العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
المــــــــــراءة التي رأيت ....
بسم الله الرحمن الرحيم ومسائكم خيرات...وصباحاتكم بركااات اذا كان هنالك موضوع يناقش فأنه بلاشك سوف يكون شيق عندما يدعم بقصة ...ويزداد ذلك التشويق عندما تكون القصه حقيقيه قبل كم سنه رحت انا واثنين من الجماعه لقريه اسمها الرفيعه وهي احدى القرى التي تفصل الدبدبه عن الصمان وتبعد عن بلدة رماح قرابه الخمسين كيلو على ما اظن قضينا شغلنا اللي بالرفيعه ورجعنا متجهين للرياض طبعا قدامنا رماح الطريق اللي حنا ماشين فيه معظم المسافرين فيه هم من الاشقاء الكويتيين القادمون من الكويت ويبون الرياض وايضا يتواجد بكثه اهل الحلال وخصوصا الابل المهم الوقت كان على مطيح الشمس طبعا فيه عرق هناك اسمه عرق الرويكب .. اول ما طلعنا هالعرق ونزلنا معه الا فيه حادث توه صاير ....الحادث بين سيارتين وحده جمس اسود اللوحات كويتيه والثانيه هايلوكس اللوحات سعوديه الجمس الاسود يمين الطريق نازل بين الطعوس والهايلكس كانت على جنب الطريق ورا الخط الاصفر الجانبي اللي يسوق من جماعتنا ربط فرامل وعلى طول رجع ... الحادث توه صاير .. نزلنا واتجهنا كلنا للهايلكس لانها كانت يطلع منها دخان وكنا نبي نفصل البطاريه علشان لا تحترق السياره .... صراحه كنا مرتبكين شوي ...واحد من العيال قالو روحو شوف الجمس ..طبعا اللي في الهايلوكس كان ولد شباب طايح عند الرجلين ويصيح .....بعد ما فصل البطاريه خوينا رحنا حنا نركض للجمس الظلام بدا يسيطر على الاجواء .. الجمس كان فيه زوج وزوجته وابناءهم ولد وثلاث بنات اكبرهم هالولد وعمره تسع سنوات تقريبا الاربعه وخادمه وصلنا للجمس والزوج قد نزل وهو شوي دايخ ... لان الحادث جاي على الركن الايمن من الجمس والركن الايسر للهايلوكس جلسنا الزوج ...ورحت انا فتحت الباب الامامي ولقيت الولد خشمه وفمه فيه دم ..وجبهته منفوخه سحبته بسرعه ونزلته وسدحته على الرمل ...طبعا وقفت كم سياره وكلهم عند الهايلوكس يبون يطلعون الشاب وجاء بعضهم عندنا بعد ما نزلت الولد فتحت الباب الخلفي ولقيت مره تستغفر ...وكانت كاشفه وجهها اول ما قلت سلامات ومسكتها ابي انزلها قالت عطني غطوتي ...سحبتها وقالت تراني حامل يا ابن الحلال يوم قالت حامل تركتها فيه صياح وبكاء وراها بالمرتبه .واحد الله يجزاه خير فتح الباب المقابل ونزل ثلاث بنات كلهن صغيرات ..والشغاله كانت ورا تصيح دورت غطوتها ما لقيتها ..لقيت شرشف وعطيته اياه ....والبسته وقلت تقدرين تنزلين ..ما ردت علي ...واحد من الحظور قال نزلها بسرعه المهم سحبناها ونزلناها وحطينها بعيد شوي عن الجمس .. يوم جينا نبي نروح قالت تكفون عطوني عيال ...قلت خلاص كلهم طيبين ونبي نجيبهم لك جبنا لها بناته والشغاله وحطيناهم عندها ...طبعا الولد الكبير تجمعو عليه الناس وفكو ازارير ثوبه والزوج اخذوه وحطوه عند ولده .لان اصابتهم شوي كبيره الزوج رجله مشقوقه من عند اصبعه وفيه دم في راسه والولد خشمه وفمه مليان دم من الايارباق رحت للشاب راعي الهايلوكس الا هو مدد على الارض ...ويصيح والناس يقولون فيه كسر في فخذه الايسر ويده اليسرى رحت اجيب ماء من سيارتنا علشان نغسل وجه الولد والزوج ...جبنا الماء وقعدنا نغسله طبعا فيه من الشباب اللي اتصل بالهلال الاحمر حق رماح ... اخذت موية ورحت اوديها للزوجه وبناته انا ومجموعه من الحضور ...اقبلت عليها الا هي مجمعه بنياتها ولافتهن بالشرشف اللي عليها وتقرا عليهن المعوذات وقلت خذي رشي البنات بالماء وسئلها واحد معي من الحظور قال يا خاله فيه احد فيه دم والا كسور قالت لا ... في هذه الاثناء حضر الهلال الاحمر وقام بأسعاف راعي الهايلوكس والولد والزوج وراحو للحرمه وبناته والشغاله ... حنا ركبنا سيارتنا ومشينا طبعا قعدنا نتكلم عن الحادث وقلت للشباب عن الزوجه وشو الموقف اللي شفته منها .... وكلهم قالو عز الله مره صاحيه عجيبه تلك المراءه ....فتحت الباب ولا لقيتها تصيح ..لقيتها تستغفر واول ما قالت لي قالت عطني غطوتي ... وثانيا قالت تراني حامل ... لم تصرخ ولم يعلو صوتها ...ولم تلقي بنفسها بين يدي .. كل ما كان يهمها هو الستر وما تحمله في احشاءها واطفالها ... تقرا القران في وقت المغرب على اطفالها وتضفي عليهم بلباسها عجيبه تلك المراءه والغريب في الامر ان الكثير من الزوجات الان اخر ما يفكرن به هو الستر واطفالهن وقراءة القران لا اعمم ولكن ما نراه يدعو للريبه هنيئا لذلك الزوج بزوجته وما شاء الله تبارك الله ثابته بكل ما تحمله الكلمه من معنى .... بأختصار نريد زوجات مثل هذه الزوجه ....ولا يشترط ان نكون ازواج جيدون لكي نحضئ بمثل تلك المراءه نريد زوجه تجعلنا نسير على الطريق المستقيم بقوة دينها ومنهجها الثابت ورباطة جأشها ومنطقها الرائع المستمد من ثوابتها الدينيه لانريد زوجه تتشدق بالمنطق والمتمنطق في الرخاء وتنساه في الشدة دمتم كما تحبون
|
#2
|
||||
|
||||
مبدع في طرحك ياضغط ..
وأمثال هذه المرأة هي الضآلة المنشدوة عند الشباب الناضج عقلياً --> مثلك جمال المرأة بتسترها وعفتها .. وفي مثل هذه الحوداث والمصائب يتضح لنا رجاحة العقل وحسن التصرف من عدمه..
|
#3
|
||||
|
||||
قصة مشوقه..سبحان الله ناس تحرص على حجابها في أحنك الظروف بالرغم من أن الإسلام أباح المحرمات في الضرورات
وناس تروح للمشاغل قبل ماتطلع للسوق قال إيش مكياج السوق... فرق بين الصورتين...فرق السماء عن الأرض.. يعطيك العافيه والله يرزقكم بالزوجات الصالحات.
|
#4
|
||||
|
||||
سبحان الله هناك من الناس سواء ذكر او انثى تنزل عليهم السكينه والثبات في احلك
الظروف وتتباين الناس عند المواقف العصيبه ولعل خير مثال هو موقف ابو بكر وعمر رضى الله عنهما حين وفاة الرسول صلى الله عليه وسلم فابو بكر الرقيق اللين البكاء وقف ثابتا وامسك بزمام الامور في ذلك الحدث العصيب وعمر القوي الصارم الذي يخاف منه الشيطان كاد ان يفقد عقله بل توعد من يقول ان الرسول مات انه سيقتله الايمان الراسخ له دور كبير في ثبات هذه المرأه والا من عادة الحريم انهن عند ادنات الدون يقعدن يصيحن يعطيك العافيه ضغط
|
#5
|
||||
|
||||
جزاكم الله خير الجزاء وجعل ما قدمتتموه لخدمه المحتاجين
شاهدن لكم لا عليكم وان يشفيهم ويجبر مصابهم انا صرحه ما عمري وقفت عند حادث لاني لو وقفت بسبب زحمه بدون فايده لاني كل ما حصلت حادث اجلس ربع ساعه لين اصله من زحمه الناس واكثرهم ما يسعفون لو قلت له اسعف المصاب قال الاسعاف بيجي بس يتفرج والبعض يصور ومسوي زحمه والي يصور ودك تكسر جواله على وجهه ولله الحمد اهل الخير كثيرون واشكرك اخي ضغط على المواضيع المتميزه والرائعه
|
#6
|
||||
|
||||
يالبيه يارماح
فعلا اللي مثل هالزوجه يقدر الزوج يعتمد عليها باشد المواقف .. سبحان الله بعض الناس يملكون جلد وحسن تصرف في المواقف الصعبه . و. ماشاء الله عليها حرصت انها تتغطى وتتستر وفعلا مثل ماقالت اسيه ناس تروح تسوي مكياج عشان الاسواق وناس حريصه على حجابها _بعض النساء مو ضعف ايمان اذا صارخت او نسيت نفسها وقت الحادث او المصيبه لكن اعصاباه ماتتحمل تشووف مناظر ناس قريبين عليها وتعزهم بحالة اصابه او حادث..الله لايورينا مكروه في مسلم ... ماشاء الله عليكم قدرتوا تدخلون وتنقذون...
|
#7
|
||||
|
||||
آندمجــــــــــــت مع القصه بصراحــــــــه رووووووووووووعــه
هذه الحرمـه نادر تلاقى زيها كانت بتموت مع ذلك حريصه جدا ع حجابها سبحان الله ناس كذه وناس كذه اهم شيء انهم بخييرررر الحادث ماهو مروووع لذيك الدرجه الله يرزقكـ حرمه زيهـا ياررررررررررب
|
#8
|
||||
|
||||
ماشاء الله عليك ياضغط والله فيك الخير ساعدتهم
ماشاء الله عليها ربي يزيدها ثبات وايمان الله يحفظها هي وعيالها وزوجها الله يرزقك ياضغط بالزوجه الصالحه
|
#9
|
|||||||||||||||||||||
|
|||||||||||||||||||||
مآشآء الله عليها ,, الله يوفقها ويستر عليها دنيا واخره ..
والله يستر على الجميع .. ضغط عالي اعجبتني كلمتك لما قلت
صح حتى الغير جيد يبحث عن الجيده لكن هي لها حق وش المانع مايكون هو جيد ؟ ويحسن نفسها . مثل ماانتم تبون زوجات والنعم فيهم حتى النساء يبون ازواج والنعم فيهم والحمد لله بعض الزوجات قادره مع الايام والصبر انها تغير من زوجها للافضل الله يوفق الجميع
|
#10
|
||||
|
||||
مرحبا
عشت جو معكم وبديت انقذ من معكم ماشاء الله عليك ياضغط عسااااك ع القوه دوووم وربي يرزقك بالزوجه الصالحه الي تصونك وتراعيك والزوجه هذي ايماااانها قووووي قلبها متعلق بالاحجاب وصيانه نفسها وهمها الوحيد دينها والحفاظ عليه فالانسانه الي من هالنوع بديهي بالظروف الصعبه يكون هذا تصرفها لان الانسان بحاله ضعفه يظهر ع حقيقته يعطيك العااافيه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |