![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع | تقييم الموضوع | انواع عرض الموضوع |
#1
|
||||
|
||||
![]() بنات وينكم
ابغى منكم كل وصفات الكبسة وطرقها اللي جربتوها ابغى اسويها مشتهيتها وما اكلتها بيوم لاتردوني ما ابغى اللي يعزمني عليها ابغى اتعلمها واسويها بروحي وخبركم شنو صار معي
|
#2
|
||||
|
||||
![]() وش دعوى يامغربيه..يعني مايعرف للكبسه الاالحريم؟
يكون بعلمك طبخ الرجال احسن من طبخكم ![]() أناأقول لك: انابصراحه ماأعرف كيف أقول لك وزن المقاديرلاني اعرفها من الشكل لكن بحاول اقول لك قدرالمستطاع.. وانتي اذاكنتي طباخه ماهره راح تعرفين ![]() المهم بسم الله نبدأ نفرض انك عزمتي المهره وشيخة العز..وتبين كبسه لثلاث أشخاص.. المقادير 1 تقطعين بصله تقطيع صغير 2 طماطتين تقطيع صغير 3 ربع كوب زيت طبخ 4 دجاجه او لحم حسب الرغبه 5 نصف كوب صلصة طماطم 6 شوي بهارات 7 ملح 8 ثلاث اكواب رز الطريقه: 1 سخني القدر 2 حطي الزيت 3 حطي البصل وحركيه لمايتغيرلونه 4 حطي الطماط 5 اللحم اوالدجاج 6 حطي الصلصه 7 حطي البهارات 8 حركيهم حوالي خمس دقايق 9 حطي مويه تقريبا ثلث القدر (على حسب كمية اللحم والرز) 10 حطي الملح 11 غطي القدرواتركيه يطبخ (نصف ساعه للدجاج)(45دقيقه للحم) 12 حطي الرز 13 اتركيه يطبخ على نارهاديه حوالي 45 دقيقه بالهناءوالشفاء
|
#3
|
|||
|
|||
![]() بسم الله الرحمن الرحيم
السلام عليكم ورحمة الله وبركاته ابشري بسعدك حبيبتي .. مغربية .. وأخوي .. السندباد .. ما شاء الله عليه فزع وكتب لك طريقة الكبسة .. أنا مثله اطبخ بدون مقادير محددة .. بكتب لك احدى طرقي في الكبسة .. يارب تعجبك وتدعين لي .. ![]() المقادير .. - لحم أو دجاج مقطع حسب رغبتك .. - بصلة كبيرة مقطعه قطع صغيرة .. - حبتين طماطم مقطعه قطع صغيره أو معصورة .. - رز بسمتي ( مزه ) .. - حبتين ليمون اسود + عود قرفة + 5 حبات هيل .. - ملح وشوي بهارات مشكلة .. - فلفل أخضر .. - زيت نباتي .. - ماء مغلي .. الطريقة .. - أول شي تغسلين الرز زين ثم تنقعينه في موية مغليه لمدة ثلث ساعة .. - نسخن القدر ونحط فيه الزيت ونسخنه ثم نضيف له البصل ونشوحه لين يذبل .. - بعدها نضيف اللحم أو الدجاج ونشوحهم مع البصل ونضيف لهم شوي بهارات والملح والقرفة وحبة فلفل أخضر .. - نضيف للحمة أو الدجاج الماء المغلي ونتركه على نار متوسطه ( الدجاج نصف ساعة ) و ( اللحمة ساعة أو تزيد شوي ) حسب نوع لحمتكم هههههههههه .. - بعدها تشيلين اللحمة من المرق وتشوحين بصل في زيت وتحطين عليه الطمام وتركينه لين يتشوح زين .. - ثم تصبين عليه مرقة اللحمة بعد ما تصفينها وتتركينه على النار يغلي .. - تغسلين الرز مرة ثانية وتحطينه على مرقة اللحمة والطماط وتضيفين له حبات الهيل والليمون الأسود والفلفل الأخضر .. - تتركين الرز يغلي على نار قوية لمدة عشر دقايق ثم تقصرين عليه النار وتخلينها نار واطية جداً .. - بعد ربع ساعة هاتي قدر صغير وحطي فيه شوي زيت ثم سخنية على النار وضيفي له بصل مقطع وحركي البصل حتى يذبل .. ثم حطي على البصل بهارات مشكلة ولون أصفر أو كركم وشوي فلفل أسود .. وحركيه على النار حتى يتجانس .. بعدها حطي على البصل زبيب وصنوبر محمص في زيت .. حركيهم زين ثم حطي هالخليط ( الكشنة ) على سطح الرز .. وغطي القدر واتركية لمدة ساعة ..( احسبي الوقت من حطيتي الرز على النار ) .. - الدجاج طبعاً حطي عليه خلطه وحمرية في الفرن .. - لا جيتي تغرفين الرز شيلي ( الكنشة = البصل + الزبيب + الصنوبر ) وحطيها على جنب ثم اغرفي الرز في صحن التقديم بعدها وزعي عليها الكشنة وحطي بالوسط الدجاج أو اللحم .. وبالف عافيه على قلوبكم مقدماً .. واي استفسار أنا حاضرة وفي الخدمة يا الغلا .. حفظك الله محبتك بنت نجد
|
#4
|
|||||||||||||||||||||||||
|
|||||||||||||||||||||||||
![]()
هههههههه مشكور وما قصرت ما توقعتك تجاوبني بس قولي وش هي البهارات يمكن تكون مو متوفرة عندي بالمغرب
|
#5
|
|||||||||||||||||||||||||
|
|||||||||||||||||||||||||
![]()
وعليكم السلام ورحمة الله مشكورة وما قصرت يا الغالية بس يمكن اتعبك شوي معي الليمون الاسود ما عندنا بالمغرب يمكن اعوضه بالليمون عادي وشو هي بقية البهارات لو تكرمتي وشكرااااااااااااان
|
#6
|
|||||||||||||||||||||||||
|
|||||||||||||||||||||||||
![]()
العفو حبيبتي .. مغربيـة .. وتعبك راحة يا الغلا .. بالنسبة لليمون الأسود خلاص ماله داعي لاصار غير متوفر عندكم .. والبهارات نسويها من ( كمون + كزبرة + فلفل أسود + هيل + قرفة + ليمون أسود بعد ما نشيل منه الحبوب اللي بوسطه لأنها مرة ) .. نطحنهم سوا وتطلع عندنا البهارات .. ولا زلت في خدمتك يا عسل ![]() حفظك الله محبتك بنت نجد
|
#7
|
|||||||||||||||||||||||||
|
|||||||||||||||||||||||||
![]()
مشكورة يا الغالية وتسلم ايدينك على الوصفه الحلوة والصورة اللي تشهي بسويها ان شاء الله بالعيد واخبرك شنو حصل معي الله لايحرمني منك
|
#8
|
|||||||||||||||||||||||||
|
|||||||||||||||||||||||||
![]()
وين يالسندباد 45 دقيقه للحم والله لو هي لحمة فاطر أو كديش لا يضحك عليك ويخليك تهرسين اللحمه بس حبيت أشارك
|
#9
|
||||
|
||||
![]() هههههههههههههههه مستغرب
يااخي ياأطبخ معنا...ولالاتخرب علينا اللي على المدرج يتفرج ![]()
|
#10
|
|||||||||||||||||||||||||
|
|||||||||||||||||||||||||
![]()
مستغرب عطينا طريقتك للكبسة ولا تفتن ترى المضوع جدي وليس سوالف
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |