العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
تشكيلة من آلذ وآشهى آلآطبآق
نبدأ بسم الله .. سلطة الجرجير بالفراولة .. مرررررررره لذيذة .. جرجير قطعيه كبار شوي .. فراولة قطعيها طوال .. زي بالصورة .. الصوص : دبس رمان + متبل ايطالي او سيزر صوص .. اخلطيهم مع بعض وصبيه عالسلطة .. واستمتعي بألذ طعم .. وبالعافية .... ----- الفتة الشامية .. بطاطس وباذنجان قطعيها مكعبات واقليها .. خبز مفرود ابيض قطعيه مكعبات واقليه .. كشني بصل .. واضيفي عليه طماطم مفرومة صغار .. ملح + فلفل + كمون + نص ماجي .. اذا تبغي الصلصة حارة .. افرمي فلفل حار .. وحطيه مع الطماطم .. خليها الين تتسبك .. في زبدية .. تخلطي زبادي + طحينة + شوي مايونيز .. افرمي بقدونس .. في صحن التقديم .. 1- البطاطس والباذنجان وشوي من الخبز .. 2- صلصة الطماطم .. 3- خلطة الزبادي .. 4- زينيها بالخبز والبقدونس .. وبالعافيه .... ----- كفتة داوود باشا .. اول شي حطي فحم عالنار .. افرمي بصل .. ثوم .. بقدونس .. كزبرة .. فرم ناعم مرة .. حطيها عاللحمة المفرومة .. حطي ملح + فلفل اسود + كمون + شوي بهارات مشكلة .. اعجنيها بيدك الين تختلط زين .. الحين تبخريها .. احفري حفرة عميقة بوسط اللحمة .. حطي زبدية فيها زيت .. وحطي الفحم .. غطيها زين زين .. خليها تقريبا 10 دقايق .. بعدين كوريها .. قطعي بصل ناعم .. وبالخلاط اخلطي طماطم .. شوي كثيرة .. كشني البصل .. وصبي الطماطم .. وضيفي شوي موية .. ملح + فلفل اسود .. خليها تغلي .. خففي النار وحطي الكفتة بشويش حتى ما تتفكك .. خلي النار خفيفة حتى تتماسك الكفتة .. تقريبا نص ساعة .. الين تستوي اللحمة .. اطعم شي تكون صلصة الطماطم كثيرة وثقيلة .. قدميها مع الرز الابيض او الكبسة .. وبالعافية .... ----- ساندوتشات تورتيلا .. خبز تورتيلا جاهز .. برجر دجاج او لحم او سمك .. وكمان ينفع الناجت .. بطاطس مقلية .. اخلطي كاتشب + مايونيز + شوي ماسترد .. جبن شرايح .. خس .. مخلل خيار .. هذي حشوة الساندوتش .. لفيها وحطيها بالشواية الكهربائية .. الين تطلع الخطوط البنية .. وبالعافية .... ----- صينية البطاطس واللحم.. بطاطس مسلوقة .. ومقطعه حلقات .. كشني بصل .. وطماطم مكعبات صغيرة .. حطي اللحمة المفرومة .. مشروم .. شوي معجون طماطم .. ملح + فلفل + كمون + كزبرة ناشفة .. بهارات ايطالية .. في زبدية اخلطي قشطة + مايونيز + جبن سايل .. في صينية بايركس رصي البطاطس .. وحطي فوقها اللحمة .. وصبي خلطة القشطة .. رشي الوجه بشوي ارويجانو .. وعالفرن تقريبا نص ساعه .. وحمريها من فوق .. وبالعافية .... ----- دجاجة مشوية بالفرن .. جيبي دجاج الوطنية .. متبل وجاهز .. تشتريه مبرد .. وتقدري تجمديه .. اذا كانت بالفريزر .. خليها الين تذوب تماما .. جيبي صينيه وغلفي قاعها بالقصدير .. حطي الدجاجة .. وغطيها بالقصدير .. ( ينفع كمان تسويها باكياس الفرن .. بس لازم تخلي فتحة صغيرة .. واذا استوت طلعيها من الكيس وحمريها .. ) وعالفرن الين تستوي .. ما يحتاج تقلبيها .. اذا استوت افتحي القصدير وحمريها .. وبالتقديم عندك عدة طرق .. مع الرز مثلا .. انا قطعت بصل وتبلته بالسماق .. وسويت طحينة .. وهيك يعني .. زي بالصورة .. وبالعافية .... ----- اعشاش الشعيرية بالخضار .. اسلقي الشعيرية بدون تكسير في صينية على البوتوغاز .. كشني بصل .. لحمة مفرومة .. ملح + فلفل + بهارات مشكلة .. حطي خضار مشكلة مسلوقة .. اخلطي قشطة مع جبن سايل .. في صينية بايركس رشي القاع بجبن مازوريلا .. رصي الشعيرية بشويش حتى ما تتفكك .. في وسط العش .. حطي كمية من اللحمة .. صبي خلطة القشطة والجبن حول الاعشاش .. دخليها الفرن الين تتماسك .. وبالعافية .. ----- برياني بالدجاج .. قطعي بصل .. ثوم .. وطماطم بالخلاط .. عصير ليمون .. لبن .. كشني البصل والثوم .. بعدين ضيفي الطماطم واللبن .. عصير ليمون + بهارات برياني + ملح + زنجبيل .. خليها الين تبدأ تطبخ .. وحطي عليها الدجاج .. غطيها بقصدير زين .. وخلي النار متوسطة الى خفيفة .. قطعي بطاطس شوي كبار .. وحطيه بعد تقريبا نص ساعة بعد الدجاج .. سوي رز ابيض .. كشني بصل وحطي عليه ورق غار + قرفه + هيل .. حطي الرز وقلبي .. حطي الموية .. وملحيه .. بعد ما يستوي الرز خذي منه تقريبا كاسه .. قطعي بصل شرايح واقليه الين يصير لونه بني .. اقلي صنوبر .. واذا تبغي زبيب .. في قدر صغير حطي كاسة الرز .. وحطي البصل والصنوبر .. وحطي عليهم شوي صبغة صفار الزعفران .. قلبيهم على نار هادية .. وشيليه على جنب .. بعد ما يستوي الدجاج .. ضيفي عليه الرز الابيض ( بدون تقليب ) .. وعلى الوجه حطي خلطة الرز والبصل والصنوبر .. وخليها على نار مررره هادية .. وقت التقديم .. شيلي الرز اللي مع البصل والصنوبر على جنب .. واغرفي .. وبعدين حطيه فوق الرز والدجاج .. وبالعافية .. ----- ----- مكرونة من تأليفي .. اسلقي مكرونة .. كشني بصل .. صبي عليه طماطم مطحونة .. معجون طماطم .. ملح + كمون + فلفل + فلفل احمر حار + اوريجانو + كزبرة ناشفة .. تطبخ الين تتسبك .. بس تكون رايبة .. مو ناشفة .. صفي المكرونة .. ورجعيها القدر .. صبي عليها صلصة الطماطم .. اخلطيهم زين .. حطيها في صينية بايركس .. وبشري فوقها جبن تشدر + جبن مازوريلا .. كمية كثيرة .. ودخليها الفرن .. على نار متوسطة .. تمتزج النكهة .. وتسيح الجبنة .. وبالعافية .... ----- جمبري صيني مع الرز الصيني .. الجمبري الصيني : خلطة الجمبري : كيس جمبري + نشا + شوية ملح + كزبرة ناشفة + فلفل ابيض + كمون .. اخلطي النشا والملح والكزبرة والفلفل والكمون .. بعدين حطي الجمبري .. الين يتغطى زين .. اقلي الجمبري في شوية زيت .. الين يصير لونه ذهبي .. خلطة المرق : كاس موية مخلوط فيه مكعب ماجي + خل + صويا صوص + شوي ليمون + شوي ملح + رشة فلفل ابيض .. اخلطيها كلها مع بعض .. خلطة النشا : نص كاس موية مخلوط فيه ملعقة كبيرة نشا .. خلطة الثوم والزنجبيل : فصين ثوم مفروم .. فلفل حار ( اذا تبغيها حارة ) .. زنجبيل طازج مفروم .. بصل وفلفل رومي مقطع مكعبات .. الحين نبدأ الطبخ .. كشني الثوم والفلفل الحار والزنجبيل .. ضيفي البصل والفلفل الرومي .. قلبي شوي بعدين ضيفي خلطة المرق .. خليها الين تغلي .. بعدين ضيفي خلطة النشا .. وقلبي بتلاحظين ان المرقة صارت سميكة .. خليه يغلي بس ثواني .. وضيفي الجمبري المقلي .. خليها على نار هادية دقايق .. حتى يتشرب الجمبري بنكهة الصلصة .. ويستوي .. وبالعافية .. الرز الصيني : نقلي بيضتين .. وفي نفس المقلاة .. نكشن ثوم بس ثواني ونضيف رز ابيض مسلوق من قبل في موية وملح .. قلبي بسرعه .. بعدين حطي الخضار المشكلة مسلوقة .. ( بازاليا .. مكعبات جزر .. فاصوليا .. او الخضار المشكلة المجمدة .. ) خففي النار .. حطي شوي بصل اخضر .. ملح + فلفل ابيض .. صويا صوص .. خليها دقايق على نار هادية .. نرجع البيض مع الرز .. ونقلبه .. وبالعافية .. -----------------------
|
#2
|
|||
|
|||
يعطيك العافية مجهود كبير...
|
#3
|
||||
|
||||
وااااااااااااو لذيذه بالحيل
الله يعطيك العافيه أيات تقبلي مروري
|
#4
|
||||
|
||||
رووووووووعه ياعمري ماشالله عليك
جدا جدا لذييييييييذه,,,
|
#5
|
||||
|
||||
مشكوووووووووووووورة لجميع على المرور
ربنا يعطيكم العافية
|
#6
|
|||
|
|||
يعطيك العافية يااااذوق
|
#7
|
|||||||||||||||||||||||||
|
|||||||||||||||||||||||||
الله يعافيكي مشكووووووووووووووورة
|
#8
|
|||
|
|||
تجنن جزاك الله خيرآ
|
#9
|
|||||||||||||||||||||||||
|
|||||||||||||||||||||||||
ربنا يعافيك ويسلمك مشكوووووووووووووووووورة
|
#10
|
||||
|
||||
الله يعطيك العافية
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |