااا .. قال الاسم الكريم قلت بخيت قال والنعم يابخيت المهم جيت بقوم قال مستحيل لازم تتعشى الحين المطبخ جاايب عشا قلت حرمتي تستناني عند السيااره عااد لو اتصل عليها واقول استنيني في السياره الين اتعشى بتنقهر زياااااده . بعدين قاال الرجال الحين بخلي حرمتي تطلع لاهلك في الشارع وتعزمها قلت لا مايحتاج والرجال ماقصر حلف قلت الله يهديك ليش تحلف عاد انا خذيتها عذر يوم انه حلف المهم اتصلت على زوجتي وقلت الحين وينك قاالت صرااحه الحرمه لزمت علي وعزمتني وحلفت علي قلت حتى انا حلفوا علي ... المهم كملوا باقي الحفله وشوي لهم يجيبون السفره العشا عليه ربع تيس والحركات اللي تعرفونها عااد وعقب ماتعشيت اتصلت على حرمتي وقلت يالله خلينا نروح قاالت شوي لسه باقي مانتهت الحفله حقتهم .. حتى الحرمه خشت جو وانبسطت وغيرت جو معهم المهم وبعد ساعه متأخره من الليل انتهت الحفله وتهيأنا للخروج بعد ليله سعيده وضحكنا كثير على الموقف وكاان هو سعيد جداً وهو يكلمني والرجال انبسط مني وانا طاالع من البيت جاء الرجال وطلع لي كرت حقه وقاال هااذا اسمي ووظيفتي وطلع موظف كبير في الخطوط السعوديه يعني الحين صرت واسطه اللي يبغى حجز حاجه يكلمني وانا اكلم صديقي عشان يسوي له حجز وهو في البيت ... بس ياخوفتي يحجز له ذهااب بدون عووده ... امزح معكم والنعم في الرجاال صرت تحش فيه وعااد واحنا راجعين للبيت برضه كنت نتكلم انا وزوجتي على الموقف المحرج وفي نفس الوقت كان طريف جدا ... وقاالت ياهي حفله حلووه عاااد الحريم تعرفون يحبون الفشخراات رااحت تكلم اهلها وزميلاتها عن الموقف هاااذا وقاالت ياهي حفله تهبل تهبل تهبل تسمع مولود انولد شفت كيف كل مولود يجيب رزقه وهاذول التوم جابو الحفله لك وبدال الكيكه اللي شريتها حصلت اكثر منها المهم يأعضائنا الفاضلين نبغا كل واحد منكم يقول عن موقف محرج وطريف في نفس الوقت وهو مودي اهله لاي مكان بالسياره سواء كان هااذا الموقف في زواج او حفله او حتى للزياااره وننتظر منكم مشاركتكم كااااااانت هااذي الحفله في يوم الاربعاء الموافق 9\8\1431هـ في حي الجامعيين شارع الاطرش بنااايه رقم 20 |
مواقع النشر (المفضلة) |
الكلمات الدلالية (Tags) |
الاطرش |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |