قَلْبْ طْفلَة

[قـلـب جـبـار]

ألا انت سولف لي عن احوالك وخل عنك القصيد يعني وش اللي في غيابك راح اقوله واكتبه ؟ شعري .. على حطة يدك !! في غيبتك ما من جديد البيت من قبل اكتبه .. افكر اني اشطبه !!! دامك تعرف ان الشعر لا يقنعك ولا يفيد استوعب حضوري ! وهو انسآآه لا تستوعبه! ركز معي .. الله يرضالي عليك ولا تزيد الهم هم .. وعدّني ضيف ٍ نويت توّجبه ما ابيك من بعد الجفا ترجع لي بقلب ٍ بليد حسسني بشوقك ! ودمعك من عيونك اسكبه ! ضيّعني بشهقة بكاك .. وجيب فيني ألف عيد بحكيّك اللي حافظه ولا عرفت ترتبه !! هي كلها هالساعتين وعقبها ببقى وحيد لا تشح بشعورك علي ّ ولا اتمادى !! وانتبه : لا شفتني سجيت ( عنك / فيك ) جوّدني من ( إيد قلبي ) ووصلني لقلبك برضاه او اغصبه هذه سنه ! ان ما سكنت القلب ! مسكنك الوريد ! ونفس السنه مرت ! وحقي فيك ضايع واطلبه يا آدمي مدام نظراتك باحاسيسي تشييد لا تترك ( اسألتي ) تموت ولا لقت بك ( أجوبه ) ليه انت راضي بالعناد ؟ وبالرضى تصبح عنيد ؟ ليه اتساهل بالجفا ؟ ليه الوصل تستصعبه ؟ وليه اتمنى الموت في بعدك واحس انه بعيد ؟ وليه اشعر ان الموت في لحظة وصولك ما اقربه ؟ وليه اعتبر نفسي إذا ذبحني شوقي لك شهيد ؟ ولا انت حتى الشوق لا ردك عليّ تستغربه !! جاوب وريحني !! أو انسى كل شي .. ولا تعيد : سؤالك عن شعر ٍ شطبته من قبل لا أكتبه !! محمد السهلي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ليلك نثر عطره على شاطي النيل وانا ضواني ليل نجد وسريته يامطوّل الغيبات يامطول الليل توّي دريت انّه سواد وجفيته أثر النجوم اكثر من الجدي وسهيل نجمٍ كتب همّي..ونجمٍ محيته ياصاحبي عطشان..عطشان لك حيل مظمي وهمّال السهر ماقويته رد السلام لمترفات المناديل كحل العيون ودمعك اللي نسيته الدرب ميت والخطاوي مقاتيل وان لاح طيفك مت فيه وحييته الله على الضحكه نهار المواصيل هاك النهار اللي بعمري فديته قبل اتقهوى من كسالا مظاليل قبل السلام وقبل جاني وجيته ضم الحشا واكسر جمود التفاصيل ماعندي اغلى من خفوقٍ كويته لمصافحك كف وقصيد وهلاهيل اما زبنك القلب ولاّ خذيته لويغري القمرا ذبول القناديل بعت النهار لجيتك واشتريته يوم انتثر عطرك على شاطي النيل انا ضواني ليل نجد وسريته مساعد الرشيدي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ما أوعدك من يضمن اظروف الزمان لا تصدقي من قال للدنيا امان ميعادنا خليه في كف الظروف لا تحرجيني بالزمان وبالمكان محدن عن احبابه بيختار البعاد لولا الحياء اطلقت للرجل العنان اسري بليلة ضيق لشموس الفرج وركبت موج الخوف للشاطي الامان كثر الليال اشتاق لك كثر السنين انت حنان العمر ما غيرك حنان لمعانقك شوقي كثر شوق الرمال لمعانقة غيمة لها عنه زمان سعود بن عبدالله

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

سامحيني.. لو قسا قلبي عليك لو جرحتك ما ملا عيني سواك عشت كل الحب والأمال فيك لو هجرتك متعة الدنيا لقاك ابتديتك يا حياتي وانتهيك الله اللي يا بعد عمري عطاك ما رضت دمعة عيوني تشتكيك حتى جرحك صار غالي من غلاك بس عيبك تحرجين اللي يبيك يرتبط بك..لا فقدك ولا لقاك لي متى وسنين عمري ترتجيك لي متى والشوق يركض بي وراك ليه اجدد وعد ضيعته يديك مايبرر حبي الطاغي خطاك اعذريني..ما منع قلبي يجيك غير خوفي تصدميني في هواك سعد آل سعود ..منادي..

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

دفتري ممكن أبحكي عن تفاصيلي بدونه ودّي أشرحلك حياتي من بعد مـ اقفى وراح يلّتحفني برد أقسى مِنْه ومن قمّة جنونه كسّر ضلوعي بضمّه لين كلّي فيه طاح كنت أذاكر لإختباري وأصبح كتابي عيونه مدري والله كيف أبنجح وإختباري هالـ ص ب ا ح ..!!!!

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

البارحة مدري وش اللي خذاني يوم اجنبوا عني من الضيقة اشملت جيت أتكلم بس عيا لساني ماكني إلا مرتكب ذنب واخملت الله يسامح من ذكرت ونساني وأنا أدري إني لاذكرته تجملت عانيت وأدري كل طيب يعاني وعلى حساب طعوني الخضر جاملت ياماخذوا مني ولا احدٍ عطاني من طيبتي في حق نفسي تساهلت عزاي لامنه تجهم زماني يممت وجهي للكريم وتوسلت واللي يبي قربي وبعدي لقاني أمشي على وضح النقاء ما تختلت يامن سكنت اجمل زوايا كياني ياما على نفسي عشانك تحاملت مرات احس انك معي شخص ثاني ومرات احس انك حبيبي وما زلت لاتفرح انك دجت بين المحاني لو ماتخون الذاكره ما تسللت عشان ماضيك الجميل وعشاني حاول تشيل من الوفا ربع ماشلت ماني على خبرك حبيبي تراني حتى عن اصغار الاماني تنازلت متعب التركي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

بالليل طيفك زارني وأنت زعلان أنشهد إن الطيف بالحيل وافي جاني يقول : بنظرة عيونك أحزان نظرة عيونك بينت كل خافي إلى متى تسهر وهو منك سهران خل العناد وماضي الهم كافي ياطيفها للصبر حدٍ وميزان الليل طال وثوب الأحزان ضافي ياطيفها يستاهل القلب نيشان ياما على جمره مشى القلب حافي عندي تساوى اليوم وصلٍ وهجران مانلتقي بين الدروب إختلافي عبدالله العليوي

مشاركة هذا الرد في Google Facebook Twitter Digg

أنت معجب بهذا.

[للصمت ميعاد]

ما سألت الشمس عن وقت الغروب دامها وان جاملتنــــي غايبـــه الوصـــل لو نبتعــد وصــــل القلــــوب ما نسيتك لو ظنونــــي خايبــه دمعـــــةٍ فــي خافقـــي عيّت تـــــذوب من عذاب البعد عاشت هايبه الــوداع يبكــــّي أحجــــــار الــــدروب مـا يـلام اللـي بكــــا حبايبـــــه والليالــــي وعدهـا الصــادق كــذوب ذوبت فالصبـــــر روحٍ ذايبــــه من عشـق من قلب والله ما يتـــوب كل عاشـق .. عاشــقٍ مصايبـه فـي عيونـي يسكـــن الحلـم الطروب والأمــــانــي نجمتيـنٍ شايبـــــه

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

اببعد والطريق اللي يودي ياعساه يجيب بدالي واحدن تلقا معاه اللي تمنيته مدامك شايف الفرقا امل خيره وراي مصيب انا حاضر على امرك وامرك ماتعديته انا الغلطان واستاهل جفاك ومنك التجنيب على فكره ترى ماهمني بعدك وتشتيته كثر ماهمني شخصن بداية بعده التعذيب قسم بالله مامثله من الاجواد خاويته حسافه يالحبيب اللي من يديني زمان قريب ترك دنياه من شاني ولجل دنياك صديته هذاك اللي خلق ربي حياته كلها من طيب تضيق بعيني الدنيا واشوف الخير لاجيته تخيّل من تعرفنا ولامره لحقته عيب ذكرني والمصيبه ياكثر ما انا تناسيته كبير الفرق مابينك وبينه ولسؤال مجيب اذا ردت على فعلك وصيته وفعله وصيته علي لاضاقت الدنيا وجيتك عن عيوني تغيب وهذاك ان ضاقت الدنيا وجيته فاتحن بيته كلامه .. فلة حجاجه .. سلامه لابدا الترحيب كبير بكل حالاته .. انا وشلون خليته ! عطاني كل ما اطلب بلا منه بلا ترتيب على اقصاه يمكن الف مره بس حديته تركته ايه ما انكر وعذري دايم التجريب غريبه قصتي وياه والاغرب كيف جافيته !! اشوف الدنيا صغيره بعيني اوكره التغريب اضيع شهور عن دربه وارد انكان دليته اجيه استسمح ارضاته واطالب حقي التقريب انادي اسمه الثاني عشان ارضاه ناديته حكاية اسمه الثاني بسيطه ماتبي تحسيب عطاني اسم غير الناس بلحالي وسميته انا متأكد ان جيته ودمعي سايلن للجيب بتصغر كل هالدنيا مثل ماضقت وابكيته كبير بقلبه بحبه كبير ولا ملاه الشيب يقرب كفه الطاهر لكفي كان مديته اذا الله قدر ورده مثل اول وصار قريب عسى الله كل محتاجه يخليني ان خليته ! ثامر شبيب

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

من كثر حبي لك تركتك وصديت والقلب خالفني عليك وتركني من شان عينك هنت عيني وضحيت وش عاد لو سهر الليالي هلكني ابيك وابعد عنك حبي وانا ميت والوم حظٍ بالبلاوي شبكني واذا دعاني حبي الذات عييت احبك اكثر ياعذابٍ ملكني لاجللك جميع ظروف وقتي تحديت حتى الفراق الّي بضرسه علكني لا ماتخلّى الحب ولا تخلّيت كل مابغيت اعود يمّك مسكني دايم السيف

مشاركة هذا الرد في Google Facebook Twitter Digg

أنت معجب بهذا.