|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
29-06-12, 12:45 AM
|
||||
|
||||
ليش نجيب طقاااقة!!
بسم الله الرحمن الرحيم
إخواني أخواتي .... من أهم الترتيبات للزواج الميمون وحتى تحل عليه البركه من وجهة نظر البعض الاتصال بصاحبة الصوت الشجي والوجه البهي :d والخلق السوي وتقول لها تكفين طال عمرك ابيك تشرفينا وتحيين حفل زواج ابني /بنتي وتدللي وش يرضيك وتبدأ حواء <<الاسم الحركي للطقاقه>>في التمنع وانها مزحومه وجدولها مايسمح شوف غيري وبين حواء وموضي وفطوم لا وتطوروا صارت اساميهن روان وسندريلا وعهد ووعد وغيرها من الاسماء الكثيرة في سماء فن نيجيريا في بلادنا وبين ارضاء الناس الذي هو غاية لايمكن ادراكها تتوه خطاوينا ونثقلها بما لاطاقة لها به وبامور ماانزل الله بها من سلطان مع توفر البديل وبأقل التكاليف وبأقل ضرر الا وهو المسجل /الدي جي /استريو/جميع قنوات الاغاني في اللاب وسماعات واختار مايروق لك بموسيقي او بدونها او مؤثرات صوتيه او بمصاحبة الدفوف فقط وجميعها متاح ومتوفر ولله الحمد وبدون دوشة الطقاقة اللي ماتجي الا من بعد الساعه11 ليلا وتجلس ساعتين وتاخذ منك مبلغ ليس بالقليل .....فلوسك والله ماهي حرام عشان طقاقة قرشعت لك بكم اغنية تاخذ المبلغ ونفسها راس خشمها ومو عاجبها بعد ... كما انه يصلنا من قاعات الزواج تهافت البنات على الطقاقة والاحتفاء بها والتقرب اليهن واستغرب غفلة الامهات عن هذه التصرفات اخواتي هداكن الله ...رسولنا الكريم حذرنا من كل هذا وحدوث كل هذه التجاوزات نذير بقرب الساعه .فروى الترمذي بسند حسن .. أنه صلى الله عليه وسلم قال: ( يكون في أمتي خسفٌ وقذفٌ ومسخ ) قيل: يا رسول الله .. متى ؟ قال : ( إذا ظهرت القينات والمعازف واستحلت الخمر ) .. وقال صلى الله عليه وسلم : ( ليكونن من أمتي أقوام يشربون الخمر ويعزف على رءوسهم بالقيان يمسخهم الله تعالى قردة وخنازير ) .. والقِيان جمع قَينة .. وهي المرأة المغنية .. ايها الأباء والاخوان ليكن لك دور الموجه والمرشد لكل خير ولتكن ربان السفينة برأيك السديد ومقولة بنت فلان ماهي احسن من بنتي او ولدي وابغي افرح به.. هل فرحتك لن تتم الا بحضور الطقاقة الفلانية وهل التوفيق معقود بناصية توحه مدري حواء ولن تحل البركات الا بإحيائها حفلكم...!!! رحم الله جداتنا وامهاتنا واشعارهن واهازيجهن (تلعبوا ياغلايم بعد جيتنه 0وإن ماوسع بيتنا عيني تسعنه) والسلام عليكم
|
|
#2
29-06-12, 03:20 AM
|
||||
|
||||
|
الليله كنت معزومه بعرس طقاقته بخمسه وعشرين الف
وعزمتني صديقه زواج ولدهم بطقاقه باثنين وعشرين الف رواتب دكاترة جامعه الفرق الدكتور ياخذه بالشهر وهذي بالليله هذا غير لما يحجزونها ناس خارج المنطقه قالتلي وحده مره انهم يطلعون بثمانين وسبعين شئ يفوق الخيال الوالده الله يطول بعمرها تجيب الطق الاسلامي ولاترضى بغيره وسبحان الله ارخص بكثييييييييييييييييييييير من ابومنكرات فيه خطه لاستبدالهم بديجيهات اسلاميه واعراس مختصره بيتيه يارب نلاقي اللي يتم وينفذ قاعده اقنعهم على قدم وساق وفيه من اقتنع جارنا دكتور بالجامعه وزوجته نفس الشئ سووا عرس بنتهم بالبيت ياحلاتها من بساطه مع انهم مقتدرين جدا لكن فضلوا العرس العائلي وانا لما شفته عجبني عالاقل بيستفيد اللي على قد حاله ويوفر القروش اللي هو اولى بها من غيره
|
|
#3
29-06-12, 03:37 AM
|
|||||||||||||||||||||||||||
|
|||||||||||||||||||||||||||
اصولها يا الشيخة ماشاالله عليكم الطق الاسلامي ما فيه احسن منه بس بعض الناس ما يعترفون به الحمدلله والشكر والحين بعد فيه حركة جديدة هابين فيها عندنا  انو يجيبون مطرب ويكون في غرفة ويطلع في شاشة عند الحريم وهات يا رقص وباسعار نفس اللي ذكرتي المشكلة ان بعض الناس فاهمين اعلان النكاح بالغلط ويعتقدون ان اعلانه يستلزم كل ذلك من منكرات واغاني واسراف وبذخ الله المستعان ،،
|
|
#4
29-06-12, 04:15 AM
|
|||||||||||||||||||||||||||
|
|||||||||||||||||||||||||||
رجال ويطلع عالشاشه ماقد شفت ولاسمعت اعرف ان فيه طقاقات يجيبون شاب يدق عالاورق واحيانا يغني معاها بس محد يشوفه احنا الوالده ماترضى تقول اللي مايبي اسلامي عاذرينه لايجي ولاتروح للاعراس اللي فيها طق والله عرس بنت اختي يوم سمعت الطرب خرجت وقالت المره الثانيه اللي عندها هالشغلات تعلمني من بدري لاتحطوني قدام الامر الواقع وماشاء الله الاعراس الاسلاميه منتشره عندنا بعضهم مايكون ملتزم بس احترام لضيوفهم الان احناشغالين عالبنات اللي لسى ماتزوجوا نقنعهم بالاعراس المختصره وتقريبا معظمهم ايد الفكره الحمد لله البيوت كبيره وتكفي للمناسبات العائليه واللي بيته صغير يستاجر صاله صغيره بفندق ويعمل فرح مختصر وبلاها المظاهر الكذابه شبعنا من فلانه سوت وعلانه سوت شفنا وعشنا انواع الافراح بالاخر ماتدوم الا الافراح اللي الله مبارك فيها معظم البنات عندنا اصبحوامتفتحات ومتفهمات معظمهم قالوا ماله داعي صجه ورجه وعالم ماعندهم غير الانتقاد والعرس الغرض منه الاعلان والاعلان مو لازم امة محمد تجي وفيه اللي مايرضون الا بعرس يسمع فيه القريب والبعيدالمصيبه انه اللي يفكر كذا هم محدودي الدخل ليه ماادري طيب احنا عارفين وضعك المادي ليه هالمظاهر الكذابه!!! والعجيب ان اول من اقتنع بهالفكره من بناتنا ماشاء الله تبارك الله هم فئة المتعلمات منهم الطبيبات والمعلمات وغيرهم اللي بامكانهم يسوون فاحسن الفنادق مع كذا لقيت انهم موحول هالمظاهر ابدا الهدايه والقناعه من رب العالمين والحمد لله
|
|
#5
29-06-12, 04:16 AM
|
||||
|
||||
|
كلااامك صحيح اعوذبالله الحيين الزواجاات كلهاا منكراات
بدل مايدعوون ان الله يوفقهم ويجمع مابينهم بخيير يسسون كذا بدل الفلووس الزايده اللي عندكم ماتدرون وين ترمونهاا عطوهاا مسساكين مو لاقين ماياكلون معلييش افرحو وبينو فرحتتتكم بس بدوون الاشياء هذي ماراح يضر اذا بدلنااه بشي ثاني .. لاوالمششكله الطقاقاات شايفاات ارواحهن اعرف وحده اتصلت على طقاقه المهم قالت الطقاقه فلاانه قالت خيير خيرر من وين انتي جااايه من اي عصر انا المطربه مو الطقاقه عشتو والله قطعه تكرونيه  ومطربه !!! ماقول الا الله يخلف مطربه مره وحده من زيين الصوت اللي كنه كنداسه منشقه لاوالحيين فيهاا تفاخر وتتجيكر من اللي تجيب اغلى طقاقه راحوالطييبين  الحمدالله اكثثثر زواجاتناا رجال مافيه حريم سلااام وتعشى واقضب البااب والوجهه من الوجهه ابييض بلاطقاقات بلا وجججع رااس وش جانا من ورى الطقاقاات غير الصدااع وش جاناا 
|
|
#6
29-06-12, 05:04 AM
|
||||
|
||||
|
طق اسلامي ..!
ما فيه شي اسمه طق اسلامي لو ما كان فيه آلات عزف وموسيقى يعني بس دف والكلمات ما فيها فحش وغير خادشة للحياء هذي بالله وش فرقها عن الدف والكلمات الي يقولون عنها إسلامية ..؟! برأيي أن قولنا دف عادي ولا طق عادي أهون ألف مره من قولنا طق إسلامي أما فكرة الطقاقات عامة فهي اللعب على العقول وعيني عينك يعني إذا ما تم احضار إحدى المطربات المشهورات فكل الطق يؤدي للرقص .. بمعنى أن بعض الناس تحضر الطقاقات كـ برستيج وخاصة أن المعروف الآن والسائد أن ما عاد فيه طقاقات .. بل يكتفون بواحدة ولا ثنتين بس على المنصة والآلات مع باقي الفرقة في مكان ( ما ) داخل القاعة وكلها ثلاث ساعات بالكثير ويقولون مع السلامة بعد ما يشفطون من أهل الحفل مبلغ وقدره عاد أهل الحفل وش يسوون ..؟! يكملون السهرة والرقص بالدجيه الموجود في القصر والنكتة أنه نفس حماس الطقاقات ونفس الكلمات ونفس كل شيء طيب على ايه الخساير من الأول ما دام أن مآلكم في الاخير له , أحيانًا تكاد تجزم أن فيه ناس غاوية تدفع وبس ..! ولو فكرنا فهو وفي كل الأحوال الناس تحاول ترضي الناس وما ترضى الناس عن الناس لو فرشت لها الأرض ورد وغطيتها بالألماس ..! والذكي والذكية من يوفر ماله في سفرية على كيف كيفه والباقي يصرفونه في كل ما يخصهم من المنزل وإلى مالانهاية ..! أما الفخفخه الكذابة فهي سعادة للناس الحاضرة وأهل الحفل هما الناس الشقيانه ..! شكرًا لك ..
|
|
#7
29-06-12, 05:10 AM
|
||||
|
||||
|
صدقتوا والله كثرت المنكرات في الزواجات
من معازف وعري بس الي اشوفه كل واحد يحط زواجه على حسب مقدرته يعني ماأجبر أب على زواج مختصر لابنه اوبنته وهومقتدر وصاحب دخل عالي هذا قناعته إذا قادر على هالشئ بس المشكله الي يجي على قد حاله <وملحط >ويخلي الزواج نون ومايعلمون طبعا بعد قروض وديون يتحمل نتيجتها بعدين بسبب التفاخر (الكل يمد رجله على قد لحافه )
التعديل الأخير تم بواسطة منتـهى ; 29-06-12 الساعة 05:30 AM. سبب آخر: تكرار الرد |
|
#8
29-06-12, 06:04 AM
|
||||
|
||||
|
زينه الطقاقات والرقص وناسة ^^
عاد تبون الجد حرام تدفع آلاف على طقاقة لان قلييييل من يرقص والله السنة ذي م يجي له ساعة الرقص يبدأ 10 وقبل لاتجي 11 م تلقى ولا بنت على المنصة .. حتى الطقاقات يقولون شفيكم م تحمسون انتم !
|
|
#9
29-06-12, 07:07 AM
|
|||||||||||||||||||||||||||
|
|||||||||||||||||||||||||||
ميسوم اقصد بالاسلامي دفوف بس وبعضهم حتى الزير اللي هو مغلق يمنعونه لانه حرام بس دفوف وطبله اللي مفتوحه من الجهه الثانيه وفيه شئ اسمه تاثيرات صوتيه والكلام طبعا مختلف مافيه لاحبيبي ولاسيدي تتغير الكلمات الخادشه نسميه اسلامي تعودنا كذا عشان نفرق بينه وبين النوع الثاني هذا على ماوافق الشرع وهذاك ماخالف الشرع وباقي كلامك هو اللي نعنيه وليت الكل يتفق عليه ونطيح سوق الطقاقات والله يالغرض مو المادي ان الخير موجود لكن مسالة حرام وهاللي ينصرف تبذير بنتحاسب عليه ناس تموت من الجوع وناس تصرف على المنكرات لو طلبنا هالمبالغ فعمل خيري كان ماشفتي ربعها الله يلطف بحالنا
|
|
#10
29-06-12, 10:33 AM
|
||||
|
||||
|
اتفق معك تماما هالطقاقات ما لهم لازم
لا واللي يمرضك تالي الليل وانت منتهي من التعب والازعاج تكلمك الوالدة والا ام العيال يالله تعال حاسب الطقاقه بتمشي آآآآه بس
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
.gif)
العرض العادي
