بسم الله والصلاة والسلام على رسول الله
وعلى آله وصحبه ومن والاه:
الحين تحسبون الموضوع عن الحرب انا مالي ومال الحروب الله ينصر المسلمين وين ماكانوا
السالفه ومافيها خذوا الحيطه والحذر من الجو من الآن وحتى
دخول المربعانيه
كل الفتره هذي تنشط الفيروسات في الجو خصوصآ من العصر حتى الفجر
شبابيك البيت تقفل في هالوقت بعدها تفتح لدخول الشمس وتجديد الهوا
اصحاب الإستراحات عادي جلسة برا في الحوش في النهار ومن بعد العصر لين الفجر خطر برا
اصحاب البر نفس الشيئ تحلى لهم الطلعه لاعتدل الجو مايدرون ان حرارة الشمس
ارحم من هالجو العليل اصبروا قرابة الشهرين والله معكم
حتى الاطفال موزين تودونهم حدايق هالفتره افضل شيئ الاماكن المسكره مثل المولات وغيرها
وحتى حوش المنزل
عليكم بالفلفل الاسود مع المرق والشوربات وقليل مو الواحد يحط ملعقه كبيره ملعقة البهار تكفي
ويمكن وضعه بالحليب بشرط يكون الفلفل طازج كل اسبوع يجدد ويحكم تغطيته
ولا انسى الفكس رغم التعليقات اللي تجي عليه لاكن هالمركب القديم عجيب وخطيييييير بالفائده
واستخدامه واسع الا الصدر والانف ما انصح فيه
يستخدم للإنفلونزا البرد الرشح اللوز
يدهن باطن القدم ويوضع منه على السره مع التدليك
ويوضع بمنديل قليل ويمرر على اللثه من فوق وتحت مرتين في اليوم
قبل النوم غرغره بشاي ثقيل مذوب فيه ملح خشن أو مر مع حلتيت غرغره مرتين او أكثر
هذي وصفات بسيطه لاكن والله في الغالب تغني عن دوشة المستشفى
وسرى وبالأخير علاج مايستخدم
الموضوع هذا معكم طول الشتاء ان شاء الله اللي يتعب ولا يتعب قريبه لاقدر الله يدش اعطيه العلاج
وان الله احياني برفع الموضوع كل فتره يحتاج نرفعه وبعد اذن المشرفين والمراقبين والشهم غريب
وبالعافيه على الجميع وماتشوفون شر يااااارب