العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
شوفو العلهب وش سوت بالعرد
السلام عليكم ورحمة الله وبركاته يالله تحي كل من يسير علي بموضوعي سواء كانو علاهب او عرده اوبنيات او شباب قبل سنوااات طويله ايااام ما كان التسبيع بالحابوط هههههههههههه >> الترجمه : كانو الحريم زمااان يغسلون مواعينهم ببرتسه صغيره جنب مكينة الماء بالمزرعه >> ترجمة .. برتسه ( بانيو ) هههههههههه كان بهاك البيت رجل وحريمته وعييلهم مبسوطين ومرتاحين لبعض وامورهم ماشيه جاء بيوم من الايام وصرح الرجل لحريمته برغبته بالزواج من ثانيه الحريمه تماسكت وسكتت ... وهمن قالت له من هي اللي تبي تخطبها قال بنت فلان بالديرة الفلانيه لي رغبة بها رجعت للصمت .. هههههههههه وقالت ربك محلل لك اربع وانت رجالاً ماقصرت معي ومهب من حقي اعترض لكن امنتك الله تعدل بيننا >> بليزززز موسيقى حزينه هو قرب لها وقام يطبطب عليها ويقول والله انتس الغاليه ولا تتوقعين اني برخصتس .... الخ سكتت وهمن قالت الله يخليك لنا وهي تنشق يقاله تصيح قالت وهي مازالت تتنشق وانفاسه تتقطع وهي كاتمه الصيحه ومطمستن رويسه و غلاتك والله الذي لا اله الا هو محد يخطب لك الا انا هو من الموقف بغى تدمع عويناته ههههههههههه قال خلاص اليوم الفلاني اوديتس لهم .. والله لا يخليني منتس اييييه مالكم بالطووويله راحت ودخلت على اهلها وشافت البنت ولاها مزيوونه و تنعش القلب العليل تنهدت من الغبن وقالت للام : انا ودي اخطب بنتكم ساره لابونا صالح وترى ماجيت اخطب له الا من طيبه معنا ووالله انه من الرجال اللي يشرف من يناسبه .... الخ وتشاورو ووافقو وتغدت الزوجه الاولى وزوجها صالح عند اهل الخطيبه بعد الاتفاق ع الزواج يوم جاء وقت روحتهم لديرتهم ... جت الزوجه الاولى تقر باذن ام العروسه وقالت لها ترى والله ماودي اتسذب عليكم انا قلت لكم ان ابونا ماله مثيل بس انه بوه عيب واحد اوقات تجيه ضيقه ويبي يطلع فأنتي ليلة العرس اويلاه قفلي على المعاريس عشان الناس ماتتكلم على بنتكم ويقولون وراوه هج عنها وابونا بعد مانبيه ينفضح ايييييه جاء ليلة العرس والزوجه الاولى تناظر الابو وهو يتسبح ويتجهز قالت له بكل حنيه ابو فلان ودي اطلبك طلب عاد هو مستلج قال سمي اطلبي قالت قبل ماتروح للعروسه ابيك تتقهوى معي قال ابشري راحت جهزت له هكالقهوه اللي تزعد الراس وملتها هلول !
وهو عجل وقام يقحن من هالقهوه بسسسسرعه لين روي راح لديرة العروسه ( والديرتين بينهن مسافه قصيره ) وسلم على الرجال وباركو له ودخل على عروسته وطارت ام العروسه تطبق الوصيه وقفلت الباب عليهم الرجل قعد شوي ومير يبدا بطنه يوجعه شوي ويبي الحمام وانتم بكرامه وجاء بيطلع ولاهم مقفلين الباب ويطق ويطق ويصوت افتحو الباب وهم ساكتين يطبقون وصية زوجته المووووهيم ماقدر يتحمل وقام يهل بالغرفه بكل مكان << اعتذر ع القرف والعروسه منفجعه من الموقف ولما اذن الفجر افتحو الباب ... هو طلع بسسسسرعه وهو ميت فشيله و ماله وجه يرجع لهم وموقفه مخجل فطلق البنت ورجع ذاك اليوم وهو فشل وضاااايق وقال لزوجته الاولى على موقفه اللي صار له وقامت تسمي عليه وتقول يابعد قلبي هذي عين ماصلت على النبي بسم الله عليك ورا ماتقرأ على نفسك هو بعد الموقف عافت نفسه العرس وقعد طول عمره مع العلهب وبعد سنواااااات ولما صار شايب ومافيه مجال انه يعرس قالت له العلهب ابو فلان ابيك تسامحن وتحللن قال محللتس بس وش هنا وش انتي مسويه قالت تذكر يوم عرسك هك السنه تراني انا اللي حاطتن لك هلول مع القهوه ومير يفزع من مكانه وهو يردد الله لا يحللتس .. عساتس ماتشمين ريحة الجنه الترجمه : العرد : الرجل الكبير العلهب ؛ المراه الكبيره الهلول : ماده عشبيه تهل البطن
|
#2
|
|||
|
|||
ياحبي لها والله سلميني عليها <<<بس لتكوم ميته الحرمه زي الشايب المراهق الله يرحمه هههههههههههه
اي كدا كيد النساء ولا بلاش بس بعد كنت اتمنا تسوي خطه انو مايتم الموضوع من البدايه ولا يشوف البنت بس يالله بعد خطتها كرهتو ف الزواج التاني بالمره يالله ياحريم كل وحده تخلي عندها علبة الهلهول هههههههههههه تسلمي ابله مزنه ع الموضوع
|
#3
|
|||
|
|||
هلهول هههههههههههه هلول قصدك حنا امي قصه علينا هالقصه بس ماتطبق هالحين لان اغلب الشقق والبيوت يكون الحمام وانتم بكرامه بنفس الغرفه يعني دورن خطه ثانية يعطيكِ العافية
|
#4
|
|||
|
|||
يازين حتسيتس
|
#5
|
|||||||||||||||||||||||||
|
|||||||||||||||||||||||||
يسلملي حضورك
|
#6
|
|||||||||||||||||||||||||
|
|||||||||||||||||||||||||
ههههههههههههه مو لزوم نفس الخطه لاشغلنا المخيخ تطلع لنا نحن بنات حواء مليوووووون خطه منووووووره اخت القمر بحضورك
|
#7
|
||||
|
||||
|
#8
|
||||
|
||||
معقول
يوصل التفكير الى هذا الحد والله ان كيدهن عظيم ومن المستحيل ان يفكر الرجال زي مايفكرو الحريم مدري وش الفائدة من المكايد وتدبير المواقف المحرجة للازاج بس لمجرد انة فكر يطبق الشرع ويتزوج
|
#9
|
||||
|
||||
ههههههههههههههههههههه
مزنه وراتس شابتن على الرجال تراهم طيبين وحلوين لا يغرك بعض القصص اكثرها من نسج الخيااال ما علينا نرجع لمحور حديثنا ان كيدكن عظيـــم .. يعني مسويه فيها انها زوجــه تحب زوجهـــا ههههههههههههه ما ينقدر عليكن ولا ينأمن لكن لاخر لحظــه اما العرد الرخمه اللي ما فهم وش صارله بليله العرس وما تذكر شرب القهــوه مالومه والله ليله عرسه زين تذكر نفســه يعطيتس العافيـه مـزنه وننتظر رواياتك العرديـه يؤؤؤؤه قصدي الجميلـه
|
#10
|
|||
|
|||
السلام عليكم ورحمة الله وبركاته
الله يسلمك المراه على نيته اذا كانت نيته شينه راحت فيها واذا نيته زينه تكون سعيده ومضه النسوان البعض من تالي في الحضيض ياربي يوفقك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |