العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#31
|
||||
|
||||
أما عند لانا وحور وجود ..
لانا .. كانت مسوية تسريحة ناعمة وكلها أبيض X أبيض .. هذا فستانها و حور فستانها وجود نجي لعروستنا لارا .. لبست فستان أبيض ناااااعم مرآ بعكس شخصيتها مع جزمة كعب عالي ابيض ومكياج رهيب رمادي في ابيض .. وكان هذا فستانها .. عند البنات جنى : يووووه بنات ابي اضبط الميك اب شذى : لحظه .. لانا لانا لانا: هلا شذى : معلش بس جنى تبي تضبط الميك اب وين تروح لانا : اطلعي غرفه لارا جنى: وين هي ؟ لانا قالتلها وين .. وطلعت وهي منزله راسها الا يهتز جسمها وكانت بتطيح بس حست بيد تلتف على خصرها ورفعت عينها وانصدمت وقالت: هاذا انت عمر: انتي جنى حست بالموقف فبعدت عنه ودفعته وهربت لغرفه لارا عمر توجه لغرفته وهو يبتسم كان يتمنى يشوفها مره ثانيه وربي حقق امنيته لا وطلعت صاحبه اخته وابتسم وراح انتظرت جنى وبربكه طلعت براسها من الباب فما شافت اثر له فطلعت وشالت شنطتها ونزلت بسرعه وصدمت في لارا ومحد كان موجود غيرهم الثنتين لان المعازيم راحو يتعشون لارا: كسر جنى ناظرت فيها : يكسرك لارا: احترمي نفسك جنى : انتي إلي... قطع كلامهم شذى شذى: لارا جنى؟؟ انتو في ملكه وناظرو بعض وراحت جنى ناظرت شذى لارا وقالت : لارا هاذي ملكتك استعدي راح يكتبو كتابك لارا ناظرت فيها وابتسمت بخجل ومشت هي الثانيه وشذى لحقت جنى ******** في وسط الاغاني والرقص دق جوال لارا... ناظرت الرقم وابتسمت وردت لارا: هلا عمر عمر : هلا لارا لارا : عمر بغيت شيء؟ عمر: لارا بلييييز اتركي وحده من الشغالات تروح وتجيب بوكي من على سريري نسيته ونا كنت مستعجل لارا : اووك من عيوني قفلت لارا من عمر وناظرت في لانا الي كان وجهها كله تساؤل لانا :ايش السالفه لارا :لا بس عمر يبي بوكه من غرفته قامت لانا وقالت :انا بجيبه وطلعت ودخلت غرفه عمر وابتسمت وراحت واخذت البوك ولما كانت خارجه ناظرت في المرايه تبي تعدل شكلها ولفت نظرها صوره بنت ناظرت فيها وشهقت : جنى؟؟؟؟؟؟؟؟ وحزنت ونزلت دموعها غصب عنها وقالت : هه ولد عمي الي احبه طلع يحب وحده وهي معي في المدرسه بس ايش جاب صورتها معه اصلا انا محد يحبني وهي تناظر لوجهها بالمراية انا منبوذة بس مو انا لانا الي تسوي يا عمر فيني كذا والله ما راح اسكت خذت الصورة كانت راح تقطعها بس جات على بالها فكرة ولاول مرة بحياتها تجيها فكره شريره ضحكت ضحكة انتقام وسط دموعهااا ورمت الصورة على الارض وخذت البوك وقفلت الباب بقوة ومن طلعتها من الباب صارت لانا المختلفة شافتها الشغالة:مس لانا وين بوك مستر عمر لانا رمت البوك بوجهها وجرت لبست عبايتها واتصلت على سواقها راجوو وراحت لمخبي الامها الوحيد تااز(خيل لانا) الملكة تقريبا ما باقي عليها شي ولارا خلاص بتجلس مع راشد .. ***************** انكتب كتاب لارا وصارت زوجه راشد جلس راشد مع لارا وكلمها شوي وهي خجلانه ومارفعت راسها فقام راشد ووقف عندها ورفع راسها وقال :لارا انتي مغصوبه بالزواج لارا:لا وسكتت راشد بضحكه: يله ابي اعشيك برا واخذت الاذن من عمي انتظرك لارا : طيب وناظرت يده إلي على يدها ويشد عليها راشد : لارا لارا: هلا راشد : لارا بصراحه في حاجه في قلبي من زمان وانا ابي قولها لك بس ماكانت الضروف تسمح لي وشد اقوا على يدها لارا: راشد راشد : عيوونه لارا : قول إلي في قلبك راشد ناظر فيها وابتسم :لارا اناا احبك لارا خجلت ونزلت راسها وقالت : ونا راشد ابتسم ورفع راسها بصابعه : انتي شنو لارا بصوت هامس وواطي : احبك راشد : يلا حبي انتظرك لا تتأ خري ******************* في االمطعم وهم بانتظار الاكل عند لارا وراشد بما انهم اول مره يطلعو مع بعض لا ولوحدهم فكان الجو متوتر راشد:لارا ايش فيك من وصلنا المطعم وانتي ساكتة وانا اتكلم وانتي مو معي لارا تبتسم: مافي شيء بس خايفة راشد وهو يمسك يد لارا :من ايش خايفة طول ما انا معك لا تخافي من شيء لارا اول ما جات يده الدافية على يدها حست بقشعريره في جسمها : خايفة اني اكون عايشة في حلم واصحى منه راشد: لارا لارا:هلا راشد:احبك &_& وباسها على جبينها .. لارا حمرت خدودهاا واستمرت السهرة ******************* بعد يوم عالعصر عند رنا وحسين رنا كانت تبتسم وتفكر أنا ممكن اكون حامل هه ممكن يكون هاذا الولد سبب برجعه حب حسين لي ياه ياحسين ماتوقعتك كذا بس ان شاء الله تتضبط علاقتنا بقدوم المولدقطع عليها حسين تفكيرها دخل الغرفه واتجه للسرير وقال: أنا بنام اطلعي برا رنا ببسمه : حسين حسين بتكشيره : خييير رنا بتردد وخوف : حسين أآآ .. أنا ممكن اكون حامل. . حسين وكن الشياطين في راسه:اييييييييييييش ؟؟؟؟؟ رنا :أنا حامل انت مو فرحان حسين : لا أكيد موفرحان واتوجه لها ورفس بطنها ... وقال : لازم يطلع سامعه أنا اصلا مدري كيف كنت منحملك قلت يمكن أهلك بيقبلو فيني بعد فترة .. بس طفح الكيل وانا جالس اصرف عليكي .. هذا اللي نقص تجيبيلي ولدأصرف عليه .. وجلس يضربها لين شاف الدم يطلع من فمها وقال لها : انتي طالق سااامعه يله قومي ورما عليها عبايتها ولما وصل بيت ابو لانا كان مغمي عليها فخرج وفتح بابها ورماها بدون رحمه وهرب بسرعه وكان الجو مغرب تقريبا ... ومكتم حضر الموقف ثنين واحد عرف رنا وراح عندها وشالها والثاني جلس يسب حسين ياترا مين هما؟ ******** التوقعات لانا يوسف ايش يبغى منها ؟؟ جنى ولارا .. هل ممكن تتصلح علاقتهم ؟؟ لارا وراشد هل رح تستمر سعادتهم ؟؟ مين الاثنين الي شافوا رنااا وايش راح يكون موقفهم من حسين ؟ أتمنى يكون البارت عجبكم وإني ما طولت عليكم ......
|
#32
|
||||
|
||||
بسم الله الرحمن الرحيم ....
البارت العاشر لانا كانت جالسة بملل على النت .. بس في نفس الوقت حاسة بضيقة قويه وكمان من يوم شافت صورة جنى في غرفة عمر وهي الافكار مو راحمتها … والتفكير تعبها .. فتحت ايميلها .. ما لقت أحد متصل غير جود .. لنو : هاي .. محد قدي " جود" : يا هلا .. كيفك اليوم ؟ لنو : ماشي الحال .. بس طفشانة مررا .. وفي نفس الوقت حلسة بضيقة غريبة .. جود : يؤ حتى أنا ..اسمعي مضطرة أطلع جات بنت جيراننا . لنو : اوك .. مع السلامة .. جود : باي .. جلست تفرفر بمنتدى غرام .. ولما اندمجت شوي ونست طفشها .. دخل شخص عالايميل .. ولد سوسة يبي بوسة .. "يوسف" لانا تقول يا ربي من هذا في البداية ظنيت انه جود .. بس تأكدت انها مهي هي .. يب مين ؟؟ لنو : ممكن أعرف مين انت ؟ ولد سوسة يبي بوسة : أنا يوسف .. كيفك لانا ؟؟ لانا فتحت عيونها بقوة .. مين هذا ومن وين عرف اسمها ؟؟ لنو : والله ما عرفتك يا الأخو .. شكلك غلطان .. ولد سوسة يبي بوسة : لا ماني غلطان ..مرة ثانية .. كيفك ؟ لانا قررت تجاريه .. وتشوف ايش يبي .. وفي نفس الوقت تبي الوقت يمشي بسرعه .. لنو : الحمد لله .. ولد سوسة يبي بوسة : دوم ان شاء الله ..ايش جالسة تسوين الحين ؟؟ لنو : بس طفشانة مررآ .. ولد سوسة يبي بوسة : طيب اشرايك نتعرف .. لانا في نفسها " انت ووجهك ما أكلمك الا من الملل وأبغى الضيقة تروح .. بس يللا خلينا نشوف لوين بتوصل " وكملو سوالف يمكن ساعتين كاملة .. ولانا ما كان قصدها شي .. وهي عارفة ومتعلمة ومتأكدة ان اللي تسويه غلط .. بس أحيانا كثرة الضغوط على الشخص تخليه يسوي أشياء ما كان متوقع انه بيسيها بيوم من الأيام .. ******************* كان الجو ممطر .. وبقوة .. ذل .. مهانة .. خزي .. كل هالأشياء كانت تحس فيها رنا .. بس طبعا من التعب اغمى عليها .. في الشارع .. شالها بقوة بين يدينه وهو خايف عليها .. اخته الكبيرة اللي يحترمها ويعزها زي لارا .. يشوفها بهالمنظر اللي يقطع القلب .. بس اللي معه .. ما تحرك .. ميت خوف عليها .. في نفس الوقت مو قادر يظهر هالشي .. فقال لعمر : بسرعه عالسيارة .. وركب .. وركب وراه عمر وهو شايل رنا .. اللي باقي تنزف .. وطارو لأقرب مستشفى .. في المستشفى .. أول ما وصلو دخلوها غرفة العمليات .. لأنه الجنين توفى .. ولازم ينقذوها .. عمر وعبد الرحمن كانو واقفين خايفين ومو عارفين كيف يتصرفو .. عمر : شفت اللي أنا شفته ؟؟ عبد الرحمن : ايوة شفته الحقير الله لا يوفقه لا دنيا ولا أخرة .. والله ما أخليه .. رح أجيب حقها منه الكلب .. عمر : اهدى عبد الرحمن ما في شي يجي بالعصبية .. رح ياخذ جزاته .. بس مو احنا اللي بنجازيه الشرطة ... عبد الرحمن قاطعه : طيب .. طيب .. اسمع شوي بروح اتمشى برا ... خنقني جو المستشفى .. وطلع على طول عالسيارة .. ركبها وتوجه لبيت حسين .. بدأ يدق الباب بقوة .. مو مهتم اذا اللي هو قاعد يسويه صح ولا غلط .. بس كل اللي يعرفه انه لازم يضرب حسين ولا بيفقد عقله .. انفتح الباب بهدوء وحسين كان واقف ببرود ما كأنه عامل شي .. بس أول ما شاف عبد الرحمن بهالعصبية ظهرت معالم الخوف على وجهه .. عبد الرحمن بدون اي مقدمات عطاه بوكس طيره : انت ايش ؟؟؟؟ فهمني بس انت ايش .. واعطاه بوكس ثاني .. وبدأ يضربه .. يضربه بقوة وحسين بدأ يطلع منه الدم .. أول ما شاف عبد الرحمن الدم .. تذكر رنا .. وتذكر انها في خطر .. تركه في وسط الشارع الممطر .. والناس متجمعين .. وطلع سيارته بهدوء وبدون ما يقول شي ورجع المستشف يتطمن على رنا .... ******************** في هالوقت .. كانو البنات مستعدين انهم يتجمعون عند شذى .. وطبعا الشلة كلها جاية بمن فيهم هديل ومنى ووعد .. كانو جالسين في الصالون .. وضحك سوالف هادية .. لأنه هند اكنت تعبانة .. ولميا بدون هند تقعد هادية .. شذى : بنات .. شفتو فيلم تامر حسني الجديد ؟؟ جنى : ايوة شفت الدعاية .. حلو بس مو لايق يجيب معاه منه شلبي .. ما عرفت تمثل دور العميا .. وعد : ايه صح .. لميا : بلا تامر حسني بلا زفت .. ايش رايكم ما تتكلمو عنه ؟؟ شذى : الحين ليش انتي ما تحبين نتكلم عن التلفزيون والاغاني ؟؟ لميا : بكل بساطه لأنها مضيعه للوقت .. انسو الموضوع خلاص .. هند بصوت مبحوح ما يطلع : بناات .. ما حد سمعها فعادت مرة ثانية وهي تحاول تصرخ : بناااااااااااااات جنى : ههههههههه صوتك كأنه عصفور مخنوق .. لميا : وانتي متى سمعتي صوت العصفور المخنوق .. هاا ؟؟؟ هند : بنات .. أبغى مووية .. شذى : اوك قلبو لحظات .. جات بتقوم ووعد قالت لها : خليكي انا بقوم بشرب وبجيب لها .. اعرف وين المطبخ .. دخلت وعد المطبخ وهي تدندن هالأغنية : أنا ما بدي .. تقلي كلام .. بيدوب قلبي حنين وغرام .. أنا ما بدي تقلي كلام .. يدوب قلبي حنين وغرام .. بيكفيني تقلي بحبك... هيدي الكلمة بتقتلني " صوت وعد كان حلو وناعم " بعد ما شربت وصبت لهند موية جات بتطلع .. بس أول ما انتبهت للشاب اللي جالس على كرسي في المطبخ عزوز .. تمنت لو انها ماتت ولا انحطت في هالموقف السخيف .. جمدت للحظات .. بس أول ما حست بالموقف ,, طلعت من المطبخ ونسيت كاس الموية .. هند بصوت مو طالع الا فحيح : ويـ ـن كـ ـاس الـ ـمـ ـويـ ـة ؟؟؟ وعد وجهها أحمر شذى : ايش فيكي ايش صار ؟؟ وعد : خالك هذا نفسي اخنقه "" طبعا هي تعرفه من الصور اللي توريهم شذى اياها .. جنى بضحكة : ليش ايش صار ؟؟ وعد قالتلهم .. : اللي قاهرني مو انه شافني .. بس ليه يتنح .. يعني على الأقل يلف وجهه ولا يتنحنح عشان انتبه لوجوده .. شذى : ههههههههههه خلاص امسحيها بوجهي .. وعد نسيت الموضوع وكملو السهرة اللي كانت مملة نوعا ما بدون هبال هند المعتاد .. ولما انتهو كل وحدة جاها سواقها ولا أخوها وراحت بيتها .. جنى تأخر عليها سواقها وأول ما جى طلعت هي وهند .. بس هند نسيت شنطتها فرجعت تجيبها .. أخذتها بسرعه وهي خلاص منتهية من التعب وتتمنى لو انها ما جات .. وهي خارجة من الغرفة صدمت بقوووووة في فهد .. بس قبل لا تنتبه قالت بصوتها الل مو طالع : وجع ,, فهد : ايش ؟؟ هند : ها لا ولا شي .. وجت بتكمل طريقها .. بس فهد سأل : اش فيه صوتك ؟؟ هند بإحراج : بس تعبانة شوي .. فهد : سلامات .. هند قررت تنهي الوقفة : الله يسلمك .. مع السلامة .. وطلعت .. جنى في السيارة : ليش تأخرتي .. هند : كنت أدور عالشنطة .. جنى بدون تصديق : أها .. ********************* في اليوم اللي بعده .. مضى اليوم في المدرسة على خير .. وبدون اي أحداث تذكر .. لانا ويوسف .. علاقتهم تطورت وصارت لانا تكلمه بجدية .. مع انها في قرارة نفسها , مو راضية عن هالعلاقة .. بس مصرة انها تنسى عمر اللي مو مهتم فيها .. كانت لسة راجعة من المدرسة مع لارا ومالها خلق لأحد .. اخلاقها صايرة زفت .. بس انتبهت انه البيت فاضي .. ومافيه احد .. سألت الخدامة قالتلها انهم كلهم راحو المستشفى .. لانا خافت لا تكون أمها ولا أبوها صار له شي .. فسألتها بأي مستشفى قالت انها ما تعرف .. فاتصلت بأمها .. غصوت بصوت تعبان : الو لانا : ماما انتي بخير ؟؟ بابا بخير ؟؟ ولمى ؟؟؟؟ أم لانا تطمنها بحنيه غير مألوفه : بخير كلنا بخير .. بس .. لانا : ايش فيه .. أم لانا : اختك رنا اجهضت .. ورحنا نزورها .. لانا : طيب ابغى اجي اشوفها .. وين السواق .. ام لانا : مشغول .. اسمعي برسللك احد ياخذك جهزي نفسك .. لانا : اساسا جاهزة .. طيب .. يللا .. مع السلامة .. فكرت تتصل على لارا .. بس تراجعت .. ماله داعي تقولها وهي رح تطلع مع راشد .. خليها بعد ما ترجع .. وبعد دقايق .. وصلت السيارة .. وركبتها لانا : السلام عليكم .. عمر : وعليكم السلام .. أول ما سمعت صوته انصدمت .. ما توقعت انه عمر اللي يجي ياخذها .. عمر : كيفك لانا ؟؟ لانا بكره : الحمد لله .. عمر : أنا تمام الحمد لله .. لانا مالها خلقه أبدا : معليش مصدعه .. سكت عمر ووصلها المستشفى نزلت بدون اي كلمه ودخلت لقت أمها واختها لمى اللي راحت لها وضمتها بقووة جالسين ينتظرون الدكتور يخرج من الغرفة .. كان داخل يفحصها .. نسيت اقولكم .. هي عدّت مرحلة الخطر .. بس مثل ما قلت الجنين مات .. وهذا الشي اثر في نفسيتها .. كما انها خايفة من ردت فعل امها لو عرفت .. خايفه انها تتشمت فيها .. طلع الدكتور .. وقالهم عادي يدخلون .. بس يخلونها ترتاح ولا يتعبونها .. كلهم سلمو عليها وتحمدو لها بالسلامة .. حتى أمها .. اللي رنا انصدمت بحضورها .. بس سلمت عليها ببرود خفيف .. وعدا الموضوع بخير وسلامة ... بعد ما جلسو معها وقت .. طلبت منهم يرجعو يرتاحو .. امها ما عارضت ولانا كانت تعبانة من المدرسة ولمى ما عندها مانع .. فرجعو البيت .. وبعد مدة .. دخل عندها عمر " أتوقع قلنالكم عمر أخوها بالرضاعه " وقالها عبد الرحمن بيدخل يسلم عليها .. تحجبت .. ودخل عبد الرحمن .. عبد الرحمن : سلامات .. رنا : الله يسلمك .. " وبخجل " اتمنى ما تقولون لأحد على اللي صار .. عمر : ما يصير يا رنا .. لازم ياخذ جزاءه .. عبد الرحمن : كلام عمر صح .. ما يصير .. كنت ناوي اسألك ايش ناوية تسوي .. رنا : والله ما أدري بس اللي أنا متأكدة منه إني ابغى الطلاق .. عمر : هذا شيء أكيد .. وبدأو يتشاورون .. ورنا من التعب نسيت موقفها من عبد الرحمن وانها رفضته من قبل .. استقرو على قرار انها لازم تتطلق منه بأسرع وقت ممكن .. **************** لارا فرحانه مررا ومزاجها رايق على الآخر .. اليوم بتطلع مع راشد .. وهاذي يمكن ثاني طلعه لها معه لحالهم .. لبست بشكل أنيق .. بعدين عباايتها .. و أول ما رن جوالها .. ردّت .. : آلو .. راشد : هلآ حياتي .. عمر موجود ؟؟ لارا : لا .. ما في أحد في البيت .. راشد : طيب أجل أنتظرك برا .. لارا : طيب .. وطلعت لارا لراشد بدون ما تتأخر عليه .. وراحو في البداية على مطعم يتغدّون .. راشد : حبي .. بطلب منك شي .. بس ماأبغاكي تزعلين .. لارا : ايش هوّا ؟؟ راشد : قلبي .. أنا أغار عليكي .. يعني .. حاولي إنك لما تخرجي تخففي من زينتك .. ولا تحطي مكياج ثقيل .. لارا تضايقت وفرحت بنفس الوقت : بس .. طيب ان شاء الله أحاول راشد لاحظ ضيقها : أنا ما أبغى أجبرك على شي .. وترى لو علي كان خليتك تتغطين .. بس ما أبغى أضيّق عليكي .. لارا : عادي حبيبي .. ببدأ إن شاء الله من اليوم .. راشد ابتسم : يا عمري انتي .. وكملو طلعتهم الحلوة .. واللي كانت مليئة باللحظات الرومانسية .. أخذها راشد على عدّة أماكن .. والإبتسامة ما فارقت وجيههم .. بس يا ترى هالفرحة رح تدوم ؟؟؟؟؟ ***** **************** في بيت منصور .. كان فهد توه جاي من برا .. كان مع أصحابه .. أول ما دخل البيت سمع صراخ شذى : لاااااااااااااااااااااااااااااااااا .. لااا بابا ... فهد .. عزووووووز .. الحقوني .. فهد من الخوف ما عرف ايش يسوي .. بس قرر يتبع مصدر الصوت .. لقى شذى على الأرض ولابسة عبايتها ومتحجبة بس مو متغطية ,, وشنطتها على الأرض .. وابوها منصور متمدد على الأرض .. فهد شاف هالمنظر .. ما قدر يتحرك .. عزوز جا من وراه مسرع وارتمى عند منصور هو الثاني وبدأ يقيس نبضه .. ويحاول فيه .. ويناديه زياد جا على صوت بكاء شذى وصراخ عزوز .. وقال : ايش السالفه ؟؟؟ ايش فيكم .. واول ما انتبه لمنصور .. راح له وقاس نبضه ونزل راسه بطريقه مأساويه وهو يقول .. عمي يا عمي .. أرجوك لا تروح .. تحمل فهد عيونه صارت حمرا .. ومو قادر ينطق بحرف .. بس استوعب الموضوع لما سمع زياد يقول : خلونا نطلعه فوق .. مغمى عليه ... شذى اتصلي بالدكتور .. وشالوه عزوز وزياد وطلعوه غرفته فوق .. فهد استوعب ولحقهم بسرعه <<< بدري جات شذى وقالت انها اتصلت على الدكتور وبيجي خلال دقايق .. زياد نزل راسه وهو خايف .. عزوز عيونه شوي وبيبكي .. أما فهد .. قرب من ابوه ومسك ايده وبدأ يتكلم : الله يخليك لنا يا يبه .. لا تخلينا .. احنا مالنا في هالدنيا غيرك .. يبه .. آسف .. آسف اذا زعلتك في يوم .. ولا سويت شي ما يرضيك .. يبة أرجوك قوم .. قوم ولا تستلم .. الدكتور بيجي بعد شوي .. وما قدر يكمل كلامه نزل راسه ودموعه نزلت ,, بس حس بيد منصور تشد على يده وسمع صوته يقول : تعيش وتاكل غيرها يا ولدي .. هههههههههههههههههههههههههه رفع راسه مو مصدق .. وسمع الثلاثة اللي واقفين معه يضحكون .. ناظر فيهم بحقد لقى شذى ماسكة بطنها وتضحك وتحاول تقول انها اسفه .. وعزوز طاح على الأرض من الضحك .. وزياد يقول : تستاهل .. عشان مرة ثانية تعرف تسوي مقلب فينا .. قلت والله بردها لك ورديتها .. فهد عصب وقال لزياد وعزوز وشذى : الله يلعنكم طيحتو قلبي .. وانت يايبه معهم ؟؟؟؟؟ وشذى ؟؟؟ ما أصدق .. للحين مو مستوعب .. منصور يضحك وقام من السرير : والله سامحني ... بس اغرتني الفكرة .. ليتنا صورنا شكلك .. وما قدر يكمل من الضحك .. فهد لما شاف البسمة على وجه ابوه كل العصبية طارت .. ومسح بقايا دموعه اللي نزلت .. شذى : تراني حطيت كاميرا وصورت اللي صار .. زياد وعزوز صفرو بنفس الوقت زياد : جدعه يا بت .. فهد : ايش ؟؟؟ كذابة .. وجع يا ويلك لو أحد شافه .. شذى : ما علي منك .. وانحاشت .. فهد يوجه كلامه للإثنين اللي يضحكون : ماشي .. ماشي يا أنذال .. منصور ومازال مبتسم : يللا يا عيال .. بطلع الحين وراي مشوار .. فهد : و أنا كنت ناوي أطلع بس بعد اللي صار أتوقع بروح أنااااااام .. زياد : أحنا بنطلع فهد : بالقلعه .. وراح غرفته ..... عزوز : اسمع زياد ما لي خلق أطلع مع الشباب ... بروح اجلس مع شذى شوي .. زياد : أحسن تريحني من همك .. عزوز : انقلع .. زياد : اشفيكم علي ؟؟ تركه عزوز وراح غرفة شذى .. سمعت شذى دق على باب غرفتها فقالت أدخل .. دخل عزوز : فاضية ؟؟ كانت جالسة على لابتوبها فقفلته : فاضية وش وراي يعني .. عزوز قفل الباب وجلس جنبها : اسمعي جآي بقولك شي .. شذى اشتغل عندها الفضول : ايش ؟؟ يللا قول .. بسرعه .. عزوز : شوي شوي .. امممم أنا أحب .. شذى شهقت : مين ؟؟ أعرفها ؟؟ بسرعه .. تكلم .. عزوز : أمس .. كانو صديقاتك عندك صح .. شفت وحدة واعجبتني .. شذى : اييييييوة صح .. نسيت .. وعد قالتلي انك شفتها .. عزوز : وعد ؟؟ .. طيب وش قالت عني ؟؟؟؟ شذى : قالت إنك حمار وما تفهم .. وكانت معصبة مرررآ عزوز : يا الكذابة .. شذى : طيب ما قالت شي بس كانت متضايقة .. عزوز بحالمية : تراني حبيتها من أول نظره .. شذى : يا سلام .. عزوز : بس ابغى تلمحي لها بالموضوع وقوليلي رأيها .. شذى : تآمر أمر .. شي ثاني ؟؟ عزوز : اش قصدك ؟ في هاللحظة انفتح الباب وكان فهد .. شذى : ما تعرف حاجة اسمها استئذان ؟؟ فهد : لا أول مرة اسمع فيها .. ايش يعني ؟؟ شذى : تستهبل انت ووجهك .. فهد : تسمحيلي بدقايق .. شذى : أوك ... فهد : عزوز أطلع برا شوي .. عزوز فتح عيونه عالآخر : يا عيني عالأدب والإحترام .. تراني خالك ان كنت ناسي .. تطردني ؟؟؟ فهد : معليش .. بس ما أبغاك تكون في الغرفة .. عزوز قام ووقف عند الباب : طيب عالأقل صرفني وقول روح جيب قهوة ولا موية .. عيني عينك .. " وناظر شذى " لا تنسي اللي قلتلك .. شذى : طيب .. وطلع وقفل الباب .. فهد بجدية : شذى بدون مقدمات وخرابيط .. أنا احب .. شذى ضحكت .. فهد رفع حاجبه : في شي يضحك ؟؟؟؟؟؟ شذى تحاول تتماسك : لا ما في شي .. ومن سعيدة الحظ .. فهد : وحدة من صديقاتك .. شذى : مين ؟؟؟؟ فهد : هند .. شذى بحماس : هههههههه ما اقدر أتخيلك انت والمرجوجة ما يصلح .. فهد ابتسم : ادري انها مرجوجة .. بس حبيتها .. وابيك تعرفين اذا هي عندها مشاعر اتجاهي ولا لأ .. شذى : أوك أمر .. شي ثاني ؟؟ فهد : لا سلامتك .. يللا بروح أنام .. وطلع من الغرفة .. أما شذى صارت تضحك على فهد وعزوز .. ********************* اليوم اللي بعده .. في المدرسة .. كانو جالسين في الفصل والجو ملل .. مع ان هند تحسنت حالتها .. بس كانت هادية على غير العادة .. جات شذى وجلست جنبها .. وبدون أي مقدمات سألت : هند ايش رأيك في فهد أخوي ؟؟؟؟؟؟؟ هند فتحت عيونها على الآخر : أخوك ؟؟ ايش دخلني ؟؟ شذى : بس كذا ابغى أعرف .. هنا هند ارتبكت : امم والله ما اعرفه زين عشان أقول ايش رأيي فيه .. شذى من الحماس قررت تقولها : ترا فهد أخوي معجب فيكي .. هند شهقت : مين قالك .. شذى : هو بنفسه .. هند اختبصت : من جدك .. ولا تستهبلين ؟؟ شذى : والله من جدي .. ما أستهبل عشان كذا ابغى اعرف رايك فيه هند : آآآ ............ بس ما كملت لأن المكيف اللي في الفصل طلّع أصوات غريبة عجيبة .. الكل خاف وبعّد عنه .. بس هند عكس كل البنات حبّت تستكشفه فراحت قريب منه .. بس قبل لا توصله .. بدأ يطلّع الريش اللي فيه .. وكل اللي فيه من الداخل طلع برا المكيف .. راحوا البنات نادو المديرة وقالولها .. فقررت المديرة تطلعهم من الفصل وتخليهم في الساحة طول اليوم بدون حصص .. هند صارت تضحك .. ولميا انبسطت .. جنى وشذى فرحوا .. والفصل كله امتلأ بالسعادة <<<< كل هذا كره للحصص .. في الفصل الثاني .. كانت لانا غايبة .. ولارا مكتئبة عشان رنا .. و باقي البنات زعلانين .. لأنهم مالهم خلق حصص .. ويحسدون بنات الفصل الثاني .. وكذلك هي حال بقية الفصول .. ********************** رنا ما زالت في المستشفى .. تحاول تمحي من ذهنها اللي صارلها .. وتفكر كيف بتعيش بقية حياتها بعد ما دمرها حسين .. وعبد الرحمن ما قصر معاها هو وعمر .. وقفو جنبها .. وساعدوها .. *************** في اليوم التالي .. كان يوم ثلاثاء .. في المدرسة .. بعد ما صلحولهم المكيف المخرف .. اليوم كان مرررآ ممل .. وهند تحاول تسوي اي شي من الطفش .. ولميا معها .. شذى كانت غايبة ,, وجنى كانت تعبانة وبطنها يوجعها .. هند : لميا ملل .. أحس اني بموت من الملل ... لميا : اسمعي شوي وراجعه .. دقايق .. حست هند بشي بارد ينكب عليها .. الا وهو الموية .. هند شهقت من برودة الموية : وجع .. لميا ليش تسوين كذا .. لميا : ايش فيكي عادي .. أمزح معك .. قامت هند بكل عصبيتها ولأول مرة تصرخ على لميا : انتي غبية .. أنا ما أحب هالمزح .. و أكره الموية .. لميا ما تحب أحد يعلّي صوته عليها حتى ولو كانت أعز صديقة لها فعلّت صوتها كمان: أولا : ما كنت ادري انك ما تحبي هالمزح ثانيا : أنا مو غبية احترمي نفسك وبدون غلط .. هند : أنا ما غلطت عليكي .. انتي اللي غلطتي .. محد قالك تمزحي مزح بايخ .. لميا عصبت جد : هند .. خلاص .. انتي اللي بيختيها .. جنى بصوت واطي وبهدوء : بنات خلاص .. طبعا كل الفصل كان متجمع عليهم لأنهم أول مرا يتخاصمو .. هند : اسمعي اليوم مو طايقتك .. فلا تكلميني وبعدي عني .. لميا : أرتاح منك ومن وجهك .. وكل وحدة مشيت في طريق .. رن جرس الفسحة .. ونزلو يتفسحو .. جنى فضلت انها تبقى في الفصل الين ما يرجعون .. وخلال ما هي تنتظر حطت راسها عالطاولة وغفت .. في هاللحظات .. انطلق جرس انذار الحريق في المدرسة .. وصارت حالة طوارئ .. تقريبا كل المدرسة كانت برا المبنى وما كان فيه الا سوي طلعو أول ما سمعو الإنذار .. لانا غايبة و لارا وهي نازلة.. سمعت صوت وحدة تقول : صديقتي في الفصل لازم نطلع لها .. المعلمة : ما ينفع وحدة تطلع لأن الحريق في الطابق اللي فيه فصولكم .. البنت : ما علي منك بعدي عن طريقي .. ودفت المعلمة ودخلت .. لارا قررت تلحقها لانها لحالها مستحيل تقدر تطلع .. نهاية البارت .. توقعاتكم يا حلوين .. مين البنت اللي في الحريق ؟ وهل رح يلحقو ينقذوها ولا ؟؟ فهد يحب هند .. طيب هي تحبه ولا لا ؟؟ هند ولميا تخاصمو .. هل رح يتصالحو ولا .. ؟؟ انتظر ردودكم .. واستنوني الخميس الجآي ببارت جديد .. تحياتي لكم .. الكاتبة: قمر السماء
|
#33
|
||||
|
||||
البارت11 دخلت لارا وهي تجري و شافت بنت في طريقها صارت تكح وتكح لارا : ايش فيك؟؟ هيفاء : صديقتي جوى الفصل لارا : طيب انتي عندك الربو صح؟؟ هيفاء : ايوه لارا : خلاص اطلعي وانا بروح لها هيفاء : طيب وراحت لارا : لحظه هي في أي كلاس لارا انتظرت جواب بس ماجاها شي لان البنت اختفت طلعت لطابقهم ودارت على الكلاسات كلها مابقى الا واحد ناظرت فيه وقالت يارب تكون فيه وجريت ودخلت وانصدمت صدمه قويه .. وقالت في نفسها " معقوله تكون البنت جنى؟؟؟؟ " وتوجهت لجنى ومسكتها وصارت تسحبها وهي تسحبها حست بدوخه " لارا خلاص وصلتي صرتي عند المخرج يله " كانت تشجع نفسها لانها بدت تكح في نفس اللحظة .. قابلت هند في طريقها .. اللي ساعدتها وطلعتها .. الى خارج المبنى .. لارا: سرررعه اطلبو الاسعاف بسرررعه البنت مغمى عليهاا طبعا المعلمات تحركو لارا ناظرت جنى وقالت" توقعت الكل الا انتي" بعد هالكلمه اغمي عليها وهند كانت تكح البنات تجمعو حول البنتين المغمى عليهم و نظرات تعجب على وجه لمياء وهيفاء لانهم شافو جنى مغمي عليها ولارا شبه مغمي عليها <<< المديرة طلبت الاسعاف وصل الاسعاف وركبت معهم حنانوه >> طبعا ماركبت الا تبي مصلحه و المديرة بالمدرسة اتصلت بأهالي البنات وام لارا اتصلت بعمر وكان راشد مع عمر .. راشد اول ما سمع ان لارا زوجته وحبيبته في خطر طااار طيراان <<<<انتبهوا للتشبيه طار طيران &_^ .. ******************* لانا .. تطورت العلاقة بينها وبين يوسف .. وصارت تكلمه عالموبايل .. كانت تفكر كيف تنفذ انتقامها من جنى وما لقت حد يقدر يساعدها غيره .. كانت في البيت وما تعرف اللي صار بالمدرسة لأنها غايبة .. اتصلت بعد رنتين : سلام .. يوسف : وعليكم .. يا هلا بهالصوت ... لانا بحقد من عمر وتقول في نفسها : في ناس يحبوني لانا بدلع : كيفك؟؟ يوسف: بخير ما دام سمعت صوتك .. لانا: الا يوسف بغيت اطلبك .. يوسف: لك عيوني امري .. لانا بدلع مو متعودة عليه : انا ابغى أسوي حاجة وما حد ممكن يساعدني غيرك .. يوسف : والمطلوب مني ؟؟ لانا :اسمع ................... يوسف : والله وطلعت منك افكار خطيره يا لنوو .. لانا : المهم تقدر تسويه ولااا؟؟؟؟؟؟؟؟؟ يوسف: افاا عليك ... ************************* في بيت منصور .. شذى وهي في سابع نومة كانت تحلم بإن جنى في غرفة بيضاء ويجي واحد من خلفها ماسك سكين وهو متوجه لظهرها والسكين كانت بتدخل في ظهر جنى بس صحيت وهي ميته خوف على جنووو : استغفر الله يارب ايش ذا الحلم بسم الله على جنى .. وناظرت في الساعة تذكرت انو فهد وعبد العزيز وزيااد راح يسافروا فزعلت ولبست بنطلون وتيشرت عادي ولبست عبايتها وحجابها ونزلت وحطت كحل خفيف ولابيلو "LABELO"وتعطرت ونزلت لقيت الكل بالصالة : السلام عليكم .. الكل رد السلام وزياد ما نزل عينه منها ولاحظ منصور هالشيء شذى: بجد بنفتقدكم .. فهد : شدّي حيلك والسنة الجاية معانا ان شاء الله .. شذى: الا عزوز كيف جدو وجدتوو ؟؟ عبد العزيز : والله ما أدري بس ان شاءالله بخير .. روحي اتصلي عليهم .. شذى: اوك .. وهي تتصل بعد 3 رنات :hi grand ma"مرحبا جدتي" خديجة : hi شذى كيفك "مرحبا" شذى وهي تحط سبيكر: انا تمام عزوز بتدخل : me to"حتى انا" فهد: الحين هي سألتك لازم تتدخل في كل شيء عزوز: اذا سألت حفيدتها فالأولى تسأل ابنها .. خديجة تسمع وتضحك .. شذى:وين grand fa"جدي" خديجة: دقيقة اعطيك اياه شذى: oooooooooooook "طيب" "جد شذى" : كيفك شذى وكيف يور دادي ؟؟ شذى: كلنا بخير ويسلمو عليك I miss you grand fa"اشتقت لك" جدها: وانا كمان .. كانت جلسة جميلة استمرت بالضحك والاستهبال .. ********** في المستشفى .. بطلاتنا ما فيهم شي بس دلع .. وصلو راشد وعمر واتطمنو على لارا وسمح الدكتور بأنهم يدخلو عليها بس بهدوء لأنها نايمه ودخل راشد قبل عمر دخل اول ماشاف لارا عالفرش راح لعندها وناظر فيها وبحزن مسك يدها وباس راسها وقال : حبيبتي لارا تسمعيني؟؟ بس مافي رد خاف بس هدى لما حس بيد لارا تشد على يده ابتسم وقال بحزن : حبيبتي أنا جنبك ومراح اتركك .. وقال بصوت فيه شويه عتاب : ليش خاطرتي بنفسك؟؟ عمر دخل وشاف صاحبه عند اخته وابتسم وخرج بكل هدوء ولما خرج شاف أبو جنى .. خاف ليكون صار لها شي .. وراح لسالم .. " جنى أصرّت إنها ترجع البيت مع إنها كانت تحتاج للملاحظة .. بس معروفه برأسها العنيد " عمر: اهليين عمي .. سالم بحزن : اهلين يا وليدي .. عمر :عسى ما شر ياعمي ايش تسوي هنا .. سالم بكآبه : ماشر بس بنتي كانت بتختنق لانه صار حريق في مدرستها عمر بدون شعور: يعني هي إلي ساعدتها لارا ؟ سالم : انت تعرفها ؟؟ عمر : هاذي اختي .. سالم : ياوليدي اشكر اختك عني وطمنها ان بنتي بخير وراح تجي معي الحين .. ماكمل سالم كلمته الا وجنى خارجه من الغرفه وصدمت عيونها في عيون عمر ..... عمر ابتسم اما جنى فنزلت راسها وتضايقت " ما تدري ايش السبب بس تكرهه هاللإنسان " وقالت : يله يا بابا أنا تعبانه وابي اريح عمر في نفسه " عساه فيني ولا فيك " عمر: استأذن ياعمي بروح اشوف اختي سالم : اذنك معك وتوجه لغرفه لارا وهو مبتسم وسمع صوت لارا وهي تكلم راشد وحب يلطف الجو فدخل عليهم ولقى يد راشد في يد لارا عمر:هييي انت وياها ترى باقي ماسوينا العرس راشد : وانت ايش دخلك؟؟ زوجتي ونا حر عمر : لا شف النذاله على اصولها ماكنت كذا قبل ماتاخذ لارا .. راشد : لا تخاف أنا نذل من ولدت بس كنت اتمصلح عشان اخذ القمر وناظر في لارا اما لارا ابتسمت بخجل ونزلت راسها ودق جوال عمر ناظر في الشاشه عمر يوجه كلامه لراشد : انقذك عبد الرحمن ولا كان مماتك اليوم على يدي راشد :هههههههههه اجل ادين بشكر لعبود اما عمر خرج من الغرفه ورد على عبد الرحمن عمر: هلا عبود عبد الرحمن : هلا عمر ابشرك خلاص جبت ورقه طلاق رنا عمر ببسمه : الله يبشرك بعيالك قول آمين .. عبد الرحمن بكآبه : ان شاء الله .. يله أنا جاي في الطريق خلي رنا تتحجب أنا جاي .. عمر: يله .. ودخل على رنا .. وابتسم ورنا رجعت البسمة .. عمر :ابشرك قدرنا نجيب ورقه طلاقك رنا بفرحه : جد الحمد لله .. عمر :والله مدري كيف جابها رنا : من ؟؟ عمر: عبود أنا حاولت قبل مارضي حسين يعطيك ورقه طلاقك .. رنا تفكر" عبد الرحمن ياطيبه اهو تقدم لي قبل حسين وانا رفضت وبحزن اكثر جرحته وجرحت احساسه أنا مو انسانه وربي عاقبني بحسين من راح يفكني من شماته أمي كيف استحمل اشوف عيون عبد الرحمن اشوف في عيونه المه المه لرفضي أنا كسرته ولا والمشكله انه وقف معي في مصيبتي الله يخليك ياولد عمي " عمر : على فكره هو بيجي .. رنا ببسمة : اوك خلني اتحجب .. ***************** في غرفة جوجو يوسف يدق الباب جوجو: ادخل .. يوسف : اليوم جايبلك خبر بمليوونين ريالات >>>> اما ان عليك لغة .. جوجوتحمست : قول وفرحني .. يوسف: قال لها السالفه كلها .. جوجو: والله وطلع منك يا لنوو البريئة يوسف: ايش راح تسوي جوجو : اسمعني زين .. أنت عليك تسوي اللي قالته لك وخلي الباقي علي .. يوسف : ما فهمت جوجو: لانك طول عمرك غبي بعدين بوريك كيف اختك شاطرة **************************** كان الكل جالسين مع بعض ويسولفون اما منصور فكان ملاحظ نظرات زياد لشذى وكان ساكت عزوز : ياااغبي مو كذا فهد : انا الغبي ياراس البسة ؟؟؟؟ زياد : ههههههههه البسه ؟؟؟؟ والله ينفع هاللقب لعزوز .. وماحس الا بضربه على راسه .. زياد : ايييييييي وجع يا راس البسة .. الكل عدا عزوز : ههههههههههههههههههههههههههه عزوز: منصووور .. منصور : هلاا عزوز: ترضاها علي ؟؟ وبنظرات اصطناع : انا من جيت والكل مو حاط لي اعتبار ولا كني خال بعضهم وناظر شذى وفهد وأكبر منهم وناظر زياد منصور : اكيد ارضاها انت بالأول احترم الي اكبر منك بعدين يفكرو يحترموك شذى :ههههههههههه مسكييين .. زياد ناظر شذى وابتسم منصور: شباااب الشباب: هلاا منصور: الله الله بالدراسه فهد : من عيوني زياد : حاااضر على هالخشم منصور ناظر عزوز وقال : باقي تبيهم يحترموك ؟؟ بتبطي الكل : ههههههههههههههههههههههههههههههههههه منصور: زياد زياد : هلا عمي ؟ منصور: تعال شوي ابيك بموضوع ووقف معه وراح معه ... بعد الحديث الي صار بين منصور وزياد زياد توجه للمطبخ وتفاجأ لان شذى كانت موجوده ناظر فيها بنظره غريبه وتنحنح شذى انتبهت لوجوده ولفت وجهها عليه .. زياد : شذى شذى : هلا زياد :ممكن تقولي لي وين الكاسات ؟؟ شذى : اكيد بس دقيقه وراحت واخذت كاس وعبته مويه وعطته لزياد ولما مدت الكاس بالغلط جات يد زياد على يدها شهقت وارتبكت وكانت عيون زياد عليها فارتبكت اكثر وتركت الكاسه وطلعت اما زياد فكان يفكر " ايش مغزى كلامك ياعمي؟؟ ليتني افهم " وبعد فتره سمع اصوات عزوز وفهد ينادونه ويودعون اهلهم قرر ينتظر شوي عشان شذى تاخذ راحتها .. وبعد فترة توجه للصالون وشاف الكل .. فراح وسلم على منصور وعلى حمودي . و قال : مع السلامه و ناظر في شذى اللي كانت تبكي بشكل خفيف ... شذى نزلت راسها بخجل .. اما زياد فابتسم .. وأخيرااا راحوا المطار و رجعو الشبااب للندن *_* *_* *_* ********************************************** في المستشفى نرجع لرنا الي دخل عبد الرحمن عليها وطبعا عمر معاه عبد الرحمن : هاذي ورقتك .. اخذتها رنا وناظرت في عيون عبد الرحمن ماشافت غير الالم والتعب اما عبد الرحمن فكان يتأملها وانتبهت رنا انها كانت تناظر فيه والعكس فنزلت راسها وقالت : شكراا .. وبصوت خفيف .. عبد الرحمن عبد الرحمن بربكه : لا مو لازم تشكريني ما عليكي من شي .. رنا : بس انا خايفه انه يلاحقني عمر : لاتخافين هذا يعتبر مجرم عبد الرحمن : رن كان بيقول رنو بس تدارك الخطاء وقال رنا انتي ليش ماتقدمي عليه شكوى؟؟ رنا بخوف : لا لالا والله بيذبحني عبد الرحمن : خلااص هدي رنا :اوعدوني ماتسون شي الا بعلمي عمر+عبد الرحمن : وعد .. ************ بعد مرور يوم في بيت سالم ... كان منصور وشذى رايحين لبيت ابو جنى بسبب الي صار لجنى اول ماوصلو دخل منصور لمجلس الرجال وراح معه صاحبه سالم اما شذى وجنى فراحو لغرفه جنى وكانو يتكلمون في الموضوع شذى : يوووه لو اني ماغبت جنى : تستهبلين ؟؟ شذى : لا من جدي تمنيت اني حضرت الاكشن جنى : أي صح تعرفين ان هند ولميا مسوين فيها مايكلمو بعض زعلانين من بعض ؟ شذى بأستغراب: لا ولا قالو لي مع اني مكلمتهم امس شذى : ايوه كيف كان شعورك لان لارا انقذتك جنى : لازم اشكرها شذى :أي والله مو قليل الي سوته البنت جنى : تصدقين اول ماخبروني انها هي الي ساعدتني استغربت الا قولي انصدمت شذى : ترا هي طيبه من الداخل جنى : على مايبدو بس هي تنرفزني شذى : هههههه لا بس شخصيتك ضد شخصيتها جنى : ههههههههه شذى : ايوه ليش مارحتي لها في المستشفى؟؟ جنى : شفت اخوها شذى : لا تقولين انه الي قلتيلي عنه ؟؟ جنى :يب شذى : هههههههه ايش هاذي الصدف ؟؟ جنى بطفش : مدري اتركينا منه الا صدق سافرو الشباب ؟؟ شذى : ايوه امس جنى : اها كيف البيت من دونهم شذى بحزن : والله كأبه وكلمني عزوز اليوم وقال انهم مفتقدينا جنى : يله مابقي شي ونروح للندن شذى : اوووف واذا رحنا لندن بابا بيكون هناك وكمان حمودي جنى: على طاري حمودي ليه ماجبتيه ؟ شذى : ههههه ذكرتيني قال لو كان بيت خطيبتي رحت لها جنى : هههههههههههههه اخوك ماخذ الدور صدق شذى : هههههه شذى بتفكير : جنى جنى: هاا شذى : ايش رايك نراضي بين البنات جنى :أي والله كل وحدة كلمت بنت عمها وطلبت منها تجي بدون ما تعرف ان الثانية جاية .. هند ولميا لما وصلو وشافو بعض .. علطول حضنو بعض وتصالحو .. لميا : يالكلبة لا تخوفيني عليكي مرآ ثانية .. هند : ههههههه سوري بس ما استحملت جنى في المبنى واتركها .. جنى : أكيد ما تقدري تستغني عني .. شذى : واثقة الأخت جنى : يحق لي .. هند : أقول لا يكبر راسك بس .. وكملو سوالف وضحك واستهبال ************ خرجت رنا من المستشفى وراحت بيت اهلها اول مادخلت حست بالحنين لبتهم الي هجرته من سنتين تقريبا سلمت على اهل البيت الي لقيها بفرح وسرور حتى ابوها اما امها فكات الجبل الشامخ الي على مايبدو راح يعيشها بالذل فطلعت لغرفتها وقررت تحبس نفسها و نادرا ماتنزل .. عشان ما تحتك بأمها .. *************** في بيت غانم ...... كانت اسما تتنتظر خالد يوصل ولما وصل راحت له وجلسو يتكلمو وقاطعها خالد خالد : اسما بصراحه طفشت اسما : ليييه ؟؟ خالد : اسوم كم صارلنا متملكين؟؟؟ اسما : ماعرف خالد : لاا اسما الصراحه طفشت ولازم نحدد موعد الزواج اسما : بس خالد : لا بس ولا شي اسما : خلاص طيب خالد : جد؟؟؟ اسما : يب خالد : اجل شهرين ونسوي الزواج اسما : بس شوي خالد : اقول لاتخليني اغير رايي واخليه بعد شهرين اسما :طيب خالد بجرأه قام وباس خدها وقال : تسلملي زوجتي المطيعه انا رايح ابشر الكل اسما لمست خدها وهي باقي مصدومه من حركته لأنها كانت مفاجِأة بس لما استوعبت ابتسمت وقالت : هذا مجنووون طبعا خالد نشر الخبر وماخلى احد الا قاله >> من الفرحه وتحدد الزواج بعد شهرين ********** في بيت ابو لانا كانت لارا جايه زياره لاختها رنا >> زي ماقلنا رنا اختهم بالرضاعه لارا : لانا وين رنا ؟؟ لانا : فووق لارا : روحي ناديها سرعه عمر يبيها لانا : اووووف طيب وراحت تناديها .. ************* عمر كان في الشركة وبيطلع منها .. بس وصله ظرف مكتوب عليه بخط كبير مهم .. فتحه وأول ما شاف اللي فيه انصدم صدمة ما بعدها صدمة .. معقولة ؟؟ معقوووووووووولة ؟؟؟؟؟ فجأه جاه اتصال من رقم غريب استغرب بس رد .. وجاه صوت انوثي .....: السلام عليكم عمر بأستغراب وباقي مصدوم : وعليكم السلام ....: انت عمر ؟؟ عمر : ايوه انا عمر مين انتي؟؟ ..... : مو صح انت اخو لارا وولد عم لانا عمر: نعم انتي ايش تبين ؟؟؟ ... : ........ نهااايه البارت التوقعات: 1- ايش ممكن تكون لانا تسوي وجوجو ايش الي براسها ؟؟ 2- شذى والحلم ايش سالفته ؟؟ 4- منصور ايش قال لزياد؟؟ 5- مين هالبنت الي دقت على عمر؟؟ وايش تبي فيه ؟؟
|
#34
|
||||
|
||||
اتمنى عجبكم الي فااات البارت الــ 12 قفل عمر موبايله وهو لسة ما استوعب اللي شافه واللي سمعه في الخمس الدقايق الأخيرة .. ويفكر .. يا ترى مين له مصلحة يشوه سمعتها ... بس والله ما اتركها .. اليوم رايح أخطبها .. وطلع ركب سيارته وتوجه على البيت .. أول ما دخل لقى لارا في وجهه .. عمر بدون مقدمات : لارا بتزوج .. لارا والصدمه على وجهها : بجد .. وابتسمت بعد ما استوعبت : متى تبي نبدأ ندور لك على عروس ؟؟ عمر : لا عروستي جاهزة .. لارا : مين ؟؟ عمر : تعرفين وحدة اسمها جنى سالم الـ ... لارا : إيوا هي معي بنفس المدرسة .. اللي انقذتها من الحريق .. عمر : هاذي هي .. لارا : بس .. عمر : فيها شي البنت ؟؟ لارا : الصراحة لا .. جمال واخلاق .. مبروك يا قلبي .. قلت لأمي وأبوي ؟؟ عمر : لا باقي الحين رايح .. وتركها وطلع يخبر أهله .. اللي فرحوا له كثير .. وبدؤوا يحددوا موعد الخطبة بعد ما كلم عمر سالم وقاله يتفضل في أي وقت .. *************************** في بريطانيا .. في شقة الثلاثي .. نجد هناك أنواع من حالات الإكتئاب .. بسبب انهم تركوا السعودية .. ورجعو للهم والدراسة ... زياد كان في غرفته ما يطلع منها .. عزوز أربع وعشرين ساعه ياكل لين ما انتفخ بطنه .. أما فهد .. نااااااااااااايم .. صار ينام طول اليوم وما يقوم الا على الجامعه .. وايميلي ما زالت تضايقه بس هو ولا معبرها حتى .. **************************** في بيت سالم .. دخل البيت وهو من العصبية مو شايف شي قدامه .. طلع لغرفتها .. وأول ما دخل كانت جالسة على لابتوبها .. جنى تفاجآت من دخول والدها بهالطريقة : بابا .. متى جيت ؟؟ ايش فيــ .. وما كملت بسبب الكف القوي اللي أكلته من ابوها مع انه عمره ما مد يده عليها .. جنى كانت بتتكلم بس الصدمة شلّت لسانها .. أيش صاير ؟؟ سالم : هذي آخرة الحرية .. كذا تسوين يا جنى .. أنا أوريك .. و مسك لابتوبها ورماه على الأرض لين صار قطع وكمل ضرب بقوة وهي ما هي عارفة ايش سوت عشان تستحق هالضرب .. جنى تقدر تمنعه .. بس صدمة أن ابوها اللي يحبها يضربها بهالطريقة وبدون ما تعرف السبب حتى .. ضربها الين ما يده صارت توجعه .. بعدين قال : من اليوم وطالع ما في طلعه من البيت .. ولأخذ العلم .. في ناس جايين يخطبوك وأنا موافق .. جنى من بين تأوهاتها: بس أنا مو موافقة .. سالم : اخرسي ولا كلمة .. بتوافقين غصب .. وطلع من الغرفة وقفل عليها الباب .. جنى ما بكت .. بس من داخلها كانت متحطمة .. وتقول : أنا ايش سوييت ؟؟؟ ايش ؟؟ ******************* كانت لانا قاعدة بغرفتها .. تفكر في الشيء اللي سوته .. وتراجع نفسها .. ما كان المفروض تسوي هالشيء .. حرام تظلمها وتشوه سمعتها وهي مالها ذنب اذا كان عمر يحبها .. بعدين انقلب تفكيرها : اوووف انا ليش افكر فيها .. خليني أكلم يوسف أحسن لي .. ومسكت جوالها ودقت عليه .... ********************* في اليوم الثاني .. كان في جمعه عند شذى .. وجنى اللي مستحيل تطلع عند أحد ووجهها متورم .. غير أبوها اللي مانعها .. طلبت من هند اللي كمان ما تعرف ايش السالفه .. تقول للبنات أن جنى تعبانة وما تقدر تجي .. هديل ومنى ووعد ولميا وهند كلهم حاضرين .. وكانوا شغالين سوالف وضحك .. هديل : بناااات .. شذى : ايش ؟؟ منى بخجل : هديل اسكتي .. هديل : مالك شغل .. نسيت أقولكم .. أنا ومنى أخيرا انخطبنا .. ^_^ .. هند : شوف البنت ؟؟ أخيرا ؟؟ ليش شايفة نفسك عجوز ؟؟ هديل عطتها نظرة .. شذى : مبروك يا قلبي .. وكيف انخطبتو في نفس الوقت ؟ منى : اثنين اخوان .. هديل : فارس وفراس .. لميا : يا سلام .. مبروك .. هند : مبروك .. هديل ومنى : الله يبارك فيكم .. ما لحقوا يكملو كلامهم .. الا حمودي داخل الغرفة بقووة وهو يبكي ويقول : كذا ؟؟ كذا يا هديل تخونيني ؟؟ هديل بضحكة بنفس الوقت ما تبغى تبكيه بزيادة : ايش فيك حبيبي ؟؟ حمودي : ليش توافقي عليه؟؟ مو قلتي انك تحبيني .. وبتوافقي تتزوجيني ؟؟ ليش تسوي فيني كذا ؟؟ وعد : هه حمودي اهدى .. حمودي : ما بهدى .. لين تقول هديل إنها تكذب وما انخطبت لواحد غيري ... أنا أحبها ومستحيل أعيش من دونها .. لميا تمسكه وتقول : خلاص هديل الحين مو لك لواحد ثاني .. وطلعت لسانها ... هند : ايوا خلاص انساهااا فزاد بكاء حمودي .. وقال لهديل : انتي خاينة .. أنا ما أحبك .. أكرهك .. أكرهكم كلكم .. وطلع من الغرفة وهو معصب .. ولميا و وعد ومنى يضحكون .. لميا : مصدق نفسه .. وهديل تبغى تضحك .. بس لأنه يبكي تضايقت .. والبنات نسيوه وكملو سوالفهم .. هند قررت تروح تراضيه بعد ما يهدى .. ********** عند حمودي راح غرفته وأخذ جوال أخته .. ودق على فهد في لندن .. فهد بصوت كله نوم : خيير .. حمودي : فهد اهئ اهئ هديل خانتني .. فهد في البداية خاف لما سمعه يبكي بس بعدين لما عرف انها عن هديل كان بيضحك بس مسك نفسه : جد .. وكيف عرفت ؟؟ حمودي : جاها عريس غبي ووافقت عليه .. مدري ايش عنده وأنا ما عندي ؟؟ لا والبنات جلسو يضحكو علي .. بالذات هند ولميا الزفتات .. فهد ابتسم على طاري هند وقال : طيب إذا شفت هند قول لها إني زعلان منها .. هي ولميا .. في هالوقت .. دقت هند على باب غرفته .. حمودي : طيب يللا فهد أكلمك بعدين باي .. فهد : تصرفني ؟ طيب مع السلامة .. حمودي فتح الباب ويوم شافها هند دار وجهه وهو زعلان .. هند : زعلت حمود ؟؟ لا تزعل ترا كنا نمزح معك ما كان قصدنا شي .. حمودي : طيب أنا أحب هديل .. هند : عارفين .. بس ايش نسوي انخطبت وبتتزوج وهي وافقت يعني ما تحبك .. لازم تنساها .. حمودي كان بيكي ثاني : بحاول انساها .. هند : طيب يللا .. قوي نفسك .. وجات بتطلع : أشوفك على خير حمودي : هند .. هند : ايش ؟؟ حمودي : فهد يقولك أنه زعلان منك .. أنتي ولميا .. هند ابتسمت وما ردت ورجعت عند البنات .. شذى : والله القعده ناقصة بدون جنى .. أموت وأعرف ايش عندها .. هند : يالفضولية .. قلتلك قالتلي عندها ظروف وما تقدر تجي اليوم .. هديل : يا خسارة .. وكملو سوالف .. *********************** اليوم الثاني في المدرسة .. كلهم مداومين الا جنى .. استغربو البنات .. بس مشّو الموضوع لما قالت هند إنها تعبانة ... شذى ما تطمنت وقررت تزورها أول ما يخلص الدوام .. وطبعا اليوم كان زي أي يوم دراسي .. ممل !! **************** بعد إنتهاء الدوام .. شذى راحت تزور جنى .. ولما دخلتها الشغالة .. شافت سالم " أبو جنى " اللي ارتبك لما شافها .. بس رحب فيها ودخلها على بنته .. دخلت شذى الغرفة وهي مشتاقه لجنى .. لانها ما شافتها من مدة .. بس أول ما شافت شكلها شهقت مصدومة .. جنى من بعد ما ضربها ابوها .. خفّت الجروح والكدمات اللي في وجهها كثير .. بس لإنها ما تاكل و نفسيتها تعبانة .. شكلها كان يخوف .. وجهها ذبلان و حول عيونها اسود .. ونحفانه .. مع إنها ما صار لها كثير بس 3 ايام .. بس ما ترضى تاكل .. جنى قامت بفرحه لما شافت شذى .. وضمتها بأقوى ما عندها ... وبدأت تشاهق ولأول مرة تبكي .. أيوا تبكي .. جنى اللي عمرها ما بكت قدام أحد .. جنى اللي قوتها وثقتها في نفسها ما تتحطم بكت .. شذى انصدمت أول شي من شكل جنى وثاني شي من بكاءها اللي كان بصوت عالي و بدأت تهدي فيها وتحضنها ... جنى بعد ما خلصت من عاصفة البكاء اللي اجتاحتها .. جلست هي وشذى على السرير .. شذى نفسها تعرف ايش السالفة .. بس تبغى جنى تتكلم من نفسها .. جنى بصوت مبحوح : تصدقي أول مرة أبكي قدام أحد .. شذى : ................................. جنى : أكيد نفسك تعرفي إيش سبب حالتي .. بابا ضربني .. شذى شهقت : ليش ؟؟ جنى : نفسي اعرف ليش .. مدري .. لا ويقول إنه بيزوجني هالأسبوع .. وكل ما يشوفني يسمعني كلام زي السم .. وإنه ما عرف يربيني .. أنا اللي معذبني .. إنو بابا اللي أحبه ويحبني .. اللي اثق فيه ويثق فيني ثقة عمياء .. يسوي فيني كذا وبدون سبب .. أنا متأكدة من نفسي ما سويت شي غلط .. شذى : حبيبتي .. دامك واثقة في نفسك .. حاولي إنك تكوني قوية .. استمرت شذى تواسي جنى .. وتحاول تروح عنها .. ووصتها تاكل وما تهمل نفسها .. وتداوم بكرا .. وقالت إنها والبنات رح يزورونها .. جنى تحسنت شوي بعد زيارة شذى .. وقررت تحاول مع أبوها .. ******************************* الخطبة كانت يوم الأحد .. وعمر ما اخذ الا أبوه .. طلب يد جنى .. وابوها وافق بدون نقاش .. وحددو موعد الملكة .. بعد اسبوع .. وقالو بتكون ملكة بسيطة .. يعني تمت الخطبة على خير .. أما عن جنى فكانت في غرفتها تتقطع من الحيرة .. نفسها تعرف مين اللي جاي يخطبها .. بس أبوها ما قال لها اسمه .. و ما يكلمها زين .. ************************** رنا كانت جالسة في غرفتها تفكر في اللي صار لها .. في حسين .. الطفل .. أمها .. وأخيرا عبد الرحمن .. عبد الرحمن اللي مو قادرة تبعده عن تفكيرها من يوم ما ساعدها .. ما رح تنسى اللي سواه .. بس هي صارت تحس بشعور غريب أول ما ينذكر اسمه قدامها .. مع إنها ما شافته من بعد آخر مرة .. وهي تفكر .. رن جوالها .. لقته هو .. يا ربي ليش متصل ؟ ايش يبغى منها ؟؟ في النهاية ردّت وجاها صوته : السلام عليكم رنا : وعليكم السلام .. عبد الرحمن : كيفك رنا ؟؟؟ رنا : الحمد لله .. وو .. أنت كيفك ؟؟ عبد الرحمن : تمام ولله الحمد .. آآ .. رنا أنا متصل أتطمن عليكي .. اعذريني بس حبيت أعرف إذا كنتي بخير الحين .. رنا وقلبها يدق وما عرفت ترد : انا بخير .. مشكور عالسؤال .. عبد الرحمن : طيب .. بقفل الحين .. أشوفك على خير .. مع السلامة .. رنا : مع السلامة .. *********************** بعد عدة أيام .. حان موعد ملكة جنى .. جنى سلّمت للأمر الواقع .. عرفت إن عمر اللي خطبها وقررت تخليه يكره حياته .. و صممت إنها ما تسامح أبوها .. خبرت صديقاتها .. وقالت لهم يحضروا ملكتها البسيطة .. طبعا ما كان في معازيم بس اهل عمر .. واهلها .. وصديقاتها .. جنى سوت شعرها كله بالفير ورفعت نصه والباقي نازل بشكل حلو .. ولبست هالفستان مع جزمة بنفس اللون .. ************* شذى لبست ************ هند .. ************ لميا ************ وعد هديل منى ************ لارا ********** لانا تظاهرت بالمرض وما جات .. و ام عمر كانت متشيكة .. وشكلها حلو وكشخة .. تمّت الملكة على خير .. وصارت زوجة عمر .. باركو لها البنات ولارا منهم .. جاها أبوها وقالها إنه عمر ينتظرها في المجلس .. جنى تنفست بهدوء ودخلت عليه .. جلست على أول كنبه شافتها قدامها .. عمر : المفروض تسلمي أول .. بعدين تجلسي . جنى ناظرته بكره : أنت عارف اني ماخذتك غصب .. وأكرهك وما اطيقك ؟؟ عمر بهدوء يسيطر على أعصابة ما توقعها تهاجمه : ايوة عارف جنى تفاجأت من رده .. بس طنشت ... عمر : اسمعيني زين .. أنا طلبتك وتزوجتك لأني أحبك .. مو لأي سبب ثاني .. وأنا عارف ان ابوكي اجبرك تتزوجيني .. وعارف السبب كمان .. هنا جنى نزلت راسها .. كمل عمر : وقلتله الحقيقة .. وهو الحين عارف إنك بريئة .. بس أوعدك إني احاول قد ما أقدر إني أسعدك يا جنى .. جنى ناظرت فيه وقالت : سعادتي إنك تتركني وتبعد عني .. وقامت بتطلع .. بس حست بيد عمر تمسك يدها .. وقرب منها وهمس في أذنها : أحبك .. مع إنها تأثرت بكلامه .. بس حاولت تبيّن إنه ما يهمها .. قررت تطلع غرفتها .. بس لمحت لارا .. وتذكرت إنها ما شكرتها لما أنقذتها .. مع إنها كانت تكرهها .. وتكره أخوها .. بس تستحق غنها تشكرها .. جنى بخجل : لارا .. لارا ابتسمت : هلا .. جنى : ولو إني متأخرة .. بس شكرا لأنك انقذتيني هذاك اليوم ... رغم العداوة اللي بيننا .. لارا : هذا واجبي ما سويت شي تشكريني عليه .. ومتأكدة لو كنتي مكاني لسويتي نفس الشي .. وبدؤو يسولفو واندمجو مع بعض .. لحد ما جت شذى دخلو كلهم عند البنات .. لارا انبسطت معهم ما توقعتهم حبوبين .. ***************************** في اليوم الثاني .. أبو جنى جاها .. وطلب منها تسامحه وإنه عرف الحقيقة من عمر ... بس جنى ما رضيت تكلمه .. لأنها ما زالت مجروحة .. ************************ بعد عدة اشهر .. جاء وقت زفاف اسما وخالد .. وكان جو العرس مملوء بالفرح والسعادة .. اسما متوترة .. خالد متحمس .. والمدعوين فرحين .. العرس كان مثالي ... التقت جنى بصديقاتها وهي فرحانه لأسما .. شذى ومنى ووعد وهديل وهند ولميا كلهم حاضرين .. حتى لارا ولانا .. ورنا .. لما قاربت نهاية العرس .. كان منصور واقف مع سالم يتكلمون في شتى المواضيع .. وما حس منصور الا بألم رهيب في صدره .. وطاح مغمى عليه .. سالم انصدم ... وفي دقايق كان الاسعاف جاي .. وخذوه المستشفى .. حمودي راح وخبر شذى .. اللي انهارت من مجرد فكرة إن أبوها يروح ويتركها .. لبست عبايتها وخلت عمها يوصلها وراحت معها لميا وجنى .. في المستشفى .. بعد انتظار عدة ساعات .. طلع الدكتور وقال لهم : البقاء لله .. عظم الله أجركم .. شذى : لااااااااااااااااااااااا نهاية البارت ال 12 ..
|
#35
|
||||
|
||||
قراءة ممتعة
البارت الــ 13 ... في لندن كان فهد في سابع نومه الا يحس بجواله يدق .. فجلس ورد .. فهد : الو ..... : اهلين فهد .. فهد : عمي ناصر ؟؟ ناصر : أي ياولدي فهد بأستغراب : هلا عمي شخبارك ؟؟ ناصر: تمام ياوليدي أنا مو داق عليك عشان شي بس داق اخبرك ان ابوك جاته سكته وهو الحين في المستشفى << لا مقدمات ولا شي فهد: ايييييييييييييييييييييييييييش لا ياعمي انت غلطان اهو دق علي امس .. ماكات فيه شي .. ناصر بصوت مبحوح : فهد صل على النبي فهد : عممممممي إلي تتكلم عنه ابوووي من قوة صوت فهد دخلو عليه زياد وعزوز زياد بخرعه من شكل فهد : فههههههد ايش فيك ؟؟ عزوز : فهد صل على النبي .. اما فهد ماقدر يستحمل فطاح الجوال منه أخذه زياد وعزوز قام يهدي فيه.. زياد: الو .. ناصر: هلا .. زياد: ايش في فهد ؟؟ انت ايش قلت له ناصر : قلت له ان ابوه جاته سكتة وهو في المستشفى .. زياد : لااااااا ناصر ماستحمل وقفل الخط الوحيد إلي مو فاهم السالفه للحين عزوز فقام لزياد ومسكه من كتوفه وجلس يهزه عزوز: زياااد ايش صاير زياد بصوت متقطع من الصدمه : عمي منصور عزوز : منصور ايش فيه ؟؟ زياد ناظر فهد بنظرات أسف وقال : عمي منصور في المستشفى .. عند ذي الكلمه انفجر فهد وجلسو الشباب يهدوه وطبعا الخبر انتشر >> الله يعينك ياشذى انتي واخوانك ************************* لارا كانت في غرفتها وزعلانة على شذى ... ماعرفت لمين تشكي همها غير راشد .. خصوصا إن لانا متغيرة معها .. فدقت عليه .. راشد : ياهلا والله لارا بصوت متكدر : راشد راشد بأستغراب من صوتها : عيونه .... حبيبتي فيك شي؟ لارا : راشد راشد : ايش فيك حياتي ؟ لارا : راشد انت ممكن تتركني؟ راشد : لا مستحيل اتركك لارا : الله يخليك لا تتركني مثل ماتركوها اهلها راشد : من ؟ لارا : صاحبتي توفى ابوها راشد : الله يرحمه لارا : بس البنت يادوب تخطّت حزنها على امها الميته .. راشد : لارا ادعي عليه بالرحمه لارا : الله يرحمه راشد أنا الحين بروح العزاء خلاص اكلمك بعدين راشد : الله معك وانتبهي لا تتعبي لارا : إن شاء الله .. مع السلامة قلبي .. راشد : مع السلامة .. وبعد ما قفل : يا عمري عليها قلبها ما يستحمل .. *************** كانت في غرفتها وماسكه الجوالات ومو عارفه على مين ترد ذا ولاذا ولا ذا .. سمعت دق خفيف على بابها وفتحت وكانت الشغاله الشغاله : ماما بابا يوسف قول هذا صاحب سامي تحت مافي ينزل " يوسف يقولك لاتنزلين لان سامي تحت"" جوجو : طيب جوجو تفكر " أنا شفت سامي مره ليه ماطيحه ؟؟ أنا بنزل واذا شفته كان بها " <<< يا عيني عالأخلاق .. ونزلت الا وجهها بوجه سامي سامي انصدم وكان بيغض النظر لانها اخت صاحبه استغرب انها ما سوت رده فعل لا هربت ولا شهقت وانصدم اكثر لما ابتسمت عقل سامي تقولون انجن من ضحكتها وماقدر غير انه يطلع كرته وقال انتظر اتصالك جوجو ماكان عليها الا تبتسم وتاخذ باقي عقل سامي سامي ناظر في عيونها وابتسم وقال في نفسه " عمري ما شفت بجرأتها لا و ابتسامتها تذبح" ************* بعد مرور يوم الشباب وصلو من بريطانيا فهد كان خايف على ابوه واول ماوصل السعودية كلم عمه يبي يعرف أي مستشفى بس ناصر قاله يروح لبيتهم استغرب بس توجهو للبيت ولما وصلو استغربو شافو سيارات والناس تنزل منها عزوز : ايش السالفه فهد : الله يستر والله اني حاس ان فيه شي كبير زياد : اتفألو بالخير نزلو من السياره وتوجهو للبيت ولمحو ناصر جاي وخبرهم باخبر وانهارو ************** داخل بيت منصور في العزاء .. كانت حالة شذى حاله ... كانت تبكي وتبكي بحرقه كيف يروح ابوها ويتركهم ؟؟ بعد المعاناه اللي عانوها من فقدان أمهم ؟؟ ناظرت في البنات الي حولها وجلست تتكلم وتقول : بابا تركنا بنات بابا تركنااا ليش؟؟ ليش تركنا؟ كل الي في المكان جلسو يبكو من تأثرهم بشذى جنى ماقدرت تستحمل شكل شذى فحضنتها وشذى بادلتها وجلست تبكي رفعت شذى راسها وناظرت في بدريه زوجه عمها واستغفرت وقالت هاذي وهي زوجة عمي جاية والمكياج كامل واللبس ياسلام ولفتت نظرها اخت بدريه فأبتسمت بإستهزاء هذا وهي تسوي نفسها تحب بابا الله يرحمك ويخمد روحك الجنه لفت نظرها شخص متجه لها فصاحت وجريت على لشخص شذى وهي تجري وتصيح والدموع تنهمر من عينها وارتمت في حضن جدتها إلي كان بمثابه حضن امها وجلست تبكي الين هديت شذى : جدتي انتي جيتي خديجه : أي ياعمري جيت شذى : وجدي؟ خديجه :وهو كمان ناظرت خديجه في حفيدتها إلي كان شكلها مايسر حتى عدوها خديجه : شذى اخرجي شمي هوى في الحديقه قامت شذى ووقفت معها لميا شذى : لا لميا اجلسي محتاجه لوقت اجلس فيه لوحدي لميا : طيب خرجت شذى للحديقه الخلفيه في هالاثناء كان زياد خارج يكلم امه وابوه إلي توهم عرفو بالسالفه وكان يقول لهم إلي صار وهو مهموم ولمح شذى وحزن عليها وناظر فيها بأسى اما شذى ماشافته لانها كانت جالسه على الكرسي ومتكوره على نفسها كانت لابسة عبايتها السودا وشيلتها مرمية بإهمال على كتوفها .. وشعرها الاشقر يطير من الهواء اللي يجي عليها .. قفل من اهله وتوجه لها زياد : شذى شذى رفعت راسها : انت زياد : شذى عظم الله اجرك شذى بحزن : اجرنا واجرك زياد ما يعرف ايش يقول في مو قف زي كذا فقال : شذى لا تبكي عليه شذى ببكاء : ليه ؟ زياد بحزن : شذى مايجوز على الميت الا الرحمه وانتي تحسبين انك راح تفيدينه لانك تبكين بالعكس راح يتعذب في قبره شذى ادعي له بالرحمة .. شذى : الله يرحمه زياد : يله أشوفك على خير .. وراح زياد اما شذى فوقفت ودخلت من باب المطبخ ولما دخلت سمعت بدريه زوجت عمها تتكلم مع اختها بصوت مرتفع نسبيا بدريه : يا اختي احسن انه مات >> مع ذي الكلمه حست شذى ان الموضوع يخص ابوها وسكتت تنتظر الباقي>> اخت بدريه اسمها مروة اهي بنت عانس تتصف بضخامه الجسم وماتهتم بشكلها ابداا مروه : لا ومو قادر يعيش من بعد زوجته بدريه : والله وراح علينا منصور لو كنتي تحركتي كان لنا نصيب من الورث مروه : لا تبيني اتزوج شايب بدريه بإستهزاء :شايب؟؟ الشايب احلا منك اصلا مروه: لا تذكرين لما مسكت يده وبعدها وتركني بدريه : كانت فكرتي بس انتي ما ضبتيها .. مع هذي الكلمه شذى ما إستحملت وتوجهت لبدريه وقالت شذى : هيي انتي وياها من تحسبو نفسكم ؟ بدريه بأرتباك : شذى هذي انتي شذى : أي شذى بعدين ليش تتكلمو عن بابا كذا ؟؟؟؟ أحترموه توه متوفي و جالسين تحشو فيه ؟؟ بدريه : ليش ؟ فيها شي لو كنت ابي اختي تتزوجه ؟؟ شذى بإستهزاء: هه انتي واختك مانتشرف فيكم اصلا بدريه مدت يدها على شذى وضربتها كف وقالت شذى : انتي تضربيني كف اصلا من انتي؟ وردت لها الكف وبدت اصواتهم تطلع فجات هند تشوف ايش السالفه فشافت بدريه ومروه على شذى يضربونها فتوجهت لشذى وتساعدها في هالاثناء سمع كان فهد في الحديقه وسمع اصوات صراع فتوجه للمطبخ وانصدم بهند تطيح على الأرض وفي في وجهها جرح صغير .. ينزل منه دم .. قوّمها من على الأرض وهي متفشلة .. وبعد يده منها ؟؟ و راح بعّد بدريه و أختها عن شذى شاف شذى تبكي فرفعها وحضنها وشذى صارت تتذكر كلامهم وبكت اكثر فهد عصب لانه متأكد ان اخته مراح تبكي الا بسبب مقنع وناظر في هند وقال : من السبب ؟؟ هند كانت منحرجه وكانت بتخرج بس وقفها صوت فهد وقالت ان بدريه ومروه السبب فهد عصب زياده وطرد الثنتين من البيت وترك هند تخبره بالسالفه فخبرته بالي تعرفه وإستأذنت وطلعت وناظر فهد في شذى ولقاها نايمه فشالها وروحها لغرفتها ***************** بالنسبه للانا كانت عارفه بأبو شذى بس كانت عارفه ان جنى راح تكون موجوده فقررت تجلس في البيت كانت تفكر في حالها كيف تغيرت لذي الدرجه صارت نذله؟؟ وقطع افكارها صوت جوالها ناظرت في الشاشه ابتسمت لانه كان يوسف وردت ببتسامه لانا : الوو يوسف : هلا بأحلا الو سمعته لانا : تسلم يوسف :كيفك حياتو لانا : تمام انت كيفك؟؟ يوسف: دام الحلو بخير أنا بخير لانا بضحكه : تسلم لي يوسف : لنو لانا : عيونها يوسف : تسلم لي عيونك يوسف : لنو حبيت اعرف ايش صار بالبنت إلي سوينا صورتها لانا بغرور : ليش تسأل عنها يوسف : لا بس كذا ابي اعرف لانا : اها تزوجها ولد عمي الغبي يوسف بمكر : وليش؟؟؟ مو احنا ارسلنا الصور له لانا بحقد : ماعرف غير الموضوع تراني طفشانه منهم يوسف ببتسامه: من عيووني ابي اشوفك لنو لانا بلعثمه : لا لا يوسف : ليش ؟؟ لايكون مو واثقه فيني؟؟؟ لانا : الا بس مو الحين يوسف : اهاااا لانا : يووسف لايكون زعلت يوسف:لا شدعوه احد يزعل من القمر؟ لانا : يوسف خلااص يوسف : من عيوني لانا : يوسف أنا زعلانه يوسف : ليش حياتي ؟ لانا : لان ابو وحده اعرفها مات وماني قادره اروح يوسف في نفسه << اففففف بدينا بالدلع والزعل >> : ليش ؟ لانا :لان زوجه ولد عمي بتكون موجوده يوسف : اهااا لانا : يوسف احد يدق علي الباب اكلمك بعدين يوسف : اوك باي لانا : باي جود اكلمك بعدين وفتحت الباب لقتها اختها لمى وقالت في نفسها " الله الله ايش ذا الحب لمى جايه غرفتي؟ لانا : هلا لمى لمى : هلا لنو كيفك ؟؟ لانا :هلاا لمى :ممكن ادخل لانا :اكيد لمى : لانا ماما تقول تبينا نروح بكره لبيت عمي لانا :ليش؟؟ لمى :عشان نبارك بزواج عمر لانا :اها بس أنا مراح اروح لمى وهي واقفه وتتوجه للباب :كيفك *********************** لارا كانت في العزى فدقت على راشد تبيه يوصلها بيت اهلها لانها مالقت احد يروحها راشد : هلا حيااتي لارا بصوت تعبان : هلا هلا راشد ممكن تجي بيت منصور....... راشد برعب : لارا فيك شي ؟؟؟ لارا : لا ولا شي انت تعال وانا اقولك راشد : يله أنا جاي راشد وصل وركبت لارا معه راشد : اهلين حبيبتي ايش صاير؟؟ لارا : لا بس ما زلت متأثرى بصاحبتي اللي توفى أبوها .. راشد : اها الله يرحمه لارا : راشد البنت مسكيينه راشد : ليه لارا : قبل سنتين ماتت امها ويالله شفت من تأثرها الا ويموت ابوها والله حرااام .. راشد مسك يدها :الله يعينها .. لارا بحزن : ان شاء الله ***************** نروح لجوجو كانت ماسكه الجوال وتضغط على ارقام جوال سامي وجاها صوته الرجولي سامي : هلا وغلا بالمتصل مين ما كان يكون .. جوجو : هه اذا انت كذا من الاول وقبل ما تعرفني سامي يعصر ذاكرته ويقول " يارب ماتكون وحده من إلي اكلمهم لاني ماعرفتها " سامي : هلا هلا وغلا جوجو : ماعرفتني صح ؟؟ سامي : لا ماحصلي الشرف .. جوجو بضحكه: هه أنا جوجو سامي : مين ؟؟ جوجو : أخت صاحبك سامي : يوسف .. جوجو :يب انا هي سامي : اهاا كيفك ؟؟ جوجو : بخير وانت :؟ سامي : تمام وجلسو يتعارفو على بعض ************************ كان عبد الرحمن مع علي عبد الرحمن : علي علي : هلاا عبد الرحمن : تقول اخطبها بعد العده ؟؟ على : ايوه اخطبها قبل مايخطبها احد غيرك انت ولد عمها واولى بها عبد الرحمن : بس أنا خايف ترفضني خايف انها تعقدت من الرجال بس الكلب حسين علي : ايش جاب سيرته ذا لا ماتوقع تعقدت انت قلت انها كانت تتكلم معك عادي صح عبد الرحمن : صح علي : خلاص اترك الموضوع بينك وبين عمر قوله وخله يسألها في رايها عبد الرحمن : خلاص طيب نهاااايه البااارت اتمنى يكون عجبكم البارت ************** والتوقعات عليكم ابقى اشوف ردووود
|
#36
|
||||
|
||||
أبدددددددد أعضاء المنتدى مايتفاعلون مع المواضيع ولا شي..
أبصم 100%إن لو كانت الرواية بمنتدى ثاني كان الردود عبت الصفحات وغطت على الموضوع من كثرتها
|
#37
|
||||
|
||||
خلاص مراح أكمل الرواية لأن الظاهر محد مهتم لها فأنا كمان مراح أكملها زي ماتحبوا يعني..
سياااااااااا..
|
#38
|
||||
|
||||
لالا عسووله كمليها
|
#39
|
|||||||||||||||||||||||||
|
|||||||||||||||||||||||||
وردة يالبى قلبك بس عشانك راح أكملها
|
#40
|
||||
|
||||
تسلمين
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |