العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قصة الشايب والوايت
الشايب والوايت
قصة واقعية شايب نوى يشتري له وايت علشان يسقي الحلال , وذالشايب متقاعد وشاري له قطيع غنم .. وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. .. صدفه و هو يمشي ,, يلقى ناس مجتمعة في أرض فضاء كبيرة و حولهم وايت واقف. تعجب الشايب , قال بس لقيناه خلني اروح .. أوصل هناك وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون , وأستانس بالحيل لأنه ماهو غالي.وإلا ذاك الرجال.. ماسك الميكروفون ويحرج 50,,52,,55,,ومن قال زود , قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزو دون...ويزود. المهم وصلوه 75,,,قام خربها وقالهم ,,,80 هو قالهم ,,80,,يوم طخوا كلهم و سكتوا..!..وهجدوا..!!.. والتفتوا عليه!!! يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك!!! بمليون ريال الآآآآن ,,بس مانشوف وجهك واقف معنا بالحراج . انصدم الشايب ..أفتر راسه شوي وقال هااااا.. وش السالفة..؟؟؟ مليون ريال ..وليه..؟؟ قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟. عطاه أسمه وكتب له الشيك بمليون ريال وطلع الرجال من الحراج وهو مايدري وش السالفه!!!. طيب وش العلم علمني ..؟؟ إلا واحد قال له . الجماعة يحرجون على المخطط وواقفين بالصدفة جمب الوايت اللي جايبينه يرشون به الأرض علشان يحرجون. والحراج من اليوم بــ 56 مليون و 75 مليون..وابو الشباب (الشايب) خش عليهم عرض ولايدري وش العلم. وهم بعد أخترشوا شوي يحسبونه هامور وبيلطش عليهم المخطط .. قاموا صرفوه بمليون ريال.. وهو ماصدق. طاير من الفرحه,,مليون,,ويقول بخاطره .. عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده. الرزق مثل الأجل يتبعك.. ****** » الله يرزقنا بمخطط بالغلط. ماحولكم و ايت للبيع موب لزوم وايت ددسن طَيـّےـبْ لو نحرج ع صندقه :d =)) ههههههه
|
#2
|
||||
|
||||
ههههههههههههههههههههههه
وش هالصدفه الحلوه أي والله سبحان مقسم الارزاق بس وش دخل موضوعك بالحوار
|
#3
|
|||
|
|||
ونااااااااسة
|
#4
|
|||
|
|||
هذي اسطوره سعوديه يراد من خلالها تمرير رساله مفادها : يمكن تصدف معك وتصير غني وانت اصلاً على نياتك تصدق يافهد اعرف لك قصة واحد من الطيار معروفين في حايل مره قص علي قصة واحد منهم اتصلوا عليه البنك وقالوا تعال في جده فيه اجتماع لكبار ملاك الاسهم مدري مساهمين ! راح لهم ... وطلعت ارباحه وفلوسه ماهي سهله مشتري اسهم ومن زماااان وماغير يجمع ويشتري اسهم جمعية عموميه ! سابقن الناس في فكره هالشايب يقولون وهو راجع للمطار ..... ومعه دفتر شيكاته وارباح وملايين ماشاءلله كان باقي على الطياره ساعات وشاف مزاد علني على مخطط حديث نزل عندهم ... وقام يزايد معهم وحصل له نفس ماحصل لراعي الوايت مسكوه على جنب وقالوا هذا شيك بخمسه مليون ريال واركب سيارتك وتوكل على الله السؤال هنا : هل هي قصص حقيقه ؟ ام انها اساطير ! اذا كان المستفيد يدفع خمسه مليون اجل كم ربحه من الارض هذي ؟؟ وتحياتي لحريم زمان كانن يسوقن الوايت .... وبكل ذرابه ويراعن حق الطريق
|
#5
|
||||
|
||||
( وفي السماء رزقكم وما توعدون )
سبحان الله فعلا شي عجيب الا الشايب امه موجوده ..؟! شكلها دعوة ام وافقت ساعة اجابة ههههههه
|
#6
|
||||
|
||||
الله يرزق مايشاء
سبحانه اناسمعت هالقصه بس بصوره مغايرهـ
|
#7
|
||||
|
||||
اتوقع والله العالم قصص يتسلون بها الضعوف ويمنون بها انفسهم وارصدتهم اللي مبرحه لعل وعسى على قولة الشاعر أعلل النفس بالآمال أرقبها.. ما أضيق العيش لولا فسحة الأمل لاني اعرف لك شخص استاذ في تأليف القصص المشابهة بس تكون على شكل احلام يعني يطلع سيارته وهو متوجه لعمله ويشتغل التأليف مره طلع له ورث ومره شارك تاجر وهاتلك يا مشاريع وعماير تنبني مره يقول ماشي طول الطريق وانا اخطط وابني فلل خلص من الفله الأولى وبدأ في الثانية ويوم وصل للدور الثاني وشطب وموباقي غير يسكن هو وحرمته الثانية (الخيالية طبعا ) الا العسكري موقفه عند التفتيش .... هات الرخصة وانهارت احلامه وعمايره فوق راسه
|
#8
|
||||
|
||||
خخخخخخخخخخخخخخخخخخخخخخ
ربي رزقه على نيته الطيبه مشكور اخوي الكريم على الطرح الرائع
|
#9
|
||||
|
||||
لا إله إلا الله
يسوق لنا رزقنا من طرق كثيره قد نعلمها وقد لا نعلمها
|
#10
|
||||
|
||||
اما هالقصص مدري من وين تجيبونها وماغير تقولون فلان عن فلان ومن الاساس مابوه فلان
القصص الاكثر واقعيه بايامنا هذي اننكم تقولون اعرف واحد معاه شهادة ماستر رياضيات بحتة ومو لاقي وظيفة ولا حتى انقبل في حافز انك تقول واحد مهندس مع وقف التنفيذ اما ملايين وبالصدفه ومن وايت هذي شطحه من شطحات النفس والامنيات
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |