|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#101
21-04-11, 04:06 AM
|
|||||||||||||||||||||||||||
|
|||||||||||||||||||||||||||
ياهلاااا مليون غلا بالخالة شام ويسعدلي صباحاتك وكل أيامك ويا صباح الياسمين الشامي إنها فعلا جلسة عائلية فكل الموجودين أهلي وأخواني وأخواتي وكلهم ولله الحمد أحبه وأصحاب تسلمين لي فديتك سعيدة جدا جدا جدا بهذا الحضور العطر
|
|
#102
21-04-11, 04:16 AM
|
|||||||||||||||||||||||||||
|
|||||||||||||||||||||||||||
الله يحييك ويبقيك فديتك والنور نورك ياقمرهم  يالبى الذوق ويالبى الإسلوب يا ناااس وشهادتك هذي تاج على راسي أعتز وأفتخر فيه والموضوع وصاحبة الموضوع تحت أمرك بأي وقت
|
|
#104
21-04-11, 04:32 AM
|
||||
|
||||
|
[QUOTE=sسلطــان العـــنزيs;8541917]
صباح الخير تفاصيـــــل
جهزي القلم والورقة وجوابي على الأسئلة الخفيفة التاليه : صباح النور والسرور يا سلطان الإبداع والله يستر من أسئلتك ..  سؤالي الاول متى تطفش تفاصيـــل من النت وتغلق جهازها؟ أطفش وأكره النت عندما أدخل قصيمي نت وأجد خمول وركود قاتل ومافيه حركة ولا ردود ولا أكشن ولا هوشات  ياشين المنتدى وقت الإجازة ماتلاقي في الا البزارين فرحانين بالعطلة ويفحطون بالأقسام والبقية مالهم حس  سؤالي الثاني ماهو شعورك عندما تحاولين تسجيل دخول للمنتدى ويعطيك رفض بحجة ان كلمة المرور خطأ؟ أتوقع تجيني جلطة  سؤالي الثالث كم جهاز لديك ؟ عندي إثنين لاب توب واحد أساسي فيه كل شغلي والثاني إحتياط سؤالي الرابع ما نوعية حماية جهازك وهل تعتبرين كاسبر هو الافضل في الوقت الحالي أم هنام من هو افضل منه؟ حتى الآن مافيه منافس للدب الروسي الكاسبر وماشفت ولا جربت أفضل منه بس يعلّ قلبك بمفاتيحه  سؤالي الخامس نصحية توجهينها للمشرفين القدماء والجدد؟ هي نصيحة وحدة أن لا يستخدموا صلاحياتهم في مآرب شخصية أو إنتصار للذات فإنما الصلاحيات أمانه ومسؤلية وحق من حقوق الأعضاء على المشرفين هذه بعض الاسئلة المؤقته واتمنى لك التوفيق والسداد فاللقاء معك شيق كل هذا ومؤقته  ليش باقي غيرها ومع ذلك فأنا مرة أخرى ... بالإنتظاااااار 
|
|
#105
21-04-11, 04:55 AM
|
|||||||||||||||||||||||||||
|
|||||||||||||||||||||||||||
يابعدي والله مالمحت ولاشي بس المخرج عاوزكدا سلطان يقوله قلت انا ايه والله عندي توقيع يهبل وش زينه عاجبن وانصح الاعضاء يرعصون على اسمي يشوفونه  فرصه للترويج  وان احتجت الله لايخلينا
|
|
#106
21-04-11, 08:38 AM
|
||||
|
||||
|
السلام عليكم
أشراق وصباح كـ شموخ الأصايل ياتفاصيل لك ذائقة شعريه لاتخفى على الخيمة وزوارها سؤالي هل لك محاولات في كتابه الشعر سلامتك وشكرا
|
|
#107
21-04-11, 09:36 AM
|
||||
|
||||
|
من الحين .. كان مو سامحه ..
اطلبي المبلغ اللي تبين وأنا حاضر .. تفاصيل : قبل ثلاث دقايق من وقت دخولي لموضوع استضافتك سويت اربع ابيات .. اشتهيت احطهم بأكثر من مكان بالمنتدى .. اول شيء للتوثيق .. وثاني شيء عشان اكشخ بهم قدام الناس .. عاد طرت علي لعانه .. ونقز لي شوشو خخخخخخخخـ شيطاني و اعوذ بالله من شيطاني .. احيان يفطني بأفكار جهنمية .. عشان كذا اسميه شوشو .. قالي شوشو : العالم العربي كله متجه .. يتابع موضوع استضافة تفاصيل .. الناس اندبلت كبودهم من اخبار القنوات الفضائيه .. من كثر الشيل والحط في قضايا الثورات ... اللي للحين ما انعرف صالحها من طالحها .. وموضوع تفاصيل صاير مليان متابعين .. لأنه طالع زين بسم الله تبارك الله <<<< هذي مني .. مو من شوشو .. عاد نصحني شوشو اني اسوي دعايه لأبياتي واحطهم بموضوعك اذا مو سامحه لي .. ببلاش اطلبي المبلغ اللي تبين .. نظير الدعايه لأبياتي .. خليتس ذيبه .. ما تشوفين الـ/ ام بي سي : كل شوي قاطعين علينا المتابعه وحاطين دعايه خخخخـ عاد انتي استفيدي من نجاح موضوع استضافتك وخوذي قروش دعايات .. هذي .. هي الابيات .. دورة حياة الادمي .. تحتاج تفكير(ن) عميق يعيد ينظر وش اخذ منها .. وماذا اللي عطا منهو تعلم من خطاه .. احمق ويبطي ما يفيق والاستفاده من خطأ .. غيرك تجنّبك الخطأ كلمة لسانك ترفعك .. واحيان بالجرف السحيق ترميك واحذر من حكي .. للتهلكه بك يسقطا عالج عيوبك وإنتصح .. لاجتك نصحه من رفيق احرص على طبع الكرم .. للعيب به ستر وغطا ترايستاآآر
|
|
#108
21-04-11, 09:49 AM
|
||||
|
||||
|
مرحبا تفاصيل
بصراحة طفشت من المديح ومن أجواء المنتدى قلت خلينا نخرج عن الجو نطمع في الاجابة على الأسئلة التالية كم عندكم شغالة ؟ ومن يطبخ لكم الشغالة وإلا أنت وإلا مامتك وإلا تجيبون من برى ؟ كيف معاملتكم مع الشغالة ؟ تساعدونها بشغل البيت وإلا كل شي عليها حتى التربية ؟ تاكلين القرصة حق السمن ومن يسويه وكيف تسوونه ؟ للأكل عندكم موعد محدد وتجتمعون كلكم وكل واحد يجلس في مكانه المحدد وإلا كل واحد ياكل وحده ؟ آخر سؤال ترى ملينا من اللوحة الأمامية للإستضافة كل واحد نشكر جهودك وسعيك على انجاح الالقاءات وهي كلها على بعض تغيير اسم الضيفواضافة مشاركته وموعد اللقاء ثابت على الثامن  أعطونا فكرة ومقدمة بسيطة عن الضيف حسسونا إنكم متابعينا وتعرفونا وتحبونا >> برى  وماراح أبدا أتريق على الضيوف شفي غريب جالس جنبي ويقرى معي وخلاص بس إذا شفت نفسي رايق وفاضي نحط رد ثاني من الأسئلة
|
|
#109
21-04-11, 12:12 PM
|
|||||||||||||||||||||||||||
|
|||||||||||||||||||||||||||
والله أنا جربت عطور كثيرة وكل ماينزل عطر جديد أشتريه لكن هذا غير لأن بعض العطور ريحتها تذكرك بالمناسبة الأولى اللي حطيتيها فيها وهذا العطر كل ما أشمه أتذكر موقف من أجمل المواقف بحياتي لما حطيته أول مرة فمستحيل أمل منه أو من ريحته
|
|
#110
21-04-11, 12:33 PM
|
||||
|
||||
|
=@ترايستار@;8542590]
معليش يا حقين الحوار الفكري .. ادري انكم .. من كثر المهاوشات صايرين عصبيين وما تنتحاكون .. هلا ومليوووون مرحب بخفيف الروح تروووس  وإنت خلك بحالك ومحد يعصب عليك  بس والله الغلط .. ماحد يرضاه .. ( عنوان الموضوع به خطأ فادح ) اقولكم كيف .. المفروض إني ما اجي هنا .. لأننا عندنا اللي يكفينا .. الشباب بقسم العلاقه الزوجيه مسوين نفسكم .. مواضيع استضافات وشغل عدل .. واللقاء حقي كان الاسبوع الماضي .. عاد توني طالع منه .. ومن كثر ما سولفت صرت ما عاد اشتهي ادخل اي مواضيع .. ولا اشتهي اختخت بالأقسام ياخي والله مالك حق المفروض تعزمنا نحضر إستضافتك ونطفشك شوي بالأسئلة لكن وبمحض الصدفه شفت عنوان هالموضوع .. ولاحظت الخطأ .. كاتبين : استضافة الأخت (( تفاصيل )) .. صراحه تهولت وحسيت بخربطه .. كيف انا كل الفتره الماضيه .. إذا تصادفت مع تفاصيل بأي موضوع او مشاركه ما اقول لها إلا خالتي تفاصيل .. المفروض يكون العنوان بهالشكل .. إستضافة الخاله (( تفاصيل )) .. محد يناديني خاله إلا إنت وشلون تبيهم كلهم يسموني بعد خالة الا إذا إنت منزل الإستضافة ساعتها خلخل على كيفك  عاد مدري ليش انا كنت متولج الاجوديه .. ولا اقولها إلا خاله تفاصيل .. يمكن عشانها كبر جدتي خخخخخخخخخـ ويمكن عشاني ألاقي فيها شغلات تخلي الواحد يحس انها كبيره .. مدري مدري .. ماعليك ياجدي قول اللي تبي لا يهمك أحد ندخل بالجد : تفاصيل .. مدري كم عمرها .. ولا كم وزنها بالكيلو غرام .. اي وحده كبيره حيل .. الناس يقولون لها .. اوما خاله او عمه .. او جده .. تفاصيل صرت اقول لها يا خاله تفاصيل .. لأني وجدت فيها حزم وجديه وحكمه في التعامل مع كل شيء .. مو بس الشغلات اللي تتطلب منها الحزم والجديه والحكمه بصفتها مراقبه .. إلا في كل شيء .. حتى وهي تبي تمزح مع احد او تسولف معه بعيد عن الجد وبعيد عن اختصاصها الاداري تلاقي منها مزح وسواليف عفويه .. بعيده كل البعد عن اللعانات والخبث وقلة الذوق .. ياربي يسعدك يالترس إنت حيييييل ذوق ذيك الأيام .. وفي بدايات دخولي لقصيمي نت .. وفي بداية تعرفي على معرف تفاصيل .. حسيت إنها تشبه خالتي قماشه كمراقبه وحاطه كاميرات من جد كنت ألاقيها في اغلب اقسام المنتدى .. متابعه وحريصه على قصيمي نت .. صرت اسميها خالتي قماشه .. تخلخلت ضلوعك قول آمين .. أجل خالتي قماشة يالدب يوم تقول خالتي ماقلنا شي بس خالتي قماشة عاااد كثير امور تغيرت واللقب باقي .. تغيرت نظرتي لتفاصيل من ناحية انها تشبه خالتي قماشه الناشبه خخخخخخخخـ زين الله يبشرك بالخير  بعدين عرفت انها حازمه وحكيمه بس مع كثير من الذوق والإحترام للجميع وبدون نشبه .. اسمها زين .. لكنه مو حيل تهاويل .. اللي مهولني وحيل معجبني .. الكلام اللي مكتوب تحت اسمها .. شموخ الاصايل ... اذكر ني كتبت لها ابيات لها علاقه بهالاسم .. يوم اكتشفت انها تعرف ترسم .. زود على جمال تصاميمها اللي لها علاقه كبيره في نجاحات قصيمي نت بالله شوفوا رسمها على هالرابط .. وشوفوا انا وش قلت فيها ذيك الايام .. http://www.qassimy.com/vb/showpost.p...&postcount=802 أيوه أذكر هذي الأبيات وحطيتها بتوقيعي فترة طويلة من جد إنت مبدع بأكثر من مجال مو بالشعر والكسرات بس صراحه تأكدت انها مو خالتي قماشه ومو عجوز خخخخخخـ وانها باقي بعمر الزهور .. لأن العجز ما يعرفون يرسمون .. تغيرت نظرتي لتفاصيل .. وعرفت انها حبوبه .. لكن مسمى خالتي تفاصيل باقي .. وتفاصيل باقيه حريصه على قصيمي نت .. قول خالتي براحتك بس مو خالتي قماشة تفاصيل مبدعه في كل شيء .. وأنا مثلها مبدع في كل شيء <<<< يابجاحة هالادمي .. خخخخخخخخـ من جد بس تغلبت علي تفاصيل بالرسم .. والتصميم .. وأنا اقدر اكتب شعر وهي ما تقدر .. يعني النتيجه واحد واحد .. لا بالعكس النتيجة مو واحد واحد لأنك ماشاء الله عليك وصلت للإحتراف بمجالك وأنا للحين مجرد هاوية اطمح للإحتراف وما وصلت له للحين تفاصيل : عشان ابي فعلا اتأكد انتي خالتي قماشه او لا .. خخخخخـ اقصد ابي اعرف انتي عجوز او لا .. ولأني مابعد قريت اللقاء حقك .. ياخوتس كم عمرتس ..؟؟؟؟؟ اذا سبق وجاوبتي على هالسؤال فوق .. لا تجاوبين لأني رايح اقرا اللقاء كله اما اذا ما جاوبتي .. اعتبري هالسؤال خفيف والاجابه عليه مو اجباري <<< اجل اطلع برا ولا تشغل المسلمين طالع طالع .. بس بقول شيء .. تفضلي يا تفاصيل .. الابيات اصاله عن نفسي ونيابه عن كل اعضاء قصيمي نت اللي يغلونتس : تحية(ن) مني لخاله تفاصيل = تحية الفياض وجل احتراآآمه مراقبه تميّز بشدة الحيل =بالمنتدى تعمل وتضبط نظاآآمه تثني على المعدول وإتعدّل الميل = بالحزم والحكمه وزود الفهاآآمه يسعدها ربي بالصباحات والليل = عيشه رغيده مع رضى وإبتساآآمه اطلب لها ربي حياة التساهيل = افراح دايم ما تخالط نداآآمه ترايستاآآر الله عليك يالترس وربي مبدع الله لايضرك وصح لسانك مليوووووون ولا يكفووون وإن شاء الله إني اكون مثل ماذكرت أبدعت بهذا الحضور وأمتعت وأطربت والموضوع كله لك تبطح فيه على راحتك .
|
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
