العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
واما اليتيم فلا تقهر..
لآ تذكرين سيرة المرحوم .. ولده هنآ يلعب .. لآ يسمعك ..! السلام عليكم ورحمة الله وبركاته .. " " آولآ : كيفكم .؟ آن شآْ آلله طيبين ثآنيآ : اعتذر لان رح اكتب الموضوع بالعاميه .. عشان يكون اقرب لقلوبكم.. طبعـاً عرفتو .. محتوى الموضوع .. وعن ايش يتكلم ..!! اليتيمـ .. واللقيط ..!! ممكن الموضوع طويل شويه .. لكن القضيه مهمه ..! كلآمي موجه .. لليتيم .. ولغير اليتيم .. كل فرد من افراد المجتمع .. أم , أب , أخ , آخت , ولد عم , ولد عمه , ولد خال , ولد خاله , او اي شخص كآن كبير .. او صغير ..! " " " خلوني آبدأ موضوعنا بكـلآم الله عـز وجـل .. قـولـه تعـالى (فَأَمَّا الْيَتِيمَ فَلا تَقْهَرْ) آيه من سورة الضحى .. آوآئل سور القرآن ..!! يعني ديننا من اول ما نزل وهو يوصي باليتيم ..!! وقبل آبـدأ اتكلم في الموضوع .. خلوني آذكـركم آن آعظم آنسآن خلق على هذا الارض .. كآن يتيم ,, محمد صلى الله عليه وسلم ..!! وهنـآ آوجـه كلمه لكل يتيم .. لآ تحزن .. ولآ تزعل .. آنت مثل نبيك يتيم .. , كفآيه تحتسب الرسول آسوتك ..! والحين آوجـه كلمه .. لكل شخص يعآيـر اليتيم بـأنه يتيم .. آو يعتبر اليتم نقص ..!! اليتم لآهو عيب ولآ هو نقص ..!! رسولنـآ كآن يتيـم .. " " " " " حآجة اليتيم ..! ومآ آقصد بحآجته مآديه فقـط .. ممكن أمآن , حـب , حنآن , آستقرآر , عطف طبعـاً نسمع كثير بقصص ظلم الايتآم .. مو شرط كل الايتآم مظلومين .. البعض منهم عآيش آحسن عيشه .. وآهل الآم آو آلأب موفرين كل سبل الرآحه لهم ..! لكن نآقصهم شي .. مو أم ولآ أب ..! نآقصهم شخص يحسسهم آنه جنبهم .. سندهم .. " " " " " كثيـر من آلآهآلي اللي يربون آيتآم في آسلوب خآطئ يستخدمونه .. وهو لو جآبو سيرة وآلد الطفل اليتيم آو سيرة آمه .. بس يدخل الطفل للغرفه .. على طول يسكتون ..! طيب ليش تسكت ؟ يقولك عشان لا يتحسس .. او لا يتذكر او لا يزعل ..! يزعل من ايش .. يتحسس من ايش ..؟ هو مو نآقص .. هو صحيح فقد أم أو أب او كلهم ..! بس لآزم يعرف عن امه وآبوه .. لآزم يقتنع اليتيم آن وفآة الأم والأب شي طبيعي .. هذي الحركه آكثر حركه ممكن تسبب عقده للطفل ..! يعني شعور الطفل يوم يشوف أهله سكتو عن سيرة امه وابوه يوم دخل .. وش رح يكون؟ الآولى من انك تسكت .. تكمل السيره .. تخلي الطفل يفتخر بآمه وآبوه حتى لو كانو ميتين ..! تحسسه آن هذآ آمر الله .. وغيرك كثير مثلك ..! لو الآهل حسسوه ان هذا شي عادي .. وتعودو يذكرو سيرة الأم والأب للطفل يتعود ولا يتأثر بالسيره ..! " " " " " " نتكلم عن آلآطفآل اللي يعانـون العنف الآسري , البشري .! سوآْء من زوج آلآم , آو زوجة الأب .. آو من العم .. آو زوجة العم .. آو آفرآد الاسره آو حتى في دآر الايتآم .. آو آي مكآن يعيشون فيه ..! لآي طفل يعيش هذا الوضع .. آلله يفرج عنه كربته .. يمكن في آحيآن كثيره .. نتذكر ندعي لآي شخص .. مثلا مرضى المسلمين .. مثلا المديونين .. لكن نآدرأ جدا نتذكر آيتآم يعانون عنف بشري ..! صحيح ربي معآهم وبينصرهم .. بس لآزم ندعيلهم ..! خلونا نحط في بآلنآ دآيماً في يتيم مقهور .. ممكن في نفس اللحظه وانت تقرا هذي الجمله .. يتعرض لضرب .. او لتعذيب خلونا ندعيلهم كلهم .. الله يكون في عونهم ويفرج كربتهم ..! " " " " ممكن بعضكم يكون يعرف زوجة آب تربي عيال زوجها الايتام .. او العكس .. ممكن زوج أب ..! ممكن يكونو كويسين .. وممكن يكونو لآ ..! ممكن انتو تكونو عآرفين انهم مو كويسين وممكن لآ .. كل شي يصير بعيد عن النآس طبعـآ .. مآ رح تقدرو تسوو شي .. لكن .. تقدر كل مره تشوف فيها اليتيم .. تمسح على راسه .. مو شرط يكون يتعآمل بعنف ..! حتى لو كان مرفه وحيآتة آحسن حيآه .. ليش؟ .. عشآن هذي وصية رسولنا .. عشآن هذي المسحه لهآ تأثير خآص باليتيم .. ! عن أبي أمامة أنَّ رسول الله صلى الله عليه وسلم قال: "من مسح رأس يتيم لم يمسحه إلا لله كان له بكل شعرة مرَّت عليها يده حسنات، ومن أحسن إلى يتيمة أو يتيم عنده كنت أنا وهو في الجنة كهاتين" وفرَّق بين إصبعيه السبابة والوسطى (رواه أحمد). ممكن تذكر هذآ الشخص بين الحين وآلآخر .. عن حق اليتيم .! عن وصآة الرسول .. مو شرط مبآشرة ..! يمكن بعضكم يستثقلها مبآشره .. او يحسها مو حلوه .. بيقول لي الشخص وش قصدك؟ ممكن مو بصوره مباشره ..! ممكن تحكي قصه قدآمه .. مو شرط له .. ممكن لاحد جنبه .. ممكن تحآول وبآي طريقه تذكر قوله تعالى .. " فَأَمَّا الْيَتِيمَ فَلا تَقْهَرْ " آو قوله تعالى .. "أَرَأَيْتَ الَّذِي يُكَذِّبُ بِالدِّين*فَذَلِكَ الَّذِي يَدُعُّ الْيَتِيمَ*وَلا يَحُضُّ عَلَى طَعَامِ الْمِسْكِينِ" تذكر هذي الايآت آمآم هذا الشخص حتى لو بصيغه غير مبآشره ..! ولك آلآجر آن شآء الله .! " " " " " " كلنآ نعرف وش جزآة كآفل اليتيم ..! عن سهل رضي الله عنه قال: قال رسول الله صلى الله عليه وسلم: "أنا وكافل اليتيم في الجنة هكذا" وأشار بالسبابة والوسطى وفرج بينهما شيئاً (رواه البخاري البعض منكم عنده قدره يكفل يتيم .. والبعض لآ ..! اللي عنده قدره يكفل يتيم .. وش ينتظر ..؟ ليش ما يكفل اليتيم .. يكون قريب من منزلة الرسول .. ويسآعد شخص محتآج ..! امآ اللي مآ عنده مقدره .. ليش طيب ما تقنع شخص عنده مقدره ؟؟ سوآْء امك آو آبوك .. عمك آو آي احد قريب آو شخص تعرفه ..! لك الآجر في هذا الشي ان شآء آلله .. , , , , , تدرون وش الاغرب من جزآة كآفل اليتيم ..! جزآة وآلدة الآيتآم .. اللي رفضت الزوآج وقضت حيآتهآ تربي آبنآئهآ ..! جاء في الحديث أن النبي صلى الله عليه وسلم قال: "أنا أول من يفتح له باب الجنة ـ أول من يدخل الجنة محمد صلى الله عليه وسلم ـ فأجد امرأة تبادرني ـ تسابقني كأنها تريد أن تدخل معي ـ فأقول لها: يا هذه من أنت؟ فتقول: أنا امرأة آمت على أولادها حتى بلغوا، أي تأيمت تركت الزواج وعاشت لأولادها حتى بلغ الأولاد مبلغهم، بلغوا مبلغ الرجال فهي تزاحم رسول الله صلى الله عليه وسلم لتكون أول من يدخل الجنة معه، " " " " " " " ندري كلنآ آن آلآسلام حفظ حقوق اليتيم .. وآوصى فيه في آوآئل سور القرآن ..! لكن وين اللي يطبق؟ حق اليتيم .. من مآل آو غيره .. نسمع كثير حآلآت عن عم يآخذ رآتب آخوه يعيش عيآله فيهآ آحسن عيشه .. وعيآل آخوه الاآيتآم .. ينآمون بالبرد وهم جيعآنين ..! سوآء كنت آنت زي كذآ آو تعرف شخص زي كذآ .. حط موقفك موقف هذآ اليتيم .. ذآيق القهر ..! صدقني لو سآلته عن آمنيته .. يتمنى بطل خآرق يجي يضرب عمه .. آو سآحره تجيبله حلويآت آو آلعآب .. آو شي كآن في خآطره ..! , , , , , تخيلو معآي موقف .. طفل يتيم وآبن عمه يلعبون .. فجأه عمه ينآدي آبنه .. تعال حبيب بابا .. ويحضنه ..! تتوقعون هالموقف يأثر في الطفل ؟ ممكن تقولون موقف بسيط .. بس والله هالموقف يبكي يتيم .. ولآ آخفي عليكم هذا وآقع وصآرت ..! لي عم متوفي وعنده 3 عيال آيتآم .. آصغرهم يوم كآن عمره 12 سنـه .. شوفو 12 سنه مآهو صغيييره مره ..! كآن يلعب مع ولد عمي الثآني بنفس عمره .. مر عمي من عندهم ونآدى آبنه وحضنه .. تتوقعون وش سوآ ولد عمي اليتيم ؟؟ قآم من مكآنه وراح غرفة امه وابوه يبكي على السرير ..! وآلآصعب من هذا كله موقف آمـه .. تطآلعه يبكي .. ولآ تقدر تسوي شي ..! " " " " " الشي اللي ممكن نجهله آن اليتيم حسآس آكثر من آي طفل غيره ..! وآحكيلكم موقف ثآني .. واحد من آولاد عمي المتوفي .. اللي هو آكبرهم .. يوم تخرج من المتوسطه .. رفض يدخل الثآنويه ..! والسبب الكل مآ يعرفه .؟ حآولو فيه عمي وجدي وجدتي وكل العيله لكن محد قدر يقنعه .! لين آضطرت جدتي تتصل في ابوي تشكيله ..! الكل متوقع آن آبوي يقدر يغصبه عالدراسه .. لآنه كبير العيله وله مهآبه .. ولانه ولد عمي يحبه ويحترمه ..! ويوم جآ آبوي يكلمه ويسأله وش السبب في انه مآ يبي يروح للمدرسه .. آبوي توقع مضآيقه من آصحآب آو شي زي كذآ .. لكن الرد الصآعق كآن ايش ..! قال " ليش آدرس آذّآ مآ كآن في شخص يفرح لنجآحي ؟ " طبعا ابوي مآ فهم وش قصده بالكلمه هذي .. ورد عليه كيف مآ نفرح .. كلنآ فرحنآ بنجاحك ..! قآل لآ محد يفرح .. وبعد مآ آبوي شك بالموضوع .. وبدأ يسأل .. وللآسف آنهم عآيشين بمنطقه وآحنآ بمنطقه ثآنيه .. آبوي مآ يدري وش يصير ..!! طلع آن عمي مشتري لوآحد من عيآله جوآل جآيب نتيجه عآليه .. لكن مو آعلى من نتيجة ولد عمي اليتيم ..! وهذآ الشي اللي آثر في ولد عمي .. ورغم ان آبوي بعدهآ مبآشرة آشترآله جوآل آفضل بمية مره .. لكن للآسف مآ قدر ينسيه آحسآٍس اليتم اللي عآشه للحظه ..! وللآسف ضآع من عمره سنه .. قعد فيهآ من غير درآسه والسبب .. هدية نجآح ..!! " " " " " " وقبل آختم موضوعي .. خلوني آذكركم بنقطه مهمه .. وهي غيرة الاطفآل من اليتيم آذآ عآملوه النآس معآمله مميزه ..! وممكن هذي الغيره تخلي الطفل يجرح اليتيم بآي كلمه ..! قلتلكم قبل آن آحنآ عآيشين بمنطقه بعيد عن آهل آبوي وعمي وعيال عمي الايتآم .. يوم نسآفر عندهم .. يحآول آبوي بقدر الآمكآن يعوض عيآل عمي ويحآول يحل مكآن آبوهم يوم كنآ صغآر يمكن كنا في المتوسطه ., كآن يحآول يحسسهم آنه يحبهم آكثر من عيآله .., ومآ آنكر آني كنت آغآر .. وآحيآنآ آتضآرب مع عيآل عمي بسبب الغيره ..! كان دايم آخوي لو جآ يسأل ابوي مفتاح السياره واعطاه .. وجآ بعده ولد عمي يسأل مفتاح السياره يآخذ من اخوي المفتآح ويعطيه ولد عمي ..! وكآن اخوي يحقد على ولد عمي .. وكثير موآقف بسيطه زي كذا كانت تخلي اخوي يحقد على ولد عمي لدرجة مره اخوي دخل عند امي يشكيلها .. يقولها آبوي ولآ كآننا عياله ..! كأن عيال عمي هم اللي عياله ..! حآولت آمي تهديه ... وقالت ابوك يحبكم .. بس هو يحآول يعوض عيآل عمك حرمآنهم من آبوهم ..! لكن اخوي مآ آقتنع وصآر يتشكى من ولد عمي .. وكل شوي يردد كلمة دلوع وخبيث ويوم سألته امي ليش يقول عنه كذا .. جآوبهآ بس يتلصق في آبوي وراه وراه وين ما راح ..!! ومآ آنسى رد آمي لحظتهآ يمكن مآ فهمت معنى كلمتها وقتها .. لكن الحين يوم كبرت فهمت وش المقصد من هذا الشي ..! قالتله .. ولد عمك زي الغريق اللي متعلق بقشه ..! كلامي مو موجه فقط لغير الايتآم .. حتى الايتآم .. آنت يتيم صحيح .. بس في غيرك برضو يتيم .. وآنت مطآلب تعآمله كويس وتحفظ حقوقه ..! سوآء كآن اليتيم يقربلك .. آختك , آخوك .. آو شخص غريب ..! آن شآء آلله يكون موضوعي .. غير نظرة بعضكم الخآطئه .. آو لفت آنتبآه البعض لآمور تجآهلهآ " " " " آخر شي آحط لكم موقع لجمعية خيريه لكفآلة الآيتآم .. http://www.ensan.org.sa/modules/ensan7/ وهنآ بملف وورد فيه آرقآم لجمعيآت خيريه بمنآطق كثير بالسعوديه .. آرقآم جمعيآت خيريه لكفآلة الاآيتآم .. وبالاخير تذكرو آن الدال على الخير كفآعله .. سيلفرموون م.ن
|
#2
|
||||
|
||||
|
#3
|
|||
|
|||
جزاك الله خيرا بس مثلا لو ادق على الرقم الموحد يعطوني اي استفسار ابيه؟ لأن ارقام الجمعيه مافتحت معي
|
#4
|
||||
|
||||
أعذروني ع المداخله البسيطه بقصتي عن اليتيم موقف حصل في اذاعة الرياض يوم السبت الموافق 20 / 4 / 1431هـ بالأمس كان هناك اخواننا في اذاعة الرياض تواصل ببرنامجهم عن كيفية رعاية اليتيم وماهي الاداور التي نقوم بها تجاه اليتيم المهم قبل نهاية البرنامج اتصلوا بشاعر مرموق يتحدث شعره عن القضايا الاجتماعيه منها المخدرات والرشوه وما الى ذلك من المواضيع التي تختص بالمجتمع ومنها قال هذا المتصل واسمه ( ناصر الدوسري) طبعاً كما اسلفت هو شاعر قضايا اجتماعيه كما عرفته من مقدم البرنامج الاستاذ عبدالعزيز . المهم بدأ المتصل ناصر بالسلام على الضيوف الموجودين وبدأ يتحدث عن اليتيم. حتى قاطعه المذيع وسأله سؤال قال فيه اخي ناصر انت شاعر وتتحدث عن قضايا كثيره واليوم برنامجنا يختص بكفالة اليتيم ( سكت قليلاً الشاعر ناصر ) ثم بدأ يتحدث بقوله يا اخوان انا والله حصل لي موقف لاينسى وقصه ربما هي من نسج الخيال ولكنها واقع وعشته انا وزوجتي . يقول الأخ ناصر إنني رزقت بمولود في يومأ من الايام ولكنه خرج هذا المولود مريض بنقص في الخلايا الدماغيه وبعد فتره قرروا الاطباء اجراء له عمليه جراحيه ولكن قد لايعيش اكثر من (48) ساعه فصرت في حيره من أمري انا وزجتي هل فعلاً سيموت ام ان ارادة الله فوق كل شي ويعيش صرنا نفكر واخيراً قلت لزوجتي توكلنا على الله فما عند الله افضل واحسن مما هو عندنا وعند الناس اجرينا عملية الطفل وكان عمره السنتين واٌدخل بعدها للعنايه المركزه ومكث بها عدة شهور لاحراك فيه . وفي يوماً من الايام يقول ناصر ذهبت انا وزوجتي الى المستشفى لنلقي نظره على طفلنا الميأوس من حالته تفاجئت زوجتي بطفل اخر يبكي وبعد قربها منه ( در بها لبن ) فقالت لي شوف الطبيب هل سيسمح لي ان ارضع هذا الطفل . فسأل ناصر الطبيب الموجود بالمستشفى ليش هذا الطفل يبكي فقال له الطبيب انه يتيم ولايوجد من يقوم برضاعته فقال ناصر هل تسمح لزوجتي بإرضاعه فقال الطبيب لا مانع من ذلك وبعد أن أرضعته فكرت الزوجة وقالت لماذا لانأخذه معنا للبيت ونرعاه ونكفله فقال زوجها موافق فقاموا لإدارة المستشفى وعبو نموذج الكفاله واخذوا الطفل للبيت وبعد فتره اتصل احد الاطباء على ناصر وقال له تعال للمستشفى ظروري فذهب ناصر للمستشفى وقال له المدير يا اخ ناصر ان ابنك الان اصبح يتحرك قليلاً فقد يمكن بعد تولي رعايتكم له افضل من جلوسه بالمستشفى . يقول ناصر اخذت ابني ورجعت به للبيت وجلس بالبيت فتره حتى تعافى كثيراً وامه تربي الاثنين وبعد فتره يقول ناصر اقسم بالله العظيم ان ابني اصبح في احسن حاله ثم اخذته بعد اربع سنوات وذهبت به لنفس الطبيب بالمستشفى فناظره الطبيب وسألني هل هو فعلاً ابنك الذي قلنا لك انه لن يعيش اكثر من(48) ساعه فتبسم ناصر وقال نعم هو بعينه . ثم يقول ناصر ربيت هذا اليتيم مع ابني والان يقول عمر اليتيم اربع سنوات وابني في اول سنه دراسيه ثم يقول والله ثم والله ان حالنا تحسن افضل من الاول وفُتح لي رزق ببيتي واهلي . ويقول ان إمام المسجد بجانبهم لن يمر فرض حتى يدق باب البيت لينادي ناصر ويقول تكفى ارغب ان ازيد من حسناتي اليوم ادع لي اليتيم حتى امسح على راسه واقبل خديه . وبكلمات بعدها انفجر ناصر ببكاء شديد اثر على من في المكان من مذيعين ومقدمي البرامج وقال والله ثم والله لايعلم عن حسنات هذا اليتيم إلا من عاش بينهم يتيم فيا سبحان الله العظيم وقال ناصر بكيت كثيراً وانا استخرج جواز لهذا اليتيم لأننني رأيت فيه بند يقول ( اذا كمل اليتيم مدة ست سنوات) فيرجع لدار الايتام يقول ناصر هل ابني هذا الذي تبنيته وعمره اربعون يوماً سأفقده مرةً اخرى ثم يقول وهو يبكي لن ولن افرط به حتى لو حصل ماحصل وسأكفل غيره كثير. ثم يقول ان زوجتي التي سهرت وربت وارضعت هذا اليتيم الذي اصبح ينام في حضنها بل ويقول ناصر ان هذا اليتيم احياناً يتجرأ ويدخل غرفتي يقول هو الوحيد الذي ينام معي . فكيف بي سأفقده الآن ثم دعى ناصر جميع من لديه القدره ان يقوم بتربية مثل هؤلاء الايتام لأن في تربيتهم حسنات عظام لايعلم بها إلا الله تعالى هذه قصة ناصر مع كفالة اليتيم وهذه القصه واقعيه حصلت بالمنطقة الشرقيه وسمعت بها انا امس السبت الموافق (20/4/1431هـ) في اذاعة الرياض وصدقوني انني ارويها الان حسب ما سمعتها انا دون نقل عن احد لأنني احسست ان كفالة اليتيم عظيمه وفي الأخير اخترت لكم هذه القصيدة عن اليتيم تدري وش اللي يجرح القلب جرحين
ويمد حـبل الحزن فيك ويشده انك تناظر طفل من غير أبوين يمشي ودمعة سايل فوق خــده منظر صعيب ويقسم القلب قسمين لا قـام يمسح دمعة بكف يــده يمشي ولا يدري طريقه على ويــن لــيــن الـتعـب مـن كثر ما تاه هــده اثقل حروف يشيلها فيه حرفين لا اب يـدري بـه ولا ام تــرده في خطوته رحلة ودمعة وسكـين وحـظ تـوسد بالمـراسي مـخـده جيت اساله بالله قللي ولـد مـيــن؟؟؟ وبـغــى يـجـاوب.. واختـنق صوت رده أنــا يـتـيم ومـا لــدربــي عـنـاويـــن وجــزر الحـزن فيني يسـاوي لـمده وطـعم الطفـولة ما عـرفته لها لحين وثــوب الســعادة صــرت ما نيب قـده ابـكي إلــى من شفت غيري سعيـديـن لـيـن الـبكـــا فـيـني يـوصـل لـحـده واقفى ورحت امسح دموعي من العين وعـيـني تـناظر دمعـته فــوق خـــده وهـذا اللي يـجرح الـقلب جـرحين ويـمد حـبــل الـحـزن غصب ويشده اللهم صلِّ على محمد ماتعاقب الليل والنهار وصلِّ على محمد ماذكره الذاكرون الأبرار وصلِّ على محمد عدد مكاييل البحار (( أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ )) لا حول ولا قوة إلا بالله العلي العظيم اللهم أغفرلي ولوالدي ولمن دخل بيتي مؤمناً وللمؤمنين والمؤمنات والمسلمين والمسلمات الأحياء منهم والاموات منقول من ايميلي
|
#5
|
|||
|
|||
الله يجزاكم خير ردوا على سؤالي ؟؟
|
#6
|
||||
|
||||
انتي اتصلي شخسرانه
والله يرزقك ع قد نيتك او اطلبي منهم ارقام تهتم بموضوعك
|
#7
|
||||
|
||||
|
#8
|
|||||||||||||||||||||||||
|
|||||||||||||||||||||||||
|
#9
|
||||
|
||||
مشكووووره اختى نجديه على الاضافه الرااائعه للموضوع تسلى يالغلا
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |