العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
مشكلتي مالها حل
بسم الله الرحمن الرحيم
السلام عليكم ورحمة الله وبركاته انا بدخل بالموضوع على طول انا كان لي صديق اعزه واحترمه وكان لي مثل الاخ بالعكس كنت امون عليه اكثر من اخواني وكنت لما احتاج اللجأ له وهو كذلك نلجأ لبعض بوجود اخوان لنا اناكنت متعلق فيه لدرجه كبيره وهو كذالك لما وصلت سن الزواج كلمت اخوي الكبير لانه بمثابت ابوي وقلت لها بتزوج قال مو مشكله بنخطب لك المهم خطب لي وحده وماحصل نصيب انا تضايقت لاني انرفضت وانا واثق من نفسي بس المفروض كنت اعرف انه نصيب واصبر شوي المهم قلت لاخوي وامي تراني بخطب انا من الانسان الي اعرف انه يزوجني موب خطباتكم انتم قالو صبرك علينا بندور من جماعتنا قلت قلت انا بخطب وماعلي فيكم يوم شافوني معند قالو روح اخطب وبعدين من وين بتخطب قلت لهم من صديقي فلان هم يتوقعون اني امزح قالو ونعم فيه المهم رحت له للبيت وقلت له تعال ابيك بموضوع المهم قلت له فلان انا اعزك واحترمك وانت تعرف غلاتك عندي قال ابشر يااخوي وش بغيت قلت انا بتقدم لوحده من خواتك وربي وربي وربي انجن من الفرحه وطار كنه مبشر بولد قال افا عليك وربي لي انا واهلي ولاختي الشرف قلت الله يزيدك شرف روح شوف لي الوضع وشاور اهلك بينك وبينهم وعطني القرين لايت لاني مابي اروح مثل المره الي فاتت وبالاخير انرد قلت بروح وانا ماخذ الاوكيه المهم رجعت فرحان لاهلي قلت لهم كذا وماسويت قالو ياملا الماحي انت والي سويت وشو له تسوي كذا واحنا نبي من جماعتنا قلت لهم انا قررت وانا فعلاا كان مافيه اي قوه تقدر تردني عن الي اقدمت عليه قالت امي انت من جد تتكلم والا تمزح قلت وربي هذا الي صار قالت هذولا مو منا ولا حنا منهم وبعدين جماعتنا وش فيهم بايرات يوم انك تتقمز لخلق الله يااويحي يارب ماايوافقون اهل خويك ياافشلتي وتصير تضرب على وجهها المهم دقايق لا مو دقايق الا ثواني وخوي يتصل ويقول فلان ترى الاهل فرحانين ويتشرفون فيك انا بهاللحظه عرفت اني اتسرعت كثير واخطيت بحق نفسي وبحق خويي بس لازال الاصرار موجود قلت يمه دق علي فلان وموافقين لحظتها انهارت امي المهم قالت يااولدي وش سويت في نفسك وفينى انا كلمت فلان من جماعتنا ووافقوو وكنا بنسويها لك مفاجأه الاسبوع الجاي بنملك بهاللحظه انا صعقت بس كابرت قلت مالي شغل انا كلمت خويي قالت امي لو مااخذت فلانه لاانت ولدي ولا انا امك المهم بهاللحظه كل اصراري احسه طار مع الهواء لما سمعت امي تقول هالكلام وصرت بين نارين ياارضي امي واكون واطي وحقير بعيون صاحبي ياني ارضي صاحبي واطلع عن رضى امي والله اني جلست سنه اكره طاري العرس وانا الي كنت بموت على العرس خلال هالسنه صرت كل مااشوف خويي انحرج لدرجة انه كل ماايقابلني يقول وش فيك عسى ماخلاف بعد سنه قررت بعد مااصليت استخاره اني ارضي امي لو على حساب نظرت خويي لي وقلت بنفسي مين عارف يمكن خويي يتقبل عذري خطبة ومااقدرت اكلم خوي وجلست سنه بين الخطبه والملكه وهو ياغافلين لكم الله تعرفون شنو شعوري خلال هالسنه احس اني اوطى بشر على الارض لما اشوفه ولما يغيب عني ومااشوفه ارجع نشمي وخوش رجال المهم يوم ملكت جانا للبيت يبي يتقهوى كالعاده واجه اخوي وانا ماني فالبيت قال فلان وينه قال له اخوي ياابن الحلال من اعرس هذا وهو معشش بنكتار وذا بودي شوب اخوي بعد مارجعت وقال لي السالفه يقول لما قلت له كان بيده فنجال قهوه طاح من يده وقتها تمنيت الارض تبلعني ولا صار لي هالموقف المهم انا تزوجت على فكره هو معاي بنفس العمل من يومها ماايكلمني حاولت المستحيل على شان يرضى تعرفون كأنه يشوف عزرائيل اذا شافني ارسلت عليه واحد من اصحابي مايعرف المشكله تعرفون وش رجع قال لي يقول يوم قلت له فلان يتاسف عن الي صار رغم اني ماعرف عن الي صار بينكم وهو صادق ماقلت له الموضوع بس قلت له تاسف لي وشوف لي ردة فعله قال هو مين فلان قال خوينا فلان قال الله يرحم اموات المسلمين وقفى من عندي يااجمااعه اعتبرني من الاموات تصدقون عرفت حجم خطاي اكثر لما سمعت ردة فعله اخر شي قلت انا بكلمه شخصياا وبتاسف منه وبقول له الضغوط الي كانت علي رفعت سماعة التلفون وسلمت رد قلت بنفسي يومه رد اكيد كل شي انتهى قلت فلان انا اسف تعرفون وش قال قال انت قليل حياء ومااعندك كرامه وسكر التلفون بوجهي وربي احس اني بموت ساعدوني ارجوكم وش الحل الي بيدخل ويقول انت غلطان وبيهاوشني بوفر عليه انا غلطان وستين غلطان عندك حل قول لي بتهاوشني وتسفل فيني مو قدام الله ارسل لي على الخاص احترامأأ لاسم ومكانت المنتدى وللناس الي فيه ارجوكم يالقصمان الفزعه اقسم بالله احس ان جوفي مولع نار ماعاد ابي رضاه بعد الي سمعت ابي ارتاح من التفكير بس ربي يسعدكم ويخليكم وجعلكم مااتمرون بموقفي يارب
|
#2
|
|||
|
|||
شف حبيبي انت سويت اللي عليك واعتذرت والباقي ماعليك ,,,,,,,,,,,
فانت صح غلطت بالبداية بس رضا الوالدين بعد رضا الله عزوجل ,,,,,,,,,,,, وباقي الامر عش حياتك وانس صديقك سويت اللي عليك والشكوى لله
|
#3
|
|||
|
|||
سلمليلي على خويك والله مقدي فيك
معليش لك وجهه تعذر منه انا لومكانك اذا شفته في مكان ماقعد فيه من جد شين وقواة عين
|
#4
|
|||
|
|||
شاكر مرورك اخوي دكتور وماقصرت على الارشاد
|
#5
|
|||
|
|||
وحيده انا يوم اعرض مشكلتي ابي احد يساعدني مو يقول لي هالكلام مقدي ومدري ايش
انا انسان اعرف حجم خطاي لكن يوم احط موضوعي ابحث عن حلول مو وحده تسوي نفسها امي وتقعد تهاوشني عموما هذا الي قدرك الله عليه ومااقصرتي لكل انسان عقليه ومخ وانا لزم احترم عقليات بعض البشر
|
#6
|
|||
|
|||
اخي الكريم
لو زميلك يغليك ماسوى فيك كذا انت سويت الي عليك وسويت الصح 100 % وارضيت امك الغاليه ولو انك تزوجت اخته وطلقتها ويش بسوي فيك اجل ؟ سبحان الله هذا شي يرجع للكتبه والمقدر من رب العالمين فيحصل طلاق موت عقد ثم فسخ العقد من دخول وهكذا الحياة لا تهتم اخي الكريك جزاك الله خير سويت الي عليك وزميلك بتعلمه دنياه ما عليك الا تفشي السلام على المسلمين جميعا وفقك الله
|
#7
|
|||
|
|||
حسب اللي فهمته قعدت مدة وانت خاطب اخته
وهذا اللي مزعله هو يعتقد انك تلعب عليهم ومانت محترم مشاعرهم والمفروض ماتسكت من البداية على طول شارحله الموقف ومبين له الضغوط وماانتظرت كل هالمدة لكن اللي صار صار وكل شي يبي وقت والزمن كفيل بعلاج الجرووح وردت فعله طبيعية ولو مايعزك ويحبك كان ماقال فلان الله يرحمه الله يهدي سركم وترجعون مثل قبل واحسن
|
#8
|
|||
|
|||
شوف اخوي انت تزوجت وارضيت امك والله يوفقك
بس انت اابيك تفكر شوي بشعور اهل خويك واخته وكيف تحطمت نفسيتها ......وهذا هو الاهم .....وزعل خويك ما ينلام في اللي يسويه وانت المطلوب منك الحين انك تبعد عن خويك ولو حصل تنقل عن عملك افضل .....وادعي لاخته بالزوج الصالح اللي يفرح قلوبهم وينسيهم اللي سويته .... وبكذا يروح زعل صاحبك وحقده عليك
|
#9
|
|||
|
|||
اخي الكريم
اول شي تسويه ابتعد عن لوم نفسك فأنت لم تخطيء أنت اخترت رضى أمك ورضاها مقدم على أي شي بالدنيا حتى لو على اعز اصحابك وربي بيعوضك .. اعلم انك بموقف محرج ولوم لنفسك بسبب اللي صار لكن قدر الله وماشاء فعل ياكثر مانخطي بهالدنيا لكن مايعني اننا نعيش طول العمر نلوم انفسنا لاحنا صححنا الموقف ولاحنا استمتعنا بحياتنا ادري انه صديق عزيز وخسارة فقده لكن الانسان مسير وليس مخير ومالك إلا تحاول النسيان ولاتحاول تصحيح الموقف فالشق اكبر من الرقعه ..
|
#10
|
||||
|
||||
السلام عليكم يا خوي
قصتك حزينه بس هونها وبتهون امممم بطول بكلامي عندك شاي اخضر مع نعناع علشان ما تعصب من الاطاله اللي عجبني اصرارك انك معترف بالذنب ماراح اعاتبك على شيء مضى ..كفايه عليك الدرس اللي اخذته من صاحبك يكفي تاخذه عندك لعشرين سنه قدام هونها وبتهون باذن الله لي حل بسيط فيها ويارب ينفعك ويسر عليك ويفتحها عليك طبعا وسيط وجماعه دخلتهم في الموضوع >>ما جاب نتيجه ولا حتى قدرت توقف بويهه وان قدرت سكر عليك الابواب طيب وش الحل ؟؟ اقولك راي بسيط ويارب ينفعك بحاول اكتب لك رساله تكتبها بدورك لصاحبك بس شرط عليك ما تكتبها الا وانت اقررت باللي فيها يعني حاس انه كل كلمه اقولها طالعه فعلا من قلبك لصاحبك ....ارسلها بورقه وكذالك مسج على الجوال يعني ورقه حطها على مكتبه قبل ما يبدأ بشغله ومسج احتمال يقطع الورقه ان شاف اسمك فالمسج يمكن يكون بينه وبين نفسه ويقراه وبعدها يمسحها لو يبا يمسح المهم رسالتي اللي بكتبها تقول ........... اسمعني يا صاحبي لو مره بس ,تريح ضميري وتريح قلب كان فرحان فيك وبأخوتك والله اعترف اني خسرتك بس والله املي في ربي انك ترجع صاحبي انا فقدتك يا اعز اصحابي لكني ما فقدت امل المسامحه منك ربنا رحيم رحيم بعبااده ويغفر لمعاصي الناس الكبيره والله ثم والله اعترف بذنبي واعترف انه اللي سويته مش بالشيء الهين بحقك بس انا غلطان وجيت اقولك غلطان وغلطان وغلطان والله الدمعه في عيني والحزه بقلبي تقتلني وانا ما عارف كيف استسمح منك والله ما ابيع صحبتك بالرخيص وربي العالم انه اللي صار غصب غني واعرف لو بجلس ابرر موقفي بظل العتب علي,وانت لك قدرك وشأنك ارحمني يا صاحبي وخوي وقولي مسامحني الله يخليك اريد مسامحتك والله قلبك كبير وانا مستعد ما اطلع لا بدربك ولا مكان انت فيه بس ابغي مسامحتك لاني غلطان غلطان بحقك حيل واريد المسامحه وما اريد اكثر انت ادرى مني انها دنيا وامتحان ,قولي على شيء اسويه لاكسب مسامحتك علي انا اسف يا خوي والله اسف بقى علي انتظرك في هذا المكان (مكان فلاني تواعده عليه ) راح انتظرك وانتظرك..ان جيت... عرفت انك مسامحني ابوسك على راسك لاني عارف اني موادع صاحبي واخوي وكل واحد بطريق لاني ما عرفت كيف احافظ عليك يا خوي تكفيني مسامحتك علي وان ما جيت عرفت انها الثانيه واسال الله ان تسامحني لو بينك وبين نفسك اخوك فلان __________________________ اااسفه يا خوي يمكن قللت من شانك بالرساله بس اللي حسيت فيه انه صحبتك وتعلقك بصاحبك قويه جداا ويمكن حب في الله لو ما عجبتك رسالتي وانا عارفه انها ماراح تعجبك بامكانك تبدع وتعبر عن نفسك اكثر لانك انت ادرى بحالك مع صاحبك استودعتك في حفظ الرحمن وكلنا دعاء واحد من اخوان وخوات في الله ان دخل حد وشاف محنتك باذن الله يدعولك بكل خير تحياتي طلة مستر مطوعة
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |