العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
مشكلتي اللي بتنهي حياتي الزوجية
السلام عليكم ورحمة الله وبركاته
مساءكم خير اخواني واخواتي من خلال بحثي عن قسم يعرض حلول للمشكلات الزوجية لقيت نفسي هنا وبعد ما لفيت على اكثر من مشكلة حسيت براحه للمكان وقررت اعرض مشكلتي وان كنتم تشوفون ان مالها حلول هنا فاعتبروا موضوعي فضفضه لأني قربت انهار ونفسيتي سيئة جدآ من كتمان الموضوع أولآ انا متزوجة لي 11 شهر بالضبط مشكلتي اللي قلبت نفسيتي وشخصيتي وحياتي 380% للأسوأ واجهتني من أول ليلة لي في حياتي الجديده وعلشان تكون الصوره أوضح ( مشكلتي في الجماع وتحديدآ عدم حدوث ايلاج صريح ) قريب بكمل السنه وماحدث جماع طبيعي متكامل والسبب اني اشد بطريقة تخلي هالشيء صعب جدآ جدآ انو يتم احس بخوف شديد وتوتر ومن شدته ارجف وابكي خلال العملية علمآ ان زوجي انسان مثقف جدآ من الناحية الجنسية ومتفهم وحنون لأبعد الحدود ومافكر يضغط علي بشكل أو بآخر وكان ومازال يسندني كل ماأنهار ويرجع لي الأمل بتفهمه وتقديره لحالتي مع انو اعرف هالشيء مأثر عليه كمان بس مايبين لي لانو شايف كيف حالتي بحثت وقرأت معلومات بالنت لمشاكل قريبه من مشاكلي وشفت موضوع عن التشنج المهبلي ولما قرأت اعراضه لقيتها نفس اللي عندي بس مو عارفه كيف اتخلص منه وكيف اعالجه في بداية زواجي رحت دكتورة نساء وشرحت لها المشكلة بس الظاهر انو مافهمت علي أو انا ماعرفت اشرح لها المشكلة كويس كل اللي سوته انها صرفت لي مُلينات وكريمات مخدره مااستفدت منها كمان رحت لاخصائية نفسية وبالحسره حصلت اخصائية بعد تعب بالبحث لانو اغلب العيادات والمستشفيات اللي بحثت فيها ماألاقي عندهم غير رجال وانا ابي حرمه ولأن جلساتها غاليه الساعه ب200 استصعبنا المداومة عليها جربت 3 جلسات وماحسيت بأي فائدة اللي مخوفني جدآ جدآ انو حالتي ممكن تحتاج تدخل جراحي وهالشيء مسبب لي رعب وهواجس لدرجة صرت ماأنام غير بمهدئات انا تعبت واتمنى الاقي حلول طبيه غير التدخلات الجراحية لانو اذا فعلآ مافي غير هالحل راح افكر جديآ بالانفصال حالتي مو حاله طبيعيه وزوجي مو ذنبه هالشيء يستاهل يعيش حياة زوجية طبيعية على فكره حابه اعلق على شغله انا فاهمه وواعية لأمور الجماع والجنس ومطلعه عليها بشكل جيد يعني مش جاهله او منصدمه من الوضع بس فيه موقف دايم اتذكره بمناسبة وغير مناسبة وعجزت انسااه لما كنت صغيره عمري 11 او 12 تقريبآ دخلت غرفة اخوي الكبير وانا اعبث بأغراضه ببراءة فتحت التي في وشغلت الفيديو لقيت فلم اباحي صريح كانت صدمة كبييييييييرة بالنسبة لي انو كيف ممكن يصير شيء زي كذا يقرف ويألم كثيير كنت طفله مااعرف هالأمور ولا تبعياتها ابددددددآ وحتى من الروعه اللي جاتني ماقدرت اكمل كلها كانت اقل من دقيقه بس الشيء اللي شفته بهالوقت خلاني ارجف واقفل رجولي بطريقة غريبه خايفه يدخل شيء وطلعت خايفه لغرفتي وجلست فتره ماطلعت هالموقف للآن اتذكره كأنه صاير أمس وللآن اتذكر تفاصيل الاحساس اللي كنت احس فيه هو نفسه احس فيه لمن يقرب مني زوجي عارفه اني طولت بالموضوع بس محتاجه اتكلم عنه لانو مااحد يعرف عنه غيري وزوجي صعبه افضفض لأمي او لأختي واخليها تشيل هم زياده اللي ابي اوصله لكم هل في حالتي ضروري جدآ التدخل الجراحي أو فيه حلول اخف منه ؟ وهل ممكن موضوعي ينحل بالمحاولات والا ضروري تدخل طبي ينهي المشكلة ؟ وشكرآ لكل من بيرد علي ويفيدني واللي مايقدر يفيدني تكفيني دعوة صادقة منه ان ربي يهون علي مصيبتي ويسهلها علي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |