|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
|
|
أدوات الموضوع | تقييم الموضوع | انواع عرض الموضوع |
|
#1
20-11-09, 01:42 AM
|
||||
|
||||
الأنحطاط السعودي في NetLogt
قبل لاتدخلون ابي الرد بأدب وحشمة حطيت هالموضوع حتى نرتقي وناقش مشكلة عندنا
واللي يبي غير هالطريقه .. يتفضل يطلع من الحين (( هذا اتفاقنا )) اذا موافقين كملوا لتحت .. للعلم فقط ترى ماني بكاتب هالموضوع لا احد يتهمني باشياء مالي خص فيها كنت ابغى احط صووور بس مايتناسب مع مكانة هالمنتدى لان منتدانا اكبر من هالصور الماسخه لا اله الا الله عدد ماكان وعدد مايكون وعدد الحركات والسكون الهم اصلح بناتنا واصلح العاصيين الهم امين الى الشعب السعودي المحترم مع التحيه...امـــــــــــــا بعد كان يا ما كان قبل 10 سنوات او حولها كنا لما نمشي في ديرتنا ونشوف اجنبيه فاتشه تطير عيوننا .. نقول وش هذي .. يا ساتر .. كان يا ما كان قبل ثلاثة ايام افتح ايميلي واشوف رساله من قروب مشهور... صور لبنات ويتفاخرون انهم سعوديات السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها مثال .. صورتين لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه قله الحيا هذي مهيب مقبوله!! __________10 سنوات فتره موب قليله كيف وصلنا لهذي الدرجه من فراغ الاخلاق . ؟؟ الصيف اللي راح.. للأسف غلطنا ورحنا لبلد عربي .. وما ادراك ما ....... مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!! ويلومننا ليه نكره الدول العربيه! رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه)) وتصفيييييييييق..!! لحقونا بعد شوي الشعب الاماراتي والكويتي.. بس السعوديه عادها يمكن 6 مرات.. جلست افكر.. ليه يعني حنا اكثر؟؟ فكرو فيها شوي.. لين يخلص الموضوع بعدين جاوبو.. ...... ارجع الحين لصلب الموضوع.. ليش صرنا نشوف صور كثيره.. وعناوين الصور((سعوديات..سعوديات..سعو- ديات)) لو نتفرج عالصور.. نلقى رجول.. نلقى جزم نلقى اساور خضرا<<يعني ترا حنا سعوديات. والفيس بوك عاد..والهاي فايف.. انواع الصور اللي مدري وش اقول عنها شفايف.. * * * عيون ونادر ما تلقى وحده حاطه وجهها.. على فكره.. اللي تحط صوره وجهها,, محترمه اكثر من اللي ترزز اشياء ثانيه!! يعني عشانكم تتغطون..تروحون تصورون ذا الصور ..! تمنيت اني اطيح على بروفايل احد..والقاه حاط اسم كتاب حلو نقراه ..خاطره حلوه من كتابته.. موقف مضحك مر فيه..موقف مؤثر.. او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟ ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!.. ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا.. وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه <_<.. يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو.. بس ان الوحده تجي تصور مقفاها.. هي وخوياتها.. وكاشخه بالجي سترينق!! والمنتديات والقروبات السعوديه تتسابق لنشرها .. الدال عالخير كفاعله.. والشر بعد.. بعدين انتي ياللي مصوره انتي وخوياتك يعني انتي همك الوحيد ما يشوفون وجهك عشان محد يعرفك.. بس مقفاك.. شفايفك.. و* * * *.. عادي يشوفونه!! لأن المهم عندك الناس.. موب الله؟؟ طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟ اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟ عيب يعني..يعني عشانكم بنات مع بعض عادي تورون بعض يعني؟؟ ولا اقولكم..انا نسيت انكم ناشرين الصور للشباب..فما يهمكم البنات.. يعني صدق شي يضيق الصدر .. بنات سعوديات مسلمات في مجتمع مثل مجتمعنا يسوون زي كذا.. ودي اعرف امك..وابوك..وش بينظرون لك بعد ذا الصور؟؟ يعني حرام..اهلكم ربوكم احسن تربيه.. بس انتم للأسف ما ربيتو انفسكم.. فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!! ولا قروب ثاني سعودي برضو..والصور اللي ناشرينها.. ذوليك عاد.. متبرقعات..وبعابياتهم..متكحل- ات..ومسوين حركات غبيه ومصورين..! طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!! طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه .. اللي همهم نوم واكل.. وفلوس ياخذها من ابوه ولا امه! تطورو شوي.. ارتقو شوي..اطلعو بصوره احلى من كذا.. انتم عارفين ان النت اكبر وسيله انتشار.. قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. ! بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه.. ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟ انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه.. ليه بس تنشرون الشي الشين؟ انواع المقاطع الشينه تنتشر.. انواع الصور الشينه.. ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين! اقولكم شي؟ شفتو كتاب (بنات الرياض) قريته..صراحه كل اللي فيهواقع..اشياء فعلا تصير عندنا..طبعن لفئه معينه من الناس.. بس تدرون ان الكتب تترجم لاكثر من 22 لغه؟؟ تدرون انهم برا يدرسون الكتاب فيه دوله من الدول يدرسونه؟؟ تخيلو؟؟ رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء.. يا حلّو الثقافه اللي يتثقفونها بس! يعني الحين اللي برا..يدرسون الكتاب كنص سعودي ادبي يمثل حياة السعوديين .. كله سلبيات في سلبيات, ,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره.. هم يدرسون (بنات الرياض) لتمثيل المجتمع السعودي! انا ما الوم رجاء الصانع على اللي كتبته.. بالعكس انا عاجبني الكتاب من إلى. . وكل اللي كتبته اشوفه بعيني عندنا.. وكل اللي سوو عليه ضجه.. هذولي يبون يعترضون لمجرد الاعتراض.. ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!! ليه تنكرون كل اللي بالقصه وانه موب موجود! الا موجود ونص والدليل هاللي نشوفه بالنت والسوق والجامعه وكل مكان! رجاء الصانع تبي تصلحكم وتفتح عيونكم على اخطائكم.. لكن موب الغلط في اللي كتبته رجاء.. لكن الغلط في مخ كل من يقرا الروايه!! شلون الواحديصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس! بس عادي يدشرون ويخربون وكل شي.. بس ما ينتشر عنهم شي! ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين! غلط ! كل دوله بالعالم فيها الصالح والطالح.. البيت الواحد فيه الصالح والطالح.. ما تحبون احد يحكي فيكم ابد.. بالرغم من كل الاغلاط بحياتكم.. قبل فتره سمعت انهم رحلو هشوم الرياض.. الى ديرته الحقيقه(سوريا) وانه لا يمت للشعب السعودي بصله! كأن ما عندنا سعوديين من هالجنس!! ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟ بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!! شله شباب..اعرفهم بعد.. ..طالعين لجده..في رحله بحريه..وصادو كميه لا بأس بها من السمك.. تدرون لو بيبيعون هالسمك.. كم يبيجب لهم؟ تقريبا 4 الاف.. بس هم كانت نواياهم اهم من الفلوس.. اخذو هالسمك وودوه لمنطقه فيها ناس فقرا.. وتصدقو.. برضو حمله تبرعات الراجحي.. ترا اكثر من تبرع فيها شباب.. ((المواقف مذكوره عشان ابين انو فيه ناس كويسه,,يعني ابين الجانب الايجابيه)) يعني فيه ناس تشتغل.. فيه ناس عندها اهداف.. موب بس بالنت.. حتى برا النت,, سواء بنات او شباب.. نبغى جيلنا السعودي الجديد ينتشر عنه كل شي حلو.. انا ما اقول انكم ما تنبسطون.. ما تسوون هبال. . بس برضو بحدود.. موب عشانكم ورا الشاشات يعني عادي؟؟ (هياط ورا الشاشه = مرض) اتمنـى هالموضوع يستنتج منه هدف معين موب ردود ع حسب شخصية كل شخص تحياتي ( ر ا م ي )
|
|
#2
20-11-09, 03:24 AM
|
||||
|
||||
|
قد اسمعت لو ناديت حيا
ولكن لا حياة لمن تنادي اخي الكريم اصبحنا في زمن القابض على دينه كالقابض على الجمر كثرت الفتن وانفتحت علينا النعم وامسينا لا نتورع عن التوسع في الحلال والولوغ في الشبه بحجة ان الدين يسر وسماحة ومن ثم يجد الشيطان مدخلا فلا يزال المرء يحوم حول الحمى حتى يقع مأساتنا تحتاج جهود مكثفة من الكل منا كأفراد وكل مسؤول عن نفسه ومن يعول ومن الدولة كمسنن للقوانين فسلطة هيئة الامر بالمعروف والنهي عن المنكر بدأت تتلاشى والمنكر اصبح معروفا عند بعض الناس والله اني صرت اكره روحة بعض المجمعات والسبة المناظر المحزنة لابنائنا وبناتنا اجيال المستقبل ومن نعول عليهم في رفعة شأن هذا الدين ولكن ........ لن نيأس من روح الله فلعله سبحانه يقيض لهذه الامة مجددا يبعثها من رقاد الشهوات فنرى صحوة دون تشدد وايمانا راسخا يربط بين الحضارة وتعاليم الدين والاعتزاز بالانتماء له
|
|
#3
20-11-09, 10:44 AM
|
||||
|
||||
|
شعب مكبوت ومزنوط ووجد فرصة في النت فانفجر ، ما يحصل في النت من شر أو من خير يبين أن مجتمعنا متنوع الميول ومتعدد البيئات وينعكس ذلك على التصرفات من أدنى درجات السفاهة إلى أعلى درجات العقل
.
|
|
#4
20-11-09, 12:20 PM
|
||||
|
||||
|
ما ودي اسوٌق للموقع .. لكنه اكبر تجمع للشذوذ الجنسي بين الرجال !!
اقسم بالله فقط سميت نفسي اسم ولد ووضعت صورة يد بها ساعه إلا بـ 300 رجل سعودي اضافني في 3 ايام !! وانا لم اكتب شيئ اطلاقاً !! والله بكيت وانا ادخل صفحات شبابنا وصورهم اشياء لا تُصدق  شباب صغار اقسم لم ينهي المرحلة المتوسطه ويضع صور موجعه .. يا اخي ان اردت ان ترى مجتمعنا .. لا تنظر فقط للمجتمع النسائي ..وانظر الى مجتمعنا ككل .. فما فعلوه اكبر مما كتبته انت بكثير .. مجتمع بحاجه الى شيئ .. ولا اعتقد انه التشدد فلا ارى فائدة تذكر بل ارى تدحرج شديد لا يهمني ما هو الحل .. اريد ان ارى نتجية اقسم بالله رجال لحاهم طويلة و ثوبهم قصير يرقصون رقص مخزي بين الشباب وواضح انهم لا يعلمون ان احد يصور والله فيديوات كثيرة وبلاوي في هذا الموقع .. ارجو ان لا تنحصر عينك على فئه واحده فقط وشكرا
|
|
#5
20-11-09, 12:29 PM
|
||||
|
||||
|
أرجـوا عـدم التعميم فالسعوديين بالملايين فيهم الرديء وفيهم الطيب
أرجوا إن تعلم إن من تشير وتتحدث عليهم هم من حثالة السعوديين و الرديئيين وليسوا السعوديين الطيبين فهنالكـ أناس يندئ لهم الجبين من قذارتهم ولكن لا نتحسر عليهم إبدا ً لأن القذورات لامحالة مرماهم سوف يكون المزبله ..
|
|
#6
20-11-09, 01:39 PM
|
|||||||||||||||||||||||||||
|
|||||||||||||||||||||||||||
؛ فعـلن حنأ بزمن كثرت في السلبيات والمعاصي نسال الله العفو والعافيه \ يسلمو ع مرورك الرائع اختي ام عبدالرحمن
|
|
#7
20-11-09, 01:42 PM
|
|||||||||||||||||||||||||||
|
|||||||||||||||||||||||||||
اخوي اصفر العرقوب \ هو مو مسائله شعب او مسائله عاده هو كله تفكير غير صحيح وطريق او منهج مو في محلهم ولو ان الفراغ يلعب دووره بس المفروض يستغلون الفراغ باشياء بفايده موب باشياء مخزيه \ يسلموو خيو ع المرور
|
|
#8
20-11-09, 01:45 PM
|
|||||||||||||||||||||||||||
|
|||||||||||||||||||||||||||
( ميمي ) ماقولك ان مافيه من هالنوعيه بين العيال بس العيال ع الاقل مو بكثره بعدين موب مثل البنات يعني تعديهم بلااصابع واكثرهـم من عناوينهم خارج السعوديه ماقولك مافي عندنا شذوذ الا موجود بس الا من رحم الله بس البنات بكثره وصايرين يفتخرون باشياء يعني ماتشرف ونا عيني مو محصوره ع فئه معينه . بس الناس والي بيكتبون ماراح يكتبون السلبيات ع الاولاد لان ذي فئه موجوده بكل مكان وباقله يعني بسس بيكتبون سلبيات الفئـه النسائي الي تخلت ع كل العوائـد المشرفه : شأكر لك ع مرورك
|
|
#9
20-11-09, 01:47 PM
|
|||||||||||||||||||||||||||
|
|||||||||||||||||||||||||||
اخوي غريب الماضي : انا ماعميت ع كل سعودي او ع كل سعودي وفي كل بيت الطالح والصالح مثل ماقالت بس انا اذكر السلبيات الي يعيش فيها فئـات نسائيه واحيانأ رجاليه في اشياء مايتشرف الواحد يشوفها او يذكرها وفعلا هالنوعيه لاتمثــل الا ( انفسهأ ) لايمثـلون السعوديه يسلمو ع مرورك اخي غريب الماضي
|
|
#10
20-11-09, 02:55 PM
|
||||
|
||||
|
مبلشنا وردو بادب ونقاش وانتبهو و...و....وهيلمه
وانت راس مالك سارق الموضوع من ارشيف منتديات اخرى ... وتناقش بعد وبحماس ... حياك الله ياواد ياروميو 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
.. 愛する
العرض العادي
