العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
|||
|
|||
رقص الحريم با نواعة
رقص الحريم بأنواعه المختلفه<<<خخخخخ
ايميل جاني وحبيت تشوفونها من جد ينطبق على عالم المرأه<<<خخخخخخخخخخ الحريم فالزواجات حدث ولا حرج وبالذات إذا جت حزة الرقص منهن من تثير الشقفة، ومنهن من ترسم علامات التعجب فوق راسك ( ما تدرين ترقص ولا تخض لبن)
ههههههههههه ومنهن من تجعلك ترددين ( الحمد لله على نعمة العقل ) من أ ن تضع قدميها الكريمتين عالمنصة إلى أن تنهي وصلتها الاستعراضية أنا مدري الوحدة منهن تفقد عقلها اذا سمعت الطق؟؟؟؟!!!!!! ( الله أعلم) وحدة تهز الوسط وما تحته والثانيه: ترج المناطق العلوية وما جوارها بتوقيت الرياض والثالثة: تنفض شعرها بطريقة الفريرة تقولون داخلته حشرة تبي تطلعها والرابعة: تحرك يديها بطريقة لولبية كوكبية متوازية الاضلاع كنها تخبز تميس والخامسة: تطامر يمين ويسار كسرت ارقاب الاوادم من كثر ما يتلفتون والسادسة: تترنح على أنغام البوب بطريقة هستيرية كنها صرصور باخين عليه بف باف والسابعه: تتهزهز تقولون ماسكها كهرب 220 فولت والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور والتاسعة: ترقص جنب الطقاقات وتخش في وجيههم عشان يزينون لها الطق والطقاقات ودهم يصكونها بالطيران صرعتهم بريحتها ( الله لا يلومهم ) افراز الروائح من جميع الاتجاهات وفي جميع الاتجاهات ( الحمد لله إني مانيب طقاقة) والعاشرة : تسوي حركات تشكين في قدراتها السيكولوجية والفسيولوجية والامبريالية؟؟؟؟!!!! مره حضرت أنا وبنات عمي زواج قامت وحدة ترقص والله العظيم إني أحسبها متخلفة عقليا بنات عمي تسدحوا من الضحك!!!! أنا بصراحة رحمتها وقلت لهم وجع استغفروا البنت معوقة الله يشفيها بعد ما خلصت من الرقص وراحت السكرة وجت الفكرة اكتشفت إنها بكااااااااامل قواها العقلية إلا بعد أصحى مني وأنا ما يبط كبدي من الحريم إلا اللي تكون رابسه برقع ( تدق التسريحة والمكياج والفستان المشخلع والمخلوع بابه وتلبس برقع) وشلون تجتمع ماااااااااأدري وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شين يعيقه ) وإذا وصلت المنصة تمسك البرقع بأقوى ما عندها ثم تررررررررميه على الواقفات عالمنصة والشاطرة تمسكة عاد واذا خلصت وعينت من الله خير قامت تدور برقعها مثل المسعووووورة لأنها من الحماس ما تدري وين أراضيه وإذا لقته كنها لالالالالاقيه كنز على طووووول تحطه على خشتها ما تبي أحد يشوفها ( طيب يا ماما طول الوقت وأنت كاشفة الكبوت ) صدق عقليات واللي يبط تسبدي أكثر وأكثر اللي ترقص بولدها ( يالييييييييل أم حبيليص الساااااااري) ياشيلي يا أم الشباب ياتمايلي وإذا قام البزر يصيح تنزله وتكمل رقص والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح تحسبونها توقف لالالالالا إلا أكمل الرقصة إن شاء الله يموت من الصياح اجل أخلي فلانه اللي طلبت لي الاغنية علشان هالعله لالالالالالا وألف لالالالالالا............. وما يضحكني إلا اللي تدخل اسمها في الاغنية واسم العيلة وعيلة العيلة ( ياشين السرج عالبعارين) والأغاني المستخدمة لهذا الغرض تنقسم إلى قسمين : مدح مباشر مثل : ياصايغين الذهب عطوا الذهب فلانه ... ادعسسسسسس ردوا سلامي على الفلاينه اللي ما يهابونه .... ياولد فلانه كل الحلا فيها احترت أنا مدري وش اسميها ..... لا تحتار الله يرضى عليك بهيمه ما يحتاج فلانه غزال صادها القناص...... ياحلالااه يا حماية الحياة الفطرية أي والله والقسم الثاني مدح غير مباشر: الله يازين اللي حضرت غطت على كل الحضور..... بالعدال ياديانا سبنسر. ( بس هالاغنية قديمة حيييييييل) وقولوا بسم الله على غزالن طب قولوا بسم الله (هاذي عاد ضاربة في القدم) بس إلى الآن متداولة للآسف على كثر الأغاني ضااااااااااقت ياسبحان الخالق نورت ياحلاها شمس الأقبالي والعذارى شموعن من حواليها ( هاذي عاد من تحت الأنقاااااض)ووبس,,,ردودكم ياحلوييين
|
#2
|
||||
|
||||
.....السلام عليكم ورحمةالله وبركاته .....اي والله صدقتي هذوله مجانين رقص. الله يعطيك العافية
|
#3
|
|||
|
|||
ههههههههههههههههه...
يعطيك الف عافيه ياغاليه ... والله صدقت كاتبة الايميل ... بس من جد وش يلقون بالرقص والله اني استهبلهم اللهم لك الحمد... تحياتي لك..
|
#4
|
||||
|
||||
ايوة الله يايخته انك مجدك
لا وتجيك واحده تقول عودوا تتلوا تقول صابتها رصاصة والثانية كعشتها نافرة وتنقز فوق المنصة تقول بيدها كذية تقول تليس لهل جدرو مانقول الله لا يبلانا
|
#5
|
||||
|
||||
وقولوا بسم الله على غزالن طب قولوا بسم الله (هاذي عاد ضاربة في القدم) بس إلى الآن
الا هذه أذكر وحده من المعارف من يوم هي بنت أذا رقصت تخلي الطقاقات يغنونها أجباري المهم تزوجت وجابت عيال وصار جسمها كتله من الشحم ومازالت ترقص على نفس الاغنيه بصرااااااحه صارت مضحكه للجميع واذا رقصت تعيش في عالم ثاني أيميل جميل يحمل حقايق مضحكه يعطيك العافيه
|
#6
|
|||
|
|||
يــعــطيك العافيه
|
#7
|
||||
|
||||
موضوع تحفه ... .. يعطيك الف عافيه .
|
#8
|
|||
|
|||
موضوعك مره حلو ومضحك ... شوفي الرقص زين بس بالحد المعقول ..الهبال وقلة الحياء ماحبه ودتس الوحده تقوم مره وحده ترقص مهب تدبل سبد الناس والله احيانا يعزالي اقول لبعضهن خلاص ملينا من الاستعراض خاصه اذا هي ام اعيال ياربيه .... اما حقت وقولو بسم الله على غزال او الثانيه نورت ياحلاهاشمس الاقبالي...هذولي ياما رقصت عليهن ...وسعتي صدري..الله يعطيك العافيه..
|
#9
|
||||
|
||||
مشكورة ياقلبي على الموضوع
بس مكل الحريم رقصهم يفشل في ناس رقصهم يجنن
|
#10
|
|||
|
|||
أما انا ماعرف أرقص بس لازم أرقص بكل عرس ايش تتوقعون السبب
> > > > > > عشان اولا يشوفو ن الكشخه لان لي مايرقص ماحد يدري عنه ثانيا احد يتكرم ويخطب
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |